|
أنواع التنسيم في ميامي ...!! ((( الجزء الأول ))) السلام عليكم ورحمة الله وبركاته ... مساء أو صباح الخير للجميع ... ****************************** والله ياشباب ودي أحكي لكم سالفة ماعمرها صارت ومستحيل تصير ... بصراحة سالفة صارت لي أنا وحبيبي المتميز قبل ثلاث سنين ... وكان أيامها الناس كلها ما تصيف إلا في ميامي (( والله من النصب )) ... طبعاً صحيت الساعة 2 الظهر من النوم (( والله من قلة الخاتمة شباب آخر زمن )) ... وأناظر الجوال إلا أزين ما أشوف رقم هالأقشر المتميز ... داق علي خمسين مررررة ((( قوية صح ...!! ))) ... المهم صحصحت زين وأدق هاك الفطور في عز الظهر ... وأقرب ثلاجة الشاهي ... وأجيب الجرايد ... وأعطي المتميز أشكل ... قلت وش يبي هالدلخ مع الصبح ...!! وتعرفون صويحبكم سفر مسيكين وعلى قد حاله ... والصيف بدا وجالس يناظر بهالجرايد يشوف العروض الرخيصة :o ... ويدور دولته المفضله ... مايبي إلا سوريا ... لكنه مسيكين مالقى ...!! قلت في نفسى ما تبي كلام شغل السيارة يا ولد وخلني أمر هالمنسم المتميز وأخليه ياخذ جوازه وأندقها سفرية على السيارة لدمشق ... طبعاً أنا خابر المتميز ما فيه أزحف منه ... لو أقوله مشينا على رجولنا ما يقول لا ... ويالله وأطلع وأدق عليه جوال قبل ... المتميز : مرحبا ... سفر : هلا حبيبي وش هالاتصالات كلها ؟؟؟ المتميز : يا جعلهم يكسرون راسك قل آمين ... سفر : أفاااا ليه ..؟؟ وش أنا مسوي ...؟؟ المتميز : يا أخوي من الساعة 5 الفجر وأنا أدق عليك وأنت أشكل ما ترد ...!! سفر : يا خوي نايم ..!! وش تبيني أسوي ؟؟؟ المتميز : نامت عليك طوفه قل آمين ... سفر : طوفة تشق راسك يالافدغ ... المتميز : ياخوي حرام عليك كان فيه رحلة يحبها قلبك وبلاش بدون فلوس التذكرة مجانا ... سفر : أفاااااااا وين ..؟؟؟ المتميز : ميامي ... حسبي الله عليك يا سفر حتى ميامي حرمتنا منها ... سفر : ياخوي لا تزعجني دقايق وانا عندك جهز القهوة والغداء إذا عندك ... المتميز : تعال حسبي الله ونعم الوكيل ... سفر : يالله باي ... المتميز : باي ... وبعدها جلست أفكر ياولد الرجال يقول ميامي وأنا من زين هالوجه أقوله سوريا ... وأخوكم بالسيارة مشغل في المسجل ((( فدوه لعينك فدوه ... يا ابو الضحكه الحلوه :D ))) ... وآخر إنسجام وجالس أدابك بهالسيارة تقول ماسكني كهرب :eek: ... المهم بعد تفكير قلت في نفسي بلا ميامي بلا خرطي ... سوريا وتخب علينا بعد ... وكلها دقايق وانا عند باب هالاقشر المتميز ... وعند البااااااااااب طااااااااااااااااااااااااااااط طاااااااااااااااااااااااااط ... اللي بالحارة كلهم طلعوا ... واللي يسب واللي نازل وده يتوطى في بطني ..!! ... والحمد لله طلع المتميز وسحبني بسرعة لداخل البيت ... وإلا الحبيب مجهز القهوة والعلوم الطيبة كلها ... ونتقهوى ونسولف ونضحك ... ووصل وقت الجد ... المتميز : سفر أنا جاني عرض نسافر لميامي وبلاش وضيعته ...!! وهالحين جاني نفس العرض من نفس خويي الساعة عشر بالليل بعد يومين الرحلة ...!! خذ جوازك وجوازي وخلنا نزينها من السفارة الأمريكية ... سفر : ياحبي لك يالمتميز بنروح أمريكا مرررررررررة وحده ... طيب وش رايك نخلي الرحلة الرياض - دمشق - ميامي ...!! ((( أنواع التنسيم في دمشق :D ))) المتميز : أقول يا سفروه والله لو ماتعقل أنت ودمشق هذي لأشق وجهك ... سفر : خلاص عقلت يا الأمريكي ... المهم ومن الصباح اليوم الثاني ونجهز الجوازات وعلى السفارة وقالوا تعالوا بكرة تأخذون الفيزه لدخول أمريكا ... وفي اليوم الثاني أخذنا الفيزا وجهزنا شنطنا ومشينا للمطار بالليل ... وفي المطار نقابل صاحب المتميز وهو ياخذنا بارقابنا وعلى الطيارة بعد ما ختم جوازاتنا ... وقال خلكم بآخر مقعدين :( ... والله من الفشيلة ... المهم صبرنا على هالبلوه ومشينا ... وثلاثطعش ساعة طيران ... أووووووووووف ملينا ... لكن يازين الحريم بالطيارة :rolleyes: ... وصلنا المطار ونجيك مدرعمين ونجي عند الجوازات ... وهو يقوم يسألنا بالعنجليزي ... وحنا ما عندك أحد ..!! ويجيبون مترجم سوداني وساعتين يالله فهمنا كلامه وعلمناه باللي نبي ... وهم يختمون هالجوازات ... وأنا في نفسي أقول يازين سوريا :eek: ... ومن دخلنا داخل المطار وأخوانكم تقول شاربين لبن ;) ... وهذا يطارد هذي والثاني يطارد هذيك :p ... ماعمرهم شافوا بنات مقلعات كذا ... وخمس ساعات في المطار من التحويس والإقلاع طلعنا بالتاكسي ... ومع اول لفة من المطار وقف التاكسي وطردنا ... الرجال له ساعة يسألنا بالعنجليزي وحنا ما غيير ييس ونو :rolleyes: ... ما نعرف إلا هالكلمتين ...!! وننزل ونقوم نأشر في الخط ... أنواع الفضايح ... وبعد ساعة وقف لنا هذاك اللبناني وش حليله ... ومعاه هذيك الشقرا :D ... ((( ما قلتلكم قليلين خاتمه ))) ... وأنا أقوم بعويناتي مغير أغمز ;) ... والمتميز أستانس على السوالف مع هاللبناني وجالس قدام يبربر معه ... وأنا جالس ورى مع الشقرا تقول قطو شايف له فار :D ... وأقوم أسوي قدامها مثقف ... وأجيبلك هذيك السوالف اللي تسد النفس ... وأقول أنا جاي على الطيارة بلاش وجالس أتفاخر أثاريني فشلت نفسي وفشلت الاقشر اللي معي :o ... وقام المتميز يتنحنح ... وسفر ما عندك أحد :p ... دايخ مع هالشقرا ... وهي تقول (( تأبرني ))) ... قلت لا والله نقبر المتميز أصرف :D ... *********** أقول بعدين الجزء الثاني *********** ولكم تحياتي ... أخوكم / سفر المرزوقي . |
ياحبك للفضايح .... ياخوي ماتعرف تمسك لسانك انت يعني لازم تشوه صورتنا قدام الناس وتطلع العلوم الخاثره حسبي الله عليك ...... على العموم تراي طلعت الفيزا وجاهز والوعد مابي اشوفك الا بالطياره وابشرك هالمره ماراح نروح لميامي ..... |
وين يابو الشباب أنت وياه :cool: ,,, وش اللي ميامي ودمشق وسواق لبناني معه وحده شقرا :D ,,, أنت وياه وجيهكم وجيه سفريات ؟؟ ( سفريات ولا متميزيات ؟ :) ) ؟؟ ,,, حدّكم الشميسي ولا تفيضون شبر عنها ,,, أنت وياه لو تبعدون عن منفوحه ولا الشميسي ولا البطحاء كان جاكم تسمم بيئي :cool: ,,, هذي وجيه ميامي يالداجين ؟؟ ,,, خابركم إذا بغيتو تطلعون من الشميسي تاخذون جوازات سفركم على بالكم بتروحون ديره غير ديرتكم :cool: ,,, تسقط السياحه الخارجيه .... وتسقط ميامي .... وتسقط الزبداني وبلودان ... وتعيش أبها البهيه ... وتعيش السوده ... ويعيش التللفريك :rolleyes: ,,, |
سبحان الله اول ما سفت الموضوع كاتبه سامي واول من رد ولد النجيدي قلت ما بدهاش بناكل اليوم ملوخيه هههههههههه قلت اكيد يدبرون لانتاج ارانب جديده وانا اللي ادخل :D على فكرة لا تنسون هديتي من ميامي :p |
هلا والله بسفر : اخوي كيف الحال ؟؟؟؟ ميامي حته وحده يا الارنب والله شكل الارانب راح تدهر ها الايام , والله شكل ولد النجيدي معديك بقوة بقلة الخاتمة . اصبر راح اعلم عليك ابوك <=== وين طلعنا بزارين . يا شباب اذا رحتوا لاي ديرة قولوا لي علشان اوصف لكم البيت حقي <==== صفقني . |
ههههههههههههه عااد ميامي ويـــــــــــــــــن يخوي ليش ماقلتولي انا والشقراااات نصلح<==== واحد مسوي نفسه. بس تراني انتظر الجزء الثاني يله بسررررررررررررررررعه ودي اشووووفه,,, يخوي وينه انت قلت بتجيبه........ بس حلووووووة السفره:p :p :p |
اجل ما تعرفون الا ييس ونو .. ومتكي ورا مع الشقرا:D :D خخخخخخخخخ يلعن ام التسيم اللي كذا :D :D تكفى اخوي سفر لا تبطي علينا بالثاني ...,,,, |
سفر...المتميز؟ ورى ماخذتوني معكم أنا ....أعرف أكثر منكم ؟ أعرف ...يس ونو...بالأضافة الى...هاو..أر..يو ...وكيف الحال... بالعنقليزي بعد ...وأعرف سوي سوي بالعنقليزي .... وأطلب لكم غداء وعشاء ...بكلمات عنقليزية;) لاتنسوني المرة الجاية والا بتضيعون بدوني ....يالعنقليزيين:cool: لبنانية وشقراء بعد ... وضاعت علومك ؟ |
حلوووووووووووووووووووو ميامي ســ9ــامــ9ــي اقول لا تبطي الجزء الثاني ترانا نحتري بس حلو كنكم شاربين لبن :D :D :D :D :D :D :D :D :D :D |
أصبروا علي راجع لكم ... مع الردود والجزء الثاني ... الجزء الثاني منه مقتطفات ... قصة لقاء توم كروز وسلمى الحايك ...!! الغرام بين سفر وسلمى ...!! قصة العودة من ميامي ...!! سبب الذهاب للبنان بدلاً من الرياض ...!! أنتظروا بس ...!! ولكم تحياتي ... أخوكم / سفر المرزوقي . |
هههههههههه الله يرجكم والله الارنب طلع من الكمبيوتر و كان بيعضني بس هربت ترانا على احر من الجمر ننتظر الجزء التاني و بعدين وش هالمقتطفات ولا تقول انك جريدة الرياضية و هم يكتبون المانشتات حقتهم اللي تسم البدن و تقرا الموضوع يطلع فشوش بس انشالله موضوعك مو فشوش |
مرحبا اخواني سفر والمتميز .. (( ابطال القصه )) .. ما اقول الا الله يفشلكم .. لو رايحين سوريا اصرف .. عجّل بالجزء الثاني .. :):) |
ممـــــكـن ســؤال وشــــوله وقـفـلـكـم اللـبـناني :confused: ;) تـكـفـى الجــزء الثـاني شـكـلـه رهـيـب :p :p :p |
| الوقت المعتمد في المنتدى بتوقيت جرينتش +3.
الوقت الان » 12:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd