الرسالة الاولى
مرت أجيال وتعاقبت نجوم
ولا زالت أرض الكويت عصية على أي فوز سعودي على مستوى المنتخبات الاولى

فمن جيل سعيد غراب وخالدالتركي وشلتهم

إلى جيل المحنط هارون وعبدالجواد وطقته (إلا من رحم ربي)

مرورا بجيل أبوميمون جميل ومسعد وربعهم (إلا من رحم ربي كذلك )

وأخيرا ممادو نور وكديشه

لازال الكويتيون يفاخرون ويلمزن من قناتنا بقولهم ماقد فزتوا علينا في أرضنا

تماما كما كان البحرينيون يقولون ويرددون



إلى أن جاء الذيب وتحت قيادته وبمشاركة فاعلة من الشيحان

وبعد تخلصنا من أجيال الانهزاميين واللاعبين أصحاب المصالح الشخصية

إستطاع الاخضر من دك الحصون البحرينية في وسط المنامة برباعية لاتنسى كأول فوز سعودي
على المنتخب البحريني في عقر داره

ونحن إن شاء الله على موعد معك يا أرض الكويت بأول فوز سعودي

بعد أن كشر الاخضر عن أنيابه وبعد أن كشر كالديرون عن ضروسه هو الاخر
لننهي أسطورة منتخب كويتي لايخسر على أرضه

وعلى طاري كالديرون ... هذه الرسالة الثانية

في إعتقادي

أن تعمد كالديرون المشاركة بمجموعة من الكديش أياهم في المباريات التجريبية
قبل ملحمة أو معركة كوريا الجنوبية الماضية

كانت كالطعم أو الخدعة التي إبتلعها بونفرير هو وضروسه وبكل غباء
وعلى أساسها بنى هذا الاخير توقعاته بالفوز السهل

ولا هل من المعقول مشاركة ناس مثل شريفي أخوان أو الشايب يسري الباشا بدلا من
النجم العنيد ياسر القحطاني

الذي أوجه بمناسبة الحديث عن ياسر الرسالة الثالثة إلى أعضاء شرفنا الكرام
وأقول لهم

ياسر القحطاني ثمرة وقد أينعت وأستوت
وحان وقت قطافها

بدلا من أن يذهب لناد آخر ونندم على ذهابه

وبالتوفيق للأخضر

ونشوفك أسمك ياذيبان مع القلة القليلة من المبدعين
الذين سطروا أسمائهم بحروف من إعجاز في كؤوس العالم وسجلاته

انا رسالتي لكويتين ...... لا تكسرون سيارات ولا باصات ولا تحذفون حجر .... تراه كوره
وانشاءالله نفوز على الكويت ونبقى على رأس المجموعه

اول شي شكرا وشكرا ووالف شكرا لمشاركتك وثقافتك الكرويه العاليه بالتاريخ
وبنفس الوقت انا رياضي كويتي افرح لفوز بلدي واحزن لخسارته

وبنفس الوقت هناك نقاط كثيره يجب ان نحطها بالعتبار الا وهي

الكويت / جميع مبارياته الدولية التي تقام على ارضه يفوز بها بنسه 85% هذا مايصنفه التاريخ
وبنفس الوقت

الكويت والسعودية ديربي خليجي جميل كل منتخب يقدم افضل مالدية الا ان هناك اسلحه خفيه في المباريات غير الاعبين والمدرب
الجمهور الكويتي / له رونق خاص في ديربي الخليج مع المملكه العربية السعودية ويحاول الاعبون يقدمون افضل مستوى امام السعودية ولو الكويت تقدم نفس المستوى وبنفس الروح اامام جميع الفرق نفس ماتقدم امام المملكه لكان متصدر المجموعه بدون منازع ....

مبارة الكويت والسعودية مبارة غض النظر عن التصفيات هي بطولة بالنسبه للجماهير الرياضية السعودية والكويتيه لما يتمتع به المنتخبين من التاريخ الحافل من البطولات والانجازات لكن انا اقولك ليما نحظر للملعب ونشجع منتخب الكويت ضد السعودية يكون نفس الشحن القوي للمنتخب ليقدم افضل ماعنده وسوف ترى مدرجات استاد الصداقه والسلام مملوءة بالكامل

حادثه طريفة كنت جالس في ديوانية سئل واحد من اللي يعرفهم يفلان انا اذكرك ماتحب الكوره قال اي مااحب بس مبارة الكويت والسعودية من طلعت على الدنيا اطالعها غيرها مااطالع هههههههههههههههههههههههههههه يعني ديربي خليجي قوي وبنفس الوقت الارض والجمهور له دور ياخوان سلاح ذو حدين يايفيدك يايضرك

ونتمنى التوفيق للازرق ولا خضر
وبنسبة لاخوي يقول قوارير وحجاره اي واحد بالمنتدى يبي يحضر المباره اللي بالكويت انا شخصيا اتكفل في سكنه وضيافته وحضور للملعب وحجز المقاعد له ولو ماشلته لارض تشيله عيوني

اخوكم ناصر

8
8
8
هذا الجود والكرم ;)


بالتوفيق للاخضر والازرق ..
واتمنى من الله ان يفوز الازرق على منتخب كوريا في الكويت فقط لتلقين الكوريين درس اخر من فنون الكره الخليجيه

كريـم أبن كريم يانـاصر..!!

وهذي عـادات خليـجنا الكرم والجـود..!!

وتراها مبـاراة ياشباب يعني خـذوها بـرووح رياضيه


خلـيجنا واحـــــد

بس أنا مقـهور ولا مباراة فـزنا عليكم على أرضكم


بالتوفيق للأزرق الكويتي والأخضــر السعـوودي..!!

وأن شاء الله جمـهور الأزرق يطرب ويمتع كالعــاده..!!

والله يستـر..

انشا الله نشوف مباراة حلووووة ....

ان شا الله نشوف مباراه ممتعه وحلوه
ويسلمون لاعبين المنتخب السعودي من الحجاره

والنتيجه ان شا الله 3/1 للاخضر

باذن الله

إقتباس الرسالة الأصلية كتبت بواسطة crazy_boy1984 انا رسالتي لكويتين ...... لا تكسرون سيارات ولا باصات ولا تحذفون حجر .... تراه كوره وانشاءالله نفوز على الكويت ونبقى على رأس المجموعه

متى الكويتيين كسرواااااااا آنااااااااا احضر كل مباراة للكويت متى سوت جذي؟
أنشاااااااااااااالله التوفيق للنتخب السعودي و الكويتي

يجماعه الناس مو واحد

يعني انت لو تبي تمشي في شارع في سيارتك تعتقد كل اللي يسوقون سيارت بالطريق صاحين
فيهم السكران وفيهم المريض وفيهم المهموم وفيهم السرحان

الجمهور سوى كويتي ولا سعودي فيهم المتعصب فيهم الفاهم فيهم الرياضي فيهم الجاهل فيهم الحقود فيهم المخرب فيهم المزعج في المشكلجي صاحب المشاكل

وانا عن نفسي جمهور الكويت والسعودية المفروض مدرجهم واحد لانهم اخوان اذ فاز الكويت ولا السعودية نفس الشي حالت الثوب رقعه منه وفيه يعني شعب الكويت جاي من المريخ
60% من شعب الكويت كلهم سعوددين وصلهم سعودي ومنبعهم ولهم قرايب واهل ونسايب وعيال عم وخال وخاله وغيره
30% عراقيين
10% ايرانين

يعني في حضر وبدو وقبائل بالكويت
نفس الشي السعودية نفس الحضر ونفس القبائل ونفس العوائل

يبا خليجنا واحد وشعبنا واحد واللي مو عاجبه يطق راسه بالحيط

آآآآآآآآآآه بس آآآآآهيالفوز على الكويت باربعه تكفــــــــــــــــــــــــى يالرامي

ههههههههههههههه
والله ادش وسلم على اخواني بالمنتدى والمباره فايز وخسران كلنا اخوان

بصراحه بديت اخاف شباب

كانت النيه ان شالله على الكويت

بس دام الشغله فيها تكسير وحجاره يمدحو التلفزيون

امزح طبعا

ان شالله الوعد ملعب الصداقه

واذا احد عنده فكره عن الباصات وترتيبها ياليت يعطينا خبر

مشكورين

مافي خسران اعتقد في مباره السعودية والكويت

كلنــــــــا فايزين

بس اذ تعادلنـــا احس اننا خسرانين لان ضيعنا على بعضنا ثلاث نقط لكل منتخب

بس مباره الكويت والسعودية صارع وفن وقوة واداء وبنفس الوقت العامل النفسي راح يلعب دور كبير في المباره ولا انتم شرايكم