وكأنه لا يوجد وسط أيمن إلا تيسير الجاسم يا كالديرون ؟؟؟
 

غريب أمر كالديرون ??? عندما يتجاهل أسماء لامعة في الوسط الأيمن :wallbash: ويشرك المتواضع قليل الخبرة تيسير الجاسم ؟؟؟ على الرغم من أن تيسير نفسه لا يلعب مع فريقه كوسط أيمن وأنما في المحور !! :confused: والذي يلعب في هذا المركز مع ناديه الأهلي هو الشاب محمد مسعد والذي قدم مستويات رائعة وهذا ما يدعوا للتعجب فعلا !!! :confused: فإذا لم يلعب مع ناديه في هذا المركز فكيف يلعب مع المنتخب ؟؟؟؟؟؟؟
فتوجد أسماء كثيرة برزت في الجناح الأيمن بالدوري السعودي سواء صغار السن أو لاعبي الخبرة وهم أفضل بكثير من تيسير أبرزهم :
مشعل الموري ( الهلال ) , محمد مسعد ( الأهلي ) لاحظ في الأهلي !! , حسن معاذ ( الشباب ) , عبده عطيف ( الشباب ) , حسين النجعي ( الأتفاق ) , إبراهيم ماطر ( النصر ) , عبده حكمي ( القادسية ).....وعدم ضم هذه النجوم في المنتخب يضع أكثر من علامة استفهام خصوصا وأن الجناح الأيمن أضعف خطوط المنتخب حاليا ويفتقد للمساندة والنزعة الهجومية .

أرجو من الاخوان التكرم بالمشاركة وابداء الرأي وشكرا

السبب بسيط

كالديرون لايرغب في لاعب وسط ايمن ذو نزعة هجومية

يعني كالديرون استغنى عن الدوخي لانه ضعيف دفاعيا ... واستبدله بقلب دفاع ( البحري ) ليلعب ظهير ايمن لايتقدم ابدا

ووضع امامه لاعب وسط دفاعي ( الجاسم) ..قليل للتقدم ... وملتزم باداء الادوار الدفاعية .. وفوق ذلك حيوي ومتحرك

اما لماذا فعل كالديرون ذلك ... فالظاهر ان كالديرون مدرب خواااااف ..... يعني يهمة انه مايخسر ... ويخشى التقدم حتى لو كان اللي قدامة اضعف منه

[align=center]السلام عليكم

بكره يرجع نواف ويطيرهم كلهم بإذن الله

المنتخب ناقصه نواف بس الله يرجعه بالسلامه

حسبي الله عليك يا محمد نور انت وجيلسي

فـ مان الله .. [/align]

شكرا على مشاركتكم ... وبإذن الله سيعود نواف ليسد هذا الفراغ كما كان وأفضل .
صحيح ان الجاسم افضل من البارد سويد .
لكن شئ يحث بالنفس فعلا اذا رأيت لاعبين افضل في الاداء الهجومي من الجاسم لاعب المحور بناديه اصلا :confused: هم الآن يلعبون مع فرقهم بالدوري :rolleyes: ....

والله انا اشوف ان تيسير مبدع

ياخي حنا عندنا مشكلة

من يوم يقوم المدرب ويحط لاعب في غير مكانه ننتقده على طول

مايهمنا وش قدم هاللاعب

وهل كان جيد ام لا؟؟

تيسير قدام كوريا كان احد نجوم اللقاء

اما الكويت ابدع دفاعيا وقدم ماعليه

عاد للاهلي وصنع الهدف الاول لروجيرو ضد الاسماعيلي

ومرر الكرة اللتي جاءت منها ضربة الجزاء

ياخي بالله عليك فيه واحد من اللي ذكرتهم احسن منه..

خلك واقعي ورد علي

تييسر لاعب عادي

يارجااااال كالديرون ذا تسميه مدرب؟

والله حرااام

جبيلاوي :confused: :confused: آسف على التاخير لعدم رؤيتي لمشاركتك ...
يا جبيلاوي انت اللي خلك واقعي :rolleyes:
طيب ليه ما يلعب الجاسم نفسه بالوسط الايمن مع الاهلي ام انه فعلا مسعد الصغير افضل منه ؟؟؟؟
وهذا في ناديه فكيف بمنتخب كبير مثل المنتخب السعودي ؟؟؟؟
والله سؤالك عجيب تقول فيه احد احسن منه من اللي ذكرتهم ؟؟؟
نعم فيه الموري ؟؟؟ شاهد الفرق بالمهارات والسرعة بالله عليك ايهم افضل :confused: وفيه ايضا لاعب الخبرة ماطر والآن يقدم افضل مستوياته مع النصر ؟؟ وايضا زميله مسعد مع فريقه ؟؟؟ كذلك عبده عطيف لاعب من طراز رفيع ومن نوعية الثنيان ولكنه مظلوم ومهضوم حقه .. وكل هؤلاء لم يجدوا المساندة والدعم من كالديرون وانا اسالك بالله عليك كنا نعرف الجاسم قبل استدعاءه من كالديرون ؟؟؟ واكيد اي لاعب يستدعى للمنتخب راح يشتهر وهي ضربة حظ لبعض اللاعبين لكن وين اللاعب السنع واللاعب المناسب في المكان المناسب ولا تعتقد ابدا ان كالديرون اختار افضل اللاعبين صحيح اختار مجموعة جيدة لكنهم ابدا ليسوا افضل الموجودين واللي يقهرنا بزيادة ان هذه الاسماء تلعب مع فرقها وتبدع معها حاليا وكأن كالديرون يتابع الدوري الارجنتيني وليس السعودي :confused: :wallbash: :wallbash: :wallbash:

تيسير الجاسم قصير القامة وجسمة ضعيييف جداً وحتى مناولاته وتسديداته ضعيفة جداً


ولو اتينا بمشعل الموري من ناحية الجسم والطول والتحركات لوجدناه أفضل بكثير من الجاسم


ولو أتينا بإبراهيم ماطر من ناحية اللياقة والخبرة والمهارة ووووو لوجدناه أفضل من الموري والجاسم


أما من ناحية الظهير الايمن فأنا ارى أن الدوخي هو الأنسب من ناحية المهارات والعرضيات أما البحري فلم

نشاهد منه العرضيات والنزعات الهجومية سوىالرفعة اللي رفعة لياسر في دورة التضامن الإسلامي في

المباراة النهائية

-------------------------------

بسم الله الرحمن الرحيم

بالنسبة للراي اختلف معاكم شوي في بعض النقاط بالنسبة للمدرب يجماعه كل مدرب له طريقة لعب ومفاتيخ يستخدمها ليكسب لا يخسر يعني يجماعه مافي مدرب يبي يخسر لكن المدرب يعرف الاعب المناسب للخطه التي يريد ان يضعها في التصفيات فلا تقسو على كالديرون ولا غيره

لان فعلا انا كنت من الناس اللي دائما اقسي على المدربين بس اكتشفت بعدين ان اكثر الاخطاء من الاعبين وذلك عندما يكون تكتيك المدرب صحيح وخطا لاعب واحد يخرب كل تكتيك المدرب الذي عمله وتعب عليه وشكرا

والله قهر يحرق أعصابنا ولد الجاسم وعندنا أفضل منه بمراحل وعندهم ثقه في أنفسهم :wallbash:

باختصار شديد الجاسم صحيح افضل من سويد ولكنه ليس افضل جناح ايمن حاليا ؟؟؟ ويوجد من هم افضل منه

وانا اوافقكم اراي

اوكي الحضاري

شكرا على الرد

طيب

انت تقول الموري؟؟

طيب الموري صغير وانت اللي يجب ان تكون واقعي

يعني الموري حتى مالعب موسم واحد

كلها كم مباراة مع الهلال ..

انا اشهد الولد شااااااطر

بس ياحبيبي يبيله وقت

يعني مو سالفة كل مايبدع لاعب في كم مباراة قلنا ودوه للمنتخب.؟؟

وبالنسبة لعطيف ياخي خلك واقعي

ابن عطيف مستواه متذبب وغير مسقر

حبه فوق وحبه تحت

وماطر اخوي راحت عليه

يعني انا شفت مباراة النصر والقادسية

ياخي يالله يشيل عمره

يعني انا اشوف انه مو مايستحق الاخضر

اخوي الغالي

صدقني الجاسم الافضل حاليا..

ياخي مو شرط انه يكون لاعب وسط ايمن عشان يبدع

ياما لعيبة تغيرت مراكزهم وابدعو

وماصار شيء

يا اخي الجاسم حتى مع الاهلي

لعب في مركز الوسط الايمن وابدع

وبصراحه افضل بكثير من مسعد

اللي تحسه يحاور نفسه ولا يعرف يوصل كور

عالعموم لكل منا وجهة نظره

واتمنى التواصل

وشكرا على رسالتك الخاصة وردك اخوي الحضاري

وربي يعطيك العافية