الحمدلله على كل حـــــــــــــــــال


وبالشكــــر تــــــــــــــــدوم النـــــعم،،،،


ترددت كثيرا بطرح موضوعي الذي هو بين ايديكم !!!!! والسبب هو تشبعنا من المواضيع الرياضيه لان البعض(( قرف)) شى اسمه كوره!!! وصــــراحة ماينلام


لكن حبيت اني اقدم لكم موضوع يخص كل هلالي غيور على ناديه (( أياً كان موقعه)) ،،، والهدف من هالموضوع معالجة السلبيات اللي (( طحنا)) فيها الموسم اللي فات اللي حققنا (( خمس بطولات بس))


والهدف من موضوعي هو (( التصحيح)) لان الموسم الجاي واللي بيبدا بعد شهريين (( مقبليين على بطولات محلية وخارجية)) مجموعها 5 بطولات وماهي بعيدة (( يضفها)) الهلال اذا لقى دعم مني ومنك انت ياللي تقرا كلامي!!!!!!!!


صراحة حنا ياجمهور الهلال مغبونــــين بالهلال!!!! ياجماعه لو تقرون مواضيع المنتدى(((( طوال)))) السنه تشوفها تتحدث عن (( نبي فلان ،، وخروا فلان،، الحكم فلان ظالم،، الجريدة الفلانية قالت كذا 0000 وقس على كذا)) ومع هالكلام الواجد وبالاخير بطولات وسعة صدر وفلة حجاج ،،،، أجل وش يقول غيرنا اللي (( يمسون)) على تصريح و(( يصبحون)) على نفي!!!! وبالاخير (( عيونهم شّهبت )) من مناظرهم للفضه وتقلدهم على نحورهم!!!!



أنا ما أقول ان مطالبنا بالمنتدى(( مستجابة)) !!!! بس على الاقل الواحد منا اذا كتب (( حس ان فيه ناس يقرون كلامه وهالناس بينقلون كلامه للمعنيين)) وكم اسعدني ان اغلب مواضيعنا توصل للمعنيـــيين وهذي بحد ذاتها حلوة للكاتب (( المخلص))!!!

عـــــــــــــــــــــــــــــــــــــــــلى بـــــــــــــــــــــركة الله::::::::::::::::::::

موســــــــــــــــــــــــــــــم ممل (( مشاركات وتوقيفات ومع ذلك بطولات ))

موسم (( 1421)) موسم ممل من ناحية المشاركات لهلالنا !!! سواء البطولات الداخلية واللي مباراياتها متضاربة مع بعض!!! اضافة الى البطولات الخارجية واللي مواعيدها (( كيف الحال)) والضحية (( الشلهوب وانت جاي))!!!!!!!!!!!!


مشاركات الهلال تـــذّ كــــرني بأول يوم للدراسة او ليلة العيد!!!!!! تقول ان هالعالم اللي يتقضون مادروا عن وضعهم بكرة!!!!! ((( معاليش طلعت برا موضوعي بس للضرورة احكام))) ،، وفعلا هذا هو الهلال !!! الموسم الجاي قدامه 5 بطولات ( 3) محلية و(2) خارجية ،، يعني المفروض ان البرنامج صار مظبط ومتكتك (( للمدرب اللي بيجي)) مهوب اذا جاء المدرب قام يشتكي ويقول ان فريقي مظغوط!!!!!!!

ملخص كلامي اللي فوق ((((( نظموا من الحيين وابشروا بالمنصــــات!!!!!! طبعا شيلة الكاس !! مهوب الحكي اللي لايودي ولايجيب وياكثرهم)))))

%%%
غـــــــــــــــــــــــــــــــريبه !!!

أتعجـــــــــــــــــــــــــــــــــــب نادي مثل الهلال ،،، اداره واعيه ،،جهاز اداري مجتهد ،، اعضاء شرف فزوعيين((( البعض منهم للاسف)))!!!! وغير كذا جمهور ماينلعب عليه!!!!! الحيين لو تسأل اي واحد هلالي وتقول له::: وش المشكله اللي بالهلال مضيقةِ صدرك !!! بدون تردد او مساعدة جمهور او اتصال على صديق!!! بيقول ((( طبعاَ بعد اااااااااااااااه))) الظهير الايسر اللي لنا سنيين وحنا نتطلبهم (( يصنعون واحد ماهوب اثنيين)) !!!!! انا اعرف بتقولون مافيه احد بيسد عيوننا مثل (( أبوقليب)) الله يخليه لبنيته حصه ،،، ولو ترجعون بالذاكرة شوي وتقولون متى الرشيد راح من مركزه وخلى مركزه (( مسرح عمليات للخصوم)) ابي اقولكم له 4 سنوات!!!!!! وبهالاربع سنوات أخذ الهلال 11 بطوله من غير ظهير ايسر اصلي!!!!!!! اجل وشلون لو فيه ظهير ايسر ثابت!!!!!!!! الاجابة متروكه لكم


معناها الوضع بالهلال ماشي حلو بس لو يجيبون ظهير ايسر صغير والجمهور(( لازم يشجعه ويرفع معنوياته)) صدقوني ان هال11 بطوله اللي صار ت قبل 4 سنيين بتصيير ان شاء الله 22 بطوله



بعــــــــد ،،، من المشاكل اللي مزهقه الجمهور الهلالي مشكلة المدرب بالفتره الاخيره!!!!!! والصراحه معهم حق ،،، لان اي مدرب (الهلال ) يحط عينه عليه (( يلقط)) !!!! ولكم بسلوبدان ،، ومدرب ايران ((عبره)) ومالديني بالدرب وغيره وغيره!!! اذن الهلال (( مضيق عليه من كل جهه)) ومع ذلك لاشكاوي ولانحاوي!!! (( ويقولون ليش تحبون الهلال))!!!! المهم،، المفروض من الاداره انها ماتطلّع الخبر للصحافه الا اذا بقى على رحلة المدرب اللي بيجي لمطار الملك خالد ساعات قليلة (( وعسى بعد)) وايضا َ مشكلة اللاعبيين الاجانب !!! واللي للاسف لازال الهلال يتلقى الصفعات الواحده تلو الاخرى!!! نبي اجانب (( رخيصيين)) ويفيدون !!! بتقولون مافيه اقولكم كم طلب سيرجو علشان يقعد!!!!!!!!!!!!!!!



@@@ صيف وحر وكذب !!!! (( حنا ناقصيين))!!!!


الصيف بدأ والصفقات (( الخاثرة)) قام سوقها!!!! والضعوف مشتبيين (( اللي هم حنا))!!! الدوخي وقع!!! التيماوي جدد!!! التمياط ماراحو له النادي الفلاني !!! النزهان حاط عينه على نادي (( ياذاكني يتغلى)) وهالكلام وانت جاي!!!!! والمنتدى شغال 24 ساعه (( سب هاللاعب اللي بيتركنا ويجردونه من انجازاته اللي نفعت الهلال )) وبالاخير هاللاعب أول من يدخل بوابة النادي بعد عودتهم من الاجازه!!!!! (( يعني الدعوة الجرايد البايته تبي تاكل جيوبكم وانتم ماحسيتوا))



ومع ذلك (( حطوا)) أسوا الاحتمالات ان هاللاعب اللي (( مواريه بيوقع)) يبغى يوقع لان الكوره صارت مهنه مهيب هوايه!!!!!!




$$$ ومــــــــــــــــــا تبونه يصير مكـــــــــــــــــــــــروه!!!!

يكذب عليكم اللي يقول ان الهلال نادي مرغوب لغير الهلاليين !!!! لانه اكثر نادي (( مكروه)) والسبب بطولاته اللي (( تبحث عنه)) مهوب العكس !!! بس عاد نحاول نخلي مواضيعنا بهالمنتدى الهلالي (( خاصه)) بنادينا لان سوقهم ماهوب مزينه الا الهلال!!! يعني الاحظ فيه مواضيع تتكلم عن انديه اخرى!!! وليه ((( ياجماعه ترى ماضيع جار الهلال الا انشغالهم فينا))) واللي الى الان هم منصدميين من البطولات اللي قامت تاخذ مبدأ(( التمدد )) عكسهم

####

(((( التنافس)))) وش معناه !!!! وهل هو ازلي والا لا!!!! ومتى نطلق كلمة تنافس !!!!!


ســـــــــــــالفة التنافس بينا وبين غيرنا!!! وهل الهلال صار له منافس هالسنه والا لا؟؟؟
اي واحد(( عاقل)) يبي يسوي مقارنه بين فريقيين علشان يشوف من افضل !!! لازم تكون له أسس مقارنه وقواعد واذا توافرت هالقواعد والاسس باي من هالفريقيين يكون الافضل

الهلال لازال وسيزال ان شاء الله يغرد بالسرب وحيداَ ببطولاته اللي (( تبي تتعدى تاريخ انشاء النادي)) لان كما هو معلوم ان الهلال أسس قبل 45 سنه وبطولاته الرسميه صارت 37بطوله اللي (( تشبع 3 فرق لمدة 7 سنوات قدام))!!! الهلال يتزعم الانديه ب37 بطوله ويلحقه وصيفه ب23 بطوله ويليه وصيف الوصيف ب19 بطوله!!!! يعني الفرق بين المتصدر والوصيف 14 بطوله(((( أبفهم)))) اللي يتكلمون عن المنافسه صادقيين هم!!!!!!!!

لان فيه شرط من الشرط (( أختل)) اللي هو::::: اقترابهم من بعض!!! والاقتراب يعني يكون الفرق 3 أو 4 بطولات ماهوب 14 بطوله!!!! انا معاكم التنافس ألازلي مايختفي (( اللي هو مبارايات الطعم الخاص)) يعني يكونون من نفس الديره !! حتى لو واحد منهم (( رايح فيها والثاني مسيطر على البطولات يسمونهم ربعهم متنافسيين)) ولاتروحون بعيد!!!! القادسيه لازالت منافسه للاتفاق مع اختلاف الفارق والبطولات اللي تميل للاتفاق ومع ذلك (( يسمونهم متنافاسيين)) أو بمعنى ثاني المنافس التقليدي

عــلى الاقل لو هم الوصيف ((( كان تنـــــبلع))) المشكله ماهم الوصيف!!!!! يعني شين وقوي عين!!!!!



^^^^
قبل ايام صار المنتدى ( ضو) وكلِ يصرح ويقول وقفوا الموضوع الفلاني تراه بيخربنا على بعض
صــــــــــــــــــــراحه ((( كنت ناوي اقول اللي بخاطري)))!!! لكن المبدع سبقني اللي هو ياقاهرهم ياسامي ومع ذلك يعطيه الله الف عافيه لان الرجال تكلم بلسان جمهور الهلال ككل !!!!!!







وسامحوني على قل الكـــــــــــــــــــــــــــــــلافه ،،، ودمتم