[align=center]

القحطاني أفضل مهاجم خليجي

::


وما فيها كلام


[/align]

إقتباس الرسالة الأصلية كتبت بواسطة السكري [align=center] القحطاني أفضل مهاجم خليجي :: وما فيها كلام [/align]

انت جذي

نعم افضل مهاجم سعودي و لعدة اسباب :

كنترول ممتاز ، تهديف ، مراوغة ، مهارات عالية .. و فوق هذا كله صغير بالسن

- افضل لاعب في خليجي 16 و هداف المنتخب السعودي
- هداف المنتخب السعودي في كاس آسيا
- هداف المنتخب السعودي في خليجي 17

ناهيك عن المباريات اللي قدم فيها مستوى رائع و لكن لم يسجل ..

ما نهضم حق سامي ابداً ;) يكفي انه هلالي ;) لكن سامي كبر في السن و قلّت حركته و سرعته .. لكنه مازال ذاك الهداف اللي كل المنتخبات تهابه ;) و اللي يملك قدم الفرس ;) و طبعاً مع التقدم بالسن تزداد الخبرة ;)



و ارجو انك تتقبل راي اخوك الكويتي بوساعة صدر / iBRAHiMOViC_9

[align=center]

إقتباس في إعتقادي المتواضع أقول أن اللاعب ياسر القحطاني أفضل رأس حربه في الوقت الحاضر فهو لاعب ترتاح أن تراه في المستطيل الأخضر وإلى الأمام ياكبتن ياسر وأتمنى أن أراه يرتدي القميص الزرق إن شاء الله قريباً جداً

صح لسانك .. وباختصار هذا هو الكلام السليم .. وخير الكلام ماقل ودل .. تحياتي .[/align]

نعم أفضل مهاجم وأفضل وجه وافضل جسم وافضل شخصيه

ياسر افضل مهاجم خليجي حاليا" مع احترمي للجميع وانشاْ الله يجي للهلال

سامي التمياط الله يرحم والديك ابعد عن التاريخ تكفى
أغلاط تاريخية فضيعة منها-
الجمعان ومرزوق لم يكونوا مع المنتخب في كاس العرب والاخيرة وين جبتهم منه
الرشودي لم يسجل هدفين في نهائي كاس العالم لناشئين هدف ووليد الطرير هدف
سامي جاب هدف واحد من ضمن اربع اهداف ضد ايران في تضفيات كاس العالم 94
وهذا للتاريخ والتاريخ أمانة واذا لاتعرف التاريخ ابعد عنة احسلك

موضوع وقته غير مناسب مع احترامي لكاتب الموضوع


الحين المنتخب في مهمه صعبه بعد ثلاث ايام وانت كاتبلي موضوع عن ياسر القحطاني



للمعلوميه ياسر لاعب من طراز نادر فهو يمتلك السرعه والذكاء والتسديد والمهاره الفائقه بالاضافه الى انه صاحب راس ذهبيه

لكنكم تقولون لي انه في بطولة الخليج ماقدم شيء اسمحولي اخطاتم واسمحولي ثقافتكم الكرويه شبه معدومه

اخواني اذا المهاجم يبي يبدع لازم يكون هناك معاه صانع العاب يوصل له الكرات او على الاقل مهاجم ثاني معاه يساعده على فك الرقابه
اما ان يكون وحيد بين اربعة مدافعين ولا توصله كورات من لاعبين الوسط وش تبون يسوي

البعض يبي بس المهاجم يسجل وبس ولايحسب كيف تجي للمهاجم كورات الكرات ماتجي الا من لاعبين الوسط

وانتم عارفين كيف كان خط الوسط السعودي في بطولة الخليج وبطولة اسيا


مع احترامي للجميع ياسر القحطاني الافضل حالياااااااا بدون منازع

تحياتي للجميع وتحياتي للاخ سامي التمياط الي قام يخترع اشياء من عنده

لن ازيد على كلام العضو الحمروني وهو بالفعل ما اود الوصول اليه .
احد الاعضاء قال بان ياسر تدرج من المنتخبات السنية ؟؟؟؟؟؟؟
وحسب اعتقادي ومعلوماتي ان ياسر لم يلعب لا مع منتخب الناشئين ولا الشباب ولا الاولمبي وهذا يثير الدهشة والاستغراب !!!!!!!!!
ولكن هذا لا يعني ان اللاعب المبدع يجب ان يمر بهذه المنتخبات السنية ولكن آمل من الاخوان الدقة في المعلومات .

أخ الحضاري
أولاُ ياسر لعب في منتخب الشباب وكان كابتن الفريق في عدة مبارايات منها البطولة الودية إلي أقيمت في إيران وكأس الصداقة وبعدها لعب للأولمبي لفترة شارك خلالها في تصفيات أولمبيات أثينا و خلال تلك الفترة بدأ يشارك مع المنتخب

وللمعلومية..

ياسر تدرب في نادي الإتفاق لفترة وهو صغير لكن أبوه رفض لعبه في نادي ولكن بعد تخرجه من الثانوية إنهالت عليه عروض أندية الشرقية فانضم للقادسية أما معلوماتك إلي تقول إنه ما لعب في أي منتخب غير الأول..
أرجو منك إنك تصححها لأن إذا إنت ما تتابع بقية منخبات المملكة فغيرك يتابعوها ..

وبعدين ما ادري ليش بعض الشباب مقهورين من ياسر مع انه هلالي .. ترا حتى لو ما كان اللاعب يلعب بالهلال في مجال إنه يكون لاعب ممتاز ..

وسلامتكم

17/2/1426هـ
بسم الله الرحمن الرحيم

قال تعالى : (إنّ الله و ملائكته يصلون على النّبيّ يا أيّها الذين ءامنوا صلوا عليه و سلموا تسليماً).

أخخ (هلالي91) ــ على فكرة جي إل والا جي إكس ــ يا أخخخ و الله إنّك تحفة كم مرة أقول لك لا تدخّل فاللي ما يخصّك يا أخي رح لمنتداكم أمّا تقول الرّشودي ما سجّل قولين عارف إنّه ما سجّل قولين ــ ما ناقص الا نثراوي يخطيني ــ و كانت غلطة مطبعية و الأول فاول و هو شاته و سجله , و الثاني سحب بالظهير الأيمن و عرضها جلاها الرويحي ــ الله يرحمه ــ و أخذها الطرير و سدّد صاروخ أقوى من الصاروخ اللي أطلقته إنت يوم تقول (الجمعان ومرزوق لم يكونوا مع المنتخب في كاس العرب والاخيرة وين جبتهم منه) و أقول لك و لغيرك (الجمعان و تبغى تبرد كبدك منه عشانه مرمطكم كم مرة و عطاكم كم هدف أما مرزوق اتحادي المفروض بالعكس انّك تقول مرزوق أفضل مهاجم على مستوى العالم و في التاريخ و صدّقني راح أمشيها لك لأنك فقراوي مسكين) و سامي عاارف ليش أنكرت أهدافه بالتّصفيات.

أمّا الأخ اللي يقول إنّي حاقد على القحطاني أقول له إرجع لردّي و تلقى فيه مطالبة صريحة بالتعاقد مع القحطاني.

هذه ردودي ,,,,, و شكراً.

سامي التمياط ــ رابغ

الحضاري

ياسر نجم

وانا ما ادري انت وش تبي توصله

يعني انت تقول ياسر زين ولا مو زين.؟؟؟

والله كلامك غريب

ما اود الوصول اليه الاخ جبيلاوي هو انه توجد مواهب في الهجوم مثل ياسر الذي برز مؤخرا لأن المنتخب والاعلام اهتم به بل وربما هذه المواهب افضل منه ابرزها صالح بشير وناجي مجرشي ولكنها تنتظر المساندة مثل ياسر وهذا من مصلحة الكرة السعودية .
واتمنى انتقال بشير او مجرشي خصوصا الاول للهلال وعندها سيبرز لنا مهاجم يكون الاول على مستوى السعوديه ..... فقط تحتاج المسانده في هذا السن قبل قتلها واهمالها .

اعتقد انه ياسر هو الأفضل في المملكة الآن

بأختصااااااااااااااااااااااااااااااااااااااااااااااااااااااااااااار شددددددديييييييييييددددددددد
المهاجم اللي يبي يكون نجم وبااااااارز يلعب بجانب هالاعب

سامي الجابر

والامثله كثيرررررررررررررره
المهلل لعب بجنب سامي صار نجم
المشعل لعب بجنب سامي صار نجم
واخيرا وليس آخراااااا ياسر