|
ايه والله نبيـــه |
ماشاء االله عليه موهبة سعودية بل عربية وإن شاء الله هلالية اتمنى ان يأتي الهلال s13s |
الله يسمع منك ان شاء الله ان ياسر بينتقل للهلال الموسم الجاي باي ثمن اعضاء الشرف صدقوني ما راح يقصرون ياااااااااااااااااسر هلالي باذن الله s13s s13s s13s |
أنا أوافق كذالك فعندما تشاهد ياسر و هو يلعب يذكرك في الجابر فهو يسجل و يصنع أهدف و كذلك ذكي و لماح و مثقف و كذلك أخلاق و هذه الصفات تنطبق على لاعبين الهلال فياسر إذا لم يحترف في الخارج فأتمنى أن يكون في الهلال فبعد أن أحضرنا الغنام في الوسط فياليت نحضر ياسر في الهجوم لأن الجابر لن يلعب أكثر من الموسم القادم |
اوافقكم الراي s60s |
والله أتمنى يكون القحطااااااااااااااااااني هلالي |
الف مبروك فوز المنتخب الصراحة ياسر لازال يبدع مع المنتخب والهلال ينتظرون الاتهاد لما يشرونه أتمنى شراء عقد ياسر باسرع وقت لانه الاعب مبدع في خط الهجوم اتمنى اعضاء الشرف مساعدة ابو سلطان على شراء ياسر وتجديد الدوخي |
ياسر ثم ياسر ثم ياسر s13s عشان ينقلع ديسلفا الغبي صح ياشباب ولا لا s60s |
شفناه في مباراة كوريا مرر تمريرة هدف وجاب بلنتي وسجل البلنتي بطريقه رائعه حتى حصوله على ركلة الجزاء كان بمهاره عاليه وايضا في الهدف الأول كانت هناك مهاره عاليه ايضا في البلنتي الي ما احتسب كيف اخذ الكره برأسه بطريقه رائعه وذكيه صراحه فيها من ذكاء سامي الله لو نشوفه في الهلال سامي وياسر يا سلام وانا شفت اكثر من واحد يقول بس لا تنسون الصويلح احنا ليش نخلي الصويلح نجم وهو في بداية المشوار الصويلح كم له في الهلال ؟؟ سنتين على ما اعتقد وعمره 18 حتى الى الآن ما تخرج من الثانوي هذا لو ابدع في الهلال واحنا نعرف ان الإعلام يركز على الهلال لأنه فريق كبير وايضا خلف الهلال جمهور كبير ولو احمد الصويلح صار نجم الجمهور من هذا العمر اكيد راح يغتر بعمره وينخفض مستواه بس لو قلنا ياسر في الهجوم وعمره 22 على ما اعتقد وسامي كبير واتمنى انه يستمر سنتين والصويلح احتياط لهم ويتعلم منهم واذا صار عمر الصويلح عشرين انا اقدر استفيد منه بشكل اكبر ويكون عمر ياسر 24 يعني هجوم شباب يفيدوني عشر سنوات وياااااارب اشوف ياسر في الهلال او اذا ما جى الهلال يروح اوروبا |
ايه والله تكفى يا ابو سلطان .. خلوه بدال ديسلفا ... |
انشالله هلالي |
ياسر القحطاني السلام عليكم ورحمة الله وبركاته ياسر القحطاني هذا الأسم اللامع في خط الهجوم السعودي هذا اللاعب الذي برز نجمه في نادي القادسيه هذا اللاعب الذي لم تسلم من لدغاته شباك خصومه هذا اللاعب الذي أصبح في يوم من الأيام حديث الأعلام الأول والأخير هذا اللاعب الذي يتمناه كل نادي في المملكه والخليج هذا اللاعب الذي أتمنى رؤيته في فريق ( الهلال ) اليوم قبل بكرا ياسر القحطاني هذا اللاعب الذي لم يتجاوز عمره 22 عاما صدقوني أنه راح يفيد الفريق بشكل ما تتخيلونه خصوصا أن الفريق يحتاج هذه الأيام لمهاجم بنفس قدرات ياسر القحطاني بعد تدني مستوى ( داسيلفا ) وعبدالله الجمعان يوم في النادي و 10 أيام برا النادي وسامي الجابر وياليت ما تزعلون مني لاكن العمر له أحكام وقلة الخبره لبعض اللاعبين وخصوصا أن خط الوسط الهلالي ممتاز جدا ويحتاج لمهاجم مثل القحطاني ليستثمر الكرات التي تأتيه من خط الوسط خصوصا مع موعد أقتراب النجم المثير واللاعب الكبير وصاحب الأسم الشهير الفتى الذهبي ( نواف التمياط ) الي راح يعطي دفعه قويه لخط الوسط الهلالي ولاكن خط وسط بدون مهاجم ممتاز لايفيد الفريق بأي شئ وأنتم أكبر أني أشرح لكم هذا الشئ صدقوني الفريق الهلالي محتاج لخدمات المهاجم الأول في السعوديه ( ياسر القحطاني ) وهذا الشئ أغلبكم عارفه خصوصا الفريق له الموسم القادم مشاركات داخليه وخارجيه ولعل أبروها أحتمال مشاركة الفريق في كأس آسيا وصدقوني ترا خط الهجوم الهلال ما يبشر بالخير وحنا من جد محتاجين ياسر القحطاني خصوصا أني سمعت بعض الأخبار الي تقول أن ميول هذا اللاعب هلاليه وأكيد كثير منكم عارف هذا الشئ أرجوا من الاداره الهلاليه الشابه بقيادة الأمير الذهبي ( محمد بن فيصل ) سرعة أجراءات أنتقال هذا اللاعب للفريق وياليت الأخوه الأعضاء يعطونا رايهم حول هذا الموضوع مع أجمل تحياتي للجميع ( زعيم شقراوي ) |
أشكرك أخي الكريم هلالي شقراوي ... ياسر القحطاني لاعب مميز وفذ وكل فريق يتمناه ... ولكن ...في الموسم الحالي يستحيل تسجيله.... ولذلك أري أن نترك مطالباتنا هذه إلى ما بعد نهاية الموسم والتركيز على فريقنا ولاعبينا الحاليين... (مجرد رأي) هلالي أبد الدهر... |
بصراحه أنا أتمناه بعد |
وأنا اضم صوتي لأصواتكم والله لو جا ياسر مانبي ولا مهاجم أجنبي لا ديسلفا ولا غيره ....... عندنا سامي والجمعان والصويلح والعنبر ونكملهم بعد ب ياسر القحطاني .. والله ان هذا اللاعب مستقبل الكرة السعودية الان .. في ظل عدم تواجد اي مهاجم شاب بمثل مستواه واتمنى نشوفه في الهلال انشالله ...... s13s |
| الوقت المعتمد في المنتدى بتوقيت جرينتش +3.
الوقت الان » 01:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd