هذا الموضوع قرأته في أحد المواقع اتمنى يعجبكم:



قمت من النوم الساعه (( 6 )) الصبح وانا كلي نشاط وحيويه
....تروشت ... حلقت ... فرشت سنوني ... نظفت غرفتي ..
ورتبت سريري !!

نزلت تحت لقيت الوالده مزينه الفطور !!!

قعدت مع ابوي واخواني على طاولة الفطور


ابوي قاعد على رأس الطاوله وانا واخواني حولوه ....

ابوي يحبنا ... يقطع لهذا خبزه ويقرب صحن ( الحمبص )
لهذا ويصب ( عصير برتقال فرش ) لهذاك ....

امي الله يخليه لي ولكم قاعدتن ترتب اغراض خواتي " وتكد
" شعورهن استعدادا للمدرسه .....

قضيت مفطر .... حبيت راس ابوي وامي وحببت اخواني واحد
واحد دورت الشغاله مالقيته

ركبت سيارتي وربطة حزام الامان ومشيت ..... الشوارع
فاضيه مابوه الى انا وابوي نمشيبه

سرعتي ما تعدت 15 كلم ... وصلت العمل وحبيت راس المدير
همن رحت للقهوجي " مهب حق الاهلي " وحبيت راسوه وقلتلوه
الله لا يهينك بيالة شاهي علماشي

دخلت المكتب خلصت المعاملات اللي علي وقضيت شغل
المراجعين بسرعه!!!

جت الساعه " 2 " ونص الظهر وقعت وطلعت راجعن للبيت

يوم دخلت البيت والقا ابوي ... وانا اللي امطخوه مع
راسوه وادور امي بسرعه ابي امطخه ... وامسك اخواني واحد
واحد وامطخهم بس الشغاله يقولون فوق تنشر الملابس قلت ما
يحتاج !!

العصريه اذاكر لاخواني ... وعقب المغرب زيارات عائليه ..
وبعد صلاة العشاء اقعد على الكمبيوتر اسوي برامج خاصة
بالشغل

هذا جدولي اليومي الكذبى تبون الصدقى ...؟؟؟؟

شوفو .......!!!!

اقوم من النوم الساعه "8 " ونص " 9 " .. وانا مقفلة معي
لو يقولي واحد صباح الخير قلت كل تبن

عيوني مغمصه ومتأخر على الدوام يعني مهب لازم تغسل

انزل تحت ولا مابوه احد ... امي نيمه .. ابوي اخذ اخواني
للمدرسه ... وراح للشغل

القى شاهي مزينينوه قبل ثلاثة ايام .. يوم تجي جارتنا
لامي ... اشرب الشاهي واركب السياره

افتح الدرايش ...موت حر ...

<==== ما معاه مكيف بالسياره

امسك طريق الملك خريص ..... بس ما هنا سرعه يعني 140 ــ
150 بس

انواع المجاكر والتخطيم على العالم ... وانواع الحركات
باليدين اذا احد ضرب بوري


آآآآصل الشغل ... القى المدير يحترين عند الباب ....
مبرطم تقل هو اللي يكد علي

يسألن ... وشبك متأخر ؟؟؟

اقول .. والله جدتي انفقعت ...

<==== هذا يبي يقول ... جدتي ماتت .. والكفر انفقع

عقب هالاجابه الدوبلوماسيه ... يفلقن بخصم

تجي الساعه 11 ونص وامسك الباب يقالي ابروح اجيب اخواني
... والصدز اني اعسل

ارجع الساعه " 1 " الظهر ... مالي نفس بشي ...

<==== هذا راسوه منتفخ من المعسل ... اثر الشيشه تنسم

يجون المراجعين اناظرهم بطرف عين واقول راجعنا الى حجة
البقر !!!

<==== ما يحب العجله

اوقع الساعه " 2 " الظهر واروح للبيت القى ابوي يحترين
مابعد تغدى .. بس مهب عشاني عشان اللي معي

<==== متصله عليه اموه تقول جب لبن معك مابوه لبن

نتغدى انا وياه ويقحن من هاللبن لين يفقد الوعي .....
وينام جنب " السماط "

اقوم وانا دايخ .. اروح آآخذلي غطه الى عقب صلاة العشاء

<==== لا صلاة ولا عباده

اقوم من النوم وانواع السعسعه ... الى الساعه 3 الفجر
همن اجي وانكمخ

هلا والله اخوي الحاير :
وش ها الموضوع يا اخوي يوم شفت البداية قلت شكل الرجال راح المريخ جالس عندهم ويحسب نفسه في السعودية .
اما السالفة الثانية فهي صدززز 100% .
بس يا اخوي ماهم كل السعوديين كذا صحيح الواحد اذا راح للمدرسة او للشغل تقول انه في رالي بس في اخلاق في السواقة .

والله حلوووووووة مرررررره بس ياليت تقوووووول من اي منتدى نقلت هذا الموضوع الرائع وشكر لنقله يالغالي..

صراحه الاولى نادر تلقى سعودي يسويها ..
بس الثانيه هي الواقع المر.

ألف شكر لك مني

--------------
هههههههههههههههههههههههههههههههههههههه عاد ياشباب تراء مو الكل كذااااااااااااااااااااا
--------------------------------
والله يعطيك العافيه عزيزي((الحاير)).

صراحه اخذته من واحد من قروبات الياهو ونسيت الإسم بالانجليزي لكن اسمه
بالعربي محادثات الشباب وهو مفتوح ومايحتاج يكون عندك حساب.....

لا اعتقد أن هذه يوميات رجل سعودي فهي وإن كانت تنطبق على نسبة قليلة جدا من السعوديين فهذه النسبة نراها عند الجميع أما أ، يكون عامة فلا أعتقد ذلك بل هناك من السعوديين من يفوق الرجل الياباني في حبه لعمله واهتمامه بمواعيده وصدقه وإخلاصه ويتفوق عليه في نقطة هامة وهو أنه يتعامل من منطلق الدين الإسلامي لا من منطلق مادي