مالديني يطلب ارسال مندوبين لتوقيع العقد ومراكز اللاعبين الأجانب
 

صرح مصدر مسؤول في نادي الهلال لشبكة الزعيم بان المدرب مالديني ارسل الي الاداره الهلاليه خطابا تطرق به الى موافقته لتدريب الزعيم بنفس الشروط السابقه وطلب المدرب العالمي سيزار مالديني مدرب المنتخب الايطالي في كاس العالم 98 ومدرب فريق ميلان هذا الموسم ارسال مندوبين من نادي الهلال لإتمام الاتفاقات النهائيه .
هذا ويفكر الهلال ان توجه دعوه للمدرب الايطالي للحضور الي المملكه العربيه السعوديه والاجتماع به من قبل سمو رئيس نادي الهلال الامير سعود بن تركي وخلال اليومين سيرسل الرد لمالديني مع العلم ان المدرب ابدى موافقته للحضور للملكه لإتمام المفاوضه وتوقيع العقد في المملكه وسيكون بعد التوقيع موتمر صحفي لسمو رئيس الهلال وللمدرب , هذا ويقترح ان يكون وقت اللقاء بعد اسبوع تقريبا حيث ينهي المدرب جميع اموره مع نادي ميلان الايطالي .


وايضا .. صرح مصدر مسؤول في نادي الهلال لشبكة الزعيم ان ملفات اللاعبين الاجانب سيفتح في الاسبوع القادم وسيكون للمدرب القادم والذي اقترب من ان يكون الايطالي مالديني دور في اختيار اللاعبين هذو وقد حددت ادارة الهلال الخانات المطلوبه للاستفاده منها باحضار اللاعب الاجنبي المطلوب , وحددت الاداره خانة الوسط المهاجم والتي سيفتقد بها الهلال الي خدمات النجم الكبير وافضل لاعب اسيوي نواف التمياط واللاعب الخبير ونجم الهلال المخضرم يوسف الثنيان الاول لاصابته بالرباط والايقاف الظالم الذي تعرض له الثنيان من قبل الاتحاد الاسيوي وترى ادارة الهلال ان يكون اللاعب بامكانتهم كما حددت خانة الوسط الايسر وراس الحربه وغالبا ما سيكونوا من امريكا الجنوبيه
هذا وانشاءالله سنكون معكم اولا باول حول هذا الموضوع




ادارة موقع شبكة الزعيم

الله يبشركم بالخير .. وهذا اللي تعودناه منكم الاخبار الحلوه الله يوفق زعيم المدربين مالديني
مع زعيم الانديه الهلال ..

الله يبشركم بالخير بس ما حدد متى بيبداء التدريب (يبي يشغل سيارته ويقمز على النادي)

يلومووووووووووووووني فيكم

يلومووووووووووووووني فيكم
يلومووووووووووووووني فيكم
يلومووووووووووووووني فيكم

والله اني ماحبيت ذالموقع عبث.

من جد موقع غير طبيعيييييييييييييييي.

ياحبي لكم يالاداره وبسسسسسسسسسسسسسسسسسسس.


والقائمين عليه يستاهلوووون جميع انواع الشكر.

الله يبشركم بالخير..

والظهير الأيسر:mad: :mad: :mad: :mad:

اخوي الوالي........

اظن الوسط الايسر ممكن يكون ظهير

اظن!!!!!!!!

يعني تخيلوا الموسم القادم لاعبين كسرررررررررررررررررر حسن العتيبي ـ فهد المفرج ـ محمد لطف ـ حسين المسعري << اخ اذا اقتنع فيه المدرب >> ـ تركي الشايع ـ فهد الشمري ـ تركي القحطاني وهلم جراوبعدين يجي مدرب مغمور او دبشه غبي الالاللالالالالا الله يبشركم بالخير ويسلم لنا ابو تركي عزالله انه ماقصر ويستاهل كل خير وش رايكم

السلام عليكم
 

اولا احب اهني الموقع الافتااح الجديد :)

ثانيا احب اشكركم بصراحه على خدماتكم اللي تقومون فيها من اجلنا وموافاتنا اول باول بالاخبار وماتخلون الجرايد تلعب بنا يمين ويسار والله لا يحرمنا منكم

اخوي الفارس الابيض
اولا مافيه لعيبه كسر بنادي الهلال مع احترامي لك والمسعري اقتنع فيه كثيرين غيره واذا هالمدرب اقتنع بامكاناته معناته ان المسعري جيد وبالنسبه للطف خلاص معروض على الانتقال ومتوقفه رواتبه من يوم 9 شهر صفر .. غير كذا مافيه لاعب هلالي اسمه فهد الشمري رغم كثرة الشمامره بالنادي
فهناك نواف بن بندر التمياط من شيوخ التومان بسنجارى :D
وهناك خالد بن عبدالرحمن التيماوي من سنجارى ايضا
وهناك محمد بن عبدالعزيز الدعيع الشمري
وهناك ماجد بن نادر الشمري

هذولا اللي اعرفهم بس اما فهد والله ما اعرفه ودي اعرف باي خانه يلعب :):)

ثانيا
رئيس الهلال الامير سعود بن تركي بن فيصل ( ابوفهد ) :)

اتمنى انك ماتزعل علي وتتقبلها بصدر رحب اخوي لان الدعوه كلها وناسه :):)

مشكورييييييييييييييين وماقصرتو والله يعطيكم العافيه:)

تسلمون يا ادارة المنتدى على هالجهد ...والله يعطيكم العافيه.
هنا الواحد مننا يقرأ الخبر وهو متأكد 100% من صحته ....مو مثل الجرايد النصابين:D

الله يعطيكم العافيه احلا أعضاء:) ;)

يبدو ان الأدارة تسير بالطريق الصحيح :) ;)


:cool: :cool: الله يوفق الهلال في كل حال وترحال :cool: :cool:

شكرا ألف
 

الله لايحرمكم الأجر ومشكورين بالحيل على تواصلكم وتفانيكم لخدمة جمهور الزعيم

تحياتي:p

شكرآ أدارة الموقع على هذة الاخبار المفرحة لنا
نتمنى التوفيق لهم جميعآ في خدمة زعيمنا الحبيب و بأذن الله يكونوا عند حسن الظن بهم انشاء الله

بس مب أفضل لو يجيبون ظهير أيسر بدل وسط أيسر مثل لاعب الشباب السابق لمغر بي الي يلعب ظهير