الأغرب والأحدث في عالم الجوالات
 

بسم الله الرحمن الرحيم ,,,

مسيكم أو صبحكم بالخير ياجماعة الربع ,,,

عالم الجوالات زي ما أنتم عارفين عالم سريع ومتجدد .... يعني الجوال اللي تشتريه اليوم يمكن بعد ثلاثه أو أربعه شهوريكون قديم وتنزل مميزات ثانيه وجديده غير اللي عندك في جهازك ,,,

فيه عندنا بعض الشركات المشهوره في هذا العالم مثل النوكيا , أريكسون , سيمنز , سامسونغ , الكاتيل وغيرها ....

وهناك بعض الشركات اللي مالها وكيل عندنا في السعوديه رغم إن منتجاتها موجوده بطريقه أو بأخرى ,,,

في هذا الموضوع ( المصور ) حبيت أكتب عن بعض الشركات اللي مالها وكيل معتمد .... وبنفس الوقت نتكلم عن الشركات الشهيره وبعض منتجاتها أو أنواع جوالاتها الحديث منها ,,,


http://mymobile.hypermart.net/images/sagmwa3050.jpg


هذا جوال من شركةساجيم ورقم موديله 3050 ,,,

الجوال هذا ثنائي التردد وتقدر تسجل فيه صوتيا وتقدر تستعرض الإنترنت من خلاله وشاشته باللمس ويحتوي على الأشعة تحت الحمراء ,,,




http://mymobile.hypermart.net/images/z5fede3.jpg


هذا الجهاز من شركة سوني ورقم موديله : CMD-Z5 ,,,

واب وبريد ودليل هاتف بـ 500 رقم ومستعرض للإنترنت ( ويب ) بطارية ليثيوم وزمن تحدث ثلاث ساعات وتقريبا 30 نغمه , صغير وخفيف وفي نفس الوقت صلب ... هذي أبرز مميزاته ,,,


http://www.alcatel.com/consumer/img/..._range_700.jpg


هذه أحدث جهاز من شركة الكاتيل الفرنسيه والجهاز زي ماتلاحظون مختلف تماما عن الأنواع السابقه ( ثقيلة الطينه ) الجهاز شكله انيق وصغير جدا ( عكس السابق ) وزنه 88 جرام ! زمن تحدث خيالي مقارنة بحجمه وهو 7 ساعات ونص !! وزمن إنتظار 300 ساعه !! من أسرع الأجهزه في التعامل والتنقل بين الأوامر داخل الجهاز وذاكرته كبيره بالمقارنه بجهاز جوال ( 32 رام ) ,,,


http://www.nokia-asia.com/apac/apac_..._phone_bot.jpg


طبعا الشركه غنيه عن التعريف , والموديل 8250 إمتداد لموديلاتها الناجحه ويمكن يكون هو الأفضل حتى الآن ,,,

الجهاز غني عن التعريف وكل المميزات اللي في الأجهزه السابقه وضع تقريبا في هذا الجهاز ,,,

ماراح أتكلم عنه شوفو العرض وأحكمو :) ,,,


إضغط هنا

ولاتنسى تضغط على الشيء اللي تبيه بعد ماتطلعلك أول صفحه ,,,


http://www.ericsson.com/consumers/im...4_27_0_105.gif


أحدث أنواع عائلة الـ ( T ) من شركة إيركسون وهو من نوع T 39 ,,,

ثلاثي التردد تستطيع من خلاله تصفح الويب ويحتوي على الواب , زمن تحدث غريب وعجيب يصل الى 11 ساعه !!! وزمن الإنتظار يصل الى 300 ساعه ... البطاريه الأخرى واللتي تشتريها منفصله يصل زمن التحدث بها الى 25 ساعه !! وزمن الإنتظار 750 ساعه !! ,,,

الجهاز يحتوي على ( سبيكر مدمج ) ,,,


http://www.my-siemens.com/com.aperto.../hd/sl45_1.jpg


SL 45 .... هو الموديل الأحدث من شركة سيمنز الألمانيه ,,,

الجهاز جميل وأنيق ومليان مميزات مالها أول من تالي .... MP3 , واب , تسجيل الصوت ( ديجيتال ) , برمجته سهله وسريه وذاكرة الجهاز كبيره , ونغماته كثيره , هو بصراحه جهاز مميز وعملي ويستحق الإقتناء ,,,

http://www.samsungelectronics.com/mo...gh_a205_01.jpg http://www.samsungelectronics.com/mo...gh_a288_02.jpg


اللي على اليمين SCH-A205 , والثاني SGH- 288 ... الجهازين وزي ماهو واضح ( أحلى من بعض ) :) , وأكثر شيء يميزهم هو وجود شاشتين في الجهاز الواحد شاشه خارجيه ( زي ماهو واضح ) وشاشه داخليه وكلا الشاشتين من نوع LCD أو الكريستال السائل ,,,

الجهازين نوعا ما ( نحيفين ) يعني عرضهم مهوب كبير , ووزنهم تقريبا 77 جرام وهو وزن منخفض جدا , واب , أنسر ماشين , مفكره متطوره , تصميم الجهاز سهل عند التحدث ... من وجة نظري الجهازين من أحلى أن ماكانو الأحلى في عالم الجوالات حتى الآن ,,,

المشكله الوحيده هي إن الموديل SGH- 288 غير متوفر في الأسواق السعوديه , وهو متوفر فقط في الصين وتايوان وهونغ كونغ ,,,


تقبلو تحياتي ,,,

-----------------
مشكوووووووووور عزيزي :):):)
اول رد للثاني مره ومشكور على تعقيبك المرة اللي فاتت :)
--------------------------------

<br><br><center><br><font color="green" size="7"><br><center><br><DIV STYLE="width:550;height:70;filter:wave(strength=4, freq=5, lightstrength=40, add=0, phase=20)"><marquee direction="up" height="280" scrollamount="2"><BR><center>
<FONT FACE="DecoType Thuluth" SIZE="7">
<br><br><div style="width:100%;filter:shadow(color=#7F007F,strength=30);color:#FF00FF;font:60pt"><br>يعطيك العافيه
بس اجمملهم النوكيا
أخوكم المحب المتنبي<br><br><br><a href=""></a><a href=""></a> </marquee></DIV></FONT><BR><BR><BR><br><center><a href=""></center><br><br><br>

يعطيك ألف عافية ابراهيم
عرض ممتاز وتنفع تصير مندوب تسويق :cool:

مشكوور وماتقصر واعجبني النوكيا لكن الوكيل مانزل الجهاز حتى الحين.....

أخوي الغالي نايف ,,,

العفو ياغالي وحنا في الخدمه ,,,

مشكور على ردك ... وتحياتي لك ,,,

أخوي الغالي المتنبي ,,,

الله يعافيك ... وذوقك حلو ;) ,,,

مشكور على ردك ... وتحياتي لك ,,,

أخوي الغالي الإعصار ,,,

أجل أصلح مندوب تسويق هاه ؟؟ :) ... لكن على كذا أنتم تبون تخربون بيتي :( لأن المنتدى بعد التعديل ماصار يقبل عدد الصور اللي كان يقبلها قبل التعديل :( وأضطريت الغي صوره أكثر من جهاز مع شرحها علشان ينزل الموضوع :( ,,,

الله يعافيك ياغالي وتشكر على ردك ... تحياتي لك ,,,

أخوي الغالي الحاير ,,,

صحيح جهاز النوكيا 8250 مانزل حتى الآن آخر جهاز نزله الوكيل هو 3330 :) ... وهذا الكلام ينطبق أيضا على الأريكسون T39 لكن حبيت أعطي الأخوان فكره عن الموديلات اللي تبي تنزل قريبا علشان الواحد لايستعجل ويعرف إنه فيه موديلات راح تنزل قريبا يمكن تكون أحلى من الموجود الآن في الأسواق :) ,,,

مشكور على ردك ... وتحياتي لك ,,,

هلا والله بابراهيم :
والله الجولات مرة تهبل وتخلي الواحد وده يشتريها

مشكور اخوي ابراهيم

والله ياخوي النجيدي ..
بصراحه عرض يجنن .. وشكلك بتخربني على اهلي .. الله يعينهم :(:( ..

اكثر واحد اعجبني .. اول واحد .. وثالث واحد ( الكتيل ) .. والنوكيا .. والسيمنز والسامسونج .. (( ماخليت شي )) :):) ..

الله يعطيك الف عافيه .. وعلى كذا الكل بيستشيرك في انواع الجوالات ..

أخوي الغالي فهودي ,,,

مشكور على كلامك ... لكن ( وده يشتريها ) :( زعلتني منك إشتر يارجال ووكل الله :) ,,,

تحياتي لك ,,,

أخوي الغالي ابو هلال ,,,

العفو ياغالي وحنا في الخدمه ,,,

تحياتي لك ,,,

إختي الغاليه هلالية سدير ,,,

مشكوره على كلامك الحلو وهذا بس من ذوقك ,,,

من ناحية إنك تستشيريني إذا جيتي تاخذين جهاز جديد ... فحنا في الخدمه وتحت امرك , لكن ترى ثمن الإستشاره غالي :) .... يعني الجوال اللي تبين تاخذينه لازم تاخذين واحد ثاني لي :D ... ولا ترانا بنهوّن :rolleyes: والله يعين أهلك عليك وعلي انا معك :D ,,,

امزح معك ويسعدنا ترى خدمة الهلاليين والهلاليات في أي مجال :) ,,,

مشكوره على ردك .... وتحياتي لك ,,,

هلا والله بابراهيم :
اخوي ( وده يشتريها ) بس في مشكلة الميزانية تعرف طالب وغثا واخاف اني اشتري واحد يطلع فيه خربات الدنيا بعدين ابلش فيه .