فرحة الأهداف !! - نادي الهلال السعودي - شبكة الزعيم

totti^^roma · #1 07/03/2005, 03:08 PM

[align=center]موضوع لتغيير الجو و الفرفشة بعد بعض الناس ما نكدوا علينا الأسبوع

من أحلى اللحظات في هذي الرياضة هي اللقطات الدرامية الي تكسر جمود التكتيك..

و تغير روتين حركات الكرة التي تعودنا عليها من تمرير .. تسديد.. و مراوغة ..

لعل اروع اللقطات تكون بعد تسجيل الأهداف ..

صراحة انا عندي فرحة الهدف اعتبرها من روعة الهدف نفسه ..

يعني اهداف كثيرة تعجبني لسبب واحد.. هي الفرحة المصاحبة للهدف ..

و يعجبني كثيرا اللاعب اللي يفرض شخصيته.. و تكون له فرحة دائمه خاصه لكل أهدافه ..

الموضوع هذا مفتوح للجميع بالرد .. و كل واحد يذكر فرحته المفضلة..

بالنسبة لي .. بأذكر بعض الفرحات اللي اعتبرها روعة.. و بعض الفرحات الغريبة.. و بعض الفرحات اللي مالها سنع !!

[line]

طيري يا طيارة !!

فرحة مونتيلا .. و من منا لا يعرفها ..

اشتهر فيها حتى استمد منها لقبه و هو "la airplanio"

او الطائرة الصغيرة !!

[line]

يا حظي جاني ولد !!

من أشهر الفرحات على الأطلاق..

البرازيل قدام هولندا كأس العالم 94

الفرحة كان لها سبب.. و هو بيبتو رزق بولد قبل المباراة بوقت قصير ..

المشكلة صار كل من هب و دب يسويها خربوا طعمها

.. حتى ابراهيم سويد سواها

يا شين السرج على البقر !!

[line]

اششششش و لا كلمة !!

كبير يا فييري !!

أكذب عليكم اذا قلت اني ما حبيت فييري الا عشان هالحركة !!

[line]

اكثر فرحة رقي في العالم !!

فرحة سالاس..

راقية جدا جدا .. تحس ان راعيها راقص باليه مو لاعب كورة !!

[line]

قسم بالله انكم زلايب !!

فرحة هنري ..

صراحة مدري وش يفكر فيه لما يسويها .. حتى الابتسامة ما يبتسمها

بس احسه يقول .. والله انكم زلايب بدري عليكم تصيرون زيي

[line]

فيه ادلخ من كذا !!

فرحة رونالدو الجديدة..

قمة الدلاخة و السباكة و راكبه على وجهه من جد

يقولون انه يسويها عشانه حاط تاتو في يده اسم حبيبته ..

المشكله الدلخ دايم يلبس كم طويل يعني و ش الفايدة

!!

[line]

بوس خاتمك بوس !!

فرحة راؤول الشهيرة..

يبوس خاتمه بعد كل هدف..

و يعني فيه انه يهدي كل هدف يسجله لزوجته ;) يا بختها !!

[line]

ام العبيد !!

مارتينز الانتر..

احس فيه طاقة مستفحلة ما يدري و ين يصرفها فيه !!

[line]

انا المدمر

انا باتي قووووووووول !!

و مييييين ينسى فرحة الرشاش !!

[line]

سمعوني.. انا ميييييييين ؟؟؟

مرررره مرررره حركة !!

[line]

الشكر لله !!

mrra class !!

[line]

فرحة الصعقة الكهربائية !!

انبسط اذا جاب انزاقي هدف ..
تحس كنه ماسكه كهرب .. كل عضلة في جسمه تتحرك .. حتى لو ان شالله مسجله قدام " الحزم

" .. بيقامز و يناقز ..
يا حليله

بالله شوفوا خشته.. ما ترحمونه

شوفوا الصور و ادعو ربكم يعافيكم من داء السباكة !!

[/align]

ابو الريش · #2 07/03/2005, 03:20 PM

رائع ... ولاهيب غريبه عليك ذالمواضيع المتميزه

تحياتي لك

C A S I L L A S · #3 07/03/2005, 03:22 PM

مشكوووووور على الموضوع الشيق
بس فيه اثنين نسيتهم : ياسر القحطاني

وفان دير ميدا لاعب الانتر
وفيه شي ما اعجبني اللي هو:
تمدح حركات لاعبين فريقك اللي هم لاعبين روما وتذب على حركات الباقين كأن اللي يشوفون الموضوع روماويه بس
سلام
وكثر من هالمواضيع ;)

totti^^roma · #4 07/03/2005, 03:26 PM

توني ادري ان فييري و راؤول و سالاس و كاكا يلعبون في روما

ياسر القحطاني اجل..

ابو يعقوب وبس · #5 07/03/2005, 03:38 PM

[align=center]هههههههههههههههه

الله يرجك .. موضوع وسيع صدر .. ايه ياشيخ .. ريحوا روسنا شوي من المصايح والهواش

من أجمل الحركات ... واللاعب هذا له مكانه خاصه عندي ..

يازين هالدلاخه زيناه .. دامه يبي يعكّف الحرّاس والمدافعين ;)

كهرب .. تقوله صادق

... عاد إذا جيت للحق هذا أحسن مافيه انزاغي .. حماس زائد .. ولا مهارياً مهوب متمكن ![/align]

مدريداوي محايد · #6 07/03/2005, 03:39 PM

[align=center]

من احلى مواضيعك ان لم يكن الافضل

بس ماخليت لنا شي كل المميزين جبتهم

مافي على بالي الحين الا القناص فاندر ميد

ورونالدينو ترى فيه شوي من انزاجي

بس اخف 110 فولت :p اما هذاك ضغط عالي :p

والن شيرر مميزة ايضا بتحيته للجمهور

علي الفهيد يقلد الن شيرر

كلاوديو لوبيز ولاعبين لاتسيو جتهم فترة أبدعوا بفرحة الاهداف

مورينهو بعد تسجيل فريقه لاي هدف

وعليك عاد الصور

يعطيك العافية

تحياتي [/align]

KlUiVeRt_9_ · #7 07/03/2005, 03:51 PM

مشكووور اخوي على الموضوع

بس والله في حركات كثييير حلوه ناسي تحطها لبعض اللاعبين يا ريت تجيبهم مثل
لاعبين البارسا مثل لويس انريكه خصوصاً
سافيولا
كلويفرت
ريفالدو
رونالدينهو " الرقصه خصوصاً "

وفي حركات حلوه مثل لاعب ايرلندا روبي كين الاكثر من رائعه

حركة القحطاني حلوه وحركة اللاعب البحريني طلال يوسف

مشكوور مرة ثانية اخوي

برشلوني مدريدي · #8 07/03/2005, 03:59 PM

مشكووووووووووووووور على الموضووع الجمييل
ويعطيك الف عاافيه وبنسبه لاحسن حركه

اعتقد انه سالاس

10Ronaldinho10 · #9 07/03/2005, 04:01 PM

[align=center]

موضوع جميل ..

فعلا .. مابقيت لنا شي .. بس بضيف كم فرحة " خشت مخي "

;) ;)

هذا اذا قالوا لك شف الارنب اللي يطير

.. اقول لك شفه على وشك
الاقلاع

..

كم ازدادت نيران الشوق الى رؤية هذه الفرحة ..

فيردناند وهو في طريقه الى تأدية رقصته المشهورة
في كأس العالم ;) ..

مالقيت الرقصه جبت لكم " النية في الرقصه " عشان تستمتعون بالرقصه من جذورها

[line]

كل ما اشوفه يفرح بتسجيله الهدف .. تجيني ضحكه ماشية مليون

احس ان عمر ابو جده ماقد سجل

..

ياحليل رونالدينهو عنده

..

تحياتي [/align]

m.owen · #10 07/03/2005, 04:23 PM

تحيااااااااااااااااااااااتي

7أبوخالد7 · #11 07/03/2005, 05:02 PM

الصراحة موضوع رووووووووووووعة

مشكووووووووووووووووووووووور

@ahmed@ · #12 07/03/2005, 06:37 PM

[align=center]حتى في ذي مبدع توتي روما

ما بقيتلنا شي والله >>> يبغى يصرف

بس عندي بعض الحركات وحبيت أضيفها ليكون الموضوع كامل ;) (والكامل وجه الله)

حركة بيكهام المشهورة بس ما يسويها الا مع إنجلترا

كلوزة وفضيحة الثمانية

سافيولا...وين أيامك

كاكا الميلاني

تحياتي @ahmed@

[/align]

Gunner4Ever · #13 07/03/2005, 09:29 PM

[align=center]ماشاء الله عليك توتي روما ... كل موضوع تكتبه يكون له ثقل في المنتدى ..

انا حبيت فقط اضيف فرحات لهنري ....

هو يا انه يتحمس مثل اللي تفضل انت وحطيتها ...

او انه ينط يطير فوق ..

هنري يحتفل بهدفه الاول على الانتر ;)

هنري يحتفل في الاولومبيكو بعد ان سجل هاتريك
( هذه اهداء خاص للاخ توتي روما

)

او انه يقبل شعار الارسنال ..

واصل ابداعاتك اخوي .. تحياتي ...[/align]

Gunner4Ever · #14 07/03/2005, 10:00 PM

ونسيت اضيف احتفالة روبي كين باهدافه .. اذا كنتم تعرفونها ..

هذه خاشة مزاجي ....

تحياتي ..

almelany · #15 07/03/2005, 10:07 PM

يعطيك العافيه