يوم الأحد (( 25/1/1426هـ)) موعدكم يالجمهووووووور .. تكفووووون - نادي الهلال السعودي - شبكة الزعيم

شفشينكووو7 · #1 28/02/2005, 12:45 AM

[align=center]بسم الله الرحمن الرحيم ..

السلام عليكم ورحمة الله وبركاته ..

اخواني الكل يعرف ان يوم الأحد القادم باذن الله مباراة الزعيم مع نادي الوحده الشقيق في دور الثمانيه من بطوله كأس ولي العهد ( حفظه الله ) .. وذلك على مدينة الملك عبدالعزيز بالشرائع في مكه المكرمه ..

وهذا اليوم طبعا هو يوم الجمهور الهلالي في جميع أنحاء المملكه بلا استثناء ..

واللي يقول انه بالرياض ومايقدر يجي أحب اقوله ان مباراه الهلال مع الاتحاد ومع الاهلي الاخيرتين كان فيه جمهور من مكه ومن جده راحوا للرياض وحضروا المباراه ..

فلا يبخل علينا الجمهور بالحضووور تكفون وصدقوني جمهور الغربيه موب مقصر وبتشوفون الدليل بالملعب ان شاء الله ..

نقاط هامه جدا ..

@ أولا / أتمنى من ادارة العلاقات العامه بنادي الهلال توفير اللافتات الزرقاء لجماهير الزعيم في مكه وانا راح اكون مسؤول عن توزيعها اذا مافي احد يوزعها .. بس ياليت اداره الموقع ترد لي خبر قبل المباراه بكم يوم ..

@ ثانيا / أتمنى ايضا من رابطه الجماهير الهلاليه في الرياض انها تحضر للمباراه لان المباراه مهمه جدا للزعيم ولازم مسانده من رجالات الزعيم ، فأتمنى من فواز الدوخي او ابو لما او غيرهم من عشاق الازرق الحضور عشان يرتبون الرابطه ونشجع الزعيم طول المباراه ..

@ ثالثا / أجي لجمهور الزعيم في مكه وفي الغربيه بشكل العام .. اكيد كلكم تتذكرون مباراه الهلال والوحده اللي بالدور الاول يوم فزنا 3/0 كان فيه تشجيع بس ترى التشجيع ماجاء الا بالشوط الثاني لكن هالمره نبي التشجيع من البدايه واللي يقدر يجيب طيران ومكرفون عشان نشجع تمام ..

@ رابعا / حبيت أسألككم بس الشرائط البيضاء وين تنباع ؟؟ عشان ابي اشتري كميه واوزعها على جمهور الزعيم ..

@ خامسا / ياجماعه الخير انا عندي علم طوله 10 متر وودي اكتب عليه عباره بس طبعا بعد موافقه اخوي ابو فيصل .. العباره هي (( والله عادي وطبيعي .. هذا الهلال ياحبيبي )) أتمنى ترد علي ياابو فيصل تكفى قبل المباراه بكم يوم عشان اقدر اوديها للخطاط ويكتب عليها ..
وغير كذا ابي استأذن من اداره الموقع اني بكتب على العلم من تحت بكتب شبكة الزعيم وبكتب الموقع حق شبكة الزعيم ... ممكن ؟؟ ياليت تردون لي تكفووووون بس بدري ..

@سادسا / ياجماعه انا متحمس لهالمباراه بس تكفون لاتخذولننا يارجال الزعيم نبي حضور جماهيري ومستوى من اللعيبه يتوج بفوز ان شاء الله ..

ومشكووووووورين يااحلى شبكة ..

أخوكم

راشد الراشد .. بانتظاركم بمدينه الملك عبدالعزيز نصلي العصر هناك خخخخخخخ

[/align]