|
خسئت يا بتال ان يساوم الهلال أبنائه.. السلام عليكم ورحمة الله وبركاته... في حكم اني مغترب وفي امريكا..لم استمع لمقابلة نواف على القناة الرياضية إلا قبل قليل...واستغربت بشكل جدا كبير الحرب اللتي خرجت تماما عن سياق الصحافة والاعلام..وستهدفت اللاعب الكبير الخلوق نواف التمياط...ومن خلف الكواليس استهدفت العلاقات الهلالية الداخليه سواء بين اللاعبين والادارة او حتى مع الجماهير... في اكثر من لحظة...جاء بتال القوس يهاجم نواف وكأنه هو نفسه كان المتسبب في اصابة نفسه وجاء يكاثر بنواف المبلغ اللي دفعه سواء الامير سعود بن تركي او عبدالله بن مساعد...كان بتال يتحدث بلهجة الحاقد والحاسد وليس بلهجة المحاور الصحفي المحترف...جهز معلوماته الصحفيه ليرمي بها نواف ويهاجمه ويسقطه في فخ او في شيء من ذلك...لكن خسئت يا بتال...نعم خسئت... الم تعلم يا بتال ان نواف قبل ان يكون لاعب في الهلال بعقد احترافي هو ابن للهلال..هو وليد ولد في المدرسة الهلاليه..الم تعلم ان الهلال هو بيت لكل من ترعرع في احضانه..الم تعلم ان الهلال لا تهمه لغة المال ابدا اذا جاء الموضوع لابن الهلال اللي لم يتردد ابدا في خدمة بيته...البيت الهلالي يا بتال برئ منك ومن اتهاماتك بانه يساوم لاعيبه... في الاخير احب ان اوجه للأخ بتال القوس رسالة مضمونها كلمات بسيطة تقول : لم ولن يحصل في تاريخ الهلال ان يساوم احد ابنائه على اي شيء...وابناء الهلال يلعبون للهلال لانهم من الهلال ولأنهم ولدوا في الهلال...ومقتنعين انه ليس هناك بيت ثاني غير البيت الهلالي... آسف يا اخوان على الاطاله...لكن حبيت فعلا ان اعقب على استضافة نواف التمياط من خلال القناة الرياضية..شاكر لكم اخواني تعاونكم...تحياتي لكم...اخوكم وليد.. |
لا يا أخي أعتقد انك بالغت كثير في شتم بيال وهذا ليس من عرفنا ولا أخلاقنا كمسلمين قبل ان نكون هلاليين صحيح الاسئله تنرفز هناك اتهامات باطله ولكن هذه طبيعة البرنامج..... ولا تنسى ان بتال أوفى حق نواف التمياط كاملا عندما مدحه وأشاد به في بداية وختام البرنامج .... وأنا أعتقد ان بتال من أفضل المذيعين في القناه ..... وبالنسبه لنواف فأعتقد انه ما طب غير حقه ومن حقه يطلب المبلغ اللي يبغاه لأن هذا هو مصدر رزقه... أخوك المحب / هلالي أبد الدهر |
مساومة الهلاليين للنادي بدأت منذ فترة والدليل ما حصل مع خميس والعويران وما يدار الان خلف الكواليس مع أحمد الدوخي |
اعتقد انك ظلمت بتال فا طبيعة البرنامج هي اثارة الضيف لكي .. يتكلم ويتحدث .. وهذا لجلب الكثير من المشاهدين فا نواف تكلم وبتال ايضا تكلم .. والكل اعطى الاخر حقه .. لكن الاجمل طلة نواف خلف الشاشه .. يظل اكثر حضور خلف الشاشه للقناة السعوديه في المواجهه مع نواف ;) |
مره وحده خـــــــــــــــــــــــســـــــــــــــــــــــــــئــــــــــــــــــــــــــــت والله قويه ............. وانا من الناس الي يعتبرون بتال من أحسن المقدمين ................ كلامه بالحلقه كله منطقي .....(( أعتبر أن نادي الهلال شركة أبوك .... ما تتعامل مع نواف مثل ما قال بتال)) ومع أجمل التحايااااا |
بالنسبه للقوس بتال : هناكـ فرق بين الجرأه والوقاحه تمنيت انه يكون بنفس الجرأه (الوقاحه) مع اسير الشوق عموما نواف تفوق كثيرا على بتال فنواف حتى بعد ان (أوضح) له موضوع العقود عاد بتال ليقول مساومه فماكان من نواف الا ان قال له وعرض قناة الجزيره؟؟ قال بتال لا نواف مااتفقنا على كذا والسؤال هل بتال يساوم التلفزيون السعودي اذا طلب زيادة راتبه علما ان عرض الجزيره سبع اضعاف راتبه الحالي؟؟ او هل بتال مساوم او ناكر للجميل اذا انتقل للجزيره الرياضه ؟؟ علما بانه لن يستفيد التلفزيون السعودي شي من انتقاله كما يحدث للاعبين وبالنسبه للمال فبامجلي عضو شرف الاتحاد عرض على الهلال يوم كان نواف يعالج بفرنسا 15 مليون ريال لانتقال نواف ورودا الهولندي عرض مليونين ونص دولار لكن هناك لاعبين لاثمن لهم مثل يوسف وسامي والدعيع ونواف بعدين يا ناس فيه فرق بين الجرأه و قلة الادب وتكذيب الضيف ومحاولة تصويره اما الناس على انه مخطئ مهما قال والمشكله هالقوس بعد مايجاوب عليه الضيف مايسكت ويترك الحكم للمشاهدين يحاول يأثر على رأي المشاهدين اما بابتسامة سخريه او تهكم من اجابة الضيف ثم يغير الموضوع دايم يحاول يثبت ان الضيف على خطأ |
يا أخي أعتقد انك بالغت كثير في شتم بيال وهذا ليس من عرفنا ولا أخلاقنا كمسلمين قبل ان نكون هلاليين صحيح الاسئله تنرفز هناك اتهامات باطله ولكن هذه طبيعة البرنامج..... ولا تنسى ان بتال أوفى حق نواف التمياط كاملا عندما مدحه وأشاد به في بداية وختام البرنامج .... وأنا أعتقد ان بتال من أفضل المذيعين في القناه ..... وبالنسبه لنواف فأعتقد انه ما طب غير حقه ومن حقه يطلب المبلغ اللي يبغاه لأن هذا هو مصدر رزقه... |
s13s s13s كيفك وليـــــــد,, ياخي انا الحين تأكدت ان ثقافتنا الإعلاميه عند رجولنا ووالله العظيم ما ينجح عندنا احد ابد ,, يا جماعه اسئلكم بالله تبون بتال يصير مثلكم في الحلقه ويخليها كلها مدح لنواف ,, بعدين مع احترامي لنواف وخلونا واقعيين وش قدم نواف للهلال ,,بالعكس الهلال اعطى نواف حقه وزياده ويحمد ربه نواف لو كان في نادي ثاني كان الحين في غياهب الظلمات والله يعلم بحاله ,, ياخي الهلال له اربع سنوات يكد على نواف ونواف ما لعب ولا مباراة وتجون وتقولون لنا نواف خدم ونواف اسطوره يا شيخ طير والله لو كان ابو يقعوب // ياناس اتقوا الله في ميولكم واعطوا كل ذي حق حقه بأمانه وبنزاهه وبعيد عن التعصب ,,, وللأمانه بتال مغادر للجزيره الرياضية القطريه ومخلي لكم هالجو المملؤ بالكراهيات والحسد وقلة الحيا على غرار(خسئـــــــــت) يا رجل اتق الله ,,,,, تقبل تحياتـــــــــــــي,,, |
:D اول شيئ السلام عليكم جميعا ثاني شيئ قسما بالله العظيم الموضوع ما يسوى كل هالهواش ثالثا شيئ يا اخي الفاضل هلالـــــــــ15ـــي ياخي انت فاهمني واكبر دليل اسمي واسمك بس اختلف معك في ان نواف ما قدم شيئ للهلال ياخي يكفي فخر ان يوسف يقول ان نواف خليفتي في الملاعب رابع شيئ مدري وش اقول :p خامس شيئ اي واحد ينضم للهلال ان شاء الله لو يجمع كور في التدريب ما يحق لنا اننا نغلط عليه لانه ينتمي لصرخ شامخ قاهر قلوب بشر :wallbash: وبلا بتال بلا هم واقترح انكم توفرون حروفكم على المدح ليوسف وسامي ونواف والشلهوب والدوخي والبرقان والغنام وووووووووو بجلس للفجر ما خلصت تحياتي لكم ولا احد يزعل s60s |
| الوقت المعتمد في المنتدى بتوقيت جرينتش +3.
الوقت الان » 05:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd