نادي الهلال السعودي - شبكة الزعيم - الموقع الرسمي - دعوه للضحك مع توقيع عضو في منتدى الأتحاد

السلام عليكم

ياشباب لا تسخرون من موضوع أو كلام انتم ماتعرفون عنه اي شيء..

إلى متى تضلون تحكمون على الأمور بمبدأالعصبية (( بمبدأ ان اي لاعب او اي انجاز لأي نادي سعودي غير الهلال لا نعترف به ولا يمثلنا كشعب سعودي))..صدقوني لن تتطور الرياضة السعودية بوجود هذي العقليات . وبالتأكيد ان هذي العقليات موجودة بين جميع جماهير الأندية السعودية. ونسأل الله ان يخلصنا منها.

وعلى فكرة كل كلامه صحيح من ناحية حصوله على الثلاث جوائز في الدورة التدريبية في نادي مانشستر يونايتد.رغم وجود لاعبين في عمره من اكبر وأعرق اندية العالم . وجاب الأول عليهم ونشرت صورته وهو حامل الجائزة في غرفة بيكهام في الصحف وبالأخص عالم الرياضة.وانا شفت الصورة بام عيني .وصدقوني حسيت باحساس غريب ونوع من الفخر والفرح .. لأنهم قالوا اللاعب محمد امين لاعب نادي الإتحاد السعودي .. وحطوا الف خط تحت السعوووووووودي..
أما بقوله ان مانشستر فاوضه او طلبه فماني متأكد من هالشيء بس المهم ان اللاعب حصل على الجوائز اللي ذكرها صاحب التوقيع..

وعلى فكرة انا بعدها طالبت بظم محمد امين للهلال باي مبلغ لأنه ما ياخذ فرصته مع الإتحاد ولوجا للهلال راح يكون من افضل المهاجمين في تاريخ الكرة السعودية .. (( لأنها بالعقل . لاعب صغير السن وكل المباريات اللي شارك في نهايتها سجل اهداف .لدرجة انهم في مباراة غزل المحلة اللي لعبوها في مصر نزل في آخر دقيقةمن الوقت بدل الضائع وسجل هدف . وهو لاعب يتميز بكل صفات المهاجمين العالميين .. وما أخذ الجوائز في مانشستر إلا وهو لاعب كبييير .. ووالله حرام ان لاعب بمواصفاته مايأخذ فرصته .. ولا يضموه للمنتخب .. وانا اكرر مطالبتي للإدارة الهلالية بظمه للزعيم .وبالمناسبة محمد امين وصف من قبل عبدالمجيد الشتالي وأمين دابو بانه اسرع لاعب سعودي يجري بالكورة .. يعني يجري بسرعة فائقة والكورة بين رجليه.

وآسف على الإطالة