|
ياسر الياس .. هل أقنعكم بمستواه ؟ ياسر الياس هذا الفتى القادم من نادي احد في المدينة المنورة ليلعب لأكبر فرق السعودية استعان به الهلال مؤخراً كلاعب أساسي بعد انضمام النجم احمد الدوخي للمنتخب ومن ثم استمر أساسياً بعد إصابة أحمد الدوخي في المنتخب ! السؤال هل أقنعكم ياسر الياس بمستواه الذي يقدمه مع الزعيم ؟ بالرغم من ان الحكم عليه لايزال مبكراً الا انني ارى فيه بوادر النجوميه والقتالية واعتقد بأنه مقنع لي أنا شخصياً واريد أن اعرف رايكم حوله ليكون دافعاً له لتقديم المزيد من العطاء اذا كان رايكم بأنه يقدم مستوى جميل أو لحثه على مضاعفة الجهد لنيل رضا جماهير الزعيم .وأي لاعب بلا دعم الجماهير وتشجيعهم لن يبرز مهما كان مستواه ! |
اللاعب توه صغير ومستواه متطور من مباراه لأخرى واللي يشاهده وهو في قمة حماسه بالمباراه يتوقع انه مر بكل فرق الهلال السنيه واللي حببني فيه اكثر يوم شال الكاس وقعد يركض حول الملعب لحاله بعد مباراة الاتحاد<-----مسيكين ماتعود على الكؤوس اتوقع له مستقبل مع الازرق بإذن الله |
ياسر الياس من مباراه لمباره يثبت انه مكسب وان شاء الله يحافظ على مستواه . |
لاعب جدا جدا ممتاز ما شاء الله عليه . s60s |
الاعب بمعنى الكلام وقريبا نسميه كافو الكره السعوديه :D s60s :D |
ياسر الياس من مباراة الى مباراة يثبت انه صفقة ناجحة بكل المقاييس أتمنى يواصل بتقديم مستويات مبهره وجمهور الزعيم يطمح بتقديم الافضل اتمنى له التوفيق في بقية مشواره الرياضي |
لاعب جيد يجيد التغطية لكن بصراحه مهاراته ليس بالمستوى المطلوب يعني مو ذيك المهارات اتمنى يتحسن مستواه لأنه لاعب صغير بالسن وان شاء يكون منافس للدوخي على الخانة |
ياسر مستواه مميز والدليل على ذلك اشراكه كاساسي اتمنى منه المحافظة على هذه الوتيره من المستوى وهو في طريقة للنجومية |
لاعب جيد |
والله ياسر جيد .. وقاعد من مباره لأخري يأدي أحسن .. وصدقوني راح يكون ظهيرنا القادم .. |
انا اشوف انه مايرتقي لمستوى الهلال ... هو ماشاء الله يعرف يرمي اوت بعيد ... بس وش الفايدة ... انا اشوف يجيبون واحد غير احسن .... حبذا لو العيسى حق الاتفاق سابقا والاتحاد حاليا ... لاعب مظلوم ... والا الياس رفع ضغطي في مباراة الاسماعيلي تحياتي لكم |
يعجبني حماسه و قتاله على الكورة و مستواه يتصاعد من مباراة لاخرى لكن يبغاله زيادة لياقة و شوية مهارات وجهة نظر و الله من وراء القصد |
اشكركم على مروركم وعلى تفاعلكم مع الموضوع .. ويظل ياسر الياس لاعب صغير السن ننتظر منه المزيد ان شاءالله. |
إقتباس:
اما حمد العيسى افضل منه!!!! هذا اذا سمينا حمد العيسى لاعب كرة قدم فهو في نظري مصارع او سمّه ماشئت غير لاعب كرة قدم وشف لعبه مع الاتحاد يا ينطرد أو يسبب ضربة جزاااء او يلمّس الكوره بيدينه. وعلى فكرة الياس من يوم طلع في مباراة الاسماعيلي والخانة حقته صارت شوارع من طيب الذكر ابو عزيز . همسة قليلاً من التعقل في الحكم على اللاعبين وخاصة صغار السن والمنتقلين حديثاً. |
اخوي رهيب ... انا احترم رأيك ... ويمكن أنت تشوف نقاط وانا اشوف ثانية ... لكن أنا أشوف ان الياس صار يقارن بالدوخي ... يعني وش فيه الياس .. جسمه ضعيف ... تغطيته الدفاعية سيئة ... وغير كذا .. جميع الاوتات اللي للهلال على جهة اليمين .. ضيعها ... يعني كان يمكن يستفيد من الهلال .. من خلال رمية قصير وثم يرفعها برجله ... مهاراة الياس ضعيف ... ماعنده فنيات .... وش تبي أكثر من كذا ... يعني ماينفع يساند هجوم من خال عرضياته ... مثل مايسوي الدوخي ... ولاينفع يسد الظهير الايمن دفاعيا ... انا اقولك مثل كلامك .. لاتحكم عليه انه لاعب خطير ... من اول شي ... انا ابيك تشوف اللاعب .. مباراة وحدة .. وانت تقدر تفرق بين انه خانه التوفيق والحظ ... والا هو ماعنده سالفة .. الهلال بحاجة لاعب كبير .. يغطي الظهير في حالة غياب الدوخي ... والياس مو طموح الهلال ... مثله مثل الظهير الأيسر ... الجري فنان ... بس المدرب مايلعبه ... لوجود الخثران .. وعشان كذا الأظهرة صايرة نقظة ضعف الهلال ... واخي دليل الاهداف اللي جت على الهلال .. اغلبها كور عكسية ... فياليت ... تسأل نفسك ... هل الياس هو طموح الهلال ... ووش سوى عشان يصير طموح الهلال ... ؟؟ تحياتي لك .. وانا تكلمت من خوفي على الهلال ... |
| الوقت المعتمد في المنتدى بتوقيت جرينتش +3.
الوقت الان » 11:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd