لغز ( فكر و أكسب ) ( أرجوا من الجميع المشاركة ) - نادي الهلال السعودي - شبكة الزعيم

عاشق النمر · #1 07/05/2001, 05:46 PM

تصور نفسك الساعه 9 ليلاً ماشي في أمان الله بسيارتك تسوق برجل ورافع الرجل الثانية على الطبلون ( عشان يعرفون الناس إن سيارتك قير أتوماتيك ) وفي يدك اليمنى فصفص وفي اليسرى علبة بيبسي ومشغل المسجل وخاش جو وفجأه يوم أقبلت على الإشارة لقيتها كذا

وش تسوي عشان ما تخالف القانون هل توقف والا تمشي والا ماذا تفعل

+++++++++++++++++++++++++++++++++++++++++
أفضل أجابه ستربح معنا ( مهوب عاقل جورج قرداحي )

المتنبي · #2 07/05/2001, 05:56 PM

ما يبيلها مخ بعد

الف يمين واكمل رجل على الطبلون وحب وببسي

بس اهم شي حزام الأمان لا تنساه ترى المخالفه في ظهرك وانت ما تدري

RAID2001 · #3 07/05/2001, 05:57 PM

الف يمين واول مديور(يو تيرن ارجع)وهلما جرا الين ما امسك الشارع الي ابيه..............

ذكي صح.....................

ابراهيم النجيدي · #4 07/05/2001, 06:01 PM

( البق ) السياره وأركب تكسي

,,,

وراعي التكسي يتصرف يبي يقطع الإشاره ولا مايقطعها هو حر ,,,

واتصل على ( ونش ) أخليه يسحب سيارتي الين البيت

,,,

ـــــــــــــــــــــــــــــــــــــــــ

وبعديت تعال هنا ..... انت ماتترك عنك المواضيع هذي اللي من جنبها ؟؟ ,,,

ســ9ــامــ9ــي · #5 07/05/2001, 06:09 PM

أقطع الإشارة ونص بعد ...!!

ههههههههههههه

ماعلي من أعتل دورية ...!!

وإذا وقفوني وش بيسوون ...!!

كلها أربع وعشرين ساعة توقيف ...!! ( ههههههههه متعود خلاص )

ولكم تحياتي ...

أخوكم / سفر المرزوقي .

غريب الدار · #6 08/05/2001, 04:36 PM

بالنسبة لي اشوف ان افضل شي اني اطفي انوار السيارة واقطع الاشارة وبكذا ماراح يشوفني احد .

ماني عاقل ،، عدل لولا

ماروكو · #7 08/05/2001, 04:37 PM

والله مااتصور نفسي اني اسوق ههههه بس يالله نتخيل وش ورانا
اممممممم اول شي بوقف طبعابعدين اناظر يمين ويسار وقدام واذا مالقيت احد امشي
نظاميه مرررررررررره صح

DEDO · #8 08/05/2001, 05:47 PM

لاتعليق .............. تخيل ان شارة خضرء وكمل طريقي لى اني ماني فاضي احط الببسيى او اترك فصفص واتعب رقبتى وخرب جوي ومسئولين عن الاشارة مهب دارين عن دعوة.

زعيم آسيا · #9 08/05/2001, 07:12 PM

اولا:
الأشاره الخضرا تقعد ثانيتين**والصفرا والحمرا كلهم**ثانيتين
ثانيا:
لما تكون خضرا انا امشي بسرعه وبتجي بعد الخضرا صفرا امشي فيها عادي لما توصل الأشاره حمرا اكون معديها******

وش رايك****
[عدلت بواسطة الزعيمـ2001 التاريخ:08-05-2001 الساعة: 08:16 PM]

هلال الخبر · #10 08/05/2001, 07:34 PM

أذا على قولتك ان الاشاره كذا تعطى احمر واصفر واخضر مع بعض
أكملها وأحط الرجل الثانيه فوق الطبلون وطلع
كيست البروست

عاشق النمر · #11 08/05/2001, 11:02 PM

للأسف خطأ عليكم كلكم لا وللأسف بعضكم يجاوب مجاوب بثقه تقول هو وأسعد عبد الكريم أربع وعشرين ساعه فالينها بلوت ( مثل بعض الناس )

أولاً : مافيه اشارة تسوي كذا الا ذا كانت خربانه .
ثانياً : المفروض التصرف السليم تتصل على الشرطه وتعطيه خبر أنها خربنه <===== مواطن صالح

وبعد كذا تمشي بحذر بعد التأكد من خلو الشارع من السيارات <==== مأثره فيه سلامتك .

وبس مافاز أحد منكم نحتفظ بالجائزة للحلقة الجاية

الدرعاوى · #12 09/05/2001, 02:39 AM

لحضه وين فارك بالجائزه عندي الحل :

أتلزق في خط البلده وطبعا انتم عارفين لا أسعد ولا أحمد يقدر سوى
معه شي ولا يقربه عزالله طحنا فى مشكله مين ياخذ الجائزه انا ولا خط البلده؟