والله حبيبي يوم دخلت اختبار القدرات......... لا راجعت شيئ ولا يحزنون كلها 3 ساعات تغثك ....... ودك تنتهي بأسرع وقت..

يقوم المدرس بإعطائك 6 أوراق تشتمل على أسئلة مابين صعبة للغاية ومابين متوسطة سهلة أبدا ماشفت.. إلا والله معطينا سؤال في بداية الصفحة فرحت واجد قلت بس أول الغيث قطرة وكان السؤال:

س/ عاصمة المملكة العربية السعودية...........
1- مكة 2- جدة 3- الرياض 4- المدينة


وفجأة لقيت حاطين السؤال كمثال لباقي الأسئلة وانسدت نفسي ...........

عموما الله يوفقك ويسهل دربك ........ تحياتي.

الله يوفقك خيووو ..ويوفقنا معك

و الشباب الله يعطيهم العااافيه ما قصروا

^
^
^

الاخت واثقة من نفسها

الله يوفقك ..

على أيامنا كانت اول سنة اختبار قياس ينزل و من أول مرة جبت علامة ماهي داخلة مخي للحين .. من قوتها ما اعدت الاختبار .. من اعلى 5% بالمئة .. من الفرحة ما داومت .. يالله لك الحمد ..

انت أبذل الاسباب .. بس صدقني ماهي على المعدل الدراسي .. زملاء لي تخرجوا بعلامات في السبعينات ..و علاماتهم بالثمانيات في قياس .. واحد منهم جاب 89 ..

على فكرة فيه معهد اسمه رائز في الشرقية ورا سيتي بلازا في الخبر .. و له فرع بالرياض و جدة .. الدورة حقت قياس على ايامنا كانت ب 500 ريال .. لو تركز فيها بشكل جيد راح تساعدك .. و يعطونك الكتيب الخاص بالاختبار و فيه امثلة للاختبار لو حليتها راح تساعدك .. تدرب عليها ..

على العموم اذا كنت فوق ال 70 وضعك تمام .. بس تذكر كل ما زادت علاماتك رفعت نسبة قبولك بالجامعات

بس ابعد عن النرفزة .. و تذكر فيه فترة ثانية يمديك تعوض فيها .. و حب رأس أمك قبل تطلع و ازهلها

موفقين ..

والله إختبار القدرات .. ما أبي اخوفك منه .. لكنه .. فيه فن وحرفنه وذكاء .. , القهر إن كل الأجوبه راح تكون متشابهه جدن .. .. على العموم خذ أعلى درجه تقدر عليها .. .. لأن راح يفيدك كثير بتقديمك للجامعات .. .. والميزه اللي فيه إنك تقدر تعيده مرتين .. بس هاذي قيها فايده لك ولهم .. علعموم .. لو تدفع مييتين مهيب خساره أهم شي إن الواحد يلقى له محل يضفه .. وأي شي أنا حاضر .. على فكره .. السنه الماضيه إختبرته .. وجبت بالاختباريين 68 .. مع مرتبه الشرف.. تراه قلق والله يعينك ,.,. لكن إستعن بالله .. وإسمع .. قبل لا تدخل الاختبار .. لازم تكون متهيأ نفسياً .. .. تحياتي والله يعينك ,,

إقتباس الرسالة الأصلية كتبت بواسطة الفيروسه الزرقاء [align=center] أفــكـــورس [/align]

لوووووووووووووووووووووووول افكورس اجل

والله ماظنتي يبيلها سرعة وفطنة ودهاء وهذي الصفات ولله الحمد موجوده فيني وفي اكثر الشباب

موب مثلكم بطيئات وخوافات

السلام عليكم ورحمه الله وبركاته
مساك الله بالخير شيطون بصراحه كلنا في الهوى سوى وكلنا عندنا اختبار قدرات لاني في ثالث ثانوي بس حبيت اقول كم شيء عرفته من غير
اول شيئ
اشتر الكتاب لانه مهم مره حق القدرات تلقاهب25 ريال وتلقاه في مكتبه جرير او غيرهاوالشيئ الثاني
في كتاب لارامكو اسمه رام ون يقولون انه مهم
والشيئ الثالث
فيه بعض الدورات عن اختبار القدرات
فهذي انا ما انصحك فيها لانها كلها شغلت نهب فلوس وكل الي دخلةها ما جابو درجات زينه
والشيء الرابع
اذا بغيت تروح رح ومع اخوياك ورح وانت بايعها يعني لا تتنرفز وتوسوس
واذا ما امداك على حل كل الاجابات في الوقت اشتغل انت وحظك
اتمنى اخوي شيطون اني افدتك

وفي امان الله

واقولها بالايطالي
تشـــــــــــــــــــــــــــــــــــــــــــــاو

أشكر ظروف الوقت وأرجع أشكركم **** يامن عطاني أغلى درس بحياتي


ياجماااااااااعه احلى بووووووووووووسه لكم بصراااااحة افتدوني كثير وماقصرتوا
الله يعطيكم العافيه ويخليكم.
ومشكوووور..

ما سوينا شيء اخوي شيطون
واعلى العموم بالتوفيق لي انا وياك والجميع انشاء الله
بس اقول انت في اي يوم سجلت؟؟

يوووووم 5/2