|
مساكم الله بالخير بعد ان سمعنا عن بطولات تقام باسماء لاتاريخ لها سواء رياضي او غيره قررت انا (( شايب الهلال )) احد اعضاء شبكة الزعيم ان اقيم بطوله تحت مسمى (( بطولة شايب الهلال )) وسادعو لها الفرق التاليه المورده السوداني // المطابع الصومالي // اهلي صنعاء // الحاله البحريني السكة الحديد المصري // النهضة السعودي // كوكب الخرج // وطبعا الهلال السعودي (( علشان ينجحها ويأخذها في نفس الوقت )) ************ طبعا لابد من وجود هيئات مشرفه على البطوله لذا سيكون المشرف الإعلامي للبطوله // اسير لطيفه وسيساعده في ذلك صحفي المنتدى (( طلال )) اما المتحدث الرسمي للبطوله فهو ساحر المنتدى (( الاسطورة )) وسيكون سفر المرزوقي (( اللي يستقبل الوفود المشاركه )) ولد شيك ويشرف اما سكن واعاشة الفرق نبي نخليها لبو ناصر التحكيم ومشاكله مسؤول عنها (( الحريف )) (( ذمته واسعه شوي )) اللجنه الفنيه ستتكون من شاعر الهلال // عبدالله الموكاء // عاشق النمر // هاجس // طبعا البطوله كلها ستكلف مبدئياً 200000 ألف ريال وسنعوض ذلك بعدين من الجماهير التي ستحضر كل فريق سيكلف 20000 ألف ريال لماذا لاننا سوف نسكنهم في استراحات رخيصه وسيركبون النقل الجماعي والمبلغ سوف يتدبر كالتالي سوف يلزم اعضاء المنتدى بدفع 30 ريال لكل منهم مقابل حضور مباراه من البطوله في المنصه لمره واحده فقط وبما ان عدد الاعضاء اعتقد 4000 (( ماشاء الله )) اذن سيكون المبلغ 120000 ريال وسيبق 80000 الف ريال سوف اتدبرها انا انشاء الله (( ناوي على ددسنيين )) طبعا البطوله من هالحين والآوامر عند الحريف محسومه للهلال (( ليش هم احسن منا )) طبعا سيتخلل البطوله اهداف صحيحه وملغيه وبلنتيات غير محسوبه وسنوقف كم حكم في آخر البطوله (( يعني يعني ماحناب راضيين باللي يصير )) سنحضر شخص عربجي وقليل ادب ومايستحي ومتربي في الغاله علشان يضفي جو حماسي على البطوله وستعطى له الصلاحيه بشتم عباد الله والسخريه منهم والتهكم عليهم والتنكيت عليهم واتهامهم بما ليس فيهم (((( ويطمئن ماحاد قايل له شئ ))) وصدقوا اللي قالوا من آمن العقوبه اساء الأدب (((((((((( على فكره يمكن يجيب ولده معه ))))) ستقام البطوله كل ثلاثة اشهر لين يصير الهلال له 34 بطوله غير صحيحه وكلها ياسمي في نهائي البطوله سيتم تسليم الكاس وسأسلمه انا يامحاكيك وسأسلم الميدالية وسارقعكم بكلمه بعد البطوله وساقول طبعا انها ناجحه والقصد تجمع الشباب العربي (( ومثلك خابر )) سيكون هداف البطوله / وافضل حارس / وافضل لاعب / والفريق المثالي / والجمهور المثالي كلها طبعا انا احددها وعلى مزاجي (( بطولتي وانا حر فيها )) لذا كل من يجد في نفسه الكفاءة في الاشتراك بهذه البطوله عليه التقدم باسمه وبالمنصب الذي يريد ان يشغله ونراكم في بطوله قريبه انشاء الله ()()()()()()()()()()()()()()()()()()()()()()()())(()()())(()()() اقسم بالله هزلت // اقسم بالله هزلت // اقسم بالله هزلت وياحظ من له في القوم ولد عم ولا تدرون /// من امه طباخه ماجاع وسلامتكم شايب الهلال |
شايب الهلال حلوة ابي انا ارشح نفسي اصير اختر المعلق او المخرج من ناحية التعليق بصير محايد في تعليقي حتى مع الفرق الاجنبيه اما الاخراج الحمدالله تخصصي باكالوريس اذاعه وتلفزيون |
اقول ياليت تكون البطوله كل اسبوع علشان مجيب 48 بطوله في سنه واحده كذلك لازم نكتب للرئيس العام لترشيح امين عام جديد لإتحاد الكره يميل لفريقنا وعديم الذمه والضمير حتى يصادق على اللي نبي ونسجل له كم بطوله ( من 50 الى 100 بطوله ) من بطولات الحواري والسداسيات ويصادق لنا عليها ويرسلها للإتحاد الآسيوي ويكون عنده مؤهلات الكذب على الناس والضحك عليهم في الصحف ويقول لهم ان هذه البطولات فقط لتسجيل انجازات النادي فقط 00 |
سلام افا يابو فهد انا ذمتي واسعه بس ولا يهمك علشان الأزرق نسوي اللي تبي وبعدين بصراحه دمك خفيف لاصرت زعلان وانت عقب الأخبار الأخيره وانت زعلان على العموم وبصراحه مع انك تسخر لكن تراك حطيت ايدك على الجرح وللأسف ان المسؤليين الذين يفترض انهم يقودون الكره السعوديه للأمام سوف يعيدونها سنوات علشان خاطر عيون زكيه زكريا كما يحلو لك ان تسميه |
<FONT color="#000EFF">هلاء بشايب الهلال000زمان عنك يالغالي0</FONT> <FONT color="#0233FF"> اضف عندك000 بطولة التواير 000بطولة قول المغرب0هههههههههههههههههه</FONT> |
مساكم الله بالخير تركي الكبير اخوي ممكن تصير معلق ومخرج (( بطولتي وانا حر )) بس انتبه تعيد الفاولات اللي ضد الهلال بس اللى لمصلحة الهلال ركز عليها اخوي الموج 2000 وش يمنع نحطها لو تبي يوم بعد يوم والعمليه كلها طبخ في طبخ اخوي الحريف صدق انك لوقي لاتخليني ازعل عليك واحطك تجمع كور مشتاقين مر علينا يالهيس الاربد الأخ ابو سليمان وانا والله مشتاق ورجعتنا لايام بيتنا الطين يوم ان اللي اكبر منا شوي يلعبون علينا ويقولون قول المغرب عن عشرة وكرة الصب حقتنا بعد وان زعلناهم سطحوها واذا ابو الجيران زعول شقها تحياتي للجميع شايب الهلال |
============================================= أخوى شايب الهلال يعطيك طولة العمر لاتنسى بطولة الكعابه بطولة البير والمقرعه ( وفى قول لابى دجانه شريخ الشرخ ) بطولة طاق طاق طاقيه === خذ وخل === عد واغلط يووووووووووووه ياكثر بطولاتك ياشباب : ذكروه باقى البطولات الى هو ناسي ولامتنيسي |
شايب الهلال, والله انك صادق (هزلت) ومن أمن العقوبه... على فكره تراني حكم بلاستيشن, وذمتي واسعه يالحريف... يعني منتب لاقي أحسن مني (أقدر أحط الفاول اوت ) |
أخوي الغالي (شايب الهلال ) ,,, بما اني المتحدث الرسمي للبطوله فسوف اكشف لكم بطوله (غفلتوا عنها ) وهي بطوله (الكيرم) :D التي حققها النصر وذلك عندما اجتمعوا في منافساتها الهنود العاملين في نادي النصر وهنود زائرين , حيث فازا الهنديين الذى يعملان في نادي النصر وتم رفع اوراق هذه البطوله للاتحاد السعودي والذى اعتمدها بطوله للنصر (مبروك هذه البطوله الجديده والموثقه ) :) ياغالي انت صورت واقع الاتحاد السعودي بتنظيمك لهذه البطوله العالميه :D ,, بس لي طلب عندك ياغالي وهو ان لاتقهر نفسك بسببهم وعلى افعال الاتحاد السعودي فهم لايستحقون ان ان تغضب لاجلهم او تحرك لاجلهم شعره , فهذه طرقهم منذ وقت طويل وتلك عاداتهم فلا جديد في ذلك ,,, وتقبل خالص تحياتي لك ,,, |
مساكم الله بالخير اخوي الدرعاوي سندرس إمكانية تنظيم بطولة الطاق طاقيه اما الكعابه سوف نكلف العقيلي بإحضار كم شايب من الرس لإدارة اللعبه اخوي الرزين لامانع من انك تحكم بس انتبه لشئ مهم حتى لو نفوز بالبطوله لازم نكمل التمثيليه ونقول الحكم تجاهل ضربة جزاء والقصيده اللي انت عارف باقيها وبعد المباراه انشاء الله ابشر بفرش البيت ونقل المعزبه بالمدرسه اللي عند بابكم ..... ولو تبيها مديره استاذنا الاسطورة اولا : والله العظيم لك وحشه ثانيا : اسمحلي اقولك وارجو انك ماتنتقصني بسبب كلامي هذا .... والله اني تعبان فعلا بسبب هالمهازل والتي بدت بتمثلية المربع وعساها تنتهي بإضافة البطولات الوهميه ومانقول الا يالله الصبر من عندك وبصراحه حلوه بطولة كيرم الهنود الله يوسع صدرك شايب الهلال |
الله يرحمك يا فهد ويسكنك فسيح جناته للرفع |
السلام لاحول ولا قوة الا بالله انا لله وان اليه لرجعون الدايم الله الحريف |
الله يرحمك يابو فهد رحمه واسعه واشكرك اخوي محمد على رفع الموضوع هذا اللي كان اول رد لي له في هذا الموضوع الله يرحمك الله يرحمك الله يرحمك رحمه واسعه واسكنك فسيح جناته امين يارب العالمين |
تحياتي ... رحمك الله ياأبا فهد واسكنك الجنه ,, |
رحمك الله يابو فهد الحمدلله على كل حال بالأمس نتداعب ونتبادل أطراف الحديث واليوم ذهبت عنا الى الرحمن الرحيم الله يغفرلك ويتوب عليك ويسكنك فسيح جناته اللهم آمـين |
| الوقت المعتمد في المنتدى بتوقيت جرينتش +3.
الوقت الان » 08:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd