ما الحل مع رجال الهيئة هل هذا يرضي الله ؟؟ - صفحة رقم 3 - نادي الهلال السعودي - شبكة الزعيم

T i T O · #1 04/02/2006, 03:20 AM

جزااااااااااااااااه الله خير الجزاء
فالبعض يشكك في رجالنا رجال الهيئة
رجال الئية لهم الفضل الجزيل بعد الله فمنهم الكثير من يراقب على مدارس بناتنا ومنهم من يعمل الخير لوجه الله
أيضاً المحافظة على أسواقنا من الغزل بالرغم أن فيه الكثير من الغزل لكن لهم البصمة في التقليل منه فلا تفتروا عليهم بالإساءة ..

CuTe_NaJeD · #2 04/02/2006, 05:38 PM

اتمنى ان كل رجال الهيئه يكونون كذا

و ياشباب خلونا شوي واقعيين ترى مو كل رجال الهيئه نفس اللي كان بالقصه

اجل واحد طالع مع اخته يتعشون ويصفقونه وياخذونه الهيئه واخر شي يقولون له آسفين

واللي صفقوه بالشارع وكسروه قبل شهر تقريبا ما ادري وش السالفه بالضبط المهم كانت السالفه حاطينها بجريدة الرياض

ويطلعون الشباب من السوق لييه؟ يعني اللي يشوفون عليه شي يطلعونه !!
يعني واحد بحاله و قاعد يتقضى يطلعونه من السوق ليييه ...؟

عموما تعبنا من الكلام هذا والله يهدينا ويهديهم

DodgeBall · #3 07/02/2006, 08:58 AM

بتنافسون (((بنات الرياض))) بهذي القصه خخخخخخ

الهلالي- ابوسارة · #4 07/02/2006, 04:08 PM

الهيـئـة متخلفين .. ولم يلاحقوا ركب الوقت المعاصر ..

أناس ( دشير ) وتركوا لحاااهم .. أقترح على الحكومه أن ترمي بهم وبجهازهم في قائمة النسيان وتنهي خدمتهم..

الناس تطورت وحنا الى الآن في هيئة وما هيئة .!!

وش رايكم فيني وانا مسوي علماني؟

تحسون اني تركي الحمد بس متنكر صح ؟

اخوي الجارف .. وش موقفك وانت تقرأ ردي أعلاه ؟ صح ودك تطب في بطني وبنكرياسي؟

استغفر الله العظيم ..

ياشباب . من واقع تجربه .. من واقع معايشه .. لا ينتقد الهئيه الا ثلاثة أشخاص :

1- شخص يريد أن ( يختخت ) ويلعب بذيله ومايبي احد يستقعد له ,:

2- شخص حاقد ويبي تحرير المرأة السعوديه تحت حجة: تطور العصر .. (( العلمانيين ))

3- شخص انظلم منهم .. وأقول أنظلم لأني أعرف انهم حالهم حال غيرهم غير منزهين عن خطأ ..

للفئة ألأولى أقول:

الهيئة في قلوبنا

وللفئة الثانيه اقول:

ألعبوا بعيد

وللفئه الثالثه أقول:

من عفا وأصلح فأجره على الله ..

--------------------------------------------------

كان معكم على الهواء أخوكم الليبرالي والعلماني عبدالرحمن الراشد المتنكر تحت يوزر: ابوسارة

الجارف أنت وابوريمان : بلاش شغل العجاري وخلونا حلوين مع بعض

ويا كاتب الموضوع مشكور للنقل وجزاك الله عنا خير الجزاء ..

ويا مشرفنا الفاضل لو سمحت أقفل المووضوع فأعتقد أن ردي كفى ووفى ----> اعنبوا بليسه يمدح نفسه ولا عااقت معه

سلام

قبل السلام، خطمه سريعه:-

عزيزي العميل: عندما يخطيء عليك رجل الحسبه فتأكد انه مجتهد ويمارس عمله..ولا معصوم من خطأ يا رعاك الله.

أدرك وأيقن أنهم على ثغر من ثغور الاسلام فـ أحسن ظنك .. اعتبرهم كالطبيب عندما يخطيء التشخيص

أو المدرس عندما يخطيء التلقين أو الجراح عندما يخطيء التشريح أو المهاجم عندنا يخطيء التهديف

او الكوافير عندما يخطيء التسريح

أقول ما سمعتم والله أعلم .. وأقم الصلاة يا جارف :p

(( أبو ريمان قلنا لك خلاص اترك عنك العجراء اللي في يمناك والله اني امزح

))

الجارف · #5 08/02/2006, 02:00 AM

بسم الله الرحمن الرحيم

.
.

إقتباس

الرسالة الأصلية كتبت بواسطة الهلالي- ابوسارة


	اخوي الجارف .. وش موقفك وانت تقرأ ردي أعلاه ؟ صح ودك تطب في بطني وبنكرياسي؟

وأنت الصادق جاي طاير .. ناصي المصران الأعور ..

لي يومين أتحقرص أحتري محارش :p

..

كفيت ووفيت يالغالي ..

.
.

دمتَ بخير ..

هلالي راقي · #6 08/02/2006, 02:20 AM

الله يرحمهم ويهديهم ويدخلهم فسيح جناته ولو كانت معامله بعضهم لا اخلاقيه وهم يمثلون 99/100 وتلقاهم بكل مكان
وماشالله اللي دخلوا بدون رد 700 ومدري كم ومحد رد الى قليل
افااااااااااااااا

الأمل البعيد · #7 08/02/2006, 02:41 AM

مع احترامي الشديد لـ كثير من رجال هيئة الامر بالمعروف والنهي عن المنكر.....

اسلوب تعاملهم همجي.....................................................بـ كل امانهـ

الاختلاف في الرأي لايفسد لـ الود قضيهـ

ولكن

نتعامل بـ احترام اكثر من المفترض

اقولها من تجاارب كثيرهـ لـ كثير من المواقف......................

وجهة نظر

تحياتي

الجارف · #8 08/02/2006, 11:26 AM

بسم الله الرحمن الرحيم

.
.

أخي الفاضل ( الأمل البعيد ) ..

أظن إن كل واحد منا إذا شاف هالدشير يطاردون بنات الناس .. بيصير همجي !

بالعكس .. أنا أشوف إن ( الأسلوب الهجمي ) زين .. على الأقل فيه ( أسلوب ) !

من ناحيتي .. إذا أحد تحرش بأهلي .. يمكن أسوي جريمة !

.
.

دمتَ بخير ..

الهواء · #9 10/02/2006, 07:32 AM

جزاهم الله خير والستر زين واتمنى جميع رجال الهيئة يفعلون نفس الشيء