|
خالد عزيز .. السلام عليكم ورحمة الله وبركاته ... اخواني ... صديقياني صديقاتي ... اخواتي مدري وش صاير ؟؟ وش اللخبطة اللي صايرة ...؟؟ معقولة الواحد تفكيره مب واضح ؟؟ معقولة الواحد مايعرف يحكم على الاشياء ... من الطبيعي ان نظرة الانسان للشخص تتغير كل وقت على حسب تصرف الشخص المقابل ... لكن من غير الطبيعي ... انه واحد يصر على نظرة وحدة .. بل ويكابر .. خالد عزيز ياجماعة .. لاعب محور من الطراز النادر جدا جدا ... صدقوني من اول مرة شفته يلعب حسيت انه لاعب حماسي ... قتالي على الكرة .. سريع ... لكن ... في مباراة وحدة تغيرت نظرة الناس لخالد عزيز ... ومن الغباء والظلم .. انك تحكم على اشخاص بالقتل لسبب ... وتحكم على اشخاص اخرين بالافراج لنفس السبب ... مافهمتوا ... طيب انا احاول اوضح حسب الموجود عندي ... بس لاحد يطب ببطني ... محمد الدعيع .. ياما نكب الهلال نكبات ... ياما دخل عليه نتايج تاريخية .. لكنه مازال البطل اللي ماهنا بالدنيا مثله ... ليش ؟؟ لاننا نحبه لشخصه .. بغض النظر عن مستواه .. اما خالد عزيز ... فتلقاه لو يغلط غلطة بسيطة ... كل واحد لسانه صار ساطور ... وتقطيع بهالضعيف .. اللي لازم تعرفونه ... ان خالد عزيز لاعب فدائي .. يعشق الهلال ويقدم له كل مايملك ... لكن وش يلقى منا كجماهير ؟؟ السب .. والشتم .. طيب وش صار لو انتقدناه .. باسلوب بعيد عن التحطيم ؟؟ عشان يطور من مستواه ؟؟ وبعد مارجع الحين ... بعض الاشخاص اللي قالوا انه مايصلح وصار يضرب بخالد الامثال ... تغيرت نظرتهم لخالد عزيز ... وصار المبدع .. وهذا شي جيد .. لانه كما قلت تتغير النظرة على حسب تصرف الشخص .. بس اللي باط كبدي ... انه فيه ناس للحين تقول خالد عزيز ماعنده سالفة ؟؟؟ طيب لعب الحين ثلاث مباريات ... مع الهلال ثنتين ... ومع المنتخب وحدة ... وكلها ابدع فيها ... طيب وين المشكلة .... ليش ماتقول انه بدع ماشاء الله عليه ... ؟؟؟ والا تخاف يقولون انه رجع بكلامه ..؟؟ هذا المفرج ... ياما زعلنا عليه وطالبنا بتنسيقه .. بس الحين تمام ... ونعترف انه طور مستواه ... والحمد لله .. ويادار مادخلك شر ... شباب .. خالد عزيز افضل الان من خميس العويران .. والواكد ... ويحتاجه المنتخب اساسي مب احتياط .. لانه كما قلت لكم ... حماسي .. وسريع ... ودفاعي ... وجسمه ممتاز كونه لاعب محور .. خلو عنكم الكلام اللي مب زين ... وخلونا نكسب نجم ... ولامانع من اعادة التفكير ... تحياتي لكم ... اخوكم ابو ساري |
وكان اكبر رده على المشكيكين ضمه للمنتخب |
خالد لاعب نادر جدا وهو يذكرني بــ (( قاتوسو)) ميلان كلهم قتاليين على الكوره وسريعين لاكن يعاب عليه بطء التسليم لو يتخلص من هاذا العيب سيكون له شأن كبير في المنتخب والهلال |
والله الاعب مجتهد بس ماهو متوفق . |
تدري ويش المشكلة محمد الدعيع والشلهوب وغيرهم تعرضوا لهجومات شرسة من غير الهلالين فقمنا بالدفاع عنهم ونسينا زلاتهم ولكن خالد عزيز لم يتعرض للتجريح من غيرنا ولو وجد تجريح لدافعنا عنه و نسينا زلاته ولكن يظل لاعب جيد ومستواه متحسن |
الله يوفقة ويوفق الجميع |
اي احسن من خميس والواكد هذي مبااالغه وبعدين اي واحد ينضم للمنتخب يصير رد للمشككين هذا هاادي شريفي انضم للمنتخب خلااص صاار احسن من منشري وتكر بالعقل |
بس والله لويعتزل احسن له |
اي لاعب لازم يمر بفترات يكون فيه مستواه مرة فوق ومرة تحت .. وهالشي حصل مع اغلب اللاعبين .. الغامدي والمفرج خير دليل على هالكلام .. اول كانوا لايطاقون من قبل الجماهير .. والان هم اهم اللاعبين وافضل اللاعبين تقديماً للمستوى .. للأسف الشديد أن الجمهور لايساعد أبداً في تألق اللاعبين الصغار ..!! ياخي خذ مثال بسيط .. كنت حاضر مباراة للهلال .. كان سامي لاعب في المباراة .. سامي استلم كورة داخل منطقة الجزاء .. وطيرها فووووق .. يجي الجمهور يقول .. اوووووه والله حلوه .. معليش سامي معليش .. ويصفق له الجمهور .. وتجي كورة ثانية لمحمد العنزي على ما أظن .. والعنزي يشوتها على الشباك الخارجي .. وأشوف الجمهور سب ووشتم للعنزي على هالكورة .. !! ياليتنا نوقف مع لاعبينا وننقدهم نقد بناء يفيدهم في المستقبل ... ولانجرحهم بكلمات ماتفيد ابداً .. |
ياليت يعتزل ومستعدين نكرمه بحفل اعتزال بس يريح اعصابنا . |
هلالي موت ... عاشق المدفعجية ... ياسيدهم وينك .. الساهر 99 .. اهاااه ... ابوخراشي ... زعامة بالغصب .. عبود 15 ... الذهب يظل ذهب .. هلا وغلا فيكم اخواني .... شرفتوني بتفاعلكم مع الموضوع ... واختلاف وجهات النظر مطلوب في اي موضوع ... مشكورين على ردودكم .. اخوكم ابو ساري |
لو يقضبونه الباب أحسن |
كلامك كله صحيح ياخوي وعداه العيب.. لكنك نسيت نقطه مهمه وهي لو صح لنا التعبير نقول انها نقطة ضعف في الاعب وهي (الإرتباك). هذي هي المشكله اللي نلاحظها على اللاعب ونتمنى انه يتجاوزها عشان نشوف خالد عزيز بصوره تعجبنا كجماهير. |
صراحة كلامك مقنع جدا لكن .. |
يا أخي هذا اللاعب مزاجي ولا فيه أي لاعب في السعودية يلعب ويركض وهو يناظر إلى رجليه إلا عزيز أما بالنسبة إنك تقول تدافعون عن الدعيع وغيره لأن الدعيع قدم تاريخ وشيئ يشفع له إننا ندافع عنه .. وبعدين واضح اللاعب الموهوب اللي تعرف إنه يقدم لك شيئ واللاعب اللي يركض في الملعب على غير فايده مثل خالد عزيز ومازن الفرج وأمثالهم .. المفروض أول واحد ينسق خالد عزيز !!!!!!!!!!!! ومقارنتك له بخميس والواكد يدل على إنك .. يا ماتفهم كوره أو غير واقعي .. ونأسف إذا كنت أزعجتك بهالكلام ... |
خالد عزيز لديه الكثير وان شاء الله يتطور مستواه ويتخلص من عيوبه |
بس والله لويعتزل احسن له |
حلوة صديقياني |
إقتباس:
|
والله خالد غزيز لاعب رائع ورائع |
خالد عزيز!!! شوفو كيف يثبت الكرة ...واسألوه ليه يطمر داااااااااااااااااااائماً كل مايقرب للكرة ... وركززززو على ركضة ...وتمريرة للكرة ...ستجدونه أفشل لاعب في الشرق الأوسط وما أتوقع يحترف حتى بالدوري السيرلانكي...لأنه بكل موضوعية وعقلانية ...فااااااااااااااشل ... بــــــــــــــــــــس تدرون عندي إقتراح ( يخلون خالد عزيز يوقف على باب النادي ويجي عبدالله الجمعان يكرض ويشوته بووووز يطيره من الرياض كلها ...ويكرر الجمعان فعلته هذي مع حسن العتيبي ...واللاعب كثير النهيق المفرج ...ونفتك من أسوأ لاعبين عرفتهم كرة القدم الحديثة__________________ أنا صريح مع الفاشلين وما أحب سالفة عطوهم فرصة ...وتحسن مستواهم ...لا وبعض الأعضاء يقولون يرجعونلمستواهم اللي زمان ...هم أصلا ماله أي مستوى بارز منذ ظهورة كأمراض في الجسد الهلالي ... ____________________________________________________ أتمنى أن يتم تسجيل الصحبي أحمد بأسرع وقت ممكن لأنه لاعب مهاري ومجهود ...ماهو عزيز والمفرج والنزهان ...الله يزيله عن الهلال |
إقتباس:
اتق الله اتق الله اتق الله ... 1_ محمد الدعيع بناء تاريخه من الابداعات والانجازات التي لاتنس بداية من كاس العالم باستكتلندا وحتى تاريخه وهو لايزال يقدم المستويات الرائعه تلو الاخرى حتى وان اخفق في بعض المباريات الا ان تاريخه يشفع له بان تعذر زلته .... الا اذا كان لديك خلا ف ذلك.............. __ ولكن في المقابل ماهوتاريخ خالد عزيز مع الزعيم لا اذكر له شيئا يستحق الذكر سوى هديته لمهاجم الاهلي في ذهاب نصف النهائي العام الماضي في كاس دور خادم الحرمين الشريفين وفضائح الخمسات مع الشارقه والاهلي مع شريكه فهد المفرج. 2_ فهد المفرج لاعب اقل من مايقال عنه بانه لاعب لايستحق ان يرتدي شعار الزعيم ومكانه الطبيعي الحزم وان تطور مستواه يكون مع الخليج , واما مشاركاته في مبارايات الزعيم فهي لاتعدوا كونها حظوظ حظوظ حظوظ حظوظ بشي من الواسطه والمحسوبيه التي ستؤدي بالزعيم الى غياهب المجهول ان لم يتدارك محبوه ذلك. 3_ اما مقارتنه بخميس والواكد فما اقول سوى اتق الله اتق الله اتق الله , فلن اناقشك في هذه النقطه لانها غير منطقيه والغير منطقي لايناقش لبداهة تفنيده . إقتباس:
باختصار خالد عزيز مكانه الطبيعي خارج اسوار النادي مع شريكه فهد المفرج في الحزم وماسواه لان مستواه لايشفع له بان يرتدي شعار الزعيم. وتقبلا ارق التحايا اخوكم السلماني. |
خالد عزيز لاعب يؤدي إلي عليه وهذا هو المطلوب |
اخوي خالد عزيز لم يقدم شيئا يذكر للزعيم ابتدى لعب كم مباراة والنادي في احسن حالاته وقدم مستوى عادي لكن ولان الفوز يجعلك تنظر لكل شيء بعين الرضا قلنا انه كويس وله مستقبل لعب بعدها ظهير وقدم مستوى جيد في غياب الدوخي وبعدها لعب كمحور وقدم مستوى اقل ما يقال عنه سيء هو والخثران كان مستواه داج بعنف في الموسم الفائت ليس فقط في مباراة خالد عزيز كان سيئا اغلب الموسم وطبيعي لاعب اساسي على طول الخط يقدم مباراة او اثنتين جيدتين لكن ارجع لمباراة الشارقة الاولى وشوف كيف انطرد بطريقة غبية وضيع الفريق ارجع لمباراة الشارقة الثانية وشوف كيف هو والخثران كشفا الدفاع وخلونا ناكل خمسة ومباراة الاهلي وسجل عندك خمسة ثانية ومباراة الاهلي في الكاس الاولى الفريق مطرود لاعب ومتاخر بهدف ويتمكن بعد جهد جهيد من ادراك التعادل وبعدها ضغط رهيب جدا من الاهلي بكل قواه ويتم ادخال خالد عزيز وبكل بلاهة يهدي ابراهيم السويد هدف اغضب كل من في الملعب وخاصة اللاعبين وارجع لردة فعل محمد الدعيع الي صد ثلاثة اربعة انفرادات في هذه المباراة لكن لان السيف سبق العذل فلم يتمكن من رد كرة من صناعة الموهوب خالد عزيز وجت مباراة القادسية ونفس الشي يهدي القادسية هدف اما الاستدعاء للمنتخب اقول لك نعم لو كان قبل موسمين ثلاثة كان على عيني وعلى راسي اما منتخب يستدعى له من هب ودب وسجل هدف تلقى نفسك دولي فاسمح لي فهل انت مقتنع بلاعب مثل هادي شريفي او احمد الخير او سعد الزهراني وخالد عزيز وعبد المجيد الطارقي كل هذول احتياطيين في فرقهم ولقوا نفسهم بقدرة قادر دوليين كل هذول لم يتمكنوا من الاقناع مع النادي وفرض نفسهم اساسيين والان هم اساسيين في منتخب كل من ايدو الو مباراة القادسية قدم خالد عزيز مستوى جيد لكن مباراة الاتفاق كان سيء جدا اول شي الاتفاق ما بنى هجمة وحدة على مرمى الهلال يعني كان مرتاح وبعيد عن الضغوط لكن مع ذلك رجعت له الربكة والرجفة والتمريرات الخاطئة وفي الشوط الثاني ان كان قطع كرات تتجاوز عدد اصابع اليدين فاعتبر كلامي تخريف في تخريف ما غير تشوفه يجري خلف اللاعب ولا جنبه وان التحم معاه عطاه فاول مركز المحور ليس بنية جسمانية ولا كانوا جابوا لاعبي كمال اجساد وريحوا انفسهم وليس حماس فكل سعودي يلعب لمنتخب بلاده اكيد يتميز بالحماس مركز المحور ثقة تسليم واستلام كسب مساحة تمريرات اغلبها صحيحة قطع كرات اخطاء قليلة باختصار المحور هو الغنام حفظه ربي وابقاه ذخر لهلالنا اما لو كان محورك تمريراته خاطئة التحامته نصفها اخطاء يبي يراوغ يقوم يصطدم بلاعبي الفريق الثاني ( ارجع للكرت الي اخذه عزيز في مباراة الاتفاق) فاعتبر دفاعك مهدد جدا باعتبار المحور ورقة التوت التي تحمي خط الدفاع تألق دفاع الهلال هذا الموسم من اهم اسبابه الغنام والغامدي اما سوء مستوى دفاع الهلال الموسم الفائت من اهم اسبابه الخثران وعزيز شف كم مرة انكشف مرمى الهلال في مباراة الاهلي في الكاس والمربع ومباراة الدوري الاول واذا لعب الغنام والغامدي المباراة الجاية الاهلي شف كم فرصة راح تجي لهم الجمهور الهلالي يشجع اللاعب الشاب لكن بحاجة لشيء ولو بسيط يقدمه هذا اللاعب اما نلعب ونضحك على انفسنا ونقول زين عشان مباراة ويخبص في عشر فاعذرني الجمهور الهلالي ليس من هذا النوع ولم ولن يمدح في لاعبين من طينة محمد العنزي او مازن الفرج وما شابههم وعندك المفرج ايش يفرق عن عزيز المفرج الان اقنعني واقنع كل هلالي واصبح ورقة اساسية ولم يعد احد يطالب بتنسيقه ومتى ما اقتدى عزيز بالمفرج وقدم مستوى جيد فلن يجد اي مشجع ينتقده حتى |
:D :D :D اشكر كل من عقب على الموضوع ... صدقوني شرف لي مشاركتكم لي هالموضوع ... :) .... ابو سياف ... ياقلبي انت ... اختصرت والله ( يقضبونه الباب ) :D ياخوي تراه يعرف يلعب ... احلف لك ... والا اصبر لمين تشوف لعبه ؟؟ ............................................ ابو نادية ... الف شكر اخوي على مرورك ... والارتباك موجود بأي لاعب ... على حسب المباراة ووضعه النفسي ... ............................................. هلالي غصب ... لكن وش ؟ :D ........................................... نور القمر ... يناظر رجليه والا يناظر السماء والا ملتفت على ورا .. المهم يعرف يلعب :D ومقارنتي بالواكد وخميس ... اقصد الان ... الحين .. شف ساعتك الحين ... انا اقصد هالثانية ... وانا واقعي والله ... وافهم ... يعني يااقول خالد عزيز بهيمة والا اصير مااعرف بالكورة ومب واقعي ؟؟ :D ................................................... زيزو 15 .... الله يسمع منك ... وان شاء الله يتطورون كل لاعبين الهلال ... ............................................... سلطان 2004 ... والله مدري شقولك ...؟؟ مشكور على تعقيبك .. :D ............................................... الفانوس الازرق ... انت الاحلى يابعدهم :) .................................................. والله انك تسمع .. مشكور على مرورك ... وتعقيبك .. ............................................... سامي عثرات الهلال ... تسلم على مرورك ... ومشكور على رايك بعزيز s60s ............................................... الازرق المتوهج .... حسن العتيبي ؟؟؟؟؟ ... والمفرج ؟؟؟؟؟؟ .... بوز بعد ؟؟ :D والله راي جديد ... وجهة نظر مثيرة ... بعدين انتم لاتناظرون شلون الواحد يثبت الكورة والا شلون يركض ... شوفوا وش يسوي للهلال ... على مجهوده ... مشكور على المرور .. ....................................................... السلماني ... انا استشهدت بالدعيع .. مب لأن الدعيع مايعرف ...؟؟ لا لا .. الموضوع ومافيه انكم اذا غلط الدعيع قعدتوا تقولون معليش يابو دعيع خيرها بغيرها ... بس لا صار خالد عزيز ... طلعتوا بكلام غير ... مثل نسقوه اطردوه سووا به وافعلوا به ... هذي السالفة .. وخالد عزيز مبدع ... وفنان .. وبيجيك كلامي .. .............................................. شاعر الليل ... مشكورعلى مرورك .. وهذا هو المطلوب من اللاعب ... ............................................... نهاية .... ابي واحد منكم يجيب موقف لخالد عزيز خلاه يصير مايعرف يلعب .. غير مباراة الشارقة ... ومستعد اجيب ستين موقف لاي لاعب بالهلال .... بس المقصود من موضوعي ... هو عدم التفرقة بين اللاعبين .... واللاعب يخطي بالملعب .. بس هالخطأ مايجرده من نجوميته ... لكن اللي صار مع عزيز غير ... من بعد مباراة الشارقة وانتم قالبين عليه .... ابيكم تشوفون لعبه الحين ... وبعد كذا احكموا عليه .. وانسوا مباراة الشارقة ... تحياتي لكم .. |
اما محمد الدعيع فلم يكن المتسبب الا في اهداف معدودة تعد على اصابع اليدين او تزيد قليلا بينما وقف في وجه اهداف بالجملة كان له الفضل بعد الله في صدها فاستشهادك خاطىء جدا فاي حارس تدخل في مرماه اهداف ويخطأ لكن المقارنة تكون بين الاهداف التي تمكن من صدها وهي التي لولاه كانت في حكم الاهداف المؤكدة مقارنة بالاهداف التي كان سببا مباشرا فيها وانا جبت لك اربع خمس مباريات خالد عزيز قدم مستوى فاشل وبعنف مع العلم انه لم يتجاوز كونه لاعب عادي بعض الاحاييين ولم يكن يوما من الايام نجما وللامانة لم اشاهد مباراة طاجكستان حتى ادلي برأيي فيها لكنها ليست بمقياس ففريق طاجكستان ضعيف وتلاقيه ما وصل للباب حتى ولو لعب المنتخب بدون محاور ما كان واجه مشكلة لكن اذا بقي خالد عزيز اساسي خلني اشوفك بعد نهاية التصفيات النهائية |
فعلا يالغالي صدقت والله .. هو لاعب قتالي ويعطي الهلال من قلب لكن للأسف ماهو متوفق ابد .. والمشكلة في جمهورنا انه اي لاعب يخطي في كورة او كورتين حتى لو كانت هدف على الهلال اخذوا منه موقف سلبي :( والمشكلة ان اغلب الجمهور مايشاهدون الدوري الاوربي ومبارياتهم والله اغلبها اخطاء وماتقول هذولا لاعبين محترفين :( مشكور يالغالي على احساسك بالاعب والذب عنه ورفع معنوياته :) |
سبانيش ايز ... خالد عزيز ... فنان .. من وجة نظري .. وانت لك وجهة نظرك ولا اقدر افرض عليك شي ... وكل واحد وقناعاته .. لكن انت ماوصلت للي ابيك توصله ... انا احب محمدالدعيع .. حالي حال كل الهلاليين واستشهادي فيه دليل على حبي له ... لكن غرض الموضوع .. انه وش معنى خالد و غلط غلطه طلع فاشل وغبي وكل شي ... اما الثانيين فلو غلطوا مليون عادي ...؟؟ انا ابي يكون فيه عدل .. من غلط يعاقب ومن ابدع ياكفأ .... وبس ... ولاتحكمون على الشخص بمجرد انه ضيع هجمة والا دخل عليه قول .. والا تسبب بهدف ... غباء واشد الغباء مثل هالامور ... انت يمكن فهمت الموضوع على انه مقارنه بين الدعيع وعزيز ... لا مب هذا الموضوع .. الدعيع اكبر من اني اقارنه باي لاعب والا حارس على مستوى المملكة .. لكن للاعب مرات يكون اداؤه ضعيف ... ومتفاوت .. لذا لانحكم عليه .. ونبدأ بالتجريح .. اخوي سبانيش ايز ... اشكرك لمداخلتك ... ولرأيك الصريح وهذي حلاة المواضيع .. وهو اختلاف وجهات النظر ... تحياتي لك |
الخير 33 ... مشكور اخوي على مرورك ... وهذا الي حاصل فعلا اخوي ... مشكور على كلامك العسل ... تحياتي لك |
اخوي قلت لك سامي مثلا ويوسف ضيعوا بطولات على الهلال لكن في المقابل عوضونا ببطولات اكثر الدعيع كم سنة صار له في الهلال من موسم 1420 اذا ما خاب ظني يعني ست سنوات ارجع لكل مبارياته مع الهلال وشوف كم هدف كان المتسبب الرئيسي فيه محمد الدعيع .... باختصار مثل هدف الاستقلال على حسن العتيبي في مربع العين بتلاقيهم لا يتجاوزون العشرة اهداف في المقابل شوف كم هدف كان هدف محقق لولا الله ومن ثم براعة محمد الدعيع يعني ليس كرة عادية يصدها الدعيع بل هدف محقق مئة بالمئة كفرصة الاتحاد في الدور الاول الموسم الفايت عندما انفرد لاعبين بالدعيع وتمكن من صد كرتهم مع انه صدها مرة وتهيأت قدام اللاعب مرة ثانية وكمان صدها اما خالد عزيز فلم يقدم ما يجعلنا نتغاضى عن اخطائه ونحاسبه كما نحاسب يوسف او سامي او الدعيع ولم يكن مقنعا ابدا يوما من الايام وصل لدرجة الجيد احيانا لكنه ما ان يصل لمستوى جيد في مباراة حتى يدحدر بعدها بقوة في علم كرة القدم انت تحتاج للاعب الذي يقدم خمس مباريات جيدة ومباارة سيئة مش العكس ........ ياما لاعبين كانوا افذاذ في مباراة مثلا محمد النزهان في البطولة العربية مع النصر لعب فيهم لعب وسحبهم تسحيب نفس الشيء لطف له مباريات حلوة حسين هادي عادل المطيري عبد الرحمن ابو سيفين وووو كل هذول اسماء قدمت مستوى في مباراة او اثنتين وبعدها عاشت على الذكرى تقدر تقول لي وينها الحين؟؟؟؟؟؟؟؟؟؟؟؟ صبرت عليهم انديتهم وصبرت عشان خاطر هالمباراة او الهدف الجميل الي سجلوه وفي النهاية تبين ان لم يعد بالامكان افضل مما كان انا عن نفسي فقدت الامل في تطور عزيز واستفادته من الفرص كما هو حال مازن الفرج وارى اعطاء فرصة للاعب شاب مثل الاحيمر افضل بكثير من المراهنة على ورقة كانت شبه خاسرة دائما فان تراهن على حصان مجهول خير من ان تراهن على حصان غالبا ما كان مهزوم |
والله اللاعب مجتهد بس أنا أحس أنه ما عرف يحدد مكانه في الملعب .. تحياتي |
| الوقت المعتمد في المنتدى بتوقيت جرينتش +3.
الوقت الان » 08:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd