|
قصتي في مباراة الهلال والفيصلي السلام عليكم اول شي ارحب فيكم واقولكم بعض المواقف الي صارت لي وانا في المعلب :D بصراحة تبهذلت بهالمبارات بهذله موب طبيعية اول شئ مالقيت موقف واضطريت اني ادقها كعابيه الا ان تورمت رجولي :D دخلت الى الملعب طبعاً فيه تفتيش وشفت عسكريين من الجهه الي رايح لها ومع مجموعة من الشباب المهم واحد من العساكر تفتيشة سريع ويفتش ويمشي الجمهور بسرعه انا استلمني واحد الله لايوريكم طبعاً انا كنت لابس بشت علشان البرد وقالي افصخ البشت قلت طيب ودخل يدينة وطلع البوك والجوال ودخل يدية يدور ويقولي ليش حاط اوراق واجد في جيبك >> ملقوف العسكري :D وقام وقالي قصة ولد عمة كان حاط اوراق مهمه وضاعت وما ادري ايش وانا اشوف الملعب ولا اعطية وجه انتظرة يفهمها من نفسه ويخليني ادخل ودخلت طبعاً بعد عناء كبير المهم وانا داخل شريت بسكوت وببسي علشان انقش عليهن وانا افتح البسكوت طاح مني الببسي طبعاً كاس ورقي وانكب على المدرج الي قدامي وكان فيه شباب جالسين عليه وطبعاً الببسي بيوصلهم ويوصخ سجدتهم الي جالسين عليها وملابسهم المهم وكان يبيله شويت وقت الى ان ياصل لهم وقمت وهجيت من البوابة ورحت للبوابة الثانية ودخلت المهم لقيت هندي يبيع ببسي متجول يعني طلبت منه ببسي وطلعت عشره يوم مديتها له كان الهوا قوي مره وطارت بالهوى وانا عيوني طايرة :sad: وموب مصدق واشوى كان معي عشرين قمت وخميت الهندي ودخلته بالبشت حقي وعطيته الفلوس علشان مايطيرن ويوم رجع لي الباقي كان 19 ريال وماعنده الا ريالات :razz: قلتله لاتطلع من البشت وحطهن بجيبي وقام حط الريالات بجيبي واحد واحد علشان مايطيرن المهم بين الشوطين قمت بمحاولة يائسة ادور على العشرة وانا امتر المدرجات الى ماتكسرت رجولي وقلت ايه هين بلقى هالعشرة بين كوم هالاوادم الي بالملعب :cry: بدا الشوط الثاني والله استانسنا ويوم جا هدف الهلال الثاني اللاعبين من الفرحة قامو سجدو وعاد تخيلو كماتشو من الفرحة بالهدف الثاني قام وسجد معهم :D ملاحظة : 1- اذا واحد من الاعضاء صار له موقف بمباراه الهلال او اي موقف في مباراه ياليت يحطة 2- انا كتبت الموضوع بالمجلس العام لأن اغلب كتاباتي فيه تقبلو تحياتي هلالي موعالبال |
هلا وغلا اجل انت اللي جيت بالتلفزيون يوم المباراة لابس بشت كانه انت عز الله شفتك اما البيبسي فانا كرهته اليوم ياطويل العمر كان علي اختبارين ويوم طلعت بين الفترتين رحت انا وواحد من العيال نبي نفطر المهم اخذله بيبسي وانا اخذت شاهي المهم يوم فتح البيبسي ويطير علي انا واياه عاد الغبي خوينا حلت البيبسي علي ونزل من السياره واشوف ثوبي مير امتلى بيبسي وانا باقيلي 10 دقايق على الاختبار والله وانا اروح وادخل الاختبار وثوبي قالب اسود اما الموقف المحرج كان في مباراة الرايد والتعاون السنه اللي فاتت حضرتها وكان الملعب مليان المهم جيت بعد ما بدت المباراة بعشر دقايق المهم المدرجات اللي بالنص مليانه واجي انا والعيال ذبحتنا اللقافه شافوا فيه محل بالنص بعيد قالوا نروح قلت امشوا ويوم نزلنا كان مافيه احد يمشي بنص المدرجات الا حنا علشانه مليان يعني كل اللي جالسين قاعدين يناظرون فينا المهم وانا نازل مع الدرج وتزل رجلي واجيك مجاوب على وجهي وكل الجمهور ضحك علي وبس |
^ ^ حياك الله اخوي انا موقعي اعلى شئ بالمدرجات وبالنص بالضبط |
لا يا ابوي ما حضرته تراي شفنا واحد بالتلفزيون لابس بشت وضحكنا قلنا وشو المنسم ذا |
خالد الصالح مابي اضحك لكن اقول الله لايبلانا ونفسي اشوف وجهك في اللحظه هذي. انا البيبسي نزل علي بالمدرجات لم صار خرائط من ورى الثوب وفي الاخير يقول لي معليش آآآآآآآآآآآآآآآآخ بعد متى الله يجزاك بالخير والله العالم انه انت ياهلالي لا لاتخاف هذا الموقف صار في مباراة الهلال والفريق الجيوتي |
^ ^ ههههههههههههههههههههه طيحت قلبي على بالي انت الي جا علية الببسي |
هههههههههههههههههههههه مسكين اخوي هلالي مو عالبال كل هالبهدله عشان الهلال <<< بس يستاهل انا اخوي طاح من المدرج ^^ رد البيت متكسر |
looooooooooooooooooooooool اليوم هذا منحوس بالنسبه لك بس الغريبه ان الهلال فاز اكيد انك هلالي ؟؟ لانه لو انك هلالي كان ما فاز الهلال |
الاخوان خالد الصالح بنت الزعيم العيناوي نـــــــ15ــــــمر مشكورين على مروركم الجميل |
ليه ما رحت المنصة لو مرة واحدة |
| الوقت المعتمد في المنتدى بتوقيت جرينتش +3.
الوقت الان » 07:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd