|
فهد سرور السلام عليكم ورحمة الله وبركاته : هذه أول مرة أتشرف بالكتابة في هذا المنتدى: سؤال بسيط: وش رأيكم في اللاعب فهد سرور أتوقع يكون له مستقبل باهر مع الزعيم .....وسلامتكم |
مانقدر نحكم عليه على طول لازم يلعب فتره مع الفريق الاول عشان لا نظلمه . |
لاعب له مستقبل :) |
وعليكم السلام ورحمة الله وبركاته وأنا يشرفني أكون أول من يرد عليك والله فهد لك عليه يعني جته فرص لاثبات نفسه أكثر من غيره لكن بصراحة ما شفناه مقدم شئ يليق بلاعب يحمل رقم أبو ناصر. |
مرحبا فيك اولا اما سرور كلن نتوقع له مستقبل جيد اذا اهتم بنفسة وانا الاحظ عليه انه يقلد ابو يعقوب وهذا يتطلب منه جهد كبير الله يكون في عونه |
شكراّ على مروركم ميزات اللاعب في نظري: - خفيف وسريع . - قدرته على تجاوز اللاعبين. - عرضياته رائعة ولاننسى هدف العنبر الثاني في نهائي كأس الأمير فيصل. - تفاهمه الواضح مع أحمد الدوخي. وأعتقد أن الهلال تأثر في الثلث الهجومي بعد تغييره فقد كا يشكل جبهة هجومية في اليمين بعض من لمحاته في مباراة الأمس: - حرك الجهة اليمنى مع الدوخي. - هدف الهلال الأول من جهته. - سبب البلنتي. - الهدف الثاني كان بعد غزوة سرورية ناجحة. |
اعتقد ان مستواه يوحي بأنه سيكون لاعب جيد جدا وله شأن ولكن المستقبل امامه وبدررررررري عليه |
له مستقبل رائع ان شا الله |
بالتوفيق له |
اجل لاعب موهوب...... الحمدلله والشكر.. اشهد انه ماضيع الهلال الا إذا كان اصحاب القرار من امثالكم.. عقب الغشيان والثنيان ونواف وسامي وصفوق ومحمد والتيماوي صرنا نمدح ونفتخر بيوسف جازع وفهد سرور ومادري فهد خيشه... ياجماعة الهلال بحاجة لنجوم.. مو للاعب مايعرف يثبت الكورة.. ولا لاعب يموت الهجمات بتمريراته الغبيـه اقول اسفي على العموما انامتأكده ان الكثير من الرائعين الكتاب في المنتدى مادخلوا لانه الموضوع مايستاهل انهم يكتبون عنـه للاسف اننا صرنا بنرضى بخالدعزيز وفهد سرور وشلة (نص كم )).دنيا سبحان الله |
اخوي الكريم اشكرك على موضوعك وحياك الله في منتدى الزعيـــــم.... بيني وبينك وبكل صراحة فهد ســرور عنده مهـــارات ولكن مهارات لاعبي الحواري........ |
إقتباس:
s60s s60s s60s s60s s60s |
باختصار ما يستحق القميص الازرق :) |
له مستقبل رائع ان شا الله |
والله انة من جنب القدة والله لو العب ريوس اني احس منة وبعدين مشكلتة انة يقلد الخرافة يوسف الثنيان ياحسافة على ذا الزمن . وين الثنيان اول مابرز وسامي والغشيان ونواف وحتى الشلهوب اللي يعبر من جيلة. وكن بالاخير مايصح الا الصحيح مثل غيرة ............... تعرفون قصدي |
شباب لسا بدريييييييييييييييييييييييييييييي عطو الرجال فرصه صحيح انه أمس عطل اللعب كم مره...ولكن برضو تحرك وقدم مجهود طيب خلوه يتعود شوي على الفريق الأول بعدين احكمو عليه |
اويد الأخت عبير الرياض تماما فاللاعب اعطي فرص كثيرة ولم يقدم المرجو منه هو صغير والمستقبل امامه مشاركته بهذا المستوى ستنهي مستقبله الكروي اتمنى ان يعطى الفرصة في المباريات الغير مهمة الى ان يثبت اقدامه واتمنى له التوفيق |
إقتباس:
|
فهد سرور من اللاعبين المواهب بالهلال لكن لو يبتعد عن الانانية راح يكون شأنه أكبر ولعبه أفضل |
موهبه 000 مهاااااراااااة عااااااليه00 |
والله لو تبون رايي <=== وش رايكم ؟؟ ذهين ؟؟ شوفوا انا كنت اشاهد المباراة الاخيرة مع الفيصلي ... شفت سرور .. تصدقون بذيك الباراة سموني اخوياي الساحر .. تدرون لي ؟؟ كل مامسك سرور الكورة .. اقولهم ... ترى الكورة ضاعت ... فتنقطع من سرور ... يمسكها مرة ثانية ... اقول الله يستر .. وتنقطع ... وكل مامسكها اقول للعيال قسم بالله بتضيع منه ... وتضيع ... واحد من الشباب سألني ... أنت تعرفه والا متفق معه قبل المباراة ؟؟ قلت لا والله ... بس اعرف اللاعب من اول ثلاث نكبات ... اخر شي ... مسك سرور الكورة من اليمين ... قلت للشباب من عشاء لو مشت الكورة ... وسبحان الله ... وبقدرت قادر ... يحاول يسحب وتنقطع ... بعد هالحكاية القصيرة ... اتضح لنا ان سرور ماله باللعب ... يعني ماشفت منه شي زين الا ضربة الجزاء ..؟؟ يعني المطرف مثلا مثلا ... احسن منه ... ورقم 15 ياليت يعطونه نجم ... مب يعطونه لاعب توه صاعد للاول ... سرور عنده المستقبل قدامه ... وانا ماالومه والله ... وان شاء الله يطور مستواه ... وهذا بمصلحة الزعيم .. لكن ترى الرقم له ذكرى ... ياليت مايلبسه الا ناس فنانة تذكرنا بفن ابو يعقوب ... على العموم سرور ماجاب شي جديد ... وانا مااتوقع له شي ... لانه ناس كثيرين كانوا احسن منه وماسووا شي .. (( كلمة وادري اني غثيتكم ... ترى الزعيم مب اي واحد يلعب له اساسي ... مانبي لاعبين يسدون نقص )) وتحياتي لكم ... ورتى هذا رأيي ... يمكن غلط ويمكن صح |
^ ^ ^ ^ ^ ^ جبهتا ع الجرح عبدالله المطرف مااعطووه فرصه مثل فهد انقطعت خلاصة الكلام رقم 15 لااشوفه لابسه لااطمر عليه في الملعب واشقق الفنيله ابو يعقوب وش الذنب اللي سوااه عشان يعاقبونه ويعطون رقمه هالبززقه فمان الله |
s60s s60s s60s s60s إقتباس:
|
يا شباب أنسوا رقم 15 لا تسوون زي النصراوية يوم طلع علي يزيد لابس فانيلة 9 كان جمهورهم يقولون حرام هاللاعب يلبس فانيلة ماجد حتى و علي يزيد في قمة مستواه كانوا يقولون أنه ما يستاهل الرقم 9 ... و ش كانت النتيجة .... حطموا اللاعب نفسياً لأنه اكبر غلط عمل مقارنة بين يزيد و ماجد و من ذاك اليوم و ما طلع و لا لاعب في الهجوم عندهم صح ... لأنهم يقارنون كل لاعب يطلع بماجد ..!! فأنا اعتقد أنه أكبر غلط أنكم تقارنون بين سرور و الثنيان ... أنتم بكذا تحطمون اللاعب ... بعدين أنا باسألكم من فيه في الهلال يلعب و سط يمين فهد سرور - مازن الفرج - عبد الله المطرف و أنا أشوف أنهم كلهم مستواهم واحد و المدرب أدرى باللي عنده ويعرف من اللي يحتاجه حسب الخطة ... و يوسف الثنيان لاعب خرافي ما في في الوقت الحالي و لا لاعب في السعودية في نص مستواه .. عندكم مثلاً الأرجنتين ... بعد مارادونا ... لا أحد .. مع احترامي لـــ أيمار - فيرون - تيفيز أيطاليا ... بعد باجيو ... لا أحد مع احترامي لتوتي .. لكن توتي وش سوى لمنتخب بلاده هل حقق معه كأس العالم ... أو كأس أوروبا لو في لاعب أفضل من فهد سرور أكيد بيلعب أساسي ... بصراحة حنا ما ذبحنا إلا فئتين ... الأولى \ يحطمون اللاعبين الشباب بالمقارنات الظالمة و إصدار الأحكام المبكرة عليهم بالفشل قبل البداية ... و الثانية \ تلقاهم يمدحون اللاعب الشاب و يمجدونه قبل لا يطلع من البيضة فيعتقد اللاعب بذلك أنه بلغ الكمال الكروي فيتوقف لديه الدافع " الطموح " مثال ذلك الصويلح و ينه الحين ...؟؟! الله يوفق لاعبي الهلال و يعينهم علينا |
طيب في احد بالزعيم يلعب بالوسط الايمن زي الناس ؟؟؟؟؟؟؟؟؟؟؟؟ |
له مستقبل رائع ان شا الله |
مشكورين على مروركم ........... مشكلة البعض والله العظيم إنك تكلمه في الشرق يكلمك في الغرب........ تقول لواحد أنا مخبص في الإختبارات يقول والله زلزال آسيا كان مروع!!! الأخت عبير الهلال إنت شايفه في أحد قال إنه سرور هو الثنيان ولا صفوق......... يابنت الناس إيش جاب لجاب................. نحن نتكلم على لاعب مجتهد وصغير في السن ونحاول تشجيعه والتصفيق له............... ومرة ثانية تقارنيه مع (عزيز) ... والله حرااااام ............وظلم للاعب مجتهد .........حرام ألف مرة......... وعلى ذكرى رقم 15 فنصيحة مني للاعب لا يلبس رقم 15 حتى لاتنكتب نهايته من بدري............ المشكلة إننا في الهلال كان عندنا تخمة في النجوم ....... وشكله الجيل الجديد راح يلبس من ال20 وأنت طالع حتى لايدخل في مقارنة مع أحد من جيل الهلال الذهبي...... وتحياتي................ |
الله يوفقة وبصراحة صعب جدا ان يتالق ويصبح نجم لان جمهور الهلال ما يرحم ويحكم من اول نضرة والدليل رد الاخ ( شاهين الهلال ) و ( عالي الشان ) وغيرهم من ال..... ما ادري شنو اوصفهم |
فهد لاعب جيد ... أتمنى إنه يهتم بنفسه ... لكن الأفضل إنه يكون احتياطي لعبد الله المطرف ... |
انا ودي اقول لجماهير الزعيم .... كيف طريقة الحكم على لاعب ...... **هل هو بعدد التمريرات الي ارسلها صحيحه ** او ((خطورة ))التمريرات الكثيره ** او تجاوزه للاعبين الرائع ** او وضوح عبقريته في التصرف في الفرص ** اوانه مجرد ((اوهام)) بأنه لاعب جيد او لاعب سيء ..!!!!! للأسف::: الأخيره اقرب للكثير ...!! |
لاعب جيد والمباريات الجايه بتثيت مهاراته عاليه حرك الجهه اليمنى مع الدوخي وسانده كثير اتوقع انه افضل من يلعب في الوسط الأيمن في الوقت الحالي اصبروا عليه شوي |
| الوقت المعتمد في المنتدى بتوقيت جرينتش +3.
الوقت الان » 06:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd