|
ليله كامريه ,,,,, !! في مساء يوماً جميل ( البارح ) الناس خميس وسهرانه والبيوت ما شاء الله تعج بالحركه .. اطفال ونساء وشيوخ :) والشوارع لا تخلو من الماره :D وكنت قبلها في مهمة عمل وكان معي ( كامري ) 2004 s60s بيضاء البشره :D وأستبنتها جديده :D << الكفر الاحتياطي :) وكلها استكرات دخول وخروج وشكلها مغري بصراحه :rolleyes: فتوقفت أمام المنزل للتزود بالوقود :D ( طبعاً حارتنا مشهوره بالكامريات ) :rolleyes: انا ما أدري وعلى نياتي ولا اعرف الا اقفل الابواب والانوار .. ما امداني ادخل للبيت الا ونانات سياره تشتغل ... قلت الله يستر :D كلها نصف ساعه ويأتي الخبر :confused: ( سهل السياره اللي معك اتسرءت ) :D طلعت لقيت الحاره مستنفره :argue: ثلاث كامريات حته وحده !! أثار القزاز يملئ الشارع .. الجميع ترك بيته ووقف مندهشاً لما حصل !! أول ما تم استهدافه السياره التي كانت معي ( كسر الزجاج الامامي ) ثم ( فتح الباب ) ثم ( فتح الشنطه ) ثم ( سرقة الاستبنه ) << خطوات عمليه بسيطه :D ثم ُشـّن الهجوم على سيارات الجيران وظفر السارقون بغنيمة وفيره :sad: اذا ما علمنا ان الكفر الاحتياطي يساوي ( 1100 ريال ) أثناء ذلك دار الحديث بيننا عن ( الكامري ) شيخ كبير يقول لي ( سهل دخل سيارتك مع سيارة ولدي بالبايكه ) :D ترى المسجل غالي ( بثلاث تلاف ) :) احد ابناءه يقول لي ليش ما قفلت الشنطه بالمفتاح :sad: مع ان سيارتهم هي اللي اشتغل ونانها ومع ذلك اتسرء الكفر :D واحد ثالث جاي يضحك ( شكله معزوم ) :D يقول ( جاكم الدور ) :D حنا شطبوا علينا الاسبوع الماضي :confused: توفرت معلومات أن حارس ( حاطينه ناس يحمي سياراتهم ) :D شاهد شباب في كامري يحاولون تشغيل سيارتي :cry: ما كفاهم كسر الزجاج وسرقه الكفر :sad: المحصله النهائيه ( كسر زجاج ثلاث سيارات وسرقة كفراتها ) واربع اسطوانات غاز وماطور ماء :D اتصل أحد الجيران على 999 قال له بلغ اقرب مركز .. أقرب مركز قال له تعال سجل البلاغ .. سجل البلاغ قال له .. ضف وجهك :D سجل البلاغ .. وأثناء ذلك كلمت واحد من الشباب وما قصر ارسل لنا الادله الجنائيه .. أخذوا البصمات وصوروا السيارات ومشو :D الجناه صغار بالسن ولابسين قفازات :sad: ( لقمة عيش ) :sad: حرمونا من الاستقرار الليلي :razz: وحرمونا من الخروج اليوم الجمعه للبر :sad: وعطلوا مصالح ناس غافلين :cry: خفت على السياره بعد ما سمعت ان الكامري ( مرغوبه ) ذهبت اليوم لاصلاح الزجاج تخيلوا ماذا وجدت !! خمس سيارات كامري ( نفس الطريقه ) :sad: من كبير وصغير وجميعهم يتذمرون حتى كان فيه واحد يقول انا بعت الكامري من هالسبب !! طيب صلحنا سياراتنا وشرينا كفرات احتياطيه جدد وبعدين !!! بالنسبه لي رجعت السياره بس غيري وش يسوي !! مرت دوريه المرور اليوم .. قلت له السالفه .. قال وش تبينا نسوي ( نعالج حوادث والا تفحيط ) قلت له بالله كم دوريه تغطي الحي .. قال ثلاث !! المشكله البارح تفحيط بكامري بالحي حتى الساعه اربع :sad: ( ما يمديك تلحق :D ) يفحطون بكفراتنا الله لا يبارك فيهم :D وان كانوا من عيالنا ( الله يهديهم ) ابو جيرانا يقول روحوا نامو يا عيالي مع حريمكم وانا بجلس هنا لثلاث ونص منهوا اللي بيستلم بعدي :D طبعاً جحدنا كلنا ورحنا نمنا مع حريمنا :razz: طيب وبعدين . أذا كانت هذه الظاهره متفشيه بالمجتمع راح يخسر الحمراني والسليماني المتحده :D وراح تتضرر أسر . وستنشغل مجبره . فا ليش ما يتم السيطره على هالظاهره !! يقول لي أحد الاخوان ( هذي عصابه محترفه ) الاسبوع الماضي كانت في الحي المجاور والاسبوع هذا أتت لحينا :sad: نحن نلقي اللوم على الشباب وان غرضهم من السرقه التفحيط وغيره ولكن قد يكون هناك امراً أخر نغفله ! لماذا لا توضع خطه محكمه من الجهات المعنيه للقبض على متبعي هذا الاسلوب . وقف لك كم كامري في حي وكثف الرقابه عليها وستحصل على النتيجه فوراً s60s زي مره في برنامج امريكي مصممين سياره للقبض على سارقي السيارات :) أول ما يسرقها تغلق الابواب وينطفئ المحرك :D ومزوده بكاميرا تصويريه s60s ما اطول عليكم البارح استحيت من العم جارنا يوم قال دخل الكامري مع سيارة ولدي بالبايكه فا قحصت من نومي بدري ( علشان صلاة الجمعه ) :razz: وأول ما طلعت الا هذا جاري داخل وثوبه كله دم ومتقطع وما به الا العافيه :) قلت كفو والله اكيد مسكت الحراميه .. قال اسكت بس انقلبت على الدائري :sad: وسيارته كانت كامري بس ما انسرقت البارح :D ك ا م ر ي والله مشكله ... مع السلامه :D |
تسني بك ساكن بالعريجا :d إقتباس:
إقتباس:
إقتباس:
|
ما أقــــــــــول الا يازين الشرقيه وأهلها وبخاصه الظـــــــــــــهران والله يكفينا شر الريــــــــــاض وأهلها الا اجل منزلين عيوب جديده بالكامري مرغوبه للسرقه ما أقول الا الله يكفينا الشر بس اسمع صوت الحين عند الباب خلني اشوف :D |
تبيع ياسهل هذي 888 ريال كاش ها قول تم على فكرة جنوطي القديمه حاطها بالحوش ماعليها خوف :rolleyes: ..!! يعني هم تخصص كامريات و كفرات بس ..!! |
وشو له تاخذ كامري !!؟ وشفيها الـ BMW الله يهديك !!!؟ |
هلا بسهل :d :d :d والحمد لله انها جت على قزاز كفر احتياط! احمد ربك انهم ماخذوها بكبرها :d :d :d هذي مشكلة ازليه في السيارات الشعبية والمرغوبة !!! أيام عز الكراسيدا عانيت الأمرين مع حرامية الكفرات!!! اتذكر مرة عام 1414 كان معي سيارة كراسيدا جي ال رقم لوحتها طويل مااتذكره :d :d :d كنت موقفها عند بيت واحد من الجماعة وممرح عندهم خبرك ايام العزوبية والشحططه :d :d :d المهم قمت الصبح والقى المثلث الخلفي مكسور وفاتحين الشنطة وسارقين الأستبنه وفاتحين الدرج ومالقوا فيه الا ساعة تحيد القبله توني شاريها وقاموا لطوشها مدري وش يبون فيها ؟؟ كل ذا حرص على الصلاة حسبي الله عليهم وابلغ الشرطه ويجون يصورون السيارة واروح للقسم ومحضر وهل تتهم احد الخ... ومع الف سلامه !!! بعدها طلعت منهم وغير المثلث وشريت استبنه جديده حسبي الله عليهم ضيعوا اغلب المكافئة حقت الجامعة !!! وبعدها بسنة اي عام 1415 وايام امتحانات الفصل الأول<< وش يفرق؟؟ :d :d :d <<< قمت الصباح رياح للجامعة عندي اختبار مادة الأحصاء والقى شنطة السيارة مخلوع قفلها ومسروقة الأستبنة؟؟ اشوى هذا واحد حبيب ماكسر المثلث :d :d :d بس كان غبي في الشنطة فوق اللأستبنة كان فيه كتب كيمياء عضوية وفيزياء وثالث ناسي وشو قيمتها لو يبيعها لمركز الكتاب المستعمل ضعف قيمة الأستبنة اللي هو سارق :d :d :d والله يعين الشرطة ويخلصوننا من هالظاهرة !!! |
سهل زين جت على كذا بس الله لا يحللهم :mad: العيد اللي راح ثاني العيد أحد الأقارب حصلة له نفس الحالة بس بدون أي سرقة ..! ممكن لأن الشنطة مقفلة بالمفتاح ::..:: الله يعوضك ولا مأمن؟ :D قصدي ولا عليهم :D |
[ALIGN=CENTER] على طاري المثلث :D الواحد وده يشري ددسن عشان المثلث اللي قدام :D لا وحط لزقة أكتب أضرب هنا :D :D [/ALIGN] |
المشاكل هذي صعب حلها بدون تكثيف دوريات في جميع المناطق او افتحوا لهم مركز للتفحيط .. المشكله حتى هنا في امريكا في شارع مزحوم و شرطة في كل مكان دخلت اتعشى ساعه طلعت لقيت قزاز السيارة مكسر و عشانه ما لقى شيء قطع المراتب ! |
هلا سهل :) .. والله مشكلة هالعالم يعني مااتوقع بطاله او فراغ .. طال عمرك السرقه ياانهم يبغون فيها حبوب أو يروحون يفحطون .. وحلهـا يعني سبق وان اقترحت للمجلس الاعلى للعيال اللي في الاستراحه :D .. وهـو أي واحد يـمسكونه يـفحط .. في نفس الحاله ينزلونه الـدوريه ويمسـكونه تشويت تشويت .. بعجـرا .. باليد .. يتفلتون عليه الين يعرف ان الله حق وقدام الله وخلقه .. ثم يمسكونه و يودونه للدوريه للمرور وسجن شهر وغرامه 5000 ريال .. والله أن تختفي هالظاهره لان فيه نظام قوي جدا لكن اللي صاير الحين استهتار برجال الآمن يفحطون قدامهم واذا مسكومهم في نفس اليوم يطلعون بواسطه !! من جد لو يخلوني مدير للشرطه والله ماتلقى ولا مفحط وانواع النذاله عليهم وتشوفون بيصير المرور والقسايم والمخالفات راح تدخل فلوس للدوله اكثر من البترول ------> بس نصها بدخلها على حسابي :D ----> اللي هذا اوله ينعاف تاليه :D |
سهل فديتك ياشيخ انت والثمانيات اللي صافه جمبك :D والله ياأخوك أنا معي كامـري وانا توني بعد طالب .. والله العظيم اول ماادخل المدرسه حتى اطلع اكون شايل هم هالسياره بيني وبينك الكامري مرغوبه كنهــا مدرسه وراتبه اربع تلاف خخخخخخخخخخ <<< حلو التشبيه قسم بالله :D أول مااشتريت الكامــري درست عليهـا شهـر حلو .. ويجي ذاك اليوم المشمس الجميل .. وأطلع من المدرسه والقاء سيارتي مكسوره قزازه اللي جمب السواق .. ويضيق صدري :( قلت يالله مهيب مشكله ... الوكاله تنادي واوديها ويلهطوني << باللفصحى خخخخخ تقريبا 800 ريال .. والشايب بيني وبينك زعـل 800 على قزازه الله لايخسر قلت له مهيب مشكله ان شاء الله ماعاد تنكسر .. ويمر شهـر واطلع من المدرسه والقاهـا ثاني مره منكسره ... قسم بالله قهــــر :( ووديتها البيت قال الوالد تبي اوديهـا لك للوكاله :D وانا مو مصدق قلت ماتقصر والله قال خلاص بعد العصر اوديها للصناعيه وتخب اذا هالحاله بتستمر الزبدة يااخوك الكامري سياره مرغوبه يعني توقــع كل شئ يصير لها من كسره قزاز الين سرقه وهجوله علاااها .. مانقول الله يعين بس ولكن نظل نقول "" الكامــري السيـارة الخليجيـه الاولى "" <<< شكلها بتصير الاخيره بعد الي نشوفه :( الله يحفظ لنــا مواترنــا قولو آمين آمين سي يوووو خيو سهل :) |
max666< type=/**********> vbmenu_register("postmenu_1751531", true); </> إقتباس:
تسني تسته وعشرين تسنه :D إقتباس:
شكلك ساكن بالعريجا ( شفت اعرف اقلد ) :D إقتباس:
ما شاء الله تعرف تحسب :) إقتباس:
طيب . دينااااااااصور . قصدي ديناااااااامو ولا يهمك :D هلالي من المافيا< type=/**********> vbmenu_register("postmenu_1751915", true); </> إقتباس:
وشاطي العزيزيه :) إقتباس:
وش دعوى يا خوي :D إقتباس:
عندكم والا عندنا s60s إقتباس:
هذي علومك .. الله يكفينا شر الشرقيه وأهلها :D هلالي غصب< type=/**********> vbmenu_register("postmenu_1751957", true); </> إقتباس:
بصراحه السوم وقف على 777 ريال . اذا بتدفع نصيبك :razz: إقتباس:
والجديده كيف شكلها :D إقتباس:
من هم !! القاضي< type=/**********> vbmenu_register("postmenu_1752870", true); </> إقتباس:
ما فيها الا العافيه .. بس وشو له :D <!-- / message --><!-- sig -->قرقاص والله لك وحشه ... راجعين :) |
هجــــــــــــــــــــــــــــــــــــــــــــــــــــولة!! تبي تعلمنا إن عندك كامري منت بسيط يا سهلوه !! إخواني الأعزاء يوم الخميس جانا ضيف من مكة (طبعاً للشركة) أخذ من المطار سيارة أجار (كورلا 2005) وصل الشركة وجاه شحات يقوله أنا كم سنة مقدم على وظيفة ومتخرج ووووووو و إلخ المهم الضيف ما عطاه وجه، قاله الله كريم طلع الضيف للشركة ونزل خلال دقيقتين فقط وإذا بزجاج السيارة الجانبي مهشم ومسروق جواله الآيمت الجديد بثلاثة آلاف ريال !@@@ علماً أن السرقة جوار الشركة في شارع الثلاثين (الأمير سلطان) العليا يعني في أرقى مكان في الرياض !!!! أحلى ما في الموضع إن خوينا الضيف قال: والله يا صلاح لو إن الحرامي ذا قالي أبغى جوال لأشتريله جوال بس مو كدا يسرق جوالي وفيه أرقام مهمه ؟!؟!؟!؟!؟ قلت له يا حبيبي الرجال قال لك يبي مساعدة يعني خمسة أو عشرة ريال وإنت ما عطيته كيف لو يقول لك أبي جوال ؟؟ |
هلا والله بسهل 3 ثمانيات ايه لو معك جيب تسان ماسرقو سيارك :p ولا لو هو شاص :D بع الكامري بس ولايرخص عليك الجيب |
ليله سامريه على انغام كامريه :D مرّة شفت واحد كاتب على مؤخرة كامري :D [ الكامري تطيع أوامري ] :p أو كما كتب s13s لا أدري <== احلى يالمثقف :D هل توجد علاقة بين هذه العبارة وبين ظاهرة سرقة إستبنة الكامري ؟؟ :confused: :D الجواب عند سهل888 :D والشايب جارهم :p |
| الوقت المعتمد في المنتدى بتوقيت جرينتش +3.
الوقت الان » 08:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd