|
ارجوا ان لاتتكرر هذه المسخرة والله مسخره مابعدها مسخره العام الماضي الفريق يعاني لعدم وجود ظهير ايسر والمبدع الجري على دكة الاحتياط ونفس الشي يتكرر هذا الموسم والادارة راضية ولاتحرك ساكنا ماهو دور الادارة في محاسبة المدرب على اخطائه ومناقشته فيها؟؟!!! خصوصا حينما يكون الخطأ فادحا كما حصل اليوم بالله عليكم هالمسخرة (ذياب مجرشي الثاني) وش كان موقعه من الاعراب في هذه المباراه (شخصيا أعتقد موقعه من الاعراب هو: ظهير أيسر مستتر مجرور وعلامة جره السحبه) الله يرحم والديكم فكونا من مساخر المدربين والله الحظ والحظ فقط هو الذي اعطانا الثلاث نقاط بعد توفيق الله مالذي فعله عبدالله غازي ومالذي فعله فهد سرور ياجماعة مصلحة الزعيم فوق اي مصلحة...... وتحياتي للجميع ومبروك النقاط الثلاث |
((العين بصيره واليد قصيره)) لكن بإذن الله سنرى الجري أو مضواح بدال غازي يمكن يكون للمدرب حكمه في ابقاء الجري على الدكه ممكن لانخفاظ مستواه وممكن شي ثاني عموما المدرب أقرب منا وان شاء الله يشوف الخلل وين ويعدله |
ياخوي ظلمت الرجال ذياب مجرشي لانه منسق من بداية الدوري لكن اللي تقول عنه هو عبدالله غازي |
عبدالله غـــــــــازي بداياته نفس بدايات احمد الدوخي........... اللاعب صغيـــــــــر.... عندما يكتسب ثقة بنفسه ................. راح تغيرون كلامكم عنه............... مبــــــــــــروك الصدارة............... |
((العين بصيره واليد قصيره)) لكن بإذن الله سنرى الجري أو مضواح بدال غازي يمكن يكون للمدرب حكمه في ابقاء الجري على الدكه ممكن لانخفاظ مستواه وممكن شي ثاني عموما المدرب أقرب منا وان شاء الله يشوف الخلل وين ويعدله صح لسانك اخوي كلاسيك |
الجري اصلن طاق خاله باكيتا ومتهاوش مع عمه اوسكار ومخرب سياره ادموس اخوي الجري ميزته ببعض المهارات اللي يمتلكها وتقضي عل جماعيه الفريق بكثير من الاحيان وصدقني المدرب عطاه الفرصه في بدايه الدوري بس الرجال قدراته ضعيفه وخاصه الدفاعيه مو بمستوى فريق مثل الهلال وبعدين ارجع لثلاث مباريات في بدايه الدوري ويوم كان الهلال يتعثر ونتايجه مش ولا بد,, كان فيه عناصر اثرت على الاداء ومنهم الجري, وركز على مباراه الاهلي اللي خسرنا فيها وبالثلاثه صدقني بتعرف ليه المدرب عنده قناعه يلعب اي لاعب في العالم ولا يلعب الجري المساله واضحه والمدرب اقرب وابخص بالفريق السنه اللي راحت ويوم جا اوسكار اعجب في البدايه بالجري وكانت نظرته سريعه ومو منطقيه مثل نظرتنا يالجمهور من باب اننا مو قريبين للاعبين ويوم لعبه مباراه وحده بس تغيرت القناعه وصار استحاله يلعب ليه هل اوسكار بينه وبين الجري شي ؟؟؟؟ |
كلامك سليم الجري أصبح أسير الاحتياط لكن ننتظر ممكن يعطى فرصة أكثر إن شاء الله |
هالمسخرة ذياب مجرشي <==== مو كنك قسيت عليه |
المدرب أدرى بمن يشرك و انا أخوكم |
وانتم تبون اول مايلعبون هالصغار ينجمون ؟ اصبرو عليهم . جيرانكم صابرين عشر سنين وانتم منتو صابرين ثلاث مباريات ؟ بعدين عبدالله غازي توه صغير ويجي منه لوماتستعجلون . |
عزيزي اطمأن .. غازي مصيره يبعد عن الخانه في ظل اكتمال شفاء مظواح .. وفي غياب الشلهوب اظطر المدرب بتعويض مكانه بالخثران ..(( كبيره اظطر وين ندفد يشوف )) الاصل والأنسب في هالخانه هو الخثران ثم مظواح والجري .. والمستقبل يبرهن لك.. سلام |
سبحان الله انا استغرب لما اشوف احد يدافع عن لآعب عادي جدا جدا بحجة انه صغير !! ياناس اللآعب من اول لمسه يبين هل هو مهوب والا لا او هل ممكن يطور مستواه او لا وهذا ما افتقدناه بغازي لأنه يمين وش اسمه كوره يسار حتى المفرج وهو المفرج ارحم منه في خانة الظهير الايسر فما بالكم بلاعب مثل الجري احتياط لهذا الغازي !! |
يعيب على غازي بنيته الضعيفة ولا وجود لمهارة فردية ولكن تمركزه صحه بعض نقلاته ممتازة وتغطيته جيدة اما فهد مبارك انا اشوف انه رائع بس اليوم ماكان بالجو والا عنده ثقه بنفسه ورجله قوية ويراوغ بشكل جيد بخصوص الجري فهو ذا مهارة فردية رائعة ونقلاته حلوة لكن مايغطي الدفاع وهذا ورطنا ومضواح رائع وابعدته الاصابة والخثران قمممممممممممممممممة ولكن يلعب ظهير مو وسط ايسر وهذا راي وشكرا |
تطمن انشاء الله بتعدل الامور واللاعبين الموجودين فيهم الخير والبركه v v v v v v v v الكاس تلمع ,,,,,,,,, والعين تدمع |
أخوي الكلاسيكي شكرا لمرورك وردك وكلامك صحيح أن العين بصيره واليد قصيرة ولكن حينما لايكون لديك بديل أما ان يكون للمدرب حكمة لانعلمها ونسكت عليها..... فسيحل بنا ماحل بنا مع ادي موس في الموسم الماضي وكله من هالكلام الفاضي المدرب أبخص!!! |
أخوي zaidan.... مسخره + محاسبة + والله الحظ ثم الحظ ...... كلمات متقاطعه غير محببه لدينا في هذا الصرح العظيم ..... ...... ][ هنا ردي عليك ][ ...... أخوي zaidan.... أعجبني كلام اللاعب / ماجد عبدالله وهو يقول الجمهور أصبح فاهم وأصبح مدرب .. ( قلت هذا الكلام استدلالاً ولن أنتظر شخص يأتي بعدي ويقول لي أنا نصراوي ) ممكن نكون فاهمين بس ماراح نكون أفهم من المدرب القدير باكيتا في وضع الفريق الآن .. بااعطيك معادله حلوه قبل مااختم حديثي .. بدون لاعبي الهلال المنضمين المنتخب + نفسية اللاعبين بعد وفاة المرحوم بإذن الله سعــــــــد الدوسري = أهم شئ ثلاث نقاط ولو أنك تابعت تصريح السيد باكيتا قبل المباراه حين قال ( المباراه مفترق طرق ) ويقصد بمفترق الطرق بسبب نفسية اللاعبين بعد وفاة المرحوم بإذن الله سعــــــــد الدوسري.. أتمنى أنك أتيت بأسم اللاعب عبدالله غازي ولم تأتي بأسم اللاعب المبعد من بداية الموسم ذياب مجرشي ... أخيراً .... أفتقدتك يازعيم القرن ... رحمك الله رحمةً واسعة .. |
كلامك سليم الجري أصبح أسير الاحتياط لكن ننتظر ممكن يعطى فرصة أكثر إن شاء الله |
ذياب مجرشي منسق من الفريق من بداية الموسم :rolleyes: في ناس بس ودها تنتقد وتتكلم وهي مهي داريه عن شي وسلملي على الباذنجان اخوي زيدان |
اخوي الكنز الهلالي انا ذكرت ذياب مجرشي كمثال وانا كتبت هذا الموضوع واقصد به عبدالله غازي والذي ارجوا ان لا يعيد علينا ذكريات طيب الذكر ذياب مجرشي والذي يبدوا لي انه لاعب كيرم |
على فكرة كل اللي يقولون عبدالله غازي صغير أتوقع إنهم بيقولون إن الجري عمره فوق الثلاثين ياهووووووووووووووه الجري أيضا صغير وعطوه الفرصة ولا تنهون حياته على دكة البدلاء |
الأخوة الذين يبررون بأنه يجب اعطاء الفرصة لصغار السن أقول: نعم يجب اعطاءهم فرصة ولكن ليس على حساب الزعيم وليتذكروا ان الجري لازال صغير السن وبعدين ترى اللاعب يبين من لمساته الله يذكرك بالخير ياذياب مجرشي انت ولمساتك الساحرة!!! وبنظام الدوري الجديد أصبحت كل مباراة نهائية ويجب أن لانفرط بأي نقطة وذلك لسببين: الأول: أن متصدر الدوري يتأهل للنهائي مباشرة والثاني: أن المتصدر أيضا يضمن التأهل لنهائيات دوري أبطال آسيا بغض النظر عن نتيجة المباراة النهائية للدوري!! |
| الوقت المعتمد في المنتدى بتوقيت جرينتش +3.
الوقت الان » 04:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd