رسالة مهمه الى جماهير وادارة ولاعبي الزعيم .. كأس الدوري هنا - نادي الهلال السعودي - شبكة الزعيم

The Big Blue · #1 06/01/2005, 01:49 AM

السلام عليكم ورحمة الله وبركاته

اول شي كل عام وانتم بخير وكل بطوله مع الزعيم بخير

ثاني شي مبروك الفوز في حائل ..

اما موضوعي الي ودي انه يراه اللاعبين بالذات :

مو حرام كأس الدوري يروح لغير الزعيم ..

مو حرام يجي فريق صغير او فريق تجميع .. وياخذ الكاس والهلال يسفط في المركز الرابع او الثالث او حتى الثاني

اكيد شي مانرضاه حنا كجماهير ولا ترضاه الاداره ولا اللاعبين

طيب اذا قلت لي كيف نحصل على الكاس ؟

ماراح اقولك خطط تكتيكيه او حماس لاعبين او تكثيف التمارين او رفع لياقه

لانه هذي امور مو من اختصاصي ..

لكن اول خطوه لازم نسويها علشان الكاس ما يفلت من ايدينا .. وعلشان ما نفلت من الكاس

نكون في الصداره وبأكبر فرق نقاط .. ونحسب حساب لكل مباراه صغيره كانت او كبيره

فرضا لو اننا خسرنا المباراه مع الطائي لا قدر الله

على كذا راح ننزل تحت تدريجيا

لكن في حالة الحفاظ على النتائج والفوز واخذ الثلاث نقاط اول بأول .. راح ( نشخط فوق )

وفي حالة اننا ضمنا نهاية الدوري وحنا في الصداره .. ماراح يفصلنا عن الكاس

الا ( استاد الملك فهد )

والهلال في ليلة عرسه تعرفون ايش راح يسوي

لكن اذا نبي الكاس .. الصداره اول شي لازم نضمنها .. وبعد الصداره مباراه وحده بس .. ومن ثم الكاس

اتمنى من الاعبين ما يفرطون في اي مباراه سواء مع الاتفاق او الرياض او أحد أو النصر

وانشالله نهني بعضنا في كأس خادم الحرمين الشريفين