بعد حيي اهل حايل.. مالكم عذر الاربعاء.. تراني حالف!! (دردشه)
 

سلام عليكم..

الهلالي ابو سارة يعود لكم من جديد .. (( من اللي قال وش جابه؟!!))

صباح الخير.. قصدي مساء الخير .. او تدرون.. افترنون الخير ((لأننا بعد الظهر ))

المهم حبايب قلبي،،

الموظوع هذا .. خااااص جداً .. وعلى قولة قناة الجزيره:سري للغاية..

سبشل خاص لأهل حائل .. ((اللي مو من حايل ،، يطلع منها .. اولهم أنا ))

يوم الاربعاء.. اللي هو ( بعد باتسر ) الزعيم.. ينتقل الى ديرة احفاد حاتم.. وديرة الجود والكرم

ديرة اجا وسلمىى ديرة بعد حيي ..

والمباراة مايحتاج مطلوب فيها الحظور الجماهيري.. لعدة اسباب :

أولاً: اللاعبين محتاجين وقفة جمهورهم معهم وسط هالأجواء الحزينه..نتيجه فقدانهم زميلهم وفقيدنا سعد الله يرحمه..

ثانياً: لأن المباراة تؤدي بحول الله لـ الصدارة.

ثالثاُ: لتأكيد موجة الانتصارات المتلاحقه وثورة النتايج الهلاليه القويه الحاصله ..

.. ومعروف في علم النفس سيكيولوجياً (( اخس يابو سارة )) أن اللاعب لما يشوف جمهوره خلفه،

يرتفع عنده الهرمون المنشط.. فـ يخش على "الطحال" مما يؤدي الى تغير فيزيائي يعقبه انحسار بيروحيوكيميائي،،

فـ تنفجر المعده (ياساتر)!! اقصد تنفجر الطاقه داخل الجسم الهادي.. وتنتقل بالتالي نحو المحيط الهندي!!

وهذا مايفسر اكتشاف النفط وتحلية ماء البحر (( فهمتوا شي!؟! ))

الزبده وخلاصة الموظوع أنه بالأخير ياخذ الهلال الصدارة (( بغت ماتجي ))

.........

حنا أهل الرياض وعيالنا (( اصحاب المعالي والرجه واللطمه والعقده )) ماقصرنا ..

ترسنا الملعب قدام النصر والشباب والرياض بالدوري.. ونهائي الكاس مع الاتفاق..

صح علينا شوية عتب .. بس ولو .. حي فالنا ..

وجمهور المدينه.. ماقصروا ،، بيضوها قدام الأنصار..

وأهل الشرقيه .. وياعيني على الشرقيه والبحرين!! كثر خيرهم قدام القادسيه رغم ان الدوري كان في بدايته والجولة كانت الثانيه..

وبقية المناطق.. ماقصروا والله (( دبلوماسي،، اخاف انسى احد وتجي الطقه في راسي ))

.........

وجاء الدور عليكم يااهل حايل.. يالسناعسه..الشمامره،،الروله وبقية الاخوان في بقاع الكفاح المسلح ((وييييين حرب ))

نبيكم تملون الملعب..

ترى مالكم عذر أبد أبد ..

ملعبكم يالله يشيل 4000 (( كنه بدا يخور ابو سارة ))

عموماً.. مهما كانت سعة اي ملعب ،، منظره مليان يزيد الحماس (( حلوة الترقيعه ))

......

احد الخبثاء جنبي الحين وانا اكتب الموظوع .. قال: طيب يالخالدي.. لو ملوا الملعب.. بس كانوا بصف الطائي!؟

فقلت: عاد هذي والله البلشه .. الطائي في أرضه ياكلك حبه حبه بدون جمهور.. وشلون أجل لو صار كلامك!!


ان شاء الله اني ماطولت عليكم .. ولا دبلت كبودكم .. بثقالة طينة دم ابو اللي جاب خفة دمي الثقيل هههههه ..

سلااااااام
أخوكم الهلالي ابو سارة

يسلمووووووووو أخوي أبو سارة على الموضوع ..
وإن شاءالله جمهور الهلال ما راح يخيب ظننا ..
وبإذن الله الدوري هلالي ..
تحياا اااااااااا ااتي

مشكووووووووور :)

تحياتي للي مروا ..

واللي ما مروا الله يوفقهم باختباراتهم .. (( اخلاااق ))

أبشر يأبو سارة أنا من ناحيتي كتبت موضوع بس
ماأحد أعطاني وجه :D :D :D
إلا الأخ دمعه المقهور لان شكل الشباب مستحين
هذا هو رابط الموضوع:
http://vb.alhilal.com/showthread.php?t=186799

مشكور ابو ساره

60 %

من جمهور حائل هلاليين

وراح يمتلي الملعب

ونصف الجمهور بر الملعب

يعني لازم يحضروا بعد صلاة الظهر

ولا تنسى ان هناك شقيقنا الجبلين

99% منهم هلاليين

ياحبينيلك ياأبو ساره
وموظوعك حلو زيك
والصراحة أحلى مافي الموضوع>>>>>> سيكيولوجيا

تحس من جد كبيرة..
وتسلم ياسيد المنسمين<<<<قالك مدحة
تسلم يالغالي

جمهور حائل حاضر للمباراة

من حائل إحدّثكم ,, وأقول :



سنملأ الملعب بإذن الله تعالى ..

يا بعدي يابو سارة

موضوعك حلو و رايق

الجمهور الهلالي في ديرة الكرم ما راح يقصرون ان شاء الله

اللي ما عنده اوربت الرياضية تراه انا عازمه , قهوة و شاهي بالزنجبيل ويوم الاربعاء المباراة (من عندي هاذي __والجو غيم __)

ان شاءلله يمتلي الملعب بجمهور الهلال والفوز يكون للهلال



تحياتي.

مــــــــــــاراح تقصر جماهير الزعيـــــــــــــــــــــم باذن الله ومشكور يابو ســــــــارة على شحذ الهمم..............

:clapping: :clapping: s60s