الهلال الآن غير
وهو بحاجة الي تكاتف الجميع
وان شاء الله راح يكون موسما هلاليا مميزاً
تحياتي لك

بصراحة الأخوة الزعماء في مدينة الرياض مالهم عذر
أنتم والنادي والملعب في مدينة وتحدة ( اللهم لاحسد وتقولون الملعب بعيد
ياخوي آخر مباراة لعبها الهلال مع الوطني في تبوك حضرنا للملعب فوق طاقته ؟
وللمعلومية كان الحضور خارج الاستاد اكثر بكثير من الموجودين داخلة ؟ولكن هي الهمم
اذا كانت النفوس كباراُ ( في محبة الزعيم ******* تعبت في مرادها الاجســــاد
أتمنى عودة اللاعب رقم (1) في المدرجات واتركوا الاستراحات والقنوات الفضائيه فالزعيم دائماً وابداً في حاجتكم
وآه لو كنت في الريــــــــــــاض لحضرت للمدرجات ولو كنت لوحــــــــــــــدي
وعلى دروب محبة الزعيم نلتقي

أخي وعزيزي غالب القوم تحية إكبار وأجلال لك ..........

فمنذ وقت قدومك للمنتدى وانت بصراحة تثري المنتدى بالعديد من المواضيع التي تضرب في الصميم الف شكر لك اخوي الغالي..........

اما مايتعلق بالجماهير الهلالية...........
فمن قال أن أنعدام المواهب سببا في قلة الجماهير ... ساطرح رائيا واتمنى الا ادخل في صدامات مع احد لان اختلاف الراي لايفسد أبدا للود قضية.........

اقول ان بعض اللاعبين الذي يمثلون الهلال حاليا......... من وجهه نظري افضل من الناحية المهارية والتكتيكية من اللاعبين القدماء..........

فعندما نقارن بين الغنام والشلهوب والدوخي والتمياط والجابر....... فهم بلاشك أفضل مهارة وابداع وامتاع مع مشاري العويران وعبدالله البرقان وعبدالرحمن التخيفي وسعود الحماد وسعد مبارك...........

اذا فالسبب ليس في انعدام المواهب لان المواهب موجودة...بل وافضل من ذي قبل........

اذا عزيزي غالب القوم يبقى السبب من وجهة نظري المتواضعه هو ضعف الانتماء.. وقلة الولاء... وكل مامر جيل ضعف عندهم حماسهم للكورة......

تخيل اخوي اذكر اول سؤال كنت اساله لشخص التيقيه لاول مرة (وش تشجع) وكنا نستغرب اشد الاستغراب عندما نعرف ان فلان لايحب الكرة.....(شلون يعيش بدون كورة)
وتجد الفصل الدراسي يعج بالمناقشة بين الهلاليين والنصرااويين........
ولعلمك الكلام هذا ايام الابتدائي قبل 12 سنه تقريبا

لكن تعال شف طلاب الابتدائي الحين
شف اهتاماماتهم

بل تعال وانظر الى اهمتامات طلاب المتوسط والثانوي

اخوي زبدة الكلام هو كل مامر جيل ضعف لديه الجانب الكروي.......

لذلك لن استغرب بعد 20 سنه ان نجد من يحضر مبارايات الهلال خمسة اشخاص فقط

تحياتي لك اخوي غالب القوم .......

غالب القوم قسم باللة انك كبير وكبير شوية بحقك
الموضوع هذا مايطلع الا من ناس كبار
انا عن نفسي خسرت سيارة على شان الزعيم جاي من 300كيلو وانفقع علي الكفر والحمدللة طلعت سالم
بس المشكلة اخوي غالب القوم مو في السيارة تركت السيارة وجيت حظرت المباراة وبعدين باشرت حادثي
وربي ماازود عليكم هذا الكلام صار على طريق الرياض_ الدمام
ومع كذا مقصر في حق الزعيم
ولكن ساموحنا على القصور

يعطيكم العافية على هالطرح المميز


وإن شاء الله نشوف جماهير الزعيم تعود كما كانت وأفضل

كلامك جميل

وانا مع تغيب الشمس بحلم يومي

صدق في كلامه

لكن هذا الكلام ينطبق على اولاد الوسطى عكس الغربية

الصغير والكبير يتحمس على المباريات الديربي بين الاتي والقلعة

وفي الاخير أتمنى جمهور الزعيم يرجع مثل السنوات الماضية

تغيب الشمس بحلم يومي .... صدق صدق .. انت وجهة نظرك خطيييييييييييرة ...

اتفق معك بكل كلمة قلتها ... وكل نقطة ... مب لاني ماعندي شي اضيفه ... لا .. لانه هذا الكلام اللي كنت بقوله ..

مع ان الدم الازرق اضاف نقطة ... وهو انه ينطبق على اولاد الوسطى ...

بس المفروض نقول نستثني اولاد الغربية ...


بعدين المنطقة الوسطى والشرقية خاصة ... اسأله عن لاعبين ميلان ...والا برشلونه ... والا الانتر .. وغيرهم من الفرق الكبيرة .. يعدهم لك لاعب لاعب ... حتى عادي يقولك منهو اللي يكنس الدرج كل يوم ...

فماهو قلة اهتمام بالكورة ... لكن جت فترة للكورة السعودية تفشل ... ومن بعدها الناس صاروا يتابعون الدوري الاوروبي ... وتلقوا فيه لانه فيه فنيات من الحلم انه تكون في السعودية ...

ولكم كامل شكري وتقديري

تغيير انظمة الاتحاد السعودي لكرة القدم والعدل في القرارات وتخفيض اسعار التذاكر هو من يعيد الجماهير.

يارجال هنا او هناك كله واحد مافيه جمهور

دام اسعار التذاكر كذا وقلت المواهب

ووجود الاحتكار التلفزيوني و بعد الملعب

و الله انك صادق أخوي بس ايش تسوي العين بصيره و الإيد قصيره

نحن مع الزعيم
أينما ذهب
ولا زعيم بلا جماهير

عزيزي غالب القوم..

كلام ولااروع ياغالي..

انامل تكتب الروعه والحقيقه ايضا..




اضافه بسيطه:

من غير المنطقي ان نجعل سبب عزوف الجماهير هو غلاء التذاكر..

صدقوني الجميع يصرف اضعاف سعر التذكره في مقهى وخلافه..

فلماذا عند وقت المباريات نقول التذاكر..

صحيح هي اسباب ثانويه لكنها ليست باسباب حقيقيه..


اغلب الجمهور اذا لم يشاهد المباريات في الملعب ( اكيد ) راح يشاهدها في المقاهي( والمقاهي ) ببلاش لا اعتقد ذلك..

انا من وجه نظري المتواضعه عزوف الجماهير لها اكثر من اسباب ويصعب حصرها هنا..



لغالب القوم تشكر ياغالي.




الله يوفق الجميع..






وعلى دروب الخير نلتقي احبه يازعماء..









السامي كسمو الهلال1982

اهلا بكم الزعماء الكرام والشكر لكم 00 جرير00واله انك تسمع000singr.k.s.aاشكركم لتفضلكم بالنقاش با الاضافه للاخ السامي كسمو الهلال اشكرك عزيزي 000احبائي لاشك ان اسعار التذاكر ربما تؤثر على الحضور ولكن اذا جمعنا مشاركات الهلال المقامه في مدينه الرياض وفي جميع المشاركات با الاضافه لمباريات الفريق الاولمبي نجدها تكلف الشخص وفي اشد الاحوال وطوال موسم كامل مايقارب380ريال فقط 000!! هل هذا السعر يمنع الشخص عن الحضور وتذكر ان هذا المبلغ لموسم رياضي كامل ربما بل اكيد ان الشخص يصرف نصف المبلغ وبا اقل تقدير هو واصدقائه لو شاهد المبارات با المقهى كما قال الاخ السامي 000

اما من يجعل سبب العزوف هو التشفير فانا استغرب فعلا ولم استوعب السبب حتى الان 000!!!!؟ كيف يحصل ذلك ؟ انا ارى ان التشفيرعاملا مؤثر بزيادة الحضور الجماهيري لا العكس 000الاخ الكريم الذي ذكر السبب انظمه التحاد السعودي هي السبب ارجو التوضيح فا لربما كان ماتقصده هو السبب ؟ الاخ السامي ارجو ان تذكر الاسباب التى تقول انها كثيره للاهميه000 وشكرا
في الختام اشكركل من تفضل بطرح مايراه من وجه نضره واتحفنابأرائه 00ولكن اتمنى من الزعماء المشاركين الذين يقيمون بمدينه الرياض الذين لايرغبون با الحضور للملعب ارجوا منهم التكرم وذكر اسباب عدم حضورهم هم شخصيا وبصراحه ولاي سبب كان لاننا لو استطعنا ان نصل ولو لمجموعه بسيطه وتذكر الاسبابالحقيقه التي تمنعهم لقطعنا نصف الطريق 00 وشكرااااااااااااااااااا