نادي الهلال السعودي - شبكة الزعيم - الموقع الرسمي - الآن أسعار جميع أجهزة الجوال والتحديث أول بأول

أنا أمس بالسوق
أسعار الأجهزة على النحو التالي
n72 1330 هذا الجوال بالضبط n70 إلا إنه كمرا وحدة وتراه يشغل الجيل الثالث بس عيبه شكله شين( جفس) ينفع للشباب له لون بناتي ولكنه ( جفس) ما أنصح الجنس الناعم بشرائه
n73 1910 جوال تشوفه تنهبل عليه تشريه تمل منه خويي شراه أول ما نزل بــ 2100 وباعه بكره وخسر فيه باعه بـ 1700 عيوبه كثيره مايغير وجهه خفيف تقول كن مافيه بطارية
n93 3100 هذا الجوال إلي بأشتريه جوال بمعنى الكلمة بس نصحني خويي ما أشتريه لأن عندي في البيت بزران وهو شديد الحساسية يعني أي خبطة يطفأ على طووول وترى سعره أمس 3200 لقيته عند واحد بـ3100 قلت نزل لي حلف إنه عليه بـ 360 يعني إذا لقيته بـ 3000 خذه و لا تشاور
طبعا الكل ضمان الإتصالات الدوليةi2
هذي أفضل أجهزة موجودة حاليا
فيه أجهزة من الدرجة الثانية
e60 1050 جوال الملتزمين بس عيوبه واجد يقول راعي المحل إن المزع يقول بيطلع منه مطور لأن هالجوال كل من يستعمله يكتشف فيه عيب أهم عيوبه عناوين الرساله تجيك مخربطة يعني أهلك مرسلينلك (جب خبز) تجيك عنوان الرسالة (خجز بب) لكن إذا فتحت الرسالة تقراها صح عيبه الثاني يعلق على طووول وعيبه الثالث ما يقبل أي ملف لازم يكون متوافق معه وأهم عيب ما يغير وجهه الجوال هذا مع الوالده ( الله يحفظها ) تبغون أكتبلكم يوميا عن عيوبه اللي إكتشفتها ما عندي أي مانع
n80 1900 هالجوال يعطيك شكل بس الشغل ما حولك أحد يعني من برا الله الله وم جوا يعلم الله والله عيوبه واجد خويي شاريه بـ2000 قبل عشر أيام اللي بيه بـ 1700 بيبيعه له والله تشريه تبحل به حتى إذا جيت تبيعه مايسوى سامه في المحلات ما جاب له 1400
ضماناتهم نادي الإتصالات واسراء الرياض ومشاعل نجد

نقطة مهمة من خبرتي في الجوال
لا بغيت تشري لك جوال لك وللعمر إسأل عن سعرة أول ما ينزل ثم بعد أسبوعين لاشفته طاح حوالي 300 ريال أعرف فيه بلاء
أحسن ثلاث جوالات مسكتهم
الفيصلية والدمعة و n70
وكل جوال أستعمله أكتشف إنه مليان عيوب إلا هالثلاثة