انخطبت بس لاتعلمووون احد .....(اص)
 

السلام عليكم ورحمة الله وبركاااته
كيفكم ؟؟؟ اخباركم ؟؟؟شلووونكم ؟؟؟

>>>>>>> اخلصي بس :D

كنت قاعدة اتفرج عالتلفزيون... متابعة مسلسل... وجا مشهد زواج وحدة من الشخص اللي تحبه من زمااااان... قلبت القناة على قناة FUZIAH (لحد يسألني وشي قناة فوزية :D لووول ))
لقيت عرض ازياء فساتين عرايس... قلبت لقيت خطوات وضع مكياج العروس. سكرت
التلفزيون
>>>>>>>>> منقهررره كل البنات اعرررسن الا هي

التفت على ابوي اللي نسيت تماما انه كان جنبي... قال لي ابوي:

خير ان شاء الله يابنتي؟! وش فيك؟! عسى ماشر؟!


انا تلخبطت ساعتها وفتحت له التلفزيون وقعدت ساكتة...


ايه اكيد بسكت وش اقول؟ اقول له ودي اعرس :clap: ؟؟؟ (يعني اتزوج بالعربي)... اقول له ان صاحباتي اغلبهم تزوجو؟؟؟ ولا اقول له اني تمنيت اكون مكان بنت خالي في كوشتها وفي الزفة امس؟ يقطع الدراسة وسنينها ياشيخ... اوف والله غثا يا بخت جداتنا ماتطق الوحدة العشر سنين الا هي مخطوبة s60s وعلى الثنعش اعرست وان وصلت البنت ثمنطعش ما اعرست قالو عانس!!! هذوليك البنات اللي عايشين صح مب حنا اللي نعجز ونوصل سن اليأس مااعرسنا :cry: ... أخ يبه الله يفتح عليك وتخليني اعرس... وتفكني من الدراسة... :wallbash:

وبينما انا غارقة في قاع هذي الهواجيس ويرن التلفون ويقطع حبل افكاري... طالع الرقم ابوي وقال رقم غريب... رد بلهجة رسمية:


-وعليكم السلام..... الله يسلمك..... الحمدلله بخير..... ايه انا ابوفلانة (منيب قايلة اسمي عشان محد يعرفني ويضحك علي).... لا منت غلطان انا هو... ماعليك زود الله يسلمك... من معاي ياخوي ماعرفتك... والنعم.... تفضل وش السالفة اللي تبيني فيها؟.... لا ماني مشغول... لهالدرجة الموضوع مهم؟!... تفضل تكلم شغلتني...


والتفت ابوي علي وعطاني نظرة غريبة بس لاتخلو من الخبث والحنكة والمكر

>>>لا يكثر بس :D :D

انا ساعتها قرصني قلبي مو من ردود ابوي بس من نظراته الغريبة

رد ابوي على المتصل: وش فيها زود طيب؟... لا بس مافيها أي ميزات عن الباقي...
>>>ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل


رد ابوي على المتصل: طيب وبعدين... ايوة....طيب وش اسمك الكامل؟.... وش تشتغل بالضبط؟..... طيب من دلك علي وعطاك رقمنا؟..... لا الموضوع يا ابني مو بهالبساطة.... العملية مش بيع وشرى وبس... الواحد لازم يسأل كثير ويحرص قبل يقدم على أي خطوة... لا موضوع انك تجي لبيتنا خليها بعدين... لين اسأل عن كل صغيرة وكبيرة... لا لما اكتفي من السؤال واخذ المعلومات اللي تكفي بتصل عليك تجي ونتفاهم ويكون خير ان شاء الله



انا كنت اتابع حركات ابوي وانا متشققة من الفرحة... اخيرا انخطبت وبتزوج مثلي مثلي غيري... يوووووه أخيرا بلبس فستان ابيض منفووووووش

>>>ماتحسونها بزر بشرايط وشراب ابيض حق دعاية تايد؟


اخيرا بطلع اجهز واتقضى للزواج :D ... بسوي زواج كبير مررررررة وبحط زفة ريميكس وطرحتي مابيها خليجية وع بخليها مبتكرة... منيرة منيب عازمتها هي وخواتها ماعزموني الاسبوع اللي فات على الدي جي اللي سووه... وحصة صديقة امي منيب عازمتها بعد مطوعة مالي خلقها تحوسني لو حطيت اورج... وبشتري اغراض واشيل واحط واخطط... :clap: بيصدع راسي بس ولو لذيذ هالصداع... s60s


يوم قفل الخط ابوي التفت علي وهو مبتسم ابتسامة تعجب وهو ساكت... قلت:



- هاه يبه؟ متى بيجي يشوفني؟

- منهو

- هذا اللي خطبني تو

- وشو؟!

- خطيبي اللي تو

- تموووووونين انتي ووجهك صار خطيبك على طول ماعندك وقت

- ايه يبه ترا احذرك هالمرة شف تكرش العريس مثل ماكرشت ولد ام مساعد العام للحين تراها حازة في نفسي ترا هالمرة بضرب عن الدراسة... ولا الاكل مقدر اضرب عنه :D ... وجع يبه بعنس من تحت راس فعايلك بخطاطيبي... والرسول حث على تزويج من ترضون دينه وخلقه... وهذا قايل قلبي انه اجودي ترا مااعرفه بس اتوقع انه كذا... وترا العرس اهم من الدراسة عشان الجنس البشري ماينقرض.... وبعدين من قال لك اني منيب مكملة دراستي والله بكمل :clapping:



حسيت ان عيون ابوي بتطلع من شدة علامات التعجب اللي في وجهه بعدين انفجر من الضحك

- هي انتي وين رحتي حدك حدك لا تشطحين!!!

- وش اشطح؟! هذي الحقيقة والحقيقة ماتزعل وانت الله يطول لنا بعمرك علمتنا على الصراحة وحب الحقيقة

- أي عريس واي هم؟؟!!... انتي مصخنة؟؟ ولا عليتس قل صح؟؟؟... هذا مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ :D خخخخخخخ.... قومي نامي يابنيتي ولا تكثرين قعدة قدام التلفزيون... الحين بس عرفت ليه سكرتيه تو...


>>>>>>>>>>>> مطلوب مكنسه مو تطبخ وتنفخ تجمع شتااااات وجهي :D


تحياااااااااااااااااااااااااااااااااااااااااااااتي
>>> اتحاكم كم الف

بااي

الله يرجك على السالفه انا داخل ابارك واقدم الهديه :)
واخرتها مكنسه :) قولى امين ان شالله تعرسين
بس تعجبنى الموانه مع ابوك الى علمك على الحقيقه :)
تحياتى لك

الله يرجك يالمتنحه هذي اخرتها تطلع مكنسة


ههههههههههههههههههههههههههههه

هههههههههههههههههه

والله خشيت متفاعل مع السالفة ومشفق على العوانس
بس ادعي الله انه يزوجك في اقرب وقت ونفتك منكي هههههه

ههههههههههههههههههههه
مبروووووووك عليك المكنسة
وعقبال ان شاء الله تنخطبين وعقبال بقية العزاب

ههههههههههههههههههههه

رجك الله ..

مبروك بس متى الملجة؟!

ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه

اخووووي ( .........) معليش ماني عااارفه اقرا اسمك ...ولا اكتبه :laugh:

هلا بك والله
الا مهووسة .. بكم تبيعون المكنسة ؟
مااافيش ... خل ام العيال تطبخ وتنفخ :D
للمعلومية ، انا المتصل
>>>>>> للمعلوميه تراني زعلانه منك :razz:



اخوووووووووي ( لوحة مميزه ) هلا وغلا

بس الله يرجك قولي آمين
>>>> امين الله يزووجني :D




اخوووووووي (wolfblue) يالله حيوووه

قولى امين ان شالله تعرسين
>>>>>> امينين من بووك لباااب السما :clapping:
بس تعجبنى الموانه مع ابوك الى علمك على الحقيقه
>>>>>>> انا عادي ايززززي مع الكل :D



اخوووووي ( مرسول الهلال ) مررراحب

الله يرجك يالمتنحه هذي اخرتها تطلع مكنسة
>>>>>>> تخيل :cry: :cry: :cry:



اخووووي ( سام الهلالي ) ياهلا وغلا

بس ادعي الله انه يزوجك في اقرب وقت ونفتك منكي هههههه
>>>>> على يدك يااخوووي دوور عرريس لي
ووووبعدين عندي عشر خووات تروح وحده وووتجي الثاانيه
لووووووووووووووووووووووووووووووووووووووووووول



اخوووووي ( blueblood_999

المهم اللي يبارك لك يا مرجوجة بالمكنسة اللي بتفكك من المسح والنفخ والكنس وووووو
>>>>>>>>>> نطبخ ونكنس بس اوووف متى يجي العريس :D



مررراحب ( هلال العرب )


مبروووووووك عليك المكنسة
>>>>>>>> يبارك بعمرررك خيووو
وعقبال ان شاء الله تنخطبين وعقبال بقية العزاب
>>>>> بس مو بعاازمتك لووووووووووووول :D




يالله انك تحييه (T U R K I )

ههههههههههههههههههههه

رجك الله ..
>>>>> زيادة على كذا :wallbash:
بعدين ما اعررررس حسبي الله على بليسك




((( هلالي وان جار الزمن )))


عشان بنرتاح منك في المنتدى ومن مشاركاتك اللي ترفع الضغط
>>>>> باخذ واحد هلالي وبجلس فوووق قلبك وبالمنتدى بعد :clap:
والله ترى اسوووووووووووووويها وازعل (( بالطقااق ))



هلا والله بالغاليه (( كيفي كوويتيه ))

مبروك بس متى الملجة؟
>>>>>>>> اذا ماحد خطبني هاليومين شكلي بوافق على المكنسه واعرررس :D :razz:


هلا بالهلالي (( معذبهم ))

طيب وين العرس فيه >>>> واحد ماقرأ الموضوع
تررراك عذبتني ماقريت الموووضوع وتسال عن العررريس :wallbash:



ومشكوووووووورين على مرروركم
تحيااااااااااتي

هههههههههه

اختي مبروك المكنسة الجديدة

عموماً لاحقه على العرس وانتي مثل ماتقولين عمرك18 يعني لسا بنتوته

والله يرزقك الزوج الصالح سلام