خبر عاجل من الجزيرة الرياضية - نادي الهلال السعودي - شبكة الزعيم

لاتقسون على الهلال · #1 18/12/2004, 01:20 AM

بسم الله الرحمن الرحيم

السلام عليكم جميعا,, مبروك الوصول لنصف النهائي وعقبال البطولة ان شاء الله .

على فكرة انا مسجل في هذه الشبكة الغالية يمكن مالي شهرين بس اتابع مواضيعها من تقريبا سنتين بشكل يومي وكتبت موضوع واحد لاني بصراحة ماعندي شي جديد اكتبه لان الكتاب الموجودين فيهم الخير والبركه .
اولا انا يمني مقيم في السعودية ومن مواليد السعودية ولاعمري في حياتي شفت اليمن وصدقوني اللي يعيش في هذي البلد الطاهرة وتحت حكامها الاوفياء يحس انه منهم وفيهم والمقدمة الطويلة هذي موسببها الحصول على الجنسية مثل ماراح يظن البعض لكن لاني بصراحة متابع لبنامج (الشوط الحاسم) على قناة الجزيرة وشفت تهجم كبير كان في حلقة اليوم على المسؤولين الرياضيين والسياسيين في هذا البلد الطاهر وكنت انحرق من القهر لان جوالي مافيه صفر دولي عشان اقول كلمة وحدة للاستاذ احمد السليطي رئيس المنتخبات القطرية السابق ( لاتصطاد في الماء العكر وان اللي صار في قطر كبوة جواد والوعد تصفيات كاس العالم ) وبعدين يقول ان الوصول لكاس العالم صار سهل بسبب حصول اسيا على اربع مقاعد ونصف طيب سؤال يطرح نفسه ليش ماتاهلتو؟
اتمنى من اللي يقدر يتصل انه يتصل ويوقف المهزلة باسلوب حضاري بدون تجريح لاحد عشان لايكب الزيت على النار .
دعوة1: البرنامج يجي الساعة 11 ليلا يعني قبل مباراة برشلونة بساعة نتمنى تكون اتصالاتنا في وقت واحد يعني نكتمهم بالاتصالات ونبين لهم ان المهم عندنا السعودية يعني لاهلال ولانصر ولااتحاد....
وان شاء الله بطلع بطاقة سوا بكرة الصباح عشان اتصل...
دعوة2: تكفون مباراة الهلال والرياض نبي الملعب مليان واذا ماامتلى الملعب ترى لاتلومون اللعيبة والله يلوم اللي يلومهم اذا انهزموا الله لايقوله
اسف على الاطالة وعدم تنظيم الكلام لكن من الحره اللي فيني ... سلام يازعماء

تغيب الشمس بحلم يومي · #2 18/12/2004, 01:56 AM

حياك الله اخوي لاتقسون على الهلال ...........

بالنسبة لأحمد السليطي هذا عنده عقدة مستديمه من ايام بطولة الخليج اللي كانت بالرياض........

لكن صدقني اخوي هذي فرصتهم يتشمتون بالسعودية..............

اما بالنسبة للجماهير الهلالية فاعقتد لو ماجو مباراة الاحد اعتقد مالهم اي عذر ...............

تحية لك اخوي الكريم

طلال المحمدي · #3 18/12/2004, 02:18 AM

لا تعليق؟.......

الدبي · #4 18/12/2004, 02:47 AM

كلام الليل يمحوه النهار وانا اخوك
واذا طاح الجمل كثرت سكاكينه

زعيم روما · #5 18/12/2004, 03:02 AM

السليطي سفيه

هلالي حبيب · #6 18/12/2004, 05:24 AM

صراحه انا شاهدت حلقة اليوم كانت سيئة جدا جدا ، السليطي جالس يتدخل في امور سياسيــه واشياء ماله دخل يتكلم فيه وتكلم عن تأجيل اللي تم عن طريق السعوديــة ........إلخ

غيــــــر المكالمات الهاتفيـــــة اللي اللي يقول منتخب افريقي
والسليــــــطي نفســـــــــــــــــــــــه قال بالكلمــــــــــــة الواحــــــــــــــــــدة حنا نجلنس لاعبيــــــــــــن ونعلنها

وانت يعني السعوديـــــــــــــــــــة يقول من بقايــــــــــــا حجاج .........!! ولا تعترفون بذلك .....

قسما بالله السليطي نرفزها ، وكنت اتمنى وقتها اعرف الإيميل او رقم الهاتف ..........

الرجاء من الاخوه الكرام اللي يعرف الايميــــــــــــل تبع البرنامج او الهاتف يزوده لنــــــا لو تكرمتم ..

قيصر ميلان · #7 18/12/2004, 09:11 AM

اخخخخخخخخخخ

والله كلام قوي قالها السيليطي السفيه
واضيف ماقاله انه قرار عدم مشاركه السعوديه في الاعاب المصاحبه للقدم قرار اكبر من الامير سلطان بن فهد قصده انه قرار سياسي

ياسيدهم وينك · #8 18/12/2004, 10:06 AM

[b]

إقتباس

الرسالة الأصلية كتبت بواسطة تغيب الشمس بحلم يومي


	حياك الله اخوي لاتقسون على الهلال ........... بالنسبة لأحمد السليطي هذا عنده عقدة مستديمه من ايام بطولة الخليج اللي كانت بالرياض........ لكن صدقني اخوي هذي فرصتهم يتشمتون بالسعودية.............. اما بالنسبة للجماهير الهلالية فاعقتد لو ماجو مباراة الاحد اعتقد مالهم اي عذر ............... تحية لك اخوي الكريم

القمر الميت · #9 18/12/2004, 10:18 AM

صدق الامير عبدالرحمن بن مساعد في قصيدة الجزيرة