|
شـــــكــــــــــــــــــــراً .. منصور البلوي السلام عليكم ورحمة الله وبركاته بداية أحب أهنيء منصور البلوي رئيس نادي الاتحاد بخروج المنتخب السعودي وبعد التهنئة القلبيه لمنصور البلوي أحب أن اتكلم عن اسباب خروج المنتخب السعودي والتي تتلخص في مجاملة بعض الأقلام والشخصيات والجماهير على حساب المنتخب فكما هو ملاحظ في المنتخب الإصرار على لعب بعض اللاعبين الذين لا يمتون للعب بصلة إبراهيـــــم سويد لاعب منتهي (ما يصلح ولا بقرش) أستغرب إصرار المدرب على إشراكه رغم وجود عبده عطيف وهو لاعب شاب متحمس موهوب ويلعب في نفس خانة إبراهيم ويؤدي ثلاث اضعاف ما يؤديه السويد محمد نـــــور أصلاٌ موب سعودي ويلعب من غير نفس يا جماعه افهموا هذا إتحادي وليس سعودي يعني معقوله لاعب وسط مهاجم ياخذ 4كروت صفراء في أقل من مبارتين(إنجاز يضاف إلى إنجازات محمد نور) أعتقد لو لعب محمد الشلهوب مكان نور ومسك سعد الدوسري الجهه اليسرى راح ينعدل حال المنتخب بإذن الله سعود كريري لاعب إحتياطي في ناديه يلعب أساسي في المنتخب على أي أساس ؟؟؟؟ أعتقد لو لعب عبد اللطيف الغنام مكان كريري مع خميس راح يسيطرون على خط الوسط سيطره كامله رضا تكر "لاعب ممتاز ويجيد تسجيل الأهداف بالرأس" الحين وش يبي يفيدنا يوم أنه يسجل أهداف هو مدافع نبي منه يقطع الكور والأهداف أعتقد أنه فيه خط كامل أسمه هجوم مهمته تسجيل الأهداف وطبعا يتحفنا بنكبه بعد نكبه وأعتقد أنه لو تم إيقاف المجامله هذه بمحاولة رفع معنويات تكر بإشراك عماد صديق كان تربى وعرف إن لله حق مرزوق العتيبي انا ما أدري هالمخلوق لسى يتذكر أن الكورة مكورة ولا صارت مكعبه أعتقد أنه لو يستبعد هذا الفاشل وبدال ما يتم إشراكه في حالة إن المنتخب محتاج أهداف ويتم إشراك أحد النجمين الرائعين أحمد الصويلح أو سعد الحارثي كان افضل كثير على الأقل ذولا نجوم أنديتهم وأساسيين وأخيرا كما ترى أنه أهم سبب في خروج المنتخب هو تكديس النجوم في الإتحاد وتحويلهم إلى ماديين (يعني 33 لف لكل لاعب بعد التأهل للنهائي فقط مبلغ ليس بسيط) ولكني اجتهدت في البحث عن البديل المناسب لكل شبح في المنتخب برأيي فقط وأعتذر على الإطاله |
والله انك صااااااااااااااااااااااااااااااااااادق انا كنت ناوي اكتب موضوع عن تجمع الاعبين النجوم في الاتحاد هوو سبب ضعب المنتخب السعودي بس كفيت ووفيت اخوووووووووووووووووي |
هذا مايريده من يريد تدمير الكرة في السعوديه واضافة انجازات لرصيده الشخصي ومن يصدق ان المنتخب هذا بيفوز على كوريا بكره في تصفيات مونديال المانيا بس انا عندي اقتراح ان المنتخب السعودي يواجه كوريا بفريق الاتحاد اللي فاز بخمسه على الفريق الكوري او بطل كوريا ويتركون ادارة المنتخب للبلوي واخوة ابراهيم علشان تشتغل شيكات ماتحت الطاوله ونتاهل |
والله أنكم طحالب يلبسون الثوب الازرق لتوجيه الشتائم للاتحاد وللبلوي وماهمكم لامنتخب ولا يحزنون استحو يامنافقين الكرة السعودية هذا منتدى الزعيم ياطحالب ومنتدى الزعيم يمثل واجهه الرياضة السعوديه مب ناقصين عفانتكم وحقدكم على جاركم الي سقاكم المر والان تباركون بخروج المنتخب السعودي انتم شوي شوي تقولون البلوي سبب سقوط القدس مالت عليكم ذبحتونا انتم وهالبلوي |
أخوي هلالي موت ألف شكر لك على مرورك أخي وتأييدك أخوي النكره شكرا على مرورك هلالي واعي أولا أرجو أنك تحكم عقلك قبل ما تتكلم بهالكلام وبلا كلامك الفاضي طحالب يعني أنت مبسوط على سالفة تكديس النجوم في الإتحاد والشيكات اللي تصرف بالهبل يعني ربع مليون ريال لكل لاعب البلوي حول الاعبين إلى ماديين ما فيه ولا اتحادي يلعب إخلاصًا لفريقه وإنما تحولوا (كم تدفع إذا فزنا) وبالله عليك أنا مستعد على نقاشك في جميع الأشياء اللي ذكرتها في موضوعي بشكل عقلاني يليق بسمعة الجمهور الهلالي(اللي تدعي إنك واحد منهم) ومرة ثانيه أرجو أنك تحسن الفاظك في كلامك معنا ولا ودي أرد عليك بطريقتك لأنها سهله (خذوهم بالصوت لا يغلبوكم) |
السقوط يتحمله العديد من الجهات وعلى راسها اتحاد الكرة الذي اتمنى ان يتقدم باستقالته فورا اما بالنسبة للبلوي فكان له دور كبير في ذلك السقوط ولكنه ليس ذنبه وانما ذنب من سمحوا له وطبلوا له واطلقوا عليه لقب مواطن وهو الذي قد قال ان كل همه تدمير احد اندية الوطن وكان يقصد النادي الاهلي وساسال (اين اللاعب سعيد الودعاني والذي كان ينافس على لقب هداف الدوري) (مالذي حصل لمرزوق وهو الذي عقدنا عليه الامال عندما كان بالشباب) (من كذب الكذبه وقال بان نور لاعب كرة قدم وهو الذي لايجيد سوى المصارعه) |
Dr.m يعطيك الف عافيه على الكلام الحلو انا اتفق معاك ميه بالميه اضافه بسيطه انا اقول ان لاعبين الاتحاد تشبعوا بالفلوس خلاص معاد يهمهم اي شيء غير الاتحاد خلاص فلوس سلطان بن فهد مايفكرون فيها اضيف للاعبين الي قلتهم خميس العويران احمد الدوخي(من يوم سمعنا بمفوضات البلوي لك وانت مستواك زفت بزفت صدقني يا احمد راح تدمرك ملايين البلوي) |
إقتباس:
:D :D الحمدلله والشكر .... صديق ... أي حملة حجاج فيه يجيب إنتا ؟؟؟ :D |
والله انك صادق البلوي حرمنا من نجوووم لاعبين حرام انهم يكونون في فريقه منهم كريري والودعاني وقهوجي والصقري |
مشكور اخوي على الموضوع بس حاب اوضح شي هل البلوي كان من الاعضاء المشاركه في المنتخب هل البلوي من اختار لعيبه الاتحاد ليلعبو للمنتخب ؟!!! انا ما ادافع عن البلوي صحيح انه دفن مواهب كرويه كبيره بس طالما ان ها المواهب هي اللي وافقت لعروضه المغريه هو ماله ذنب يعني لو انت مكان الاعب وجاك كم مليون راح تقول لا ؟!!! شباب خلونا نفكر بعقل كل ما انهزم المنتخب جبتو طاري البلوي لومو ناصر الجوهر اللي جاب لعيبه البلوي للمنتخب ولا هو ماله ذنب فريقه وهو حر يعطي كل لاعب ربع مليون نص مليون هو حر بفريقه !!! وسلامكتم ! |
جميع الذين ذكرتهم حققوا كأس اسيا .. وبنتيجة كبيرة .. وكانت شبه معجزة .. ولكنهم شعروا بالمسؤلية ورفعوا رأس السعودية . حدثت أخطاء من نور وتكر ولكن إتحاد الكرة هو المتهم الأكبر فلا إعداد شفنا ... ولا مدرب عرفنا ... ومع تكر والدعيع ضعنا .... تقول اسف على الإطالة ..... اي إطالة وانت مع الاتحاد حالتك حالة انت صاحب نظرة احادية ....... وماهمك وطن ......... ماهمك غير الاتحادية الله يكفينا شر البلية ..... ضحكني كلامك شوية .... شوية . |
أخوي زعيم جرئ أشكرك على مرورك وأتفق معك في كل شيء أخوي الإبداع كله سامي أشكرك من كل قلبي واتفق معك ولاتنسى طيب الذكر الخوجلي صحيح ما ضمه للمنتخب بس بعد مباراة الهلال والنصر وبالأخص بعد هدف سامي ما كمل المباراة لأنه كان شبه مضمون انتقاله للإتحاد ولا همه حتى يكمل مباراته الأخيره مع فريقه القديم رغم إن سامي ما حصل بينه وبين الخوجلي أي إحتكاك !!! أخوي hilali-hoooooo شكرا لك أخوي hilaly lover شكرا على مرورك أخوي مجلعد أنا أتفق معك ولكني أنتقد سياسة البلوي مع اللاعبين في تحويلهم إلى ماديين حتى مضاعفة المكافأة ما تنفع الحين الواحد في ناديه ياخذ ربع مليون علشان بطولة تبغاه يرضى في 10 آلاف؟ وبعدين أنا أتفق معك إننا المفروض نلوم الجوهر لأنه هو اللي اختار الفريق بس لو الجوهر ما جاب ولا لاعب إتحادي ما عدا المنتشري هل الصحافة كانت سترحمه أنا متأكد إن البلوي بطرقه الملتويه يضغط على المنتخب بحيث إنه يكون نص اللاعبين إتحاديين بغض النظر عن فائدتهم وجدواهم للمنتخب وعساك سالم والف شكر لمرورك على الموضوع أخوي الراعي إقتباس:
وبعدين للمرة الثانيه أنت و هلالي واعي أرجو أنكم تناقشون بعقلانيه وزي الناس بدون الهجوم على الأشخاص وأشكركم جميعا |
| الوقت المعتمد في المنتدى بتوقيت جرينتش +3.
الوقت الان » 07:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd