|
نكبتنا الشلهوب والدعيع وتكر ونور........ واه ثم اه ياسامي وعبدالغنى مبروك للبحرين الفوز الكبير والمستحق ................ اسباب الخسارة والخروج المر: 1-لاعب الحواري محمد نور هوساوي الذي يتعمد الطرد وبشكل واضح ولاحظو خروجه وهو راضي بالطرد بعكس لو كان مطرود في الأتحاد.(تعمد هزيمة المنتخب) 2- رضا تكر نكبنا في مباراة الكويت واليوم المفروض يخلص الكرة بالأنبراش المعروفة عنه. 3- محمد الشلهوب لاعب نادي وليس لاعب منتخب لاعب قصير وجسمه ضعيف وسهلة رقابته وضيع هجمة محققة اليوم واضاعة ركلة جزاء في مباراة الكويت ويبدو انه اصابه الغرور. 4- الدعيع في مباراة الكويت قلنا غلطة ولن تتكرر بس اليوم اثبت انه ليس كما سبق ويبدو انه استعجل بالعودة وليته لم يعد. ************************************************************************** اه ياسامي واه ياسامي طبعا سامي ليس بمارادونا بس والله احتجنا اليوم الروووووووووووووح التى تتمثل بسامي وحسين عبدالغنى هذا منتخب البحرين ليس بأفضل بمنتخب البحرين في تصفيات كأس العالم بس الفرق ان نحن السعوديين هزمناهم برباعية بقيادة سامي حينما قال انا احبكم وايضا تعادلنا معهم في الرياض بعد دخول سامي الشوط الثاني. ************************************** ضيعنا منتخب الأتحاد بلا روح ولا طعم ابعدو عبدالغنى علشان خاطر عيون مرزوق العتيبي؟؟؟؟ |
يعني حسين عبدالغني هو اللي يلعب بروح؟!!! أخوي حسين عبدالغني لاعب رائع لكنه مزاجي ومعروف عنه إخفاقاته في المباريات الكبيرة أخوي شوف مباريات الأهلي ضد الإتحاد طول المباراة هواش مع الحكم متوتر ويوتر زملاءه معاه دائما يسبب هزيمة فريقه في المباريات الحساسة تحياتي :) |
فيصل الدخيل محلل قناة الجزيرة يقول الان محمد نور يبدو انه لايرغب في اللعب للمنتخب |
آآآآآآآآآآآآآآآآآآآه منك يا نور ويالدعيع يالشلهوب يالسويد وينك يا عبدالغني وينك يالخوجلي وينك يالتمياط وينك يالمشعل حسين العلي المنتخب بدون هؤلاء اللاعبين ولا شئ الأخ THE TRUTH صدقني لو عند لاعبي المنتخب ربع روح اللاعب حسين عبدالغني كان يفوز في أقل مباراة أكثر من 2/0 بس ما قول الله يجازي الي كان السبب في ابعاد اللاعب حسين عبدالغني وكل لاعب جاهز |
والله مال هالتكارنه الا واحد يجمعهم في غرفة الملابس ويمغطهم لين يقولون ربي الله على بالهم مجمعينهم سياحه هم ووجيههم كفوهم خروج نهائي ...........الله يرحمك ياابو نواف |
إقتباس:
الصراحة ما اقدر ازيد على كلامك s60s الأخ THE TRUTH حسين عبد الغني معروف انه يستفز في مباريات الاتحاد والكل وما ادري كيف ادارة المنتخب تستغني عن حسين عشان مرزوق :mad: مع العلم انه مافي في المنتخب ولا ظهير ايسر والهجوم مليان ما شاء الله تبارك الله ما اقول الا رحمك الله يا فيصل تحياتي لكم |
مجموعة من المرتزقه هم لا اكثر ولا اقل ------------- منتخب بلا روح لاعبين امثال حسين ونواف وسامي ليسو بلاعبين |
إقتباس:
أو يجتمع فيهم برميل البلاوي ويقول لهم ترى مكافأتكم بتكون زي المكافأة حقت بطولة أسيا اللي شروها من كوريا والله ثم والله إن تشوفهم ينتحرون في الملعب الزبدة اللي أبي أقوله .... مايحصل للكرة السعودية الان هو بركات تصرفات برميل البلاوي وحاشيته ومن ذا وأردى إن شاء الله |
انا ما أزيد على كلامكم بس الشلهوب ؟؟؟؟؟ الشلهوب هو أفضل لاعب في المنتخب كل هجمه خطرة وراها الشلهوب ليش الشلهوب أصابه الغرور والكلام الفاضي هذا ضيع بلنتي .. كل اللاعبين ضيعوا بلنتيات وسوا اللي عليه وبدون فلسفه وبدون شيء إلا حطها صاروخ لو نط الحارس جهتها وهي بالباب يبطي يصدها وفي مباراة الكويت مات الهجوم بعد ما طلع الشلهوب وسجل الكويت هدفين مباراة اليمن كان هو افضل لاعب في المباراة بس طبعا راحت لكريري اللي ما ناول إلا أربع كور صح في المباراة وفوق هذا تقولون إنه سبب من اسباب خروج المنتخب ؟؟؟؟؟؟؟؟؟؟ |
إقتباس:
|
الحين حسين عبد الغني خلاص اصبح هو اللاعب الذي يبي يسوي نقله للمنتخب السعودي !!!!!! والله ماحنا ناقصيـــــــن لاعبيــــــن اللي مشهوريــن بالنرفزة والطقاق داخل الملعــــب . الشلهوب / ماكان معه احد يسانـده في الجهه اليسرى ماكانت هناك انطلاقات من لاعب عبد ربه ! في الجهه اليسرى وكان مسوي مجهود لحالـــه هو والدوخي في الجهه اليمنــــى ..!!! اسباب الهزيمة : خلونا واقعيين : برود إبراهيم سويد ، طرد محمـد نور ، اغلاط دفاعيـــــــة ( انا ماالوم الدعيــع الا على الهدف الأول فقـــــــط لأنه كان متقدم عن المرمى...) الهدف الفاول كان حائط الصد نائما ، هدف الآخر كان سوء تغطيـــه من رضا تكر بالإمكانيــة استخراج الكرة قبــــل وصولها للمهاجم البحريـــــــني .... |
أنا متأكد إن محمد نور راح يعوض في تصفيات كأس العالم أما بالنسبة لخروجه من الملعب صدقني الخروج من الملعب بهذه الطريقة هو الأفضل حتى لا يوتر زملاءه و يؤثر على تركيز المنتخب تحياتي :) |
شوف ياشباب انا قلت عبدالغني وسامي الجابر ليس مارادونا وبيليه والان ليس في مستواهم كالسابق . بس والله السعودية من يوم ما ابتعد سامي وعبدالغنى مافي روح لاعبين لايحبون سوي انفسهم ولاهمهم منتخبهم الوحيدين اليوم الذين لعبو بروح واجتهدو هم : المنتشري+ الدوخي + القحطاني اما الباقي سيئيين للغاية شوف الفرق يوم انطرد عبدالغنى امام الأمارات في 96 واليوم كيف طرد نور لاعب خرج يبكي ولاعب خرج يطقطق بالعلك ولاهمه سوي القروش. ولنكن صريحين ونبتعد عن الميول اين حسين الصادق الذي ابدع مع الأتحاد ونأتى بالدعيع المنقطع تقريبا 8شهور والله فيها ظلم للصادق ولتاريخ الدعيع وفي النهاية انا هلالى موووووووووووت بس قبل كل شىء انا سعودي ويهمنا مصلحة بلدي الشلهوب في هذه الدورة كان عالة على خط الوسط لصغر جسمه . والدليل ارجعو لشريط المباراة وشوفو كم كورة قطعت منه ولازم تعرفو هناك فرق لاعب نادي ولاعب منتخب. وفي الأول والأخير نكبنا محمد نور الذي لايحمل اي حب للوطن كما يحمله للأتحاد |
fmfmfmfm الخطأ مشترك من الجميع اتحاد + لاعبين + اعلام +جمهور أما وضع اللوم على فلان والا علان ماله داعي fmfmfmfm |
******** |
هلا اخوي مطيع الهميمى الخطأ مشترك صح وهذا الكلام صحيح بس لازم نختار لاعبين يحبون وطنهم ولا يقلبون المعسكر لمفاوضات لصالح بعض الأندية بصراحة منتخبنا في نزول منذ خروجه من كأس العالم بس النتائج غضت النظر عن المستوي |
إقتباس:
هذا الكلام العقل |
مشكور أخوي على هذه الكلام الصح ....... والمنتخب خلاص راحت أيامه ....... والعزاء فيه .......... |
هارد لكم وان شاء الله تعوضون |
إقتباس:
اجل كل هذا الكلام في الشلهوب ! إقتباس:
مع الهلال بكيتا معطي الشلهوب مهمة واضحه لاعب و سط على الطرف الايسر فقط ، وطبعاً مع بعض الحرية في تغيير المراكز مع سعد الدوسري أو كوماتشو ! وفعلاً الشلهوب بدع مع الهلال ويكفيك ان جميع مبارياته مع الهلال (هذا الموسم) انتصارات بدايتاً بالاتفاق ثم النصر ثم الشباب ثم .......الى مبارات الافريقي ! وش صار للشلهوب مع المنتخب؟! مطلوب منه انه يلعب وسط ايسر في وسط الملعب و على الطرف ، و يتحول الى مهاجم مع ياسر اذا انطلقت هجمه سعودية من اليمين ، و يمسك مركز المحور في اليسار ، و لزم يرجع مع اي هجمة على مرمى السعودية يغطي مع الظهير الايسر ، وبعدها لزم يرجع بسرعة لمركزه الاصلي !! و تطالبونه بالتركز و المستوا بعد لمدة 90 دقيقة ! في يمين المنتخب : الدوخي ، وكريري ،و نور ، و السويد اما اليسار الظهير الايسر( كل مبارات يمسك المركز لاعب جديد) و الشلهوب فقط ! ---------------------------------------------------------------------------------- إقتباس:
وللمعلومات افضل لاعب وسط في تاريخ كرة القدم لاعب الارجنتين سابقاً ( ماردونا ) كان قصير ! ----------------------------------------------------------------------------------- إقتباس:
لاعب يحرث الملعب عرض و طول اكيد لياقته تبي تنتهي ، و فق كذا ما معه اي لاعب يسانده في اليسار ! و مع ذلك مستواه في اليسار احسن من نور و السويد مجتمعين في اليمين !ّ ------------------------------------------------------------------------------------- إقتباس:
رفعه من الدوخي الى ياسر القحطاني ، يفشل ياسر في الاستفادة منها ، وتمر من لاعب البحرين ، تذهب الكرة الى الشلهوب و يندفع عليه لاعب بحريني ، يسدها الشلهوب على الطاير و لكن خرج الملعب . تبي تطرد الشلهوب من المنتخب علشانه ما سجل هدف على الطاير ! ------------------------------------------------------------------------------------- إقتباس:
وش فيها اذا اضاع ضربة جزاء ؟! سامي الجابر، الثنيان، النعيمة ،التمياط ،.....، سبق وان اضاعوا ركلات جزاء فماذا يميز الشلهوب عنهم علشان ما يضيع ضربة جزاء ؟؟ ---------------------------------------------------------------------------------------- إقتباس:
شكلك سمعة بكلمة ( الغرور ) و تبي تضيفها لموضوعك بأي طريقه ممكنه !! يمدحون استخدام ( التعب و الارهاق ) مكان ( الغرور ) ! فالواقع ان طريقة لعب المنتخب اصابة الشلهوب بالتعب و الارهاق ! ------------------------------------------------------------------------------------------ إقتباس:
متى كان حسين العلي في المنتخب أصلاً ، وعلى فكرة الاعب حالياً ما يقدر يمسك له مكان في احتياط الهلال ! |
حبايبي أعيدوا للمنتخب : أبو عمر الكابتن حسين عبدالغني.. (( الفتى الذهبي)) الأهلاوي غير كذا ... ماينفع |
**** مافيه الا الشلهوب والقحطاني |
مستوى المنتخب في انحدار متزايد و المفروض يرجعون اللعيبة اللي فيهم روح الوطنية زي سامي والتمياط وماطر و الشيحان و الخوجلي و المشعل و حمزة وضم وجوه جديدة زي الهليل و ناجي مجرشي و السعران والرجا وحسين النجعي و استبعاد سعود كريري و منصور النجعي و وليد عبدربه و ابراهيم السويد و المفروض كمان لعب سعد الدوسري اساسي لسرعته وتمريراته وقدمه القوية مع نزول الشلهوب في الشوط الثاني لانه حق فرص و دفاع الخصم اكيد بيكون مرهق ومشتت التفكير..................... |
محمد نور ... يتعمد الطرد و الله ثم و الله أنه لو لاعب حواري ما ينطرد بهذا الشكل السهل الدعيع ...... خانته المرونة و الثقة الزائدة عن حدها في إمكانياته و الاستهتار تـــكــر ...... حـبة فوق و حبـة تــحـــت ياسر ...... فلسفة زائدة و عدم قدرة على مواجهة المدافع وجهاً لوجه كـالديرون .... مظلوم لأنه استلم و هو ما يدري وين راسه من كرياسه و لا شاف اللاعبين و يتحمل من ذلك .. كيف وافق على استلام الفريق ؟؟؟ المصيبيح ... فرصة للحاقدين أنهم يتهجموا على أفضل إداري في تاريخ المملكة نقطة مهمة : عدم حضور الأمير سلطان أو الأمير نواف ... استفز القطريين و اعتبروه إهانة فقرروا أن يردوا ذلك بالمجاملات ضد المنتخب السعودي الله يستر في التصفيات ... نتائج تاريخية ستسجل إذا كان هذا المستوى و (( باي باي مونديال 2006 )) ملاحظة غريبة : عبده عطيف شبه رسمي في الإتحاد من خلال معسكر المنتخب .... عجبي (((( سلم لي على سامي و حسين ... لاعبين يمثلون الإخلاص و الإبداع و التمكن ))) |
| الوقت المعتمد في المنتدى بتوقيت جرينتش +3.
الوقت الان » 12:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd