فوز الهلال على الوحده بأي نتيجه يؤهله للدور الثاني .. ادخل وشف
 

بسم الله الرحمن الرحيم

ابو سارة يحييكم وجايب لكم حسبه لمباراة الهلال والوحده يوم الاربعاء ..

بعد فوزنا اليوم على الانصار اصبح الوظع كالتالي:

الهلال : سجل 10 وعليه 5 .. الفارق التهديفي +5

الوحده: سجل 10 وعليه 3 .. الفارق التهديفي +7

لو فاز الهلال بأقل نتيجه ممكنه .. ولنفترض واحد .. صفر ..

يكون الهلال +6

والوحده +6 ( ناقص الهدف الهلالي )

ويكون الهلال سجل 11 والوحده يظل على رصيده السابق 10 ..

والتأهل بعد النظر للفارق المتساوي واللي هو +6 .. يكون للفرق الأكثر تهديفاً ..

البعض يقول لازم اكثر من هدفين للتأهل .. وهذا خطا لأن الوحده هو المنافس المباشر ..

أي ان زيادة اهدافك في مرماه يعني انقاص فارقه التهديفي ..

هذا هو النظام الدولي .. وهو اللذي يتبعه الاتحاد السعودي لكرة القدم ..

___________________________________

مبرروووووووووووووووووك للعنبر خااااااااصه ..

ومن أحلى الاخبار اللي سمعتها اليوم هو توقيع النجم عسيري للهلال .. واللي طالبت بتسجيله بعد مشاهدتي له يوم الاربعاء الماظي.

عموماً اانا اكتب لكم قبل بداية الكويت والسعوديه ..

واتوقع برووز الصويلح على حساب ياسر القحطاني في هالبطوله .. واذكركم..

سلاام..

الهلالي ابو ساارة .

بالتوفيق للهلال

الهلال قدها وقدود

اهم شي يظهر الزعيم بمستواه المعروف ويرجع لنا زعيم ايام زمان

نفوز بالأربعة والستة.

بس اليوم مذيع أوربت يقول لازم نجيب هدفين لكى نتعادل معهم؟؟؟؟

وفي النهاية مشكور اخوي وكلامه هو السليم

مشكور يا اخوي وفعلا انا اليوم كنت قاعد احسبها لكن والله ما ادري هل يمشون على نظامك

ام انهم يستخدمون النظام الذي يكون بين الفريقين يعني يحسبون الاهداف بين الفريقين يعني لو فاز الهلال واحد صفر على الوحده يكون الهلال سجل ثلاثه اهداف في الوحده والوحده سجلت ثلاثه اهداف فتقام مباره فاصله بين الفريقين انا اقول اتوقع

لكن اعتقد ان كلامك هو الصحيح لكن الاهم هو ان الهلال لا يدخل الا بالفوز باكثر من هدف لان والله الهدف ما يطمن مع الوحده

الزعيم قادر على الفوز بنتيجة كبيرة بإذن الله ونحن لا ننتظر منه هدف واحد فقط, لأن أبطالنا قادرون على ذلك وشكرا للجميع, مع تمنياتنا للزعيم بالتوفيق.

بالتوفيق للهلال

مبروك على الفوز
ومشكورين على التوضيح الاكثر من رائع
يالهلالي ابو ساره

يعطيك العافية اخوي

مشكورين وبالتوفيــــق للز عيــــــم..

الله يبشرك بالخير وان شاء الهلال يخليها تاريخية على الوحدة

اتمناها رباعية

الله يبشرك بالخير ويعطيك العافيه على التوضيح

مشكور اخوي ابو ساره
وبالتوفيق للزعيم

صبحكم الله بالخير ..

اشكر الاخوان اللي مروا وعقبوا ..

بالنسبه للأخ فهد1515 ..

ايه انا سمعت طارق الحماد حق الاوربت يقول لمازن الفرج :

يبي لكم هدفين عشان تتساوون مع الوحده ثم الثالث ..

ولكن كلامه خطأ ..

تدري ليش؟؟!

لأنه غاب عنه أن الوحده هي المنافس المباشر للهلال ..

والهدف الهلالي في الوحده يعني شيئين :

1_ زيادة غلة الهلال التهديفيه وبالتالي زيادة فارق الأهداف ..

2_ زيادة الأهداف المقبولة في مرمى الوحده وبالتالي انقاص الفارق لديها ..

والعام الماظي لما كانت البطاقه بين الهلال والاتحاد وكان الهلال يتقدم بفارق أربعة اهداف على الاتحاد،

توقع البعض ان الاتحاد لازم يسجل في الهلال 4 .. ولكن كان في تلك المباراة يكفي الاتحاد هدفين فقط..

لانه يزيد نفسه وينقص خصمه..

وأتمنى ان نظام العام الماظي ما يتغير ويحيبون لنا حسبه ثانيه ..

مع أن النظام المحلي والدولي واحد .. وكلها في صالح الهلال ..

تحياتي لكم
الهلالي ابو سارة

اخوي هلالي ابو سارة تحية طيبة لك وزي ماهو سامي الجابر نجم فريق الزعيم الكروي.. انت والله نجم منتدى الزعيم...........

بس بغيت اسالك اخوي انت متاكد من كلامك؟؟؟؟؟؟؟؟
لاني متحدي انا وخويي...... خويي يقول نفسك كلامك.....
وانا اقول لا لازم الهلال يفوز اثنين صفر على الوحدة بعدين يشوفون نتيجة الفايز بالمباراة الماضية.......
واذا الهلال يبي يتاهل لازم يفوز ثلاثة صفر........... تكفى تاكد اخوي الله يعافيك لاني على اعصااااااابي

الهلال ان شاء الله بيفوز وبفارق أكثر من هدف وأذكركم

عزيزي تغيب الشمس حلم يومي..

الموظوع وانا اخوك حسبه وارقام ماتكذب .. وكل الارقام في صالح الهلال في حالة الفوز بأي نتيجه .. الهلال متفوق في الأهداف .. فارق أهداف و هجوم ..

ولكن باذن الله اجيب لكم الخبر اليقين قريباً.. وأشكرك على الاطرااء يا بعدهم ..

وتطمن ان شاء الله بتكسب التحدي مع خويك ولا تنسى تعزمنا على الحق !!

اخوك الهلالي ابو سارة

يعطيك العافيه يا ابو ساره
وان شاءالله الشباب يبي يجيبونها من دون حسبه وخرابيط

تحياتي

الله يعطيك العافيه اخوي وان شاء الله الفوز هلالي .

كلا م سليم ويعطيك العافية

اشكر الاخوان جميعاً على المرور ...

والهلال يكفيه الهدف الواحد لكي يتاهل .. هذا الكلام اللي تأكد اليوم ..

وما باقي الا همة الجمهوور ولا راح يكفينا الا نص درزن .. بـ اذن الله ،،
اخوكم الهلالي ابو سارة .

يعطيك العافية ابو سارة وكلامك هو الصح وانا حقيقة معجب بفكرك الرائع ومتابعتك لنظام كرة القدم المحلي والعالمي واتمنى من الله العلي القدير ان يكون في هذا المنتدى الاغلبية لمن لديهم فهم كروي بعيد عن التعصب والردود التي لاتليق باي شخص يقول اني افهم كورة


ويبقى الزعـــــــيم زعيما مهما حاولت الفرق الاخرى الجلوس على كرسي الزعامة

يابعد قلبي يالزعيمa >>

اخوي والله احرجتني .. والاخوان فيهم الخير والبركه ..

تحياتي.. ومشكووور مرة اخرى

يعطيك العافية وبالتوفيق للزعيم ..

يعطيك الف عافيه اخوي

بالتوفيق للهلال

الزعيم اقوى من الوحده وخاصه ان المباراة بارضه
لازم الجمهور ما يقصر وانا والله مو بالمملكه ولو اني بالرياض كان حضرت

بس الثقه بالزعيم كبيره والبطولات الجايه كثيره

أشكركم على المرور جميعاً ..

والوعد يوم الأربعاء نملأ الملعب .. ونفرح سوى بالتاهل والانطلاقه الحقيقيه نحو كاس البطوله ..

اليوم اثبتت كل الصحف أن الهلال فقط مطلوووب منه الفوز وبأي نتيجه .. والكورة صارت في مرمانا ..
سلام

الله يوفقك يابو سارة
بصراحة انك حليت مشكلة كنت أعاني منها وهي قول الرياضيه لازم يفوز الهلال بفارق 3 أهداف .
الله يستر لا يجيب الحكير حسبة ثانيه ؟ على حساب الزعيم ؟
بصراحة لو يتفرغ الهلال للمباراه ويهيئون نفسياً مايصمدون الوحداوية كثيراً واترك الفارق بيصير اكثر من ثلاثه؟
خوفي كل الخوف ان نقع في فخ التعادل ( ثم نطلع من المولد بلا حمص )
لأن الوحداويه بيلعبون بأغلاق المنطقة الخلفيه ؟

بالتوفيق للزعيم

مشكور وماقصرت

بالتوفيق للزعيم و ان شاء الله نرد لهم الصاع صاعين

اخوي وينك يالزعيم ..
اترك عنك كلام جريدة الرياظيه .. وهرطقتهم ..

هم الود ودهم مايتأهل الهلال .. وموظوع الأهداف الثلاثه .. فظحهم بأنهم جريدة سياحيه .. متابعتها الكرويه ظعيييفه..
وبعدين بصرااحه هالجريده من يوم وصفت الهلال بـ (( الشحااذ )) واانا ملغيها من قاموووسي .. تحيه لك وللجميع
و

مع احترامي لك

كلام الجرايد أوثق لانها تعرف انظمة الاتحاد السعودي جيدا وانت جبتها على النظام العالمي

وحنا تخبر مانطبق جميع الانظمة العالمية

وباذن الله بنفوز ونتاهل

اخوي الكاسر :

أنا ما قلت الجرايد مامعها سالفه ..

انا رديت على احد الاخوان اللي قال ان الرياضيه تقول لازم نفوز بهدفين .. (( نقلاً عن الرياضيه ))

قلت له .. لا كلامهم غلط ( ان كان هذا كلامهم ) ..

الفوز بأي نتيجه يأهلنا ..

والآن يا عزيزي . . من اتحادك السعودي لكرة القدم .. يقول نفس كلامي ..

الفوز يأهلنا ..

هذي مو نرجسيه .. لكن بس حبيت اوظح لك ..

سلام