أجانب الهلال ....... إلى متى ؟ ويطقون ولدنا بعد ؟!
 

صبحك الله بالخير ومساك الله بالنور كل حسب وقت دخوله
هذا أول موضوع أكتبه في منتديات الزعيم بس هذا رأي والإختلاف في الرأي لا يفسد للود قضية وكلنا للهلال ولهلال لنا .
يشكو الهلال من مشكلة أزلية مع جلب لاعبين أجانب عليهم القيمة الفنية التي تفيد الهلال في معترك الموسم الرياضي وكنت أمني الأماني في الثلاثي المرح الذين يلعبون وكنت معجب بتطور مستواهم من مبارة لأخرى ....... بس يوم جا وقت الجد ولعبو مع الألمبي طلع معدنهم فا تفاريس أصبح ممر سهل وكماتشو يلعب ويدور على نفسه ما حوله سامي الجابر يساعده ولا الشلهوب والدوسري يساندونه ولا ديسلفا يوم أصبح لوحده في الهجوم ضاعت علومه؟؟؟؟؟؟؟؟!!!!!!!!!!!!!.
الله لك الحمد الهلال لا يشكو من أي شي فلديه رجالاته يحسد عليهم حتى من نادي الإتحاد المعروف بقوته الماليه فجلب لاعب واحد بقيمة فنية عاليه تفيد النادي خير من ثلاثي الغفلة الذين نراهم يلعبون بسمعة النادي وزاد الطين بيله الي سواه كماتشو ديسلفا بلاعب الرياض فوق رداة المستوى يعورون ولد الديرة ووصلوه المستشفى يمكن لاعب الرياض أخطأ بحق كماتشو في لعبة معينة بس هذا العب الرجولي ولاعب مهما كان يقصد الكرة لا يقصد الاعب إلا ما ندر وتبقى الروح الرياضية هيا الفيصل في الملعب ولا وش دخل ديسلفا في السالفة.

أفهموها:
* شكل طقم ديادورا مثل فستان العروس مو شايفينه على الاعبين إلا إذا وصل نهائي.
* يقولون بشاركون في البطولة القارية بنظام أجل وين النظام عنهم يوم وصلو للعالمية ألم يكن الفريق القصيمي الأحق بالمشاركة في البطولة القارية إرجعو لتاريخ وستجدون الحقيقة .
* مدرب الفريق الكبير له بصمات جيده على الفريق بس مشكلته في بنو جلدته.

هلا اخوي اشحالك صحيح الاعبين الاجانب مو لذاك المستوى بس احسن الموجوين

والشباب مقدمين مستويات جيدة ومتفاهمين مع الفريق والفريق ماشي صح

بس شكلك ماشفت مباراة الوحدة اللعيبة ماقصروا بس الخطة تعبانه شوي و الوحدة كان تكتيكة افضل

وترى لاتحلمون نستغني عن الاجانب الا بعد الوسم ولا نسيت انهم مسجلين في بطولة العرب وبكذا

راح نخسر ثلاث مراكز وحنا الحين في الدور الثاني يعني مافي ال نجيب لعيبة جد يبيلهم وقت

خلنا على اخويانا ابرك

ياهلا بك والله
ومشكور على الموضوع
بس شكلنا بنندم على ( تراوري )
مع انه غير محظوظ في بعض المباريات
بس يبقى لاعب مستواه جيد
وافضل من ديسلفا
ويكفي انه الهداف الموسم الفائت

تحياتي
الفيلـــــ15ـــــسوف

انت شفت ايش صار عشان تحكم؟؟؟؟؟؟

كماتشو ما راح اتكلم عن الي سواه باعتباره هو جزء من الحادثة ويمكن هذا اللاعب استفزه وظل يخاشنه ... تراني اقول يخاشنه يعني مو لعب رجولي مثل ما تقول ... اللاعب عمره في الملاعب قصير والمخاشنات العنيفة يمكن تنهي مستقبله بالكامل يعني كماتشو لومه فيه وجهة نظر

اما باولو دي سيلفا فاكيد غلطان وبدرجة امتياز خاصة انه خارج الحادثة والحكم موجود ما كان له داعي مبدأ الفزعة ...... على العموم بعيدا عن الحادثة اتمنى استبدال باولو دي سيلفا والتعاقد مع افضل منه

من قالك أنه ولدنا ما يخسى ألا هو

يستاهل ما جاه

لو أن كماتشو أصيب كان عرفتوا أن الله حق

شكل الزهراني ذا نصراوي

وما قصر ديسلفا أثبت أنه رجال وفزع مع خويه

نبي كل لاعيبين الهلال كذا

إذا أنطق خويهم يفزعون له لأن هذا الشيء نفتقده بالهلال

رجاءاً اللي ما حضر المباراة وشاف اللي صار ( يسكت )

وأيضاً مدعي المثالية والروح الرياضية ( ينكتمون )

وتذكروا إصابة نواف التمياط التي حدثت بفعل فاعل

شكراً ابو نواف 609 وجزاك الله خير
وزهراني ولدنا كان نصراوي ولا رياضي يكفي أنه إنشاء الله مسلم مصلي وجنسيته سعودي ونتمنى له الصحة والعافية ولا شغل الفزعات هذا شغل ناس شوارعية والهلاليين وجمهوره الحقيقيين أرفع من هالسوالف
والله يهدي الجميع لما هو خير

iهذا الكلام s60s

صدقت الهلال لايحتاج الى الكديش

اول شي بالنسبه لمستوى اللاعبين وانت قلت انه في تطور اعتقد ان اللاعب لوحده لايمكن ان يرفع من مستوى الفريق ولو كان اللاعب الواحد يرفع من مستوى الفريق كان ارتفع مستوى روما مع توتي ولكن مستواهم من سيء الى اسوأ
وشفنا الشلهوب يوم غاب عنه كماتشو في مباراة الأفريقي لم يظهر الشلهوب بمستواه المعروف وايضا من يوم ما رجع الشلهوب في مباراة الإتفاق الي صلح للشلهوب الهدف كان كماتشو وفي مباراة الشباب الي صلح الهدف الثاني الي سجله الشلهوب كان كماتشو والي صلح هدف كماتشو على الوحده كان الشلهوب يعني الاثنين يكملون بعض
اما بالنسبه لداسيلفا انا اقول نستبدله بلاعب وسط ايمن افضل ليس لمستوى داسيلفا ولكن لحاجة الفريق الى وسط ايمن
وتفاريس من افضل الموجودين الآن
اما بالنسبه للحادثه التي وقعت في المباراه الوديه
لو صارت المشكله مع سامي الجابر وتدخل الجمعان وش راح يكون ردك ؟؟؟؟
بعدين كماتشو الحركه الي سواها كانت رد فعل اما الي فعله داسيلفا والتدخل كان ماله داعي وغلط كبير من داسيلفا
بالنسبه لطقم الفريق الإداره حددت وقت معين للطقم وقالت انه بعد شهرين وراح يلبسه الفريق في الدور الثاني بس الظاهر انك ما تقرا زين او انك ما تتابع اخبار الزعيم
وتحياتي لك

ّّ

صحيح كلاماك 100%

روق يابو نواف نصراوي ولا اتحادي هو سعودي اما كماتشو فان تصرفه هذا غبي

محترفين الهلال حشفاً وسوء كيلة
رداءة مستوى مع رداءة أخلاق
في الحقيقة لا يستحق البقاء منهم إلا تافاريس
والباقي ماعندك أحد

أتمنى من الرئيس الشاب أبو فيصل أن يبحث عن محترفين ذوي مستوى عالٍ
وأقترح أسامة السلامي لاعب الأفريقي
وإلا حجي الصغير( يوسف)
وإلا طارق التايب






أو حتى فيجو

هلاا اخوي انا اخالفك الراي دسلفا أفضل من تراوري واختلاف الراي لايفسد للود قضيه تحياتي

زعيم شقراوي
مشكور على ردك الحلو
وتحياتي لك