البلاي ستيشن حقي ما يشغل الأشرطة الذهبيه ..... ساعدوني
 

السلام عليكم ورحمة الله وبركاتة

يا أخوان عندي مشكلة في الجاهز حقي .. ماعنه توه جديد ماله شهر ....

يشغل السيديات المنسوخه اللي تجيك من تحت فضي

اما اللي يجي من تحت ذهبي زي Gta5 و نيد فور سبيد ... وغيرها ما تشتغل

اتمنى اي واحد مرت عليه نفس هذي المشكلة انه يساعدني

وله ألف شكر .

انا عندي الحل قل وشو الحل ان كمبيوترك

خايس ههههههههههههههههههههههههههههههههههههههههه

يا حولي ما يشغل اشرطة ثانية هههههههههههههههههههههههههههه

حتى أنا عندي نفس المشكلة حاولت أفكك وأركب ومع أن العدسة مالها شهرين توني مركبها

عندي حل روح للمحل الي شريت منه الجهاز وتفاهم معه

المحل ال.... (ما يحتاج أتكلم عنه)
قالي لازم تغيير عدسه وييييييييييييييين توني مغير العدسة من عنده ملها شهرين ويبيني أغيرها مره ثاني بالله يا ناس قلولي هو صاحي

إذا كنته من يوم شريته وهو ما يشغل الأشرطه الذهبية معنى ذلك أن الجهاز فيه عيوب من المصنع أو أنه مجمع في الإمارات ..ومهوب أصلي :confused: .

ونصيحتي لك لا تغير العدسه ألا بعدسة أصلية سعرها 300 ريال أم العدسة اللي سعرها 150 ريال هاذي عدسة ماراح تنفع أبداا :dead:

وأحسن لك أشتر لك واحد جديد وبيع هذا في الحراج والله يعينك على الخساير :sigh: :sigh: :cry:

حبيبي الحل عندي وانا ابو سطام . انا مثلك مريت بنفس المشكلة هذي وياكثر ما عانيت منها يعني اشوف اشرطة حلوة لاكنها ذهبية ومع ذلك مقدر اشريها وانقهر . انا بقولك تجربتي : قبل تقريبا ثلاث او اربع شهور كل ماشريت ذهبي مايشتغل اما الفضي على طوول يشتغل . ومرة من المرات شريت ذهبي ولا اشتغل وقلت بدال ما اضرب مشوار ثاني مرة واتعب موتري قلت خلني افكر ب طريقة .تدري وش سويت ؟ دخلت الشريط الذهبي وقلبت الجهاز والمفاجأة ؟؟؟ صح عليك اشتغل على طووول وزي الحلاوة . لا غيرت عدسة ولا غيرت بصلة . والسلام عليكم ورحمة اللة وبركاتة . انشاللة تضبط معك

أخوي أبو سطام أنا حقي تقلب ولا ما تقلب تفكك ولا ما تفكك راسه يابس ماوده يشغل الأشرطة الذهبية