هتفت مشاعري مثل جمهور الهلال == يوم سامي سدحّ الحارثي والخوجلي (قصيدة) اخواني وخواتي اعضاء شبكة الزعيـــم هذه القصيدة لاخي وزميلي الشاعر سالم ابن عزبين بعد ان قابلته وطلبت منه هذه القصيدة لانها وبكل صرااااحة مكانها في شبكة الزعيم لا في غيرها يقول سالم : قلبي اللي كـل ماقلـت زال الهـم زال= ماوعيت الا بهمي الـى عـود علـي اترجى واتصبر لو ان الصبـر طـال= واتشالا تو ربعي وانـا مانـي شلـي كل مالدو في العيـن نكسـت العقـال=ادري ان الدمع فضاح وعيونـي ملـي ولا قدرت ارد دمعآ على الخدين سـال= افضحتني دمعة العين ياعيـن اخجلـي اصبري ياعين مافيـه للدمعـه مجـال= خلي الدمعه ليا صرت في جـوآ خلـي وش بقا يابيض الايام من سود الليـال= دوري للهم غيـري وتلقيـن ابـدلـي صرت مثل الذيب لاجاع عدا في الجبال= ولا انا لاضقت عديت ضلعـآ معتلـي لكن ان الفرق ياذيـب مايبغـي جـدال= مقصدي عين النداوي ومقصودك طلي ماشكيت من الليالي ولا قهـر الرجـال= العرب لرضاي تسعى ويخشون ازعلي قالوا ان الموت يشرب من الجم الزلال= يوم كلآ ذل وانحـاش وردت اجملـي المصيبة بعد الاحباب والوصل المحال= فرقتنا سـود الايـام والمخـرج ملـي والله ما انسى من جوابآ على قد السوال= يوم وادعته وقفى وقـف ثـم لـد لـي قلت احبك قال احبك ودنق يـوم قـال= قلت لو تسمح تكرر بعد وش قلت لـي قال احبك حب ماتتصوره يابن الحلال= حب عنوانه دموعـي ونصـه مايلـي دار حبك في عروقي مثل دور المحال= وامتلى قلبي بحبك مثـل ملـي الدلـي ليت ربي ماخلق لي عمـام ولاخـوال= يكفي اني لك بقلبي وروحي وانت لـي قلت انا في علم يازين ولا فـي خيـال= قـال لاوالله فديتـك ويفدونـك هلـي وهتفت مشاعري مثل جمهور الهـلال= يوم سامي سدّح الحارثـي والخوجلـي ارجوا من المشرفين تنسيق القصيدة ولكم جزيل الشكر اخيكم : محسن الودايع |
صح لسانك ................ |
وهتفت مشاعري مثل جمهور الهـلال= يوم سامي سدّح الحارثـي والخوجلـي احلى بيت في القصيدة ،، وصح لسان ناقلها وقائلها !!!!!!!!!!!!! |
تصلح معلقة |
قويييييييييييييييييييييييييييييييييييييييييييييييييييييييييييييييييييييييييييييييييييييييييييييييييي يييييييييييييه وبس ..... |
ههههههههههههههههههه قصيد رائعة والبيت الأخير أحلى ما فيها صح لسان القايل والناقل |
صح لسانك |
صح لسانك وهتفت مشاعري مثل جمهور الهـلال= يوم سامي سدّح الحارثـي والخوجلـي |
صح لسانك وقصيدة بطلة ومن جد تصلح معلقة |
صح لسانك يعطيك الف عافية |
قلت انا في علم يازين ولا فـي خيـال= قـال لاوالله فديتـك ويفدونـك هلـي وهتفت مشاعري مثل جمهور الهـلال= يوم سامي سدّح الحارثـي والخوجلـي صح اللسانك انشهد ( يابطل) صح اللسانك انشهد ( يابطل) صح اللسانك انشهد ( يابطل) :laugh: :laugh: |
إقتباس:
صح لسانك |
صح لسانك ولسان قيايلها قصيدة حلوه مره بس يالغالي البيت الأخير ما هو تبع القصيدة مدخل عليها ... بس حلووووه منك |
الزعيم في الصميم هلابك وصح بدنك |
بطل الفيلم صح بدنك تبي الصراحة من وجهة نظري البيت الاخير هو سكر القصيدة والقصيدة متكاملة من الجزالة تحياتي |
الوقت المعتمد في المنتدى بتوقيت جرينتش +3.
الوقت الان » 03:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd