نادي الهلال السعودي - شبكة الزعيم - الموقع الرسمي - هذا ماحصل لي مع نواف التمياط في اول ايام عيد الفطر

السلام عليكم

في اول ايام عيد الفطر وعند الساعه 12 الا عشر ظهرا بتوقيت السعوديه

اتصلت هاتفياً على النجم نواف التمياط في مكان اقامته في امريكا

لكي اهنئه بالعيد

نص المكالمه

المتحد \\ السلام عليكم الو الو

نواف\\ الو الو

المتحد \\ الو ابو بندر تسمعني السلام عليكم

نواف\\ الو هلا وعليكم السلام مرحبا

المتحد \\ كل عام وانت بخير انا اهنئك بالعيد لان عندنا في السعوديه اليوم اول ايام العيد بس مدري انت عيدت والا لا

نواف \\ هلا وانت بخير الان اعلنوه عندنا بكرة اول ايام العيد ( توقيتهم الان مساء ) من معي

المتحد \\ مع ؟؟؟؟؟؟؟؟؟؟؟ من الرياض

نواف \\ ونعم والله يالله حيه

المتحد \\ كيف حالك ابوبندر والله مشتاقين لك متى ترجع

نواف \\ الله يسلمك عندي موعد مع الدكتور هاليومين وراح يحدد الموعد النهائي للعوده الى الرياض وسوف تكون انشاء الله خلال شهر شوال

المتحد \\ ابوبندر وش اخبار الاصابه وهل سوف تشارك بعد العوده مباشره

نواف\\ الحمدلله كل شي تمام ولكن انا ليس مستعجل على العوده للملاعب وبعد عودتي الى الرياض راح يكون هناك برنامج تأهيلي في النادي عبارة عن جري حول المضمار لمدة شهر تقريبا قبل ملامسة الكرة وانا ليس مستعجل وسوف استغرق مدة شهرين اواكثر حتى اشارك في المباريات

المتحد\\ اهم شي عندنا يابو بندر عودتك سالم سواء شاركت ام لم تشارك

نواف\\ تسلم اخوي ومشكور وانشاء الله اعود ولكن انا ليس مستعجل على العوده

المتحد \\ ابوبندر تأمر شي من الرياض

نواف \\ ابيك سالم وغانم اخوي ؟؟؟؟

المتحد\\ مع السلامه

نواف \\ هلا اخوي ؟؟ مع السلامه

نواف ردد اكثر من مره انه ليس مستعجل على العوده
عودته الى الوطن سوف تكون في منتصف شوال او اخره كحد اقصى