|
الجري ....دعاية قوية وإبعاد لمنافسيك على المركز ، والنتيجة ؟؟ سبق أن قلت في أحد المواضيع ان داء الواسطة والمحسوبية أثر كثيراً على فريق الهلال وإليكم الآن خير مثال على ذلك ،، اللاعب احمد الجري ـــــــــ لاعب سبقته دعية إعلامية ضخمة فصوره في كل الجرائد الهلالية بالحجم الكبير الملون ،، وتضخيم مشاركاته المحدودة ،،، ونشر صور الفريق الهلالي التي يوجد فيها فقط ،، بل وصل الأمر أن قامت الإدارة الجديدة بإبعاد كل منافسيه إلى الفريق الرديف أو الأولمبي وبالطبع لم يشاهدهم المدرب الجديد وتم التعاقد مع لاعبين في نفس المركز ولكن ليمكن مشاركتهم بدعوى عدم الإنسجام ( المرشدي ومضواح ) ومصيرهم معروف إلى النسيان ... ثم بدأ الموسم وبدأ التشجيع المتواصل حتى من قبل بعض أعضاء الشبكة للأسف والنتيجة خيبة الأمل الكبيرة فاللاعب يفتقد لأبسط أبجديات المدافع وهي التغطية ،، لديه ثقة كبيرة ولكنها دون موهبة ربما يصلح كلاعب وسط ايسر لسد الخانة فقط ولكن لايصح إلا الصحيح فقد إنكشف أمام الجميع وتوارى ليحل الخثران الأزمة التي سببها أنا رأيت بأم عيني في ملعب الدمام امام القادسية حينما أصبح مركزه مسرح للاعبي القادسية مما حدا بمنصور الأحمد ( الذي يبدو أن له يداً في دعمه ) إلى رمي قنينة مياه صحية بكل قوة على الأرض مما أغرق ملابسه وملابس برنابوك بجانبه ... بيني وبينكم أحسن حتى لايتحول كل فريق الهلال إلى لاعبين من ......................الساحل الشرقي ... |
أقول وش أخبارك ؟؟؟؟ أجل : الخثران سد الخانة ؟؟ !!!!!!!!! الحمد لله والشكر !!!! |
اخوي انت متأكد انك هلالي حقيقي الله يرحم حالك الجري مايعرف ابجديات التغطيه لا يالداهيه اثرك مدرب وحنا ماندري ياخوي احمد الجري ولا مباراة لعبها وشكل نقظة ضعف فالفريق بالعكس كان كل مبارة يلعبها احسن من اللي قبلها واما مباراة القادسية يافالح كل الفريق رايح فيها ماهوب الجري حرام عليك تظلمه... الجري افضل ظهير ايسر هوو مضواح وماغيرهم احد الله يجزاك خير ،،،، الخثران لاعب وسط وعطاه الله قناعة مدرب من المفترض ان يحاسب عليها المدرب الان لدينا مشكلة من موسمين في هذا المركز ونشتري لاعبين شباب بملايين ويركنهم ويلعب الخثران وش هالقناعه؟؟؟ |
أحترم جميع الردود وبالمناسبة من يسأل هل أنا متأكد أني هلالي حقيقي فأنا بنفس اللقب ( الزعيم الحقيقي ) كنت موجود منذ بدايات المنتدى ومشاركاتي تشهد لي وبعدين وش هالقناعات عندكم الجري للأسف يغطيه دائماً المفرج وإلا هو مسرح وترا الدوخي أيضاً ضعيف في حال الهجمة في الرجوع لخانته اسمحوا لي بس اللي يهمنا الهلال وليس الأشخاص وصدقوني احب جميع لاعبي الهلال بس لاعبي الواسطات ما احبهم لأنهم فعلاً عالة ز أما الخثران فلاشك انه أبدع وهي ماهي خانته أصلاً شكرا للجميع |
لا تعليــــــــــــــــــــــــــــــــــــــــــــــــــــــــــــــــــق |
كنت متواجد منذ بدايات المنتدى ؟؟ وترايخ تسجيلك 2004 ؟؟؟؟؟؟؟؟؟؟؟؟؟؟؟؟؟؟؟؟؟ على حس علمي ان الشبكه مفتوحه عام 1999 وليس عام 2004 .. على العموم الجري لاعب موهوب وفنان وان كان فيه شيء ينقصه فهو جسمه النحيل .. سلام .. |
وجهة نظر احترمها لكن لاتنسي ان اللاعب صغير بالعمر وهذا اول موسم له مع الفريق الاول. |
اجل الخثران افضل من الجري وفوق عليها المفرج هو اللي يغطي عيوب الجري تدري وش معنى كلامك اللي فوق تنطبق عليك مقولة : حشفا وسوء كيله بحذافيرها كان ممكن يمشي كلامك اول شي بس خربتها بالتالي تحياتي |
اخالفك الراي احمد الجري لاعب ممتاز ويجيد التغطية وسريع ومهاراته جيدة وعنده جرأة في الهجوم لكن عيبه شئ واحد مايسلم الكورة صح ومع الوقت يراح يحل المشكلة اللي عنده وبالنسبة للخثران انا ارشحها يكون الظهير الايسر الاساسي للفريق الهلالي من اول ما جاء للهلال وانا اتمنى انه يلعب ظهير ايسر |
الحين صار المفرج يغطي مكان الجري؟؟؟؟؟؟؟؟ دامك تتكلم عن لاعبين الواسطات ورا ماتكلمت عن المفرج؟؟؟؟؟؟؟؟ يااخي الكريم حدث العاقل بما يعقل لو ان الجري لاعب الواسطه كان شفته مرتز اساسي بالفريق وبكل مباراه زي المفرج لاكن الحين العكس فهو إلى الان مااخذ فرصته كامله واغلب المباريات مالعبه كيف تقول عنه لاعب واسطات؟ ياخوي الجري مبدع بشهادت الكل وإلى الأن لم يعطى الفرصه معنا انه ابدع بالمباريات القليله الي لعبها اتمنى له التوفيق مع الهلال وعندنا الأن ثلاث لاعبين بهالمركز واعتقد مافيه اي خوف لو لعب الخثران او الجري او مضواح كلهم مبدعين تحيتي لك |
إقتباس:
|
العضو زعيم حقيقي .. أعتقد أن ما ميز مقالك أنك كنت تتابع بحماس وجدية . للأسف فقد أقول رأي فقط ولا أقلل من قدرك فوالله ثم والله أني لعبت مع أحمد الجري وأعرف مايتمتع به من قدرات وأني مصدوم أنه لم يأخذ حقة . أريدك ان تذكر اللاعبين من أبناء الهلال الذين يستحقون خانته التي ذكرت . تحياتي . ملاحظة أخيرة : الإختلاف لايفسد في ((( الود ))) قضية وأتمنى للجميع التوفيق . |
والله احمد الجري لاعب جاي من نادي الفتح يعني لا حصل له احد يلمع فيه او ينمقه اللاعب اثبت نفسه منذ اول مباراة شارك فيها مع الفريق الاول عارف امام مين امام الاهلي على ايام جورج ارثر او بلاتشي على ما اعتقد كمان شفناه في بطولة الصداقة وكأس الامير فيصل بن فهد يعني حكم الجمهور حكم واقعي من خلال الي يشوفه على ارض الملعب دامك تقول انك هلالي فاكيد متابع مباريات الهلال سؤال بسيط من بعد ما تم اشراك الخثران كظهير ايسر الفرق الثانية صارت تهاجمنا من وين؟؟؟؟؟؟؟ اظن الجواب معروف من الحلقة الاضعف في الفريق الهلالي مع فهد المفرج حاليا اما الجري فكان احد افضل السيئين في الفريق خلال اولى المباريات الي لعبها اعتقد امام الرياض او الانصار كان الافضل والباقين مجرد اجسام لاعبين داخل الملعب وشيء طيب عندما يكون الفريق مستواه منخفض بالكامل ويكون لاعب شاب لم يتجاوز 19 سنة احسن ممن سبقوه للملاعب والاكثر منه خبرة ولعلمك بس احمد غاب الفترة الي طافت ليش انه كان مصاب وما دامت الفرصة تسنح له هو او مضواح فالهلال بخير بس يبعدون عننا الخثران فاذا كان احمد متميز هجوميا وضعيف دفاعيا مثل ما تقول فخثران باشا لا هو متميز لا هجوميا ولا دفاعيا ولا تمريرات صح وخانته مفتوحة على مصراعيها بل اجزم ان 70% من الفرص الخطيرة التي كانت على الهلال من الخاصرة اليسرى خانة الخثران اما مضواح فهو مع الفريق الاول واليوم راح يلعب اساسي ومرشدي يلعب قلب دفاع يا فالح شفت التذاكي ايش يسوي يعني نصيحة لوجه الله لما تشوف روحك فاضي مرة ثانية اقضي وقت فراغك في اشياء اكثر فائدة لك ولنا |
انا اشهد انك بردة قلبي بهالموضوع وحرقت قلبي بنفس الوقت بردة قلبي بكلامك الوااااااااااقعي وشجاعتك بكتابة واقع احمد الجري وحرقته يوم قلت ان المفرج هو اللي يغطيه؟؟؟ لا والله وانا اخوك كلهم كديش ودك تخليهم يمشون للدوري البنغالي ويخب ولكل اللي يمدح احمد الجري ويقوله انه فنان وسوا زحمه يوم قال اخونا انه مايفهم ابجديات الكوره ممكن تعطوني مبرر لكورته اللي بدورة الصداقه على مااظن ضد الاتهاد على مااظن يوم يضبطها للمهاجم على الـ18 ولا تضبيطة صانع لعب الله يوفقه؟؟؟؟؟ نقول غلطه؟؟!! طيب سؤال ثاني مبرر للهدف الاول ضد الاهلي بالدوري اللي انتهت 3 :upset: يوم تجي الكوره فوق لو رافع اطراف اصابع رجليه امداه عالكوره ( منيب قايل له يطلع لها بس ابيه يرفع جسمه شوي) لكن يجي كيم على مااظن واطلع فوقه ومرتاح واظربها بالراس؟؟ تسمون هاللاعب يفهم بالكوره؟؟؟؟ المفرج + الجري = عيني برأس واحد ( بـ شين اللعب طبعاً ) تحياتي للجميع |
لا تعليــــــــــــــــــــــــــــــــــــــــــــــــــــــــــــــــــق |
والله احترنا فيكم مشكلتنا اننا نحكم على اللاعبين بسرعه يا أخي اذا كان احمد الجري ضعيف دفاعيا ربرتو كارلوس نفس الشي ضعيف دفاعيا وكل الهجمات الي على ريال مدريد من جهته بعدين اللاعب توه صغير يعني يبي له وقت يتعلم ولازم نعطيه الثقه وبعطيكم امثله اننا نحكم على اللاعبين قبل ما ينعطون فرصه شفتوا لاعب الاتفاق الألماني الي ألغوا عقده الحين محترف في دورتموند الألماني وهيريرا الاتحادي وحمد العيسى اول ما راح الاتحاد ما عطوه فرصه مع انه كان ممتاز قبل ما يروح للاتحاد ومسفر القحطاني نفس الشي ومرزوق العتيبي وعبيد الدوسري والأمثله كثيره بس احنا مشكلتنا اللاعب يغلط في مباراه خلاص يصير فاشل واذا شفنا اللاعبين العالميين يغلطون بس ما يصيرون فاشلين بنظر جماهيرهم انا معكم لو كان اللاعب كبير في السن ولا يؤدي المستوى المطلوب منه بس اللاعب توه صغير حرام نظلمه في هذا الوقت رجااااااء خاص لا تستعجلون في الحكم على اللاعبين الصبر الصبر الصبر |
هذه مشكلة هالمنتدى يجي واحد مايفهم بالكورة ويقيم على كيفه ولو معه واسطة كان شفناه بكل مباراة الجري خليفة عبد الغني وراح تشوفون |
بعد التحيـــه ..... الان الواحد اذا ملقــى موضوع يكتب عنه ... او صــار فاضي .. مــاله حــل الا يهــاجم الاعبيــن .. :confused: ... وياليت لاعب يستاهل بعد والله النقــد شي نتفــق عليــه بس مو بصوره عشــوائيه ... واذا كان مضايقت صورة الجري في الجريـده ... لاتشتــريها ,,,, مهـــما اختــــلفنا نبقى متـفــقـون في حــب الزعـــيم ,,,, |
مشكله هذا المنتدى كل من هب ودب جاء يحلل احمد الجري اعطيه الفرصه كامله ثم احكم الخثران سد الخانه هذا الجمله انا اقول بصراحه لا تعليق |
صراحه كلامك صحيــح الجري أخذ دعاية فووووق مانتصور وهذي نتيجتها ، صراحه الجري تغطيـــة سيئة وقلتها أنا في مواضيعي السابقة قبل شهرين كانت مباراة القادسيــة والهلال اللي تعادل3-3 لـــــــــــــكن مااحد ايد كلامي ابدا !!!!!!!!!!! واليوم اثبت مضوااااااااح انه الكفء لملئ المركز هذا مع الخثران ، والخثران مؤدي اللي عليه وماقصر لــــــــكن فيما يبدو أنه هنا في المنتدى ناس يعرفون او اصدقاء اللاعبين ويبثون الدعايات وهي اصلا في غير صالح اللاعب وهم يهدمون الجــــري اللي يحتـــاج إلــــــــــى دعــــم معنوي وتوجيه له فقـــط وليس بث دعايات انه النجم القادم وعطوووووة لقــــــب ......إلخ هذا هو تفكيرهم!!!!!!!! |
عندي وجهة نظر حول هذا الموضوع ولكن لن اذكرها لاني اتمنى ان يحذف هذا الموضوع الذي على مايبدوا قد يؤدي الى بعض التراشقات الكلاميه بين الاعضاء وتقبلوا تحياتي جميعا |
الجري واسطة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من وين بعدين اللاعب عمره 19 سنه فقط ولاعب ممتاز بس مادري عن نظرتك التي لا اتفق معها ابدا |
شكلك شايف لاعب ثاني اسم عائلته الجري! الجري كل مباراة يلعبها يقدم مستوى أحسن من اللي قبلها ولا تنسى ترى أغلب اللاعبين مستواهم متفاوت مرة ينزل ومرة يصعد وكل شخص له رأي |
ممكن يكون للجري اخطاء ولا يوجد لاعب بلا أخطاء ... صح ولا لا ؟ بس لاتنسى أن اللاعب صغير في السن وهو... أهم شئ... قابل للتعلم والاستفادة من أخطاؤه |
عموماً في القريب العاجل سوف يكون احمد الجري هو اللاعب رقم واحد في الظهير الايسر(وبأذن الله سوفا ترونه في المنتخب السعودية) وجهة نظرً ربما اصدق وربما أخطء |
السلام عليكم :) هلا ومرحبا أخوي عموماً هذه وجهة نظرك أحترمها كثيراً ،، ولكني أرى أن أحمد الجري هو لاعب المستقبل في خانة الظهير الايسر في نادي الهلال وفي المنتخب بإذن الله ،، واللاعب مميز جداً في قوة الاندفاع على الخصم بالاضافة إلى سرعته الرائعة في الاختراقات أثناء مسانتده للهجمة وكذلك ولو تلاحظ انه عندما يتقدم لمساندة الهجوم ماتنقطع الكورة منه :yes: ،، اما كلامك عن الواسطة لو فرضنا ان أحمد له واسطة في النادي طيب ليش ماشارك يوم كان طيب الذكر بندر المطيري يلعب أساسي ومستواه كان ضعيف..!! ولو سمحتوا جميعاً اللي وده يمدح لاعب محدد اتمنى انه مايظلم لاعب آخر ،، يعني أووكي نحترم أداء مضواح ونصفق له كثيراً ولكن هذا مايعطينا الحق في اننا نتكلم على لاعب آخر في الزعيم ،، لان مصلحتنا جميعاً هي تفوووق الزعيم ولاعبيه في كل المراكز والخانات ،، والف شكر لكـ أخوي |
لاتعليق!!!!! |
أختلف معك في أن الجري لاعب واسطة تقول المفرج أقول لك وعلى طول نعم أما الجري لاعب واسطة , هذي صعبه الجري لاعب مجتهد يختلف أعضاء المنتدى حول كفائتة ولكن في النهاية المدربين أفضل منا كمشجعين المدربين لا يرون في الجري اللاعب المناسب لذا نرى أن لاعب الوسط الخثران هو الذي يلعب في هذه الخانة وحالياً المدرب باكيتا يجرب مضواح , وأعتقد بأنه سوف ينجح بصفة عامة , مدرب الفريق أفضل منا وهو القادر على تحديد الأفضل , والجري ليس لاعب واسطة كما ذكرت إنما هو لاعب مجتهد يبذل الجهد وصغير بالسن ويحتاج للتوجيه فربما تفوق على نفسه مستقبلاً وأقنع المدربين بالدرجة الأولى ونحن كمشجعين بالدرجة الثانية بأنه الظهير الأيسر الأفضل بالهلال |
لاتعليق !!!!!! |
انشاء يطور في المستقبل |
للتدليل على ان الموضوع مجرد شخبطات لاحظوا ان الاخ لم ينتقد احمد الجري وهو يلعب احمد صار له كذا مباراة مصاب وخارج التشكيلة نهائيا وهذي المباراة اعتقد الاولى الي يدخل في القائمة لا والاحتياطية بعد اما الي يقول ان احمد عنده اصدقاء في المنتدى فحدث العاقل بما لا يليق فان صدق فلا عقل له |
بسم الله الرحمن الرحيم السادة أعضاء شبكة الزعيم المبجلين * أنا أشكر كل من شارك سلباً أو إيجاباً .........حتى من كتب لاتعليق ( جعلني الله أراه مشرفاً بكثرة مشاركاته ) * وأهم شيء في الموضوع أن نخرج من دائرة ( معهم معهم عليهم عليهم ) ونبدأ نفكر ونمحص ونراقب ولانسمح للإعلام بأن يمارس إيحاءاته علينا لأننا جمهور ذواق ونفهم كورة ، ومن يفهم إذا كان جمهور الهلال العظيم لايفهم الكرة . * ومهم أيضاً أن نحترم الرأي الآخر مهما كانت درجة إختلافنا معه وأن يكون شعارنا هو شعار الزميل اللي يقول نختلف ونتفق على حب الهلال ( شعار بنَاء ) . * معظم من شارك شارك بعاطفته وولم يمعن النظر بموضوعية في ماطرح ويبقى ( هلالي حبيب ) صوتاً عاقلاً نبه إلى الخطأ في حينه ولم يجامل على حساب ناديه ، وهذه أول خطوات القضاء على المحسوبية . * إخترت الجري لأهمية مركز الظهير الأيسر وللهيلمان المبالغ فيه له حتى قبل أن يلعب أساسي وأعتقد أن لاشيء يجبرنا على المجاملات الفاضية على حساب الزعيم . *عودة للرأي الفني ، ولنكن موضوعيين وراقبوا الجري في أول مباراةيلعبها مستقبلاً مع الزعيم ( وياليت من الملعب لأن النقل التلفزيوني يظهر من يمتلك الكرة ولايظهر من يغطيه ولامساحات الملعب الأخرى ) وأحسبوا معي كم كرة يتحرك من أجلها قلوب الدفاع من أجل إبعاد خطرها ككرة ساقطة خلف الجري وعندها ستعرفون ما أرمي إليه ، فمن حكم على اللاعب من خلال أنه لم يتعرض ل ( تسحيبات ) من المهاجمين يعرف أن هذا ليس دليلاً على أفضليته الدفاعية وإنما يدل على أنه ترك هذه المهمة للمدافعين الآخرين أو المحاور ، وعندها هو أقرب مايكون لاعب وسط أيسر ،والحقيقه ان الثقة التي يتحلى بها اللاعب جيدة غير أنها ليست فعالة لأن نهاياتها تكون عبر كرات قصيرة للمهاجمين أو رفعات كيفما اتفق . *القسوة مطلوبة في سبيل الصالح العام ، ومساحة الحرية الموجودة في الإنترنت تعطينا الدافع لإبداء الرأي بكل صراحة وهذا شيء صحي ، ومهما كان الرأي فهو مفيد لأنه يثري النقاش ويسمح بتبادل الآراء الفنية والإختلاف إنما هو نتيجة لتلاقح الأفكار ونتيجة للمتابعة الدقيقة وينافي الإنسياق خلف الآراء الصحفية الموجهه . * أنا أتعاطف مع كل لاعب هلالي حتى لو كان هلالياً بالإنتقال ولكن أجد لزاماً علي أن أقول ماأراه واجب علي أن انصح به لصالح النادي الذي عشقته ، مع العلم أني ف ي موضوع الجري لم أستعجل وتابعت على مدى الموسمين الماضيين مايكتب عنه والدعاية وقلت لعله يخبئ اشياء لانعرفها عنه حتى أخذ فرصته وإتضح لي أنه لاعب عادي بكل ماتعنيه الكلمة بل إنه ربما كان لاعب زائد فيى الملعب ، وللأسف لم يقدم الجري طوال مشاركاته سوى .........(الجري ) . * الأخ ( سلطان زمانه ) ليش الصراخ ياخي ؟!!! * أخيراً رسالة مني للجري ( وأتمنى أن يكون أحد أعضاء الشبكة ) أقول له فيها : لاتزعل مني وأرجوك خيب ظني ، وأتمنى أن يكون ماقلته وماذكره المؤيدين لك دافعاً لك لإثبات وجودك ( اللي صدقني إنه ماحصل حتى الآن ) ولايغرونك المطبلين ، وترى الوقت يجري وإذا عندك غير هالمستوى فأبهرنا به ... وإلا إسحب نفسك قبل أن يتولاك جمهور الهلال اللي مايرحم أبداً ، والله من وراء القصد . |
الجري مستواه يتطور .. بعدين ينقصه بعض الخبره ويكون بالمنتخب .. << مع احترامي للجميع |
اخوي الزعيم-الحقيقي انت قلت شوفوا كم كوره يخلصها المدافعين ككره ساقطه خلف الجري وانا اسألك كم كوره تتخلص من ورا روبرتو كارلوس وهو افضل ظهير ايسر في العالم يا اخي الظهير اذا تقدم تبقى مهمة المحاور تغطيته اما اذا كانت الكره في الدفاع وعدت كره ساقطه مره من عنده يبقى خطأ وكل انسان معرض للخطأ وشفنا روبرتو كارلوس وخطأه الفادح امام برشلونه تبقى للاعب اخطاءه مهما كبر صيته والي أيد الجري لأنه لاعب صغير ويحتاج وقت ليس إلا واللاعب صراحه قدراته الهجوميه جيده حتى مضواح لو اعطوا الفرصه الكامله لأثبتوا وجودهم على العموم القسوه لا تنفع في اللاعبين صغار السن لأنها ممكن تنهي حياتهم الكرويه ولكن علينا توجيه اللاعبين والله يوفق الجري ومضواح وجميع لاعبي الهلال انشالله |
وجهة نظر |
طبعا لا لا لا لا لا لا لا لا لا لا لا لا لا لا لا لا لا لا لا لا لا تعليق يا فاهم |
الجري لاعب شاب .... وانتم تحطمونه بهذا الكلام .... الصراحة انه أفضل الموجودين مع احترامي للجميع ... تحياتي. |
| الوقت المعتمد في المنتدى بتوقيت جرينتش +3.
الوقت الان » 06:54 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd