احبتي الغاليين....السلااااام عليكم ورحمة الله وبركاته.....:
&...نلتقي هذا المساء مع الاخت الغالية جدا...وصاحبة القلم الرشيق
الاخت الغالية: < كادي>...ذات الحظور المميز من خلال ماسطره قلمها هنا
وهناك...تحمل الكثير من هموم جيلها..لذا كان هذا <اللقاء الخاص>.. معها..
لنستكشف بعضا من واقعهها...:
1-البطاقه الشخصيه للاخت كادي؟ الاسم: كـــــادي .
الحالة الاجتماعية:عازبه >>>>>>> تكفين
العمر: ثلاث سنوات في عالم الإنترنت
الشهادة الدراسيه: عندي كم ماده وأنتهي من الكلية .
2- لكي العديد من المشاركات..هنا وهناك..وكنت بالسابق تكتبين تحت يوزر<الهلاليه و للابد>..ماهي الاسباب اللتي ادت الى تغيير اليوزر؟ ولماذا؟
كل ماهناك إنى أحب أسم كادى من دخلت عالم النت وأنا ملقبه نفسي كادي صح سجلت بالشبكة بالهلالية وللأبد ولازلت أحب هاليوزر بس صار لى ظرف وبعدها فكرت أغير أسمي للتغير فقط وطلبت من الإدارة وماقصروا الله يعطيكم ألف عافيه غيروه لي .
3-ماهي الاسباب الحقيقية...وراء تسجيلك بمنتدى رياضي؟
حبي وعشقي للزعيم يكفى يكون أهم الأسباب لتسجيلي بالمنتدى .
4- ماهو اللقب الذي تم اطلاقه عليك..ووجدت نفسك فيه..؟
الداجه .......... يمكن تضحك على
بس كم مره أحط نفسي بمواقف لاأحسد عليها وذالك لرد عفوي مني وبالجهه المقابله يُفسر شيء ثاني ..!!!!!
5- الاقلام النسائيه بالمنتديات.. من وجهة نظرك الشخصية هل استطاع القلم النسائي فرض نفسه...؟
بكل أكيد فرض نفسه وعندنا هنا بالشبكة العديد من العضوات الرائعات ...أتمنى لهن كل التوفيق ..
6-هل تؤمنين بالعلاقات والصداقات < الانترنتيه>....وماهي ابرز سلبياتها وايجابياتها ان وجدت؟
نعم أؤمن فيها وأحمد ربي إنى تعرفت على خوات ماكنت أتخيل في يوم من الأيام ممكن تكون علاقتنا قويه
والناس يختلفون في تعاملهم ؛ فهناك من لا يفرق في تعامله بين الواقع والأنترنت من حيث التزام المبادئ ، ومصادقية التعبير ، وصراحة الرأي ، والنصح ، والتأثر ، والفرح ، والحزن ، وسائر المشاعر والأحاسيس ... وهذا اللى شفته من أغلى صديقات على قلبي ( فيو & ماسوه .... ومجموعه من البنات ) الله يخليهم لى وللشبكة
أما السلبيات مدري صراحه لأنى ولله الحمد كل اللى أعرفهم والنعم فيهم ماأشوف منهم إلا كل خير
7- من من كتاب الانترنت يستهوي انتباهك....؟ مع توجيه رساله شخصيه له؟
تعجبني كتابات الأخ abufaisal وتحليله للمباريات .....
أما رسالتي له : أستمر أخوي بو فيصل وأحنا بإنتظار إبداعاتك والله يوفقك وكل من كتب لمصلحت الزعيم
8- الانترنت بشكل عام كم يستقطع من وقتك....؟ وهل يوجد احد من افراد العائله يستخدم جهازك؟
على حسب جدولى اليومي أحيانا أكون فاضيه بالتالى يكون دخولى للنت حوالى الساعتين إلى الثلاث >>> ويمكن توصل إلى أربع ساعات
... وأحيانا أكون مشغوله ماأدخل إلا قليل ...!!!
بالنسبة لجهازي فيه أخوي كثير يستخدمه>>>> دايم يحوسه لى بس هالمره أنا اللى حسته
حتى خواتي يستخدمنه للكتابه أو اللعب وهم عكسي مايحبوا النت !!
9- لك العديد من المواضيع الاجتماعية...ماهي ابرز تلك المواضيع..؟وماهو الموضوع
الذي استطاع ملامسة وجدانك..؟
أبرزهم ( المعــاكســات ) وأحمد ربي إنى قدرت أنزل هالموضوع ....
أما الموضوع اللى أحس إنه طلع من قلبي وبكل صدق هو موضوع ( التسامح ) .
10- في رأيك..الشخصي هل بلامكان ان نرى القلم النسائي..يكتب بالاسم
الصريح...؟ ولماذا؟
يمكن ليش لا هالزمن هذا لاتستغرب أى شيء !!!!
بس رأيي الشخصي أرفض أستخدام الأسم الصريح .....الحين ماسلمتَ من بعض ( شياطين الإنس ) وهي بأسم مستعار كيف لو كان الأسم صريح !!؟؟؟والله ماراح تسلم ( وجهت نظري ) .
11- اسئله خفيفه.....:
&...هل لنا ان نعرف من أي مناطق المملكة...انتي؟
القصيم - بريدة >>>>> بكل فخر
&..لقب او يوزر...تمنيتي ان تكوني صاحبته؟
مافيه غير كادى وش حلاته الله يخليه لى .
&..ماذا تعني لك كلمة < الحب>...وهل اضحت شعارا فقط..؟
الحب كلمة سامية و جميلة جدا معناه كبير جدا و لو قعدت احصر لكم وش يعنى الحب الحقيقى و علاماته و كل شئ متعلق فيه ماراح أخلص .......الحب كلمه اصبحت نادره في هذا الزمن وأصبحت شعار فقط .
&..جريدة او مجله تحرصين على قرائتها..؟
الجريدة الرياضيه ......أما المجلة كثير منها ( المميزة & الأسرة ) .
&..برنامج تلفزيوني يسترعي انتباهك..؟
بكل صراحه قليل متابعتي للتلفزيون بس يعجبني برنامج مستشارك ( فقط إذا كان الضيف الدكتور مسيره ) .
12-هل تحققت امنيات الاخت كادي وماهي الاماني اللتي تشغل بالك حاليا..؟
مافيه أحد ممكن يحقق كل أمنياته بس الحمد لله على كل حال .....
بالنسبة للأمنيه الحاليه واللى تشغل بالى أن أبر بوالدي وأهلي ....والتحق بمركز لتحفيظ القران ....وكذالك إننا نصحى من السبات ونحرر القدس من هاليهود الله يهلككم
هذه جزء من أمنياتي وأتمنى من العلي القدير تحقيقها لي .....
13- اعضاء تودين توجيه رسائل لهم...لك الحرية في اختيار 3 اعضاء...؟ الفيروسة & الماسة :
الله يخليكم لى وربي أحبكم في الله وأدعوا العلي القدير إن يديم هالصداقه ويحفظكم من كل شر .
المــalmojــوج :
أحب أقوله إنك إنسان مبدع وتعمل بصمت الله يخليك للشبكة ونشوف مزيد من هالإبداع .
سهل 888:
والله إنك رهيب و مبدع يامديرنا وبالذات لاعاندت فيو >>> شررررررر
14- الزواج ماذا يعني لك...؟ وهل هذا المشروع قريب بالنسبة لك...؟
مسؤوليه كبيره وأنتقال من حياة لحياة جديد والله يوفق كل من إنتقل للحياة هالجديده
بالنسبة لقربه والله مايندرى متى يجي النصب ....أدعوا رب العالمين إن يرزقنى من يعيني على طاعته وعبادته ....
15- لو تم تعيينك مشرفه على منتدى < ما>...ماهي ابرز الاعمال التي تنوين القيام بها..؟
أنا مشرفه ؟؟!! ماأتخيل مع إنى صرت مره لمده يمكن بالكثير أسبوعين وانسحبت ماقدرت أتحمل
والله مسؤوليه هالإشراف ومسؤولين عن كل شيء في المنتديات وراح أحاسب على كل تقصير لو بدري مني ..!!!!! ....عاد أنا موهب ناقصه يعنى ماافكر خير شر ....
16- اخيرا...هل هناك سؤال تودين لو اني سئلته لك..؟ وماهو..؟ مع اجابته...؟
كفيت وفيت أخوي بو فيصل
17- كلمة اخيره...لكل من يتابع قلمك...اينما حل...؟
أحب أشكرهم على متابعتهم لى وتشجيعهم الدائم والله يوفقنى ويوفقكم جميعا لما يحب ويرضى .
اخيرا....اتمنى ان تجدي في هذا اللقاء الخاص متنفسا..لما اردت البوح به يوما..,,
ألف شكر لك أخوي بو فيصل على هاللقاء
والله يعطيك ألف عافيه ,,,,,,,
...اخيرا احبتي امل ان اكون قد وفقت في هذا اللقاء الخاص
مع الغاليه والرائعه : كادي...
الى ذلك الحين..تقبلو فائق تحياتي...
( لقاء خاااااااااص)...مع الاخت الغاليه: كااااااااااادي ....& 
..
الوضع العادي
