نادي الهلال السعودي - شبكة الزعيم - الموقع الرسمي

بسم الله ،،،لكل حدث بدايه ونهايه ولكل بطوله بدايه ونهايه..بصراحه مدري من وين ابدا وكيف اجمع كلامي وحروفي..لكن معليه خيرها في غيرها..ونحن بني ادم طماعين يبغى كل شخص منا الخير له لكن حب لاخيك ماتحب لنفسك..هذي مقدمه يمكن تحسبونها زي ما حسبوها البعض تعزيه او تفريج هم لخسارة الحبيب وعمري كله الهلال فمهما خسر هذا الكيان هذي البطوله يبقى فوزه او خسارته شرف لي كمشجعه هلاليه تعرفوا ليه؟؟
على الاقل الزعيم تربع على عرش الزعامه وافضل فريق اسيوي لعبا وفنا واخلاقاوعنده اداره ولاعبين وجماهير واعيه وعنها العقل..صح انها تبغى الهلال يحقق كل البطولات وانا وحده منهم لكن ما نقول مستحيله لان ما في شي بعيد على ربي لكن نقدر نقول صعبه شويه لان الزعيم ماهو بمكينه تشتغل كل يوم من دون ما تتنطفي او تتعب الهلال
فيه بشر فيهم لحم ودم،،وقلب ينبض علشان بس يرسموا الابتسامه الدائمه على فم جماهيرها الواعيه المسانده لها لكن لكل جواد كبوه وكل شاطر ينقاله الوصول الى القمة سهل لكن المحافظه عليه صعب جدا جداوهذي مجربه القاعده,,هذا اولا.
ثانيا:على الاقل الهلال محقق بطولات من كثرها ما اقدر احصيها ..واليوم تقولي وحده (ان الهلال بجميع بطولاته جابها بالغش!!!!)ايش بالغش واذاكانوا البعض يحسبها كذلك
فاكبر دليل النخبه اللي يقول(...)فوز الهلال وخسارة النصر بفعل فاعل الي يومكم هذا ويرددها ايش بفعل فاعل؟؟الحكم؟والله ماهو الحكم
لانه ما قصر اعطاهم ضربة جزاء والهلال ما هو رينالدو علشان يضيعها..البطوله كانت في متناول ايديهم وزي ماقال واحد كانت في فمهم النصراويين لكن الهلال انتشلها من فمهم وبلعا وبالعافيه عليه.فاز فريقهم ايش يبغوا اكثر من كده؟؟تكلم الغالي الامير سعود
وعادها اكثر من مره انها ضربة جزاء100%ولما عرفوا (...)ايش قالوا
علشان تعرفوا ان ماعندهم منطق ابدا عذرا قالوا والله ان الابن المدلل كده اذا ماعطيتوه حقه بكى وقال والله ظلموني ..يا شيخ حسبي الله ونعم الوكيل..ايش الابن المدلل والرجل العقيم بالله عليكم بس قولولي هذا كلام يخرج من ناس هم قدوة لنا ولغيرنا اعذروني على هذا الكلام اذا كان مو من حقي اقوله كوحده من الشعب والله اكتب لكم وانا منحرقه اعصابي ومنفاح دمي والضغط وارتفع والدمع غرقني من كثر البكا لكن ياليت توصل هذي المقطوعه للغالي سعود بن تركي يمكن يردلنا الصوت بعد ما انقطع (اصرخوا وخذوا حقكم ودافعوا عن الكيان الهلالي قبل ما ينشرخ وينكس )
لاني فهمتها اللي ضد الهلال ايش يبغوا؟؟يبغوا يهدموه من كثر حصده للبطولات ..الله اكبر لهدرجه وصل الحسد ..قاموا بالتصاريح والكلام اللي لايودي ولا يجيب غير له معنى واحد وذكرته في مقالي ..انتوا يالجماهير واللاعبين والادارة والمشرفين والغالي الرئيش كلكم بيدكم حيله وجواب ولاززززم تعملا كل جهودكم علشان حبي وعيوني الهلال..
واختم مقالي بقولين يعجبوني :1-الحياة مليئة بالحجارة فلا تبعثرها بل اجمعها وابن بها سلما تصعد به نحو النجاح،2-السكوت ليس ذهبا في كل الاحيان وقد يكون جريمة ان سكت المرء عن حقه.
ابنت المنتدى الهلالي
الوصال