فالنسيا فريق كبير .. و مصيره يعود و يرجع للتألق .. لأنه فاكهة الليجا بصراحة ..

مع احترامي .. لبرشلونة و لمدريد ... لكني احب متابعة " الفالنس "

اجمل شي في الباتس .. تنظيمهم .. غاب تنظيم الفريق فتغيرت بعض الأمور ..

الفريق يستطيع الفوز بدون ايمار و فيسنتي .. و غيرهم ..

فقط لقاء واحد يعيد الثقة للمجموعة .. و حينها ستشاهدون " المتعة في اللعب الجماعي " ..

اخوي باتي مشكور على الرد
واقولك شي ريال مدريد هم اسياد العالم هم الفنان هناك المهاره والابداع
شيل ايمار من فلنسيا بتشوف فلنسيا اسفل القاع
نفس الشي في البارسا شيل رونالدينيو بكون الفريق ضعيف ولولا رونالدينيو ما وصل اللي وصله برشلونه
وشكرا

إقتباس الرسالة الأصلية كتبت بواسطة بـاتـي أحلى باك لأأمهر طباخة في الوجود الا وش مسويه لنا اليوم على الفطور لا اوصيك أبيها حاجة عربية 100% ترى مليت العالم تفطر تمر وماء وأنا أفطر همبورغر وهوت دوق اخلصي علينا ولا تنسي عصير (( فينتو )) الله لا يهينك في البداية وقبل لا أبدأ مسيرة الرد عليكي أبي أوري ( المشاهدين الكرام ) نماذج من جماهير مدريد وأنها متخلفة في جميع أنحاء العالم وحتى الأسبان يعني مش العرب بس هذي صور من إحدى المنتديات الفالنساوية ( الأسبانية ) بعد مباراة فالنسيا مع الإنتر امتلى المنتدى بالأعضاء المدريديين الى درجة إني شكيت إني غلطان بالصفحة بس لا والله مش غلطان خلونا مع الأول وشوفوا هالصورة يا حرام فرحاااااااااااااان بفوز الإنتر وحاط صورته الرمزية النتيجة أقطع يدي اذا ما كان فرحان أكثر من الأنتراوية كلهم بس للأسف يا خسارة ما أجيد الأسبانية والا حطيت خششهم كلها بالتراب وشفوه قاعد يضحك هو وخشته jajajajajajajajajajaj (<<<<<< هذي معناها ههههههههههههههههههههه عندهم معلومة بس اذا دخلتوا منتديات أسبانية ) وطبعاً هذا يذكرني بأحد الأخوان اللي حاط في توقيع تذكر يا زمن وحاط 5 / 1 ونسى ان الزمن ما نسى يوم الباتس حطوا فيه 6 / 0 شوفوا الصورة الثانية الأخ حاط صورة علم فالنسيا بالمقلوب والنار تأكل فيه من تحت لهالدرجة مجننهم يالباتس طبعاً برشلونة أكلتم فيه لما شبعتوا لكن الباتس هو العقدة الأبدية اللي لما ما قدرتم تأكلون فيه فرحتم بهزيمته من الآخرين بنتيجة ليست بشطارتهم وإنما بنقص الباتس وهم عارفين انها فرصة ما راح تتعوض فالباتس مو دوم ناقص وفيه والله العجب والعجاب من ذا المتخلفين لو أبي أحط صور ما تبي تطلع ولا وحدة فيهن لأن الحجم كبير زي ما شفتو بالصفحتين اللي راحوا ولكن نكتفي فقط ونقول لا تشرهوا عليهم لانه اذا كان الأسبان كذا فهم من باب أولى أضرط وأضرط لو كنتي صادقة في طرح هذا السؤال بأنك تبي من جد معرفة الجواب كان جاوبتك لكن انتي ما حطيتيه الا للشماته اللي أرفع نفسي عنك وعنها أو كي ممتاز ريحتيني لأن جملتك هذي ما تستوجب الرد مني أنا ولكن تستوجبه من آيمار نفسه نشوف وش قال آيمار لما تقدم اليوفي ومانشستر وبايرن ميونخ والميلان بطلبه وهذا الكلام العام الماضي على فكرة قبل لا يجدد آيمار عقده جاء آيمار بالمؤتمر الصحفي واختصر كل هالكلام وقال : راح أموت بفالنسيا . هذا جواب بسيط وأضيفي له ما تفوه به آيمار قبل خمس أيام بالتمام في البيرث داي حقه روحي شوفي وش قال وتعالي ليه ليه قالها آيمار وليه قالها قبله أيالا تبين تعرفين ليه خليكي معاي روماريو لما طلع من فالنسيا وش كان مصيره بكل بساطه تغربل وتدهور مستواه وطرد من المنتخب ورجع يلعب في البرازيل مع نادي لا أدري هل هو بالدرجة الأولى او الثانية الثاني كلاوديو لوبيز لما طلع من فالنسيا وراح لاتسيو نفس الشريط تدهور مستواه وخرج من المنتخب وأخيراً الآن هو بالدوري المكسيكي الثالث أورتيغا لما طلع من فالنسيا تدهور وخرج من المنتخب وتوجه للدوري التركي وتوقف هناك والآن بنادي مغمور بالدوري الأرجنتيني ميندييتا لما طلع من فالنسيا نسى العالم من هو ميندييتا واسئلي عشاق لاتسيو والآن هو بنادي مغمور والآن هو مصاب وفي فالنسيا يتعالج الآن وقبل اسبوعين بالضبط صرح وهو بالهوسبيتل انه اكبر غلطة ارتكبها بحياته خروجه من فالنسيا أو كي كيلي غونزاليس خرج من فالنسيا والآن موجود بالإنتر نسى العالم من هو كيلي غونزاليس وعلى فكرة قبل بداية الموسم حط تصريح وهو موجود برابطة الباتس الآن يقول انه يتمنى العودة لفالنسيا والرئيس خايمي أورتي قبل لا يستقيل كان يبي يجيبه ليكون ( احتياط ) لفيسنتي وإلى الآن المفاوضات موجودة وممكن يجي بالشتاء ( احتياط ) بس المهم بفالنسيا هذي نماذج بسيطة ولكن خلينا نشوف نجوم مجريط وكيف دمروا حياتهم بناديكي هذا زيدان الكل يذكر من هو زيدان أيام اليوفي واللي كان يسويه بكل واحد يقف أمامه لكن الآن من هو زيدان الواحد اذا جننه ورقص فيه عطاه مقص من ورا والكل يذكر اللي سواه بلاعب ديبورتيفو لاكرونيا العام الماضي واللي أخذ عليه كرت احمر ذيك الحركة احد شافها من زيدان ايام اليوفي أو كي لا نروح بعيد المباراة الأخيرة مع فالنسيا وش سوى بروفيتي نفس الحركة لكن لفرق انذيك مع ديبورتيفو ( ما يحتاج ماني وكاسيس للحكم ) لكن هذي مع الباتس العقدة الأبدية لازم يكون فيه رونالدو أظن أبو ضروس هذا علشان تعرفين ما اعنيه شوفي مياراة لمنتخب البرازيل وبعدها مباشرة مباراة لمجريط وتعرفي ما اعنيه فيجو سؤال هل فيجو أيام البارسا هو نفسه فيجو الآن جوابك يحدد ما اعنيه بيكام من هو بيكام أيام ماشستر ومن هو الآن أيام المان يونايتد كان بيكام لاعب + عارضة أزياء أما الآن فقد تخلى عن إحدى خواصه وأصبح فقط عارضة أزياء وتميز بكل تفوق بهذا التخصص موريانتس الكل شاف الهوايل اللي سواها العام مع موناكو ووش صار موريانتس الآن مع العيال مين اللي حرام يكون اللعبين الكبار فيه فالنسيا والا مجريط تحياتي

all what i have read in this post is "blah blah blah"..lol.. what the hell was that about? o.O

انا مشجع لفالنسيا وهو فريق كبير وهذي السنه بياخذ البطوله

شكرا لكل من رد او مر على مشاركتي

اما بالنسبه للأخ باتي ..........ان اعتقد انك ماعرفت فالنسيا الا ايام Mbcايام ماكانت تنقل

نهائي الأبطال الأوروبي ايام الأربعاء وانا عارف كنت تصاب بالقرحه لإن الريال لطم ثم لطم ثم لطم

بالثلاثه وطلقه من كأس اوروبا مع العلم ان الريال كان مريض جدااااا أيامها وحصل على الكأس...

السنه اللي بعدها وبالتخصص البايرن يطر فالنسيا من النهائي وبالترجيحيه والبركه في ايالا ومانديتا

نجوم فالنسيا اللي ذكرتهم باستثنا ء الداهيه روماريو( غلطة عمره ايام فالنسيا) كانوا موجودين في النهائيين
ولم يعملوا شئ

بالنسبه لنجوم المجره المدريديه......................يا اخي حرام عليك

فيجو ايام عزه كانت في مدريد ............لإنه في برشلونه كان الجو لرونالدو وروماريو

وريفالدو وستويشكوف البلغاري وجوارديولا ودي لابونا........

اما ابو ضروس على قولتك روني او رونالدوو فهو اينما ذهب وبركبه يمنى مهشمه

لايزال ومايزال يضرب بيد من حديد واسأل زوبزاريتا وكانيزارس عن الأهداف السبعه اللي في فالنسيا

ويكيفيه هداف أيندهوفن برشلونه والأنتر والريال في كل موسم يلعب فيه .ياعمي هداف الدوري الإسباني

من نصف الموسم وهو غائب...............للإصابه اللعينه اللي مهدت لفالنسيا اللقب.....

اما زيزو يا الهي يازيزو لاعب من الزمن الجميل تقول ماعرف الخشونه الا مع الريال

وينه وهو ينطرد ايام جوفنتوس موسم 2000 وفي مباراه حساسه ايام بانيثانيكوس

وموسم 2001 ايضا ونفس الدور امام فريق يوناني ايضا وقد انطرد معاه ادجار ديفيدز في نفس المباراه

ويوم ذهب للريال حقق الدوري الأسباني ودوري الأبطال وبإقدامه ولعب على نهائي كأس سبانيا مرتين

2002 , 2004 ........موذنبنا ان رونالدو وزيدان يحصلون على لقب افضل لا عب في العالم وان يكونان

من بين المرشحين لإنهم بس في الريال دو مدريد افهم يافهيم ( ولا انت من اياهم اللي يكذب ويصدق كلمته)

اما بيكهام افضل لا عب انجليزي بجانب اوين وروني وجيرارد وفيرديناند وسكولز

ليش ماتقول وين مانشستر يونايتد بعد بيكهام من ينسى منا كيقق حقق المان الرباعيه موسم99

الدوري والكأس والتشامبيونز وكاس العالم للأنديه

وتذكر نهائي برشلونه عام 99 المان امام البايرن وكيف حول بيكهام الخساره في اخر دقيقه

برفعتين نسخه لشيرنجهام وسولسكيار وقلب الهزيمه ل2\1

هذا الكلام الأربعاء

ويوم السبت لعب امام توتنهام وفاز المان بالثلاثه ليورك وشرينجهام والبركه في القدم اليمني لبيكس بيكهام

ويوم الأربعاء انتزع كأس انجلترا والسبب بيكهام وجيجز...............في اسبوع ثلاث بطولات تاريخيه

للمان وبعدها ب7 اشهر حقق لقب كأس العالم في اليابان ................

لاعبي الريال مالك كلام عليكم ....لأنهم باختصارمجرة الملوك هذا موعندي

هذا في اوروبا يسمونهم ............وحنا نبي نستمتع بلعبهم الهجومي الممتع

انتبهوا على حالكم ياعشاق فالنسيا وقربوا البانادول جنبكم لإنكن بحتاجونه كثير هالسنه

وعلى فكره اوضروس رحمكم هالمره مايبي يكرر خماسية الإنتر السابقه

لكن اصر ان يكررها في معقللكم المستايا.............

قال ايش قال روفيتي انجولوا سككييكو مدري بسكويتوا او المهاجم الفلته ميستا يا اخي هذا لاعب

رونالدو مصاب نصف الموسم وميستا لاعب الموسم كله ولا قرب من الهداف

وش اللاعبين هذولا ولا معكرونه مدري ماراشينا يروحون سيرك ابرك لهم

سلجادو عندنا بفالنسيا حققكم باستثناء ايمار

استح ياخوي صرت مهزله بهالمنتدى......

لاتقارن زيدان او فيجو رونالدو او بيكهام عيب والله عيب

اخوي رونالدينيو 10 لا جدال ان برشلونه

في فتره كان فريق الأحلام وكلنا يذكر ان برشلونه ومانشستر في عام 2000 كان الأميزلهم الين قابل برشلونه فانسياوانهزم..........والمان الريال وانهزم وبعدها ضاع برشلونه

الين جاء الساحر والمميز والممتع رونالدينيو قلب برشلونه النابض وصانع انتصاراته الحالي

هاذي حقيقه لا يمكن اغفالها................

شيل رونالدينيو من برشلونه والعب مباراتين بدونه وشوف النتيجه كم؟؟؟؟؟

برضه للأخ باتي

من انجازات زيدان مع الريال كأس السوبر الأسباني....وكأس العالم للأنديه

عجيبه انتي يا بسمه!! بس لو انا منك ما ارد عليه لأنه مثل ما قلتي "افهم يافهيم ( ولا انت من اياهم اللي يكذب ويصدق كلمته)"

لووول.. يروحون ويرجعون على الريال من حرتهم..والمشكله يقارنون النجوم ب....
الريال قادم بكل قوته انشاء الله علشان يسكت اللي ما يحبونه! وباذن واحد أحد راح تثبتلكم الايام صحة كلامنا!!

blah :P