|
عموما الرود وهنري وشيفا حاليا من افضل الهدافين في العالم 0ولكن اشوف ان الرود يتفوق عليهم من ناحيه قنص الكوره |
والله مجهود كبير ماشاء الله عليك اخوي هلالي موت يعطيك العافية على هذا المجهود صعب اختار مع انه الارقام عمرها ماتكذب بس ترى والله ياغالي انا احب الاهداف واهداف نستلروي حاسمه و مالها مثيل وياغالي انا اعشق المهارات مع اني تشلساوي بس مهارة هنري لاتقاوم كل الشكر لك اخوي هلالي مووت انت والاخوان على هذا المجهود مع خالص تحياتي |
السلام عليكم يعطيك العافيه اخوووي على الموضوووع والمقارنه الجميله ولا شك ان نسيتلروي يتفوق على هنري بكثير والشاهد الاارقام وحبيت اسأل اللي ذبحونا نقولهم مهاجم واهداف يقولون مهارات والكلام ينطبق على المثل (( اقوله ثور يقولي احلبه )) حبيت اسألك اسأله وياريت تجاوبوني مو تقولون شي ثاني ما هي مهمه الحارس بالملعب ؟؟؟؟ ما هي مهمه الدفاع بالملعب ؟؟؟؟ ما هي مهمه الوسط في الملعب ؟؟؟؟ ما هي مهمه المهاجم في الملعب ؟؟؟؟؟ اكيد جواب السؤال هذا بتقولون المهارات هاهاهاهاها ياخي انت فسرها شنو معنا كلمة هجووم الانطلاق على الهدف مثل نا نقول والهجووم مهمه انه يهدف ولا جينا نقارن بين اي لاعب لازم يكونون مثل المركز يعني على سبيل المثال نقارن بين ندفيد وزيدان ليش لانهم يصنعون اهداف وهذي المقارنه بين مهاجمين والمهاجمين اللي يمييزهم اهدافهم للفريق . وبختم كلامي وبقول (( الروود فان نسيتلروي هو الافضل )) |
اخوي رود 10 كلامك معقول فنفذه :yes: انا اقول لك ان هنري لعب كجناح ايسر :confused: اكثر من 160 مباراة مع الاندية يعني مو مهاجم فكيف اتقارنه بنستروي في تلك الفترة وبعدين نستروي لعب في دوري ضعيف جدا :yes: وهو الدوري الهولندي بينما هنري في الفرنسي "رابع او على الاكثر خامس" افضل الادوريات الاوربية ولعب في الكالتشيو فصعبة المقارنة في تلك الفترة اخوي ليش ما اتقارن الصورة الي حطيتها انا بمثلها الى نستروي مع المان :yes: :yes: :yes: :yes: :yes: وبعدين اخوي انت نسيت شي مهم جدا في المهاجم انه يصنع لنفسه فرص متى ما دعت الحاجة وبرضو يهيأ الى امهاجم الاخر الفرص وهذا مو موجود في نستروي |
الدوري الهولندي أفضل بكثير من الفرنسي . باختصار هذا الموضوع لن يصل إلى نتيجة نهائية لأننا اتفقنا ألا نتفق :) والأرقام لغة لا تكذب |
اخوي ابو ياسر جيب لي واحد يتابع كورة يقول ان الهولندي افضل من الفرنسي وخلنا بلغتك الارقام انا ذكرت ان لاعب اتشلسي احتياطي الاحتياط سجل في موسمين 64 هدف في الدوري بس يعني اقل بـ 4 اهداف من الي سجلها نستروي في 3 مواسم في الدوري الانجليزي مع المان ناهيك ان هنري كان يلعب جناح مو هجوم متى راح تفهموها النقطة ذي (اكثر من 160 مباراة جناح) ولس انتون..... معليش اخوي شجع الي تبيه بس قارن بالعقل |
والله مايحتاج ارد وفيت كفيت ياling xiaoyu |
للاسف انه ما زال يعتقد ان اللاعب ممكن ان ينجح بالحظ فقط !!!!!!!!!! صحيح التوفيق مهم امام المرمى لكن ما سئلتوا روحكم الرود كيف يقتنص كل هذه الكرات ويحولها لاهداف اكيد بفضل تمركزه الاكثر من رائع الرود يعرف يقرأ افكار لاعبي الوسط في فريقه ويتمركز في المكان الي يتوقع منهم ان يلعبون الكورة فيه الرود يتميز بانه قبل ما ينرفع الاوفر يعرف وين يوقف الرود احيانا يطلع من زوايا ضيقة ومن كرات تحسها خلا قاربت تخرج من الملعب هنري كذلك نجم لكن عند مقارنتهما كمهاجمين فالرود افضل عند مقارنتهم كلاعبين بشكل عام فاعتقد هناك نوع من التساوي يعني هنري يتميز بالمهارات والذكاء والدقة في التصويب الرود في التحرك واستغلال المساحات الضيقة والتمركز في الكرات الرأسية ودقتها وحساسيته على المرمى |
السلام عليكم هلا فيكم اخواني خصوصا حبايبي جماهير الارسنال يا اخوان افهموني الموضوع للمره المليون مقارنه (((((((((( تهديفيا )))))))))) عجزت وانا اكررها هنري يتفوق بالمهارات انا معكم بس كلا هما مهاجمين وبالارقام الروود افضل اخوي Ling Xiaoyu انت قلت هنري لعب بالدوري الفرنسي ورووودي بالهولندي سؤال يالغالي شاركوا بالشامبيونز ولا لأ ؟؟؟ رووود سجل بالشامبيونز مع ايندهوفن وتالق رغم انه فريق صغير على قولك هنري مدري بس ما اظن سجل واذا عنك علمني باختصار رووود سجل بالشامبيونز ومع المان زاد تالقه هنري لعب مع موناكو واليوفي وارسنال مع ذلك بالشامبيونز لم يتالق كما تالق رووود ويبدو انك ماراح تقتنع لذلك ساظطر لان انهي النقاش عند هذه النقطه اسعدني مرورك الجميل بس خلنا نترك الايام تحدد من افضل ((((((((تهديفيا )))))))))) واذا قلت لي مهارات اقولك هنري وشكرا لمرورك ولا تزعل ================== spanish eyes اسم اسعدني مروره شكرا لك يالغالي وكلامك واضح ووصريح بس الحقد اعمي عيون البعض تحياتي لك وشاكر لك مره اخرى ======== كل الشكر للجميع وتقبلوا تحياتي ’:,:’:,: |
أخوي الغالي هلالي موت .. هنري لانعتبرها تجربة في اليوفي ,, عــــــــــام 99 .. لم يلعب المباريات كاملة ... لعب فقط 16 مباراة وسجل 3 أهداف ,, كان اليوفي يلعب بمهاجمين بارعين هما دل بيرو وانزاجي في ذلك الوقت ,, يعني اغلب مبارياتة في اليوفي كان أحتياطياً .. ولم يلعب هنري في دوري الأبطال في 99 . ولو فية أحد من مشجعي اليوفي يأيدنا بالكلام كان أفضل .. بعدها رحل إلى الأرسنال .. وأبدع .. أهدافة في دوري الأبطال هي 32 هدف .. حبيبي هلالي موت .. تحملنـــــــــا شوي .. |
إقتباس:
حبيبي هلالي موت .. انت تقول ان صناعة اللعب هابطه في المانشستر .. وانا اقولك علشان كذا نيستلروي قلت اهدافه بعدين حبيبي كرة القدم متعه .. والافضليه بالمهارات .. واكبر دليل ان زيدان مااخذ احسن لاعب على اهدافه انما على مهاراته وبتقولي المهاجم وش مهمته ؟ .. المهاجم مهمته التسجيل صح .. لكن اذا كان الفريق المنافس يلعب بست مدافعين وش بيسوي قدامهم نيستلروي ؟! ومشكور حبيب قلبي :) |
إقتباس:
هلا بحبي المقال :) اولا كلامك انت بالذات على قلبي زي العسسل ويعجبني اسلوبك ومستحيل ازعل منك تاكد :yes: انت الحين بتدخلني بمقارنه ثانيه ان هنري فشل بتجربته مع اليوفي يعني ما اقدر ارد عليك الا اذا راح الرود لليوفي بعكس الرود اللي لعب مع ايندهوفن والمان وابدع ماشاء الله عليه انا هنا لا انقص من حق هنري فهو لاعب كبييير وخلوووق لكن لنقل ان التوفيق لم يحالفه مع اليوفي بالنسبه لاهدافه مع الارسنال بدوري الابطال موجوده بالمقارنه يعني ما ظلمته انا بس نرجع لاهدافه ومع من لعب ومن قابل من الحراس ؟؟؟ بوفون .. كاسياس .. كان ... الحراس العالميين ذولي هل قابلهم ؟؟ سجل عليهم كما فعل روود ؟؟؟ مع تشلسي الموسم الماضي لم يفعل شي ؟؟ مع ان كودشيني حارس البلوز في تلك المباراه ليس كبوفون وكاسياس وكان :yes: اترك الجواب والحكم لك عزيزي ومشاركتك هذي تزيدني فخرا يالغالي خصوصا انك من عشاق التانغو حبايبي :) والله لا يجيب الزعل بيننا ويديم المحبه يا رب تحياتي لك ’:,:’:,: |
إقتباس:
هلا حبيبي فيصل :blueroll: شفت انت قلتها مستوى لاعبين الوسط هابط ومع ذلك يسجل ويصنع لنفسه الفرص ويسجلها بعدين بالنسبه للمدافعين ولو قابل 6 مدافعين البريمر ليغ وفرقه معروفه باللعب الدفااعي البحت خصوصا امام المان والفرق الكبرى عموما اضف لذلك بالشامبيونز فيه فرق دفاعيه ودفاعهم قوي كاليوفي مثلا ومع ذلك سجل وعلى فرق البريمر ليغ سجل واخذ الهداف كم مره يعني مو مقصر وشفت امس معاناه مانشستر امام السيتي وكيف تاثر المان بغياب روود رغم وجود رووني وساها وسميث وخلفهم سكولز وجيجز ورونالدو ورغم ذلك لم يسجلوا لانهم لعبوا بخطه 7 / 2 / 1 واجزم لو كان روود موجود لفك طلاسم السيتي الدفااعيه اللي امرضتنا باختصار رووود مهاجم قناص انصاف الفرص يجيب اقوال وانا اعترف مستواه انخفض بعد اليورو بس مع ذلك يفيد الفريق ويسجل بالنسبه للامتاع ماشاء الله عندنا رونالدو وجيجز ماهم مقصرين والرود يتكفل بالتسجيل يعني اذا فيه امتاع بس ما فيه فايده ووش فايده الامتاع وانت عارف الاوربيين ما عندهم لازم تفووز ولا ما تصلح ما يرحموون يعني عندنا مثلا اللاعب الموهوب رهيب بينما اللي يسجل وما عنده مهارات محارب من قبل الجماهير اتمنى ان الفكره وصلت واسعدني مرورك ونقاشك الراائع تحياتي حبيبي ’:,:’:,: |
(((( أقول تيس يقول أحلبه)))) ما هي وظيفه المهاجم ؟؟؟؟؟؟ صراحه سوائل صعب ممكن الجواب يكون عشان يدافع عن مرمى الفريق إلي ضده أتمنى يكون جوابي صحيح |
هلا شباب اخوي رساوي كورة لا تحصر مهمة المهاجم في التهديف لان مهمة الفريق كله هي التهديف ولكن لب مهمته تكمن في التهديف وهذا صحيح وفي هذا المجال انا اقول لك ان معدل هنري التهديفي 72% مو زي ما ذكر الاخ هلالي موت وزي ما انا وضحت في اول رد لي في الموضوع لان هنري لعب مهاجم من موسم 2000 ورايح مو قبلها فيا ريت تنتبه لهذي النقطة اخوي هلالي موت انا اشكرك على المقارنة وائكد عليك النقطة الي فوق بالنسبة الى هنري في الشامبينز فهو سجل مع موناكو 12 هدف واذا ما كنت غلطان سجلها بس في 9 مباريات "عدد المباريات مو متاكد منه تقدر اتقول 90% متاكد و10% لا" وبعدين اخوي عنوان موضوعك واسلوب الكتابة في الرد الاول ما كانو ما وضحو نقطة التهديف فقط ولكن حتى في هذي النقطة بتدخل المنطق فهنر افض لانه لعب ما يعادل 160 مباراة كجناح مو مهاجم فلازم نحدفها ونحذف الاهداف الي سجلها فيها او كلامي غلط Gunner4Ever واخوي Fai9aL و المقــــــــــــــال و spanish eyes اشكركم على المساندة والمشاركة ولازم نعرف ان كل واحد يعجبه لعب ولكن اذا بنقارن انخلي مقارنتنا بالعقل وما نتعصب الى الي نحبه |
| الوقت المعتمد في المنتدى بتوقيت جرينتش +3.
الوقت الان » 12:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd