هلا وغلا اخووي شاعر
اكيد احنا ما اختلفنا ومتاكدين الهلال حاليا يسير بخطاء متارجحه وان شاء الله تثبت خطاه ويصير القادم احلى واحلى باذن الله
وحبيت اعلق واؤكد على نقاطك اذا سمحت لي :
1- النقطه الاولى تكلمت عن الواسطات :
بالنسبه للواسطات فحدث ولا حرج بالفعل صدقت في هذي النقطه واكبر واخر دليل موهبتين وكم مره شفت لعبهم بالحواري وبالفعل اندهشت عند سماعي خبر تنسيقهم وخصوصا الاول : عزام العتيبي و الثاني :عبدالرحمن البوري وتستغرب وجود المنتهين الصلاحيه في الفريق الى حد الان رغم كثرة اعطاهم الفرررص والله يكون بعوون اعصابنا التالفه
2- النقطتين 2 و 3 تتشابهان بنفس المعنى وباعلق عليهم مع بعض :
استغربت تسميت سعود بن تركي بالرئيس الذهبي من اخوي fahd1515 لانه في فترة رئاسته عانى الهلال من فراغ اداري بشكل كبير بحكم غيابه وكثرة سفراته لجنيف الخ ..
وكان الهلال جاهز مجهز بجميع النجوم في فترة رئاسته وكان بس اللهم اللى يسويه سعود بن تركي يطلع دفتر الشيكات ويصررف بدعم من عضو الشرف النصراوي عبدالعزيز بن فهد والمقصد من كل هذا معرووف للجميع .. واعتقد انك بهذي النقطه بتحصل وشلوون رحل ابو ثنين والتيماوي
مع اني ما انكر اللي سواه سعود بن تركي من دعم مالي
واللي بالفعل انظلم وسوا وتعب وسوا ولكن الله ما كتب له عبدالله بن مساعد والله يكون بعون هذا الرجل الخلووق
4- صفقات اللاعبين الاجانب :
بالفعل اخووي انا اشوف في النقطه الرابعه ان الاجانب الممتازين اللي مروا على الهلال ينعدون على اصابع اليد للاسف ..
وبالنسبه لليبي التائب صعب التعاقد معه بسبب المشاكل السياسيه وعلى كريمي ما اعتقد ان الاهلي الامارتي بيتخلى عنه الا اذا اتجهنا للطرق الملتويه وسوينا شغل فرق الدوري القطري
واكبر دليل اللي سمعنا عن تعاقد الاهلي القطري مع مستفوي اللي مفروض حاليا يتدرب بالعريجا
وبالنسبه للاجانب حاليا يعتبرون جيدين لكن اعتقد ان الهلال مو محتاج لهم في هذي الخانات لو لاحظت كامتشو يلعب بمنطقه يتواجد بها اكثر من اربعه لاعبين ونفس الكلام بالنسبه لتفاريس ودسليفا ..
5- بالنسبه للطيور المهاجره :
اخالفك الراي نسبيا بالنقطه الـ 5 الخثران انا اشوف انه يقوم بدوره بشكل رائع ولا تنسا انه يلعب بغير مركزه وخصوصا لو لاحظت تركه للحماس الزائد وقلة كروته عن الموسم الماضي وبالنسبه للشيحان ما اعتقد اننا بنحكم عليه لان عدد المباريات اللي لعبها قليل جدا وخصوصا انه راجع من اصابه وبالنسبه لعزيز ما اقول الا الدنيا حظووووووظ
6- في النقطه السادسه تكلمت عن اعطاء الفرصه للشباب :
وبافعل هذا هو اللي حاصل حاليا في المزج بين عناصر الخبره والشباب واتمنى من كل قلبي عدم الاستعجال على عناصر الشباب وكثرة مدحهم وانتقادهم لانهم مستقبل الهلال والكره السعوديه .
7- في النقطه السابعه اقدر الخص النقطه هذي في ..( شبكة الزعيم تكفيك ) .
ولا ننسا اننا مهما اختلفنا بالاراء نتفق على حب الزعيم
والله يعطيك العافيه على مجهودك وكل اللي اقدر اقوله كسبنا كاتب جديد في شبكة الزعيم
يالله يالله وداعة الله ..
اخــــــــــــــــوكم مــــــــــــــــراوغ