.. [ مين تتوقعون .. { جورج بوش } أو { كييري } .. ] .. - نادي الهلال السعودي - شبكة الزعيم

التنين · #1 30/10/2004, 11:34 PM

السلام عليكم ورحمه الله وبركاتـه ..

أخباركم أعضاء شبكه الزعيم

.. إن شاء الله بخير

أنا ما أدري وش اللي صنفت براسي أني أحط هالموضوع

ويمكن هالموضوع ما يشكل فايده أو أهميه لأغلبكم إن لم يكن كلكم

..

وهو إن كل واحد منكم يتوقع مين اللي بيفوز بإنتخابات الرئاسه الأمريكيه

.. اللي ما بقى لها شي وتبتدي .. ( أقصد وتبدأ معاناه جديده للمسلمين والعرب :sad: ) .. وياليت كل واحد يتوقع يحط السبب ليش وإذا ما عنده سبب مهووب ضروري يكتب السبب ( يعني مجرد حدس

) ..

بالنسبه لي أتوقع القرد الصغير

لأنه بنظر الشعب الأمريكي هو بيحمي الأمن القومي وما أدري وش خرابيطه .. وأتوقع اللي بيزيد فرص فوزه بالانتخابات

شريط بن لادن أمس .. واللي مخليني أتوقع انه يفوز إنه هو تقريبا أكثر رئيس أمريكي دعم اليهود ضد الفلسطينين

.. والدعم بشكل أعمى

.. طبعا هو يدعمهم مهوب شرط انه مقتنع شرط أنه يفوزونه بالانتخابات

.. وبعدين لو نفكر فيها اختلافات المرشحين الأثنان بأشياء بسيطه وكييري يقول بسحب القوات من العراق وأنا شخصيا ً أتحدى كذا .. لأنه يقول هالكلام علشان يرفع اسهمه .. وبرضو كييري في حقه يعني نفس الطينه

..واللي سمعته من اللي شاف المناظرات اللي سووها مع بعض يقولون ان كييري أفحم جورج بوش إن صح التعبير

واللي زاد اسهم كييري بعد قضيه إختفاء الـ 350 طن متفجرات

( هاذي تنسف العراق نسف

) .. لأن استغلها لصالحه ..

فـ ما أدري أبي توقعاتكم لهالانتخابات ..

والسلام عليكم ورحمه الله وبركاتـه ..