اماكن مساجد افضل القراء في الرياض ........ارجوا عدم الحذف يامشرفين
 

الشيخ محمد اللحيدان حي العزيزيه جنوب الرياض(اذا كنت جاي من الدائري الشرقي تطلع على الدائري الجنوبي وتمشي لين مخرج 20 وتطلع معه ثمن تلف مع الاشارة يسار(اللي جاي من الغرب يلف يمين)ثمن تسيد لين تجيك اشاره تلف معها يسار على الخدمه على طول وتمشي لين تجيك اشارة وتلف معها يمين وتسيد لين يجيك المسجد على اليسار واضح وكبير (جامع البواردي)


الشيخ ياسر الدوسري الدائري الشمالي مخرج 5(الملك عبدالعزبز) خلف العيسى للسيارات اذا كنت جاي من الشرق بيجيك على اليمين (تطلع مع مخرج 5 وتمشي سيده مع الاشاره الى ان يجيك على اليمين العيسى بتشوفة وراه) واللي جاي من الدائري الغربي يديور مع الاشارة (الشيخ بن باز)

الشيخ ابراهيم العسيري الدائري الشمالي بعد مخرج 3 اذا كنت جاي من الشرق بيجيك على اليمين بعد مخرج 3 تمشي لين يجيك شارع كبير وبتشوف المسجد واللي جاي من الغرب يديورمع 3 ويدبر نفسه لانه مجمع كباريات(جامع الخير)


الشيخ ناصر القطامي مخرج 6 (ابو بكر) اذا كنت جاي من الشرق اطلع مع مخرج 6 ولف يسار مع الاشاره (واللي جاي من الغرب يطلع مع المخرج ويلف يمين)وامش لين تجيك اشارة وديور معها وخلك مع الخدمه الى ان يجيك المسجد داخل الحارة واضح وكبير (مسجد القاضي)


الشيخ ابراهيم الجبرين ماتاكدت مخرج كم هو 24 او 25 (مخرج شبرا او الشفا) اذا كنت جاي من الشرق سيد مع الاشارة لين يجيك المسجد واضح وكبير وله منارتين ولكنه داخل جوا الحاره (مسجد الراجحي)
وهذي بعض الروابط اللي بتفيدكم واي واحد يقدر ينقله لاي منتدى اخر ينقله ولا يتردد



http://alsaha2.fares.net/sahat?128@@.1dd66b4b

http://alsaha2.fares.net/[email protected]@.1dd66909

http://alsaha2.fares.net/[email protected]@.1dd60a70
_______

[ جزاك الله خيراً ]

جزاااااك الله خيـــــــــــــــــــــــــــــــــــــــــــــر
وبــــــــــــــــــــــــــارك الله فيك

جزاك الله خير
وتسمحلي ازود شيخين
1.حي شبرا او البديعه ...شارع الابراج بعد مجمع الاتصالات السلام صوته شبيه بالشيخ سعود الشريم
(مااعرف اسم الشيخ)
2.مسجد ياسر الدوسري سابقا....................

الله يعطيك العافيه

مشكور واليك هدية عبارة عن رابط

http://vb.alhilal.com/showthread.php?p=1600939&posted=1

جزاك الله خير

جزاك الله الف خير

أضيف .. جمعان العصيمي .. يعجبني صوته ..
في حي المروج .. وانت ماشي مع طريق الإمام ( الجامعه ) وانت متجه غرب .. تعد نفق طريق الملك عبدالعزيز ..
بعدين امسك خط الخدمة .. إذا جت محطة رح بعدها يمين .. طول مع الشارع .. المسجد باخر الشارع على اليسار ..

ناصر العبيد

امام رائع وصوته أروع وقنوته يبكي .

حي الريان : وانت ماسك الدائري الشرقي متجه للشمال مخرج 14 خله وتعدى واول مفرق طريق الخدمه خش معه ، وبعدين اول طريق منور ادخل معه عند اول اشاره بتشوف الزحمه والتفت يمن تلقاء المسجد .

جزاااااك الله خيـــــــــــــــــــــــــــــــــــــــــــــر
وبــــــــــــــــــــــــــارك الله فيك

جزاكم الله خير

جزاااااك الله خيـــــــــــــــــــــــــــــــــــــــــــــر

بارك الله فيك