طايحين فيه مدح !!! وش انتم شايفين فيه
 

بعد المباركة بالفوز التاريخي والعودة المؤزرة للذئب السام



تفاريس - مطاريس

ما ودي انغص عليكم حلاوة الفوز لكن احس انكم معطينه اكثر من حقه وأكبر من حجمه

لاعب عادي جداً ( فاشل ) والمباريات القادمة راح تثبت لكم الشيء هذا ولا تستعجلون الحكم عليه

الميدان بيني وبينكم ونشوف منهو اللي نظرته وحكمه صحيح على اللاعب

ابو سلطان طلبنا الصبر
واحنا مانرده لانه يسوي المستحيل عشان الزعيم

والنعم ببو سلطان

لكن

الليلة الظلماء تبان من عشاها

و الله انا كنت العنه الى قبل مباراة النصر ..

لكن بعد مباراة امس و الله غيرت رايي فيه ...

لاعب نشيط جدا ... ويكفي انه لعب افضل من الدوسري ( اللي من يوم ما وقع للهلال و مستواه بالنازل )

نصبر والله الله الله يصبرنااااااا

اللاعب لعب مباراه كبيره امس وما قصر وما شفنا اخطاء منه فادحه وثاني شي هذا لاعب جاي من بلد ثاني ومو متعود على الرياض وما لعب الا كم مباراه ويوم جى الديربي ادى الي عليه مع كل الفريق
وانا ما شفت فيه شي عشان تقول عنه فااااشل
حتى كماتشو لعب مباراه كبيره امس بس انتو تبون اللاعب الاجنبي من اول مباراه يبدع فيها وعندكم كراهيه للاعب الاجنبي
اصبر على اللاعب لو نهاية الدور الاول واحكم عليه

نصبر وبنشوف الوضع

كماتشو قدم نفسه بشكل حلو وننتظر منه أكثر

أخوي غير شكل....حقيقه مستوى لاعبينا الاجانب في مباراة النصر كان ممتاز....وهذا دليل على أنهم بدأو في الانسجام مع المجموعه...والله يكتب اللي فيه الخير للزعيم

اللاعب ما صار له مع الهلال فترة طويلة فدام النصر قدم مباراة كبيرة ونتظر المزيد منه

وكما قال ابو سلطان اتمنى من الجمهور الهلالي الصبر على الفريق.

والله ما شفنا منه نكبات امس

فيه اخطاء بسيطة من خط الدفاع الهلالي بالنسبة لمصيدة التسلل

اما غير هذا الدفاع كان عشرة على عشرة

مع بعض الربكة شوي على عبد العزيز الهليل واعتقد ان سوء النظر اثر عليه اتمنى ان يقوم بعملية التشطيب بسرعة

اللاعب جيد ومتمكن وخصوصا في وجود لاعب محور وكبير
مثل الكابتن /عبداللطيف الغنام الي كان مريح الدفاع امس ..
وكان فيه اخطاء كبيرة لولا عدم خبرة لاعبين النصر كان فيه كلام ثاني ...
وعلى العموم اللاعب افضل من غيره من الاجانب الي الله يفكنا منهم ...
ونقدك للاعب مو في محله لأنه بدري عليه شوي لأنا ماشفنا هجوم صح الى
الآن .. وقدام الاتحاد راح نحكم عليه .... وتحياتي ... لك وللجميع ...

شكراً لكل من رد وعقب على الموضوع

ويبقى الميدان هو الفيصل بيننا

انا كنت من المؤيدين لطرد اللاعب لكن لاحظت ان مستواه بدا بالارتفاع اعتبارا من مباراة الرياض ولكن يجب الانتظار الى مابعد انتهاء المباراتين القادمتين وبعدها نستطيع اصدار الحكم عليه هو وزميله كماتشو وان كنت اعتقد ان كماتشو يستحق ان يلغى عقده ولكن ننتظر ونرى فقد نكون مخطئين