|
حقـــائق حـــول اللاعب الجــديد ( فاندينهو ) !!!!!! - وصل اللاعب البرازيلي الجديد ( فاندينهو ) والحمدلله على سلامته نقولها لباكيتا والشلة اللي معه :smilewink - حقيقة حاولت أبحث عن هاللاعب وأقدم عنه تقرير مفصل بس الصراحة كان فيه عوائق كثيرة منها إنه كان يلعب بأندية صغيرة وهالأندية الصغيرة مثل avai و mogi mirim صعب الواحد يلقى معلومات كافية عن لاعبينهم !! :confused: - فيه ناس بيقولون وشلون أندية صغيرة وهو محقق مع فاسكو دي جاما بطولة كوبا ليبرتادورس 98 م ( Copa Libertadores '98 ) ؟!!! - وأنا أقول ... هنا حطنا الجمال ... وهذا سبب كتابتي لهالموضوع !! - الحقيقة من خلال بحثي وجدت إن كأس البطولة لعام 98 م حققه فاسكو دي جاما بدون وجود أي أثر لصاحبنا ( فاندينهو ) سواء بالتشكيل الأساسي أو الاحتياط !! - التشكيل الأساسي : VASCO DA GAMA 1 Carlos Germano كارلوس جيرمانو 2 Vitor فيتور 3 Odvan أودفان 4 Mauro Galvao جالفاو 5 Luizinho لوزينهو 6 Felipe فيليب 7 Osmar Donisete أوسمار 8 Naza نازا 9 Luizao لويزاو 16 Pedrinho بيدرينهو 11 Ramón رامون القائمة الاحتياطية : Marcio Cazorla Ronaldo Luiz Felipe Alvin Richardson Mauricinho Sorato Fabiano Donizete Vagner Caetano http://au.geocities.com/ozvasco/phot...adores98_3.jpg صورة للاعبي فاسكو دا جاما الذين حققوا كأس الليبرتادورس أما برشلونة في النهائي حين تغلبوا على برشلونة الأسباني 2 -1 لمن أراد التأكد من كل المعلومات السابقة ماعليه إلا يدخل هنا على .... موقع البطولة - ثبت لي بشكل قاطع إن اللاعب ماشارك مع فاسكوداجاما بهالبطولة لاأساسي ولااحتياط ولا يجيب كور !!!!!!!! - طيب ليش اللاعب يكذب علينا من أولها ؟!!!!!!! - اللي مخوفني أكثر إني من خلال بحثي عجزت ألقى للاعب أي ذكر والله يستر لايصير سباك !! ياناس ياعالم نبي محترفين صح وإذا أنتم بتستمرون على لاعبين الحواري بالبرازيل فالأحسن إنكم تجيبون لاعبين عرب على الأقل شايفينهم وعارفينهم !!!!!!! |
الله يستر !! الاهم هو المستوى .. ولايهم كونه شارك ام لم يشارك .. الف شكر لك .. :) |
كل اللاعبين العرب نجحوا فى الهلال وفى الانديه السعوديه الاخرى وخاصه فى السنوات الاخيره اذا لماذا لا يتم التعاقد معهم ؟؟!! اعتقد انهم الانسب والاكثر تكيفا مع رياضتنا بس ان شاء الله يطلع صاحبنا عليه الكلام ويرد على توقعاتنا ...,,, |
الله يستر خوفتني .يا صايدهم يس الي سمعته يقولون انه مكسب كبير للهلال ومن ذا الكلام ..... والله ما ندري وش الحيله مع ذا البرازيليين بس بيني وبينك مانبي نستعجل ونحكم خلنا نشوف على الطبيعه لان الجايبه يقولون المدرب واكيد عارفه وبرضوه تفاريس الجابه المدرب اعتقد انه ممتاز وصغير في السن ان شاء الله انه ينفعنا .... بالنسبه للاعبين العرب انا اؤيدك تماما والله عندنا لاعبين توانسه فنانين وينفعونا لكن ماقول الا انتظر .... لين يجيك الفرج |
أفاااااااااااااا يا صايدهم....وش السالفه.....تحطيم من قبل لا نشوف اللاعب ....الله يستر بس... |
الله يستر لايكون مثل تفارس وكماتشوا نفسي الهلال يجيبون أجانب زي الناس |
خلك متفائل وانشاء الله يكون عند حسن الظن ومو شرط يكون اللاعب عالمي عشان ينجح وخير مثال اجانب فريق الشباب ( مانجا) كان محترف بسدوس ومع هذا اثبت نفسه انه نموذج للاعب الاجنبي الناجح كذلك زميله ( اترام) جاءوا للشباب بدون اي هاله اعلاميه ومع هذا اثبتوا انهم لاعبين ناجحين ايضا يكفي ان البرازيلي (روماريو) احترف بقطر بهاله اعلاميه كبيره وبالنهايه فشل بالفريق القطري وجهة نظررر |
يالله يسـتـــر !!! انشالله الرد في الملعب |
اعتقد ان نجاح لاعبي الشباب الأجانب لا يضمن لنا نجاح اللاعب البرازيلي والله ان التعاقد مع عرب افضل بكثير واضمن وممكن ان يتأقلم اسرع |
8 8 8 على فكرة شبـــاب عام 98 كان عمر اللاعب 18 او 17 سنـــة !!! على العموم خلـــونا نتفأل و نترك هالأشياء الي ماراح تفيدنا ,,, دعواتنا لفاندينهو بالتوفيق تحيـــاتي تحيات |
دامــك فـتـحــت هالموضوع اخـوي صايدهـم :( ,, ازيــدك من الشـعــر بـيــت .. صــار لي يــوميـن ابحــث عن هاللاعــب .. وللأسـف ولا شي الشــي الوحـيـد الي حصلـتـه ,, ان فـيــه لاعــب بالبرازيــل يحمل اسم مشابه لاسـم خوينا .. بس من خــلال الصــوره .. ما اعـتـقـد انـه هـو .. شوفـوه تـرا انا الشـوف الله بالخير .. http://www.action21.be/Equipe/VANDERLEI.jpg http://www.futsalplanet.com/FTP/pers...oliveira-1.jpg اسمـــه ... DE OLIVEIRA VANDERLEI واسمــه الكامــل بعــد ماشيكــت عليه .. Andre Luiz De Oliveira Vanderlei و هــذي الانـديـة الي لعـب لهـا (( صاحـب الصـور )) Santa Cruz Futebol Clube Sport Club Recife Sao Miguel Do Iguaçu UNESC Flamengo Alta Floresta لا لعب في فاسجـو .. ولا موقي ولا غيره !! فـ ما اتصــور انـه هـو لاعـبـنــا .. لاعبنـا اسمــه ... vanderlei de oliveira وهذي صــوره .. http://vb.alhilal.com/news/player11.jpg http://vb.alhilal.com/news/player10.jpg وختاماً علشان اقفـل على كــل القضيـة (( وجه محبط )) http://www.roxette.com.br/creditos/van.gif وهذا واحـد رسام ماله دخل بالكـورة .. ويحمل نفس الاسم فاندريلي دي اوليفيرا !! بالعربي .. ما نعـرف اسم لاعبـنـا !! اتمنـى النادي يعلن عن اسمـه كاملاً لان الاسـم المذكـور ابداً غير كافـي , واللقـب ايضاً جـديـد على الكـرة البرازيلية وتأكـدو قبل ما توقعــون يا إدارة النادي شكراً .. والله يوفق |
هم يجون يحسبون الهلال مستواه دمار ويقولك يبي يبدع لنه حاط في باله ان الهلال زي الحواري عندهم او اردى اقسم بالله بزران الهلال احسن من الاجانب |
االله يهديك وش دخل برشلونة بكاس ليبرتدوريس ليبرتدوريس خاصة بفرق امريكا الجنوبية |
- اللي مخوفني أكثر إني من خلال بحثي عجزت ألقى للاعب أي ذكر والله يستر لايصير سباك !! ياناس ياعالم نبي محترفين صح وإذا أنتم بتستمرون على لاعبين الحواري بالبرازيل فالأحسن إنكم تجيبون لاعبين عرب على الأقل شايفينهم وعارفينهم الله يستر بس |
ماقول الا الميدان ياحميدان واللاعب يبي عليـــــه من أول مشاركـــة له مع الفريق ، اذا عنده لمسات جيدة وتحس انه من اول مباراة يعطيك لمحه عن مستواه وبعد كذا يبدأ يتأقلم مع الوضع في النادي واللاعبين والجهاز الفني ... بعدها لكل حادث حديــــث وزي ماحكمنا على كماتشو من اول مباراة نبي نعطيه حكم اولي في اول مباراة وإن شاء الله تفائلو بالخير تجدوه |
| الوقت المعتمد في المنتدى بتوقيت جرينتش +3.
الوقت الان » 05:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd