|
بدر الحقباني وسعد الحارثي ... ( ماذا قالا لي عن انتقالهم للهلال ) ... موضوع خطير اليوم ركبت الطائرة ... وكنت متجهه الى جده ... وكان معي في نفس الطائرة عبداللطيف الغنام وبدر الحقباني وسعد الحارثي ... واثنين من لاعبي الشباب واداري المنتخب ....وحينما شاهدت لاعبي النصر دار في بالي مطالبات جماهير الهلال بشراء هذين اللاعبين ... فقلت هذي فرصتي لمعرفة وجهة نظرهما ... ذهبت في البداية الى سعد .... واترككم مع الحوار كاملاً : ابوريان : هلا كابتن سعد .. سعد : هلا حياك الله .. ابوريان : طبعاً انا يا كابتن سعد هلالي ومتعصب بعد ... بس لا يمنع ان اشيد بامكانياتك في المباريات الاخيرة ... سعد : هذا من طيب اصلك ... والحمد لله ان فيه جماهير واعية مثلك ... ابوريان : بس يا كابتن سعد ... انا باعطيك الموضوع من الاخير ... هل ممكن نشاهدك ترتدي الشعار الهلالي يوماً من الايام ..؟ سعد : طبعاً من الممكن ... بس انا الحين مرتاح في النصر ... وانا نصراوي صميم ... بس كل شيء جايز ... ابوريان : يعني لو فيه مفاوضات هلاليه جاده ... هل من الممكن نشاهدك في الهلال ..؟؟ سعد : ممكن ... احنا في زمن الاحتراف ... واذا كان العرض مناسب والادارتين موافقة فما المانع ... رغم انني نصراوي من الصغر .. ابوريان : لا اخفيك يا كابتن سعد ان اسمك اصبح مطلوب لدى الجماهير الهلاليه ... وسوف تلاقي ترحاب كبير ... سعد : الله يسلمك ... والهلال نادي كبير ... ويملك جماهير كبيرة وواعية ... واللي كاتبه ربي راح يصير ... ابوريان : يا الله نشوفك على خير وبالتوفيق يا كابتن ... سعد : مشكور يا الغالي .. بعدها اتجهت للحقباني .... ابوريان : هلا كابتن بدر ... بدر : هلا وغلا ... ابوريان : طبعاً يا كابتن بدر انا هلالي ومتعصب بعد ... بس والله العظيم اني من اشد المعجبين بك لعباً وخلقاً ... بدر : الله يعطيك العافية .... ابوريان : كابتن بدر ... هل من الممكن ان نشاهدك في الهلال ... بدر : ممكن ... ليه لا ... هذا زمن الاحتراف ... واخاف اقول لك لا ... فيزول اعجابك ... ( قالها وهو يبتسم ) ابوريان : اعجابي بك يا بدر ما له دخل بالشعار ... بس بصراحة يا بدر هناك فئة كبيرة من الهلاليين يتمنونك في الهلال ... بدر : الهلال كبير ... ويشرفني اللعب فيه .... بس مشكلتي ان امري بيد الادارة .... وكلها سنة ويصير عمري 28 ووقتها امري بيدي ... ( لاحظوا الجملة الاخيرة ) طبعاً انا حسيت انه ما يبي النصر ... ابوريان : يا الله نشوفك على خير يا كابتن ... وان شاء الله نشوفك في الهلال في اقرب فرصة ... بدر : خير ان شاء الله ويعطيك الف عافية على مشاعرك واخلاقك .... هذا يا جماعة ما دار بيني وبين اللاعبين المبدعين ( بعيداً عن التعصب ) ... وقد لمست من كلام الحقباني انه يرغب في ترك النصر ... ولكن الامر ليس في يده ... وينتظر وصوله الى 28 سنه .. بالنسبة للحارثي فيبدوا انه مرتاح مع النصر ... ولكن لا يمانع بالانتقال اذا كان العرض مناسب ... اترك الموضوع امامكم ... وارى ان اللاعبين يناسبان الهلال .. بالذات الحارثي ... الذي اتمنى ان تهتم به الادارة الهلاليه ربع اهتمامها بياسر القحطاني ... الذي ارى ان الحارثي افضل منه .. قبل الوداع : يجب ان اشيد باخلاق هذين اللاعبين وروحهما المرحة والابتسامة التي لم تفارقهما ... واشكرهما في نفس الوقت ... واعتذر منهما لنشر هذا الموضوع ... |
المباره القادمه تجدهم في الاحتياط بسبب الاداره النصراوية. هذا رايي مع كل الاحترام لجهودك بس خربت عليهم العلاقه بينهم وبين ادارتهم وخاصه ماقال الحقباني هههههههههه |
انت من جدك ؟!! ترى الهلال كل اللاعبين يحلمون يلعبون فيه !!! تصدق حتى يوسف خميس بعد اعتزاله قال انه كان يتمنى اللعب للهلال !!! وبعدين الحارثي ترى توه وعندنا الخراشي (الله يرجه بالسلامة افضل منه ) !!! وبعدين نسيت سالفة الحقباني والمنشطات ؟!!! الهلال لايريد لاعب يكون في مستوى الشبهات ؟!!! تحياتي |
اللاعبين ممتازين ماشاء الله بس الهلال فيه نجوم في مراكزهم والافضل اننا نعطي لاعبي الهلال فرصه اثبات وجودهم فهم ثمرة الهلال ولازم نقطفها ولا ندور غيرهم الهلال والمنتخب مالقو بديل للتمياط للحين |
الله يعطيك العافيه بس اعجابنا فيهم مايوصل ان نبالغ فيه |
مشكووووووووووور يازعيم .. نحترم وجهة نظرك في اللاعبين .. ورأيي في الحارثي .. فقاعة صابون طقها والحقها .. تحذير .. احذرو الحشرة الصفراء .. هلالي حياتي تابعو ردودة الاستفزازية .. اطردوووه الى حضيرتة .. والســــــــــــــــلام |
بدون تعصب ونتكلم بواقعيه الاعبين امثال الحارثي والحقباني اصحاب امكانيات رائعه اضف الى ذالك اخلاق بدر الحقباني والله يوفقهم ان شاء الله ونشوفهم في الهلال عااااااادي زمن الاحتراف |
يعطيك العافية .. والحق ينقال سعد الحارثي حاليا ً أفضل مهاجم .. بس باذن الله يعود الهجوم الهلالي .. المتمثل في الصويلح والعلي ويتفوق عليه .. بس يبي لهم مدرسة أفضل من باكيتا .. :( |
مرحبا ابو ريان اللي اعرفه ومن مصادر خاصه جدا ان الحقباني نصراوي صميم ولكنه كان يبي الهلال من زمان واخوانه هلاليين ويبونه يروح للهلال إقتباس:
والله من يوم شفت ردود هاليوزر في بعض المواضيع وانا حاس انه اصفر ما عنده سالفه وما يهون خويه اللي تحته الله يحوم تسبده هو وياه |
الله يا لدنيا...من بعد كوكبة النجوم الي كانت متكدسه بالزعيم ..الان تطلبون وتتمنون أنصاف اللاعبين يلعبون للزعيم....والله زمن يا زعيم.... |
إقتباس:
شفت كيف يا بخيت |
يعطيك العافيه اخوي هلالي وان جار الزمن |
الله يعطيك العافيه |
اللاعبين ممتازين ماشاء الله بس الهلال فيه نجوم في مراكزهم والافضل اننا نعطي لاعبي الهلال فرصه اثبات وجودهم فهم ثمرة الهلال ولازم نقطفها ولا ندور غيرهم |
إقتباس:
صحيح وعندنا أفضل من هالاثنين بس على قولة المثل وطبعا ليس كتشبيه ولكن وصف للحالة عنز البيت تحب التيس الغريب |
| الوقت المعتمد في المنتدى بتوقيت جرينتش +3.
الوقت الان » 11:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd