|
بـاكـيـتـا ... إفـحــز لي شـوي مرحباً شباب .. الـيــوم ودي اتـكـلـم عـن الجـانـب التكتـيـكـي للفريق يمكــن يدخــل صـديـقـي باكـيـتــا ويقـراه وياخـذنــي مساعـد بدال الشيبان الي معـه :smilewink المهــم .. النقطــة الأولـى الجـهـة اليســرى الهـلالـيـة في ظل وجـود الظهير الأيسر والوسط الأيسر المتمكنين بالفريق " سعد والشلهوب , مضواح والجري " الا ان الـفـريــق يعـانـي منـهـا بشكـل ملمـوس .. بنظــري المشـكـلـة بإن الوسط الأيسر والظهير الايسر .. اصحاب نزعات هجومـيـة .. فـ هذا يترك فـراغ وثغـره كبيرة بالجهة اليسار ويمكـن نشـوف مـع كـل هجمه للخصـم .. كيف الجري " جاي يركض :D " وهالشي اولاً يستنفذ طاقة اللاعب .. وثانياً ممكـن يتسبب باخطاء خطيرة على المدافع نتيجة طبيعيه للاندفاع الي كان عليه والحل المعـقـول لغياب الظهير الأيسر الخارق مثل كارلوس وجود لاعب مثل عـبـدالعـزيـز الـخـثـــران في منطقـة الوسط الأيسر .. بـحـيـث يعطـي المجـال للظهير بالتقدم على راحتـه ويقوم هو بالدور الدفاعي وبالأدق مثـل ماكان عليه عبدالعزيز عام 2002 مع المنتخب .. كـان يلعب في مركزه الأصلي الوسط الأيسر .. ومقدم افضل مستوياته حتى لو افترضنا ان الخصم ضعيف .. ممكن يقدم جانب هجومي لأن سابقاً كــانـت منطقـة الوسط الأيسر لاصحاب النزعات الهجوميـة الشلهوب وسـعـد وكـان في تــوازن معـقــول .. لان في وقـتـهـا الظهير الأيسر كــان أقــرب للدفاع .. سواء المطيري او المفرج لذلك كـنـا نحـتـاج وسط أيسر متقدم .. ويساند الهجوم لكــن الآن الهـلال عـنـده الجـري ومضواح والاثنين خطيريين اذا اعطيناهم فرصه للتقدم لكــن المشكـلـة .. بوجود وسط ايسر مهاجم ايضاً سعد وتفاريس بـتـكـون الجهـة اليسرى لدفاع الهلال .. ثغـره كبيره ,, فــ وجــود الخـثـران .. أو حـتـى شخص بـمواصفات الخثران , المهــم يكــون قــادر عـلى تـغـطـيـة جهـة الظهـيـر ويحمل بعض مواصفات الظهير ** كـثـيـر بيخالفنـي الرأي .. ويـقـول التغطيـة مهمـة المحـور القريب للظهير وانا ايضاً كانت هذي وجهـة نظـري .. الى وقـت قريب لكــن لو استعـرضـنـا مواصفات المحـور بكـل أنديـة العـالم أهـمـهـا يكــون اللاعــب ثـقـيــل او ركـيــز .. وهالصفـه عـكـس خـفـة الحـركـه ولاعب الخـصـم اذا انطلق من الجهـة اليسرى لـنـا ,, يحـتـاج لاعــب سـريـع ومـتـحـرك حـتـى يوقفـه او حتـى يضايقه لحين عـودة الظهير وهالشي جداً صـعـب عـلى المحــور .. واغلب الاسمـاء بالمحور الهلالي صعبه عليها هالمهمه مجـرشـي .. الـبـرقــان .. الـغـامـدي .. وغيرهم وايضاً بحـل مشكلة التغطيه مع تقدم الظهير .. راح تريح المحور والي وقتها بيدعم الهجمه او بيدعم الدفاع , وينسى الظهير النقطــة الثانـيـة متوسطي الدفاع الـهـلالـــي دائماً الجمهـور يطالب بالهليل وتفاريس معاً .. او المطيري والشريدة معاً " سابقاً لا احد يدخل بالشاشه :D " متوسطي الدفاع ما يختلفون عن الظهيرين .. فـ المتوسط الأيمن له من يجيد اللعب فيه .. والمتوسط الأيسر له لاعبيه الهليل الخثعمي تفاريس خليل .. لاعبين متوسط دفاع أيمن والشريدة والمفرج والمطيري .. لاعبين متوسط دفاع أيسر فـ الجمهور يتصور ان الإدارة حلت مشكلة متوسطي الدفاع .. لكـنها حلت الجهة اليمنى فقط " الهليل " .. واليسرى بالطريق " لو تمت صفقة المرشدي " وايضاً لو افترضنا ان الهليل عنده امكانية يلعب بالمتوسط الأيسر صعب يكون بجانب تفاريس .. لان الاثنين اصحاب نزعات هجوميـة وممكن في أي لحظة يتقدم الاثنين بوقت واحد.. بـعـديـن نلغي عقودتهم :D والكلام ينطبق على كـل الصفات الي يحملها المدافع غير النزعه الهجومية دائماً ما يحـاول المدربين تجنب وجودهـا بالمدافع الآخــر .. اكـتـفـى في هالمشكلتين .. واحتفظ بالبقيه لوقت آخـر " المحاور والوسط والهجوم " وافضل تشكيل وتكتيك علشان اضـغـط على باكيتا ويوقـع معـي .. ويعرف الباقي :D وما سبق وجهـة نظـر تحتمل الصواب والخطأ .. سـلام |
اخوي يزيد .. انا اتفق معاك في كل الكلام اللي قلته .. وخصوصا انه الخثران اصلا هذي ميزه من مميزاته . تحياتي |
اخوووي انت تناسيت نقطة مهمة جدا اذا كان الظهير والوسط المكمل له ممتازين ومؤدين شغل هجومي سيجبرون الوسط والظهير في الفريق الثاني على التراجع بل راح تنتهي خطورتهم كما كان يحدث سابقا بين حسين عبد الغني والدوخي >>>>>> ياما جنن حسين جنان بالنسبة لاشراك الخثران المشكلة عزيزي ان لا الشلهوب ولا سعد الدوسري يشاركون كوسط ايسر يشارك اللاعب البرازيلي واغسل يدك لو استمر في هذا المركز يكون احتياطي او يتم استبداله الحل بتقوية المحاور عندما كانت محاورنا خميس العويران وفيصل ابو اثنين لم نكن نحس ان تقدم الدوخي المبالغ فيه تلك الايام يشكل خطر على الفريق ....... اصلا اذا كان الوسط الهلالي بحالته الطبيعية من المستحيل ان يتجرأ اي فريق كان ويهاجم الهلال ........ كانت الفرق بشتى انواعها ان فازت فهي تستفيد من انخفاض مستوى الوسط الهلالي وفوق هذا بالهجمات المرتدة اذا تواجد الغنام والبرقان وتم الانسجام بينهما وفهما دوريهما جيدا اعتقد اغلب مشاكل الفريق راح تنحل يتبقى فقط انتظار عودة نواف التمياط والتعاقد مع وسط ايمن سعودي او اجنبي يعني من غير المعقول انك تشرك محورين وتطلب من الوسط الايسر انه يغطيهم اجل المحورين وش وظيفتهم خاصة ان الهلال لا يعتمد على المراقبة الفردية نهائيا محورين وفي النهاية لا دور لهما !!!!!!!!!!! بالنسبة لقلوب الدفاع ارى ان الجهة اليمنى ممتازة جدا اما اليسرى فللاسف لم يعد هناك من هو صالح للاستعمال كرويا مع احترامي لعبد الله الشريدة الا ان مستواه في اخر مباراة كان منخفض جدا ووضح عليه عامل السن وضعف اللياقة حتى ان تفاريس اضطر ان يغطي مركزين مركز اثنين ومركز ثلاثة وارجع لهجمات الفريق الانصاري تشاهد اغلبها من جهة اليسار عن طريق هاي وي الشريدة -مجرشي ولو ان الاختراق كان يتم من الطرف لقلنا الجري هو المتسبب لكن الاختراق كان يتم من العمق مباشرة المشكلة ان عبد الله الشريدة بعد كل هذه السنين عندما يواجه مهاجما وجها لوجه يتراجع هو يا اخي كل ما تراجعت كل ما كسب المهاجم حلول اكثر ومساحة اكثر يجب ان تكون اكثر جرأة بالتدخل اما بقطع الكرة او عمل خطأ تكتيكي اتمنى من كل قلبي ان يكون مرشدي الجبلين هو الحل او اعطاء الفرصة لهليل- وتفاريس ونشوف ما اعتقد راح يظهر شكلهم اسوء من الشريدة - تفاريس هذا لا يعني اني متحامل على الشريدة بالعكس الشريدة لاعب ممتاز وما قصر شال الفريق لكن عامل السن له دور خاصة لما يكون المدافع بطيء من اصل مثل الشريدة |
توتي الهلالي ,, شاكراً لك مرورك الجميل :) spanish eyes كلامك على العين والراس ولا يختلف عليه اثنين ,, بالنسبة لـ إقتباس:
إقتباس:
الهـلال ابداً ما يحتاج محورين مدافعين " مجرشي , برقان , الغامدي , الغنام , عزيز " كلهـم اصحــاب نـزعـات دفاعـيـة .. وفي هـذي الحالة كـلامك صحيح وانـا قـلــت إقتباس:
لكــن با افتـراض وجـود الغـنـام وحـيـد كـ محــور او وجود الـغـنـام كـمحـور مدافـع .. وبجانـبـه محــور آخــر .. يكــون عنده نزعـه هجوميـة بحيـث يتقدم كـ صانع لعب مع الهجمه وقتها بيكــون عـنـدك محـور واحـد يغطـي منطقته ومنطقـة زميله المحـور المتقدم وتغطية الظهير تكــون مهمة الخثــران او لاعب الوسط الايسر او الايمــن فــ لا تـرســم الصــورة بظــل الخطــة الحاليـة او التكتيك الحالي الي يلعب عليه السيد باكيـتـا وبعدين الله يهديك خليتني اكشف بعض أسـرار الخطـه وبيسرقها باكتيا :D ألف شكــر عـلى مرورك عزيزي |
مساء الوررررررررررد حي الله صديقي :smilewink مقال رائع وتشخيص أروع :) أسمح لي ببعض الشخيبطات :rolleyes: بالنسبة للظهير الأيسر فالواضح أن الجري مُتحمس لدرجة الجنون :) فهو يهاجم بضراوة وبروح قتالية رائعة :) ولياقته ممتازة وتساعده كثيراً على العودة للخلف بأسرع وقت :) عموماً بالنسبة للمحاور أرى أن الغنام والبرقان بإمكانهما ملأ المركز بإقتدار وتغطية الأظهرة :) وهذا بالنظر لإمكاناتهما . بالنسبة للمدافعين فتفاريس حقيقة أرى أن مستواه جيد وفي تصاعد ، فأتمنى أن يمنح فرصة أخرى . تحياتي :) |
مـرحبا اخوي يزيد .. :) بـالـفـعـل الهـلال يـحـتـاج لـخـط دفــاع أيـسـر مــع الشـريدة لـكـن في تـصـوري أن الهلال يـحـتـاج لاعب في موقع أكثر أهمية من هذه المنطقة والمطلوب لاعب صانع اللعب ..! وأنـا مـعـك فـي نـقـطـة الخـثـران .. بـحـيـث فـي حالة الهجوم يكون الخثران راجـع لـمـنـطقـة الخلف .. تحياتي لك ،، |
كلام جميل ..... ونظرة فنية ثاقبة .... يعطيك الف عافية .... |
سراب الدمع بانتظارك معذبهم انا اتكلم عن جلب لاعب محلي " المرشدي " للسنتر الأيسر انما خانة صانع اللعب أكيد مهمه جداً للهلال .. لكن لا يوجد لاعب سعودي ممكن يشغلها مثل التمياط ونور والحل بسدها فـ لاعـب اجنـبــي كـبـيـر ... وهــذا هو الصعب فــ اخـتـصــرت المشــوار بالمدافـع الأيســر :smilewink مشكور على التواجد هلالي وان جار الزمن مرورك الجميل يابعدي ,, ويشـرفـنـي رد مشـجـع يحـتـرق لفريقـه على المـدرج مثلك يالغالي واصــل والله مـعــــك |
أخوي يزيد بالنسبة لوسط أيسر مدافع أشوفها صعبة شوي لأني أعتقد أنها من مهمات لاعب المحور :pلأنك لووضعت لاعب وسط وفي الجهة اليسرى بيسير في أزدواجية في اللعب وراح يفقد الوسط توازنه أما مدافعي الهلال والله أن جيت للحق لايوجد مدافع يخليك تثق بخط الدفاع والله مهي بعيدة نشوفك مدرب للهلال |
الهلال منجم الذهب كتـبـت بالموضوع انا إقتباس:
صـح انــه المحـور من الافـضـل يغطـي الظهير لكــن الكــلام اذا كــان عـنـدك محــور بمواصفات ماكليلي الفرنسي مثلاً لاعـب مثله ممكــن يغطي لك الظهيرين مو ظهير واحــد بس ,, وشـف لما طـلع من الريال .. ضاع لأنـه كـان يعتمد عـلى المحـور يغطـي كارلوس بالذات والآن جــربوا هيلقيرا .. لكــن لانه ثقيل ما قدر يغطي لا كارلوس ولا سلقادو ما ودي اقـلـب الموضوع عن الريــال ... بس حالهـم قريب شوي لحالنا فـ اشــوف وجــود وسـط يغطـي أفضــل , وبـعـديــن مو شـرط وسط يـغـطـي .. تـعـنـي انـه ما يهـاجــم في ظـل تراجع الخصم إقتباس:
مشكور على مرورك |
هلاااااا اخوي يزيد ,,,,, نظرة عميقة جداً ويبدو ان حال الفريق دفع كل مشجع الى رسم خطط وتكتيك s79s عموماً من رأيي في الفريق الهلالي لااابد من محور متمكن او احياناً محورين عبدالله سليمان لم ينجح في الهلال كثيراً واول سبب انه مساك والهلال لا يعتمد كثيراً على المراقبة الفردية عند مواجهة فريق قوي كفريق اسيوي او افريقي سنحتاج محورين فالخصم لن يلجأ الى الدفاع دائماً اما فريق داخلي غالبا سيكون محور يغطي تقدم احد الظهيرين على اعتبار انه من النادر تقدمهما معاً بالعربي خطة الهلال دوماً تعتمد على محور وصانع لعب ليس في اي فريق ,,, بالاضافة الى الرووووح الهلالية وهي الترتيب الثالث بعد النقطتين السابقتين ,, شكراً يزيد و على الله يقرا باكيتا ويكرب صواميل الوسط >> وينك يا سعود عبدالعزيز تترجم برازيلي :gathering سلااام |
8 8 8 ايه لاترد عليه بعدي والله الصراحة نادر تلقى احد يكتبي شي ينفع الهلال (لاني الصراااااحة سلافتنا وقع ولا ماوقع ولا يبي يوقع قبل شوي ولا موقع بعد شوي) حتى مايعرفون ولا يكتبون الصراحة لكن الله يعطيك 1000 عافية وجزاك الله خير |
يزيد ...من قال لك إن مضواح لاعب مهاري وفنان ...لدرجة إنك قارنته بالجري... بصراحة ومن خلال مشاركته في مباراة الأهلي لنصف ساعة ...لم يظهر منه أي شيء يجعلك تتفاءل بأن الفريق كسب محور مهاري وفنـــــــــــــــــــــــــــــــــــــــــــــــان ...لا تغركم الاسماء وتطبيل بعذ الأعضاء لها ...نريد فـــــــــــــــــــــــــــــــــــــــعل (داخل المستطيل الأخضر) |
شفتوا ان لدينا مشكلة بالدفاع الايسر وينك با بندر المطيري كان حلنا مشكلة المتوسط الايسر المدافعين الي عندنا كلهم يلعبون يمين الهليل +تفاريس+الخثمي لكن اليسار لايوجد غير المرشدي اذا لعب + بندر المطيري مطلب ضروري بقلب الدفاع الايسر |
| الوقت المعتمد في المنتدى بتوقيت جرينتش +3.
الوقت الان » 03:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd