|
وشلون انسرق جوالي اقرو علشان ما تطيحون في نفس الغلطه وذا سبق وانسرق جوالك قلنا وشلون السلام عليكم ورحمه الله وبركاته في البدايه فكرت في هذا الموضوع علشان اخلي الناس تفهم اغلاط غيرها والي راح ضحيتها جوال وانا صراحه جتني الفكر بعد ما شفت واحد من الاعضاء كاتب ان في واحد سرق جواله الزعيم وقام يدعي عليه المهم انا ابكتب قصتي وشلون انسرق جوال وابي اي واحد انسرق جواله يكتب وشلون انسرق علشان ناخذ العبر ونتفادنا اغلاطنا قصه سرقه جوالي المملكه في البدايه كنت ابي جوال وكانو اهلي معارضين وحاولت فيهم الين ما وافقو وعاد كان اول جوال شريته كان جوال المملكه وكان وقتها احسن جوال مب مثل الحين تذكرون عاد انتم الي معه وقتها المملكه ما كان ينزله من يده وشريته 1700 ريال ولد (عز تلاحظون ) المهم وقعد معي يمكن شهرين وبعدها كان فيه مباراة في ملعب واحد من الشباب ضد ناس ما نعرفهم المهم وبدينا المباراة بعد صلاة العشاء وحنا نلعب دخل اربعه تكارنه دخلوالملعب طبعا الملعب كان مسور بس الباب كان مفتوح والمهم يوم دخلو شافو المباراة شوي و قعدو لهم عشر دقايق وهم يناظرونها وبعدين طلعو وكانو واقفين وانا كنت حاط جوالي مع جوالات الشباب الي هم اخوياي على زوليه (فرشه) نقعد فيها حنا يعني دكه احتياط فريقنا بس وقتها ما كان فيه احتياط وكانت الزوليه بعيده عن الفريق الثاني وعلى بعد مترين او ثلاثه من التكارنه وبعدين يوم خلصت المباراة وقمت ابشوف جوالي ولا لقيته واقول يا شباب الجوال وادوره يمين يسار وما لقيته وقمت ادور في الملعب وانا تعبان من بعد المبارة بس مثل نا تعرفون جوال هذا مطلعه بدم قلبي والمهم ما لقيته ودق عليه مسكر وبعد نص ساعه ادق مسوي امل انه بيرن والغريبه ان جولات الشباب (الي هم اخوياي في مكانها ما انلمست) والمهم رجعت البيت وانا ضايق صدري ويوم اذن الفجر جت الوالده تقومني للصلاه الله يجزاها خير قولو امين وقلتلها وقامت تسئل وشلون وكيف والوالد درى الصبح المهم قامو ينكتون علي بس الحمدد لله على كل حال بس يا شباب نصيحه اتنبهو لجولاتكم ولا تطنزون وتضحكون عليه على احد لاني انا قمت اطنز على واحد انسرقت منه اربع جوالت وبعدها انسرق جوالي وبعدها باسبوعين شريتلي جوال مستعمل من فلوسي واهلي عيو يعطوني اريال (بس تصرف حكيم منهم) **************************************************** بس يا شباب اتمنى من اي واحد انسرق جواله يقولنا وشلون انسرق وانا انشاء الله راح اجيبلكم قصص عن جولات انسرقت من الشباب بس اذا شفت في تفاعل مع الوضوع و ردود |
انا جوالي ماانسرقت بس نسيته في بنده, على الارففه لما كنت اشيك البضاعه ورجعت بعد نص ساعه وماحصلته طبعا الجوال مااخذ معي اسبوع وشاريه 3500 ريال (i-mate) ولما انسرق رجعت للعصفور |
إقتباس:
8 ما شاء الله كل ذي قصة :razz: إقتباس:
إقتباس:
( قلعتك) إقتباس:
|
تعيش وتاكل غيرها :D بالنسبة لي سبق وانسرق مني جوالين , الجوال الأول ما كان جوالي لكن كان حق الوالده الله يحفظها لنا ,, كنت في ثاني ثانوي وتوني ما طلعت جوال وكنت رايحه للسوق مع بنات خالاتي وماخذته معي ,:D المهم كان وقت الصلاة ودخلنا المصلى نبي نصلي ورحت لأخر صف وحطيت شنطتي من كثر حرصي وراي مستنده على الجدار على بالي ما راح احد يمر لأن مافيه طريق :D وكبرت وصليت , إلا احس إن فيه احد مر من واري وانا ساجده , يوم سلمت وادور الشنطه ما لقيتها :( انسرقت كلها بالجوال وبطاقة صراف الوالده وكل حاجه فيها :D بعدها خلاص كل ما جيت ابي اصلي في سوق أدخل الشنطة داخل عبايتي ولا اخلي احد اعرفه يمسكها,, المرة الثانية : جوالي العام الماضي وكان توه جديد لكن مدري هو ضاع ولا انسرق ولا طاح مني :( رجعت من الجامعه دورته في شنطتي ما لقيته ؟:D طبعا رجعت وقتها على جوالي الحبيب القديم لأن مالي وجه اقول لأهلي يجيبون لي جديد :D # ووحده نعرفها ساكنه في جده كانت في السيارة مع زوجها وواقفين عند الإشارة وكانت تكلم بجوالها والشباك مفتوح .. مادرت إلا الجوال مخطوف من يدها :D <<< عيني عينك # وفيه سالفة ثانية صارت لوحده نعرفها في هاذي العطلة يوم سافروا لأبها ,, عاد هاذي الإنسانه يا كثر ما تضيع جوالاتها وتنسرق ,, المهم كانوا يتمشون في المنتزه وجوالها في يدها وما حست إلا بواحد قاعد يسحب جوالها من يدها وتشد هي وهو يشد ,, تقول إن الولد شكله توه صغير عمره 15 سنة أو 16 أو 17 والحرمة هاذي اكبر عيالها بنت عمرها 15 سنه,, المهم إن كل واحد يشد وكل ما جت تهون خلاص وبتخلي الجوال تذكرت جوالاتها إلي انسرقت وأصرت إنها تمسك جوالها :D بعدها الولد مل وراح ,, لكن بصراحه لهالدرجة وصلت الجرأة إنهم يسرقون الجوالات من يد الشخص ؟!! |
انا وقفت اصلي وخليته في السياره وكسروا قزاز السياره الحراميه ((المشكله مو سيارتي سيارة خويي )) وسرقوه لا حول ولا قوة الا بالله بس هذا الكلام قبل سنتين المره الوحيده اللي انسرق فيها جوالي .... :embarrass :embarrass |
كانت لنا طلعه مع الزملاء يعني عزومه ( دوريه ) رجعت متأخر للبيت وانا راجع دقت المدام وقالت نبي علاج البنت فيها حراره المهم وانا طاير ومن صيدللية لصيدليه كلهن مقفلات ومن حي لحي ثم شفت صيدليه بس مافيها لوحه مكتوب صيدلية وانا اوقف بسرعه وانزل من السيارة والباب مفتوح والسيارة شغالة وادخل لهالصيدليلة الي مادري هي صديليه والا بقاله المهم انها صارت صيدليه ويوم انها صارت صيدليه اكيد نسيت السياره بالي فيها ويوم رجعت للسياره وبدون شعور مديت ايدي اباخذ الجوال من مكانه واتاريه مافيه شي واتلمس مخباتي اليمين اليسار برضه مافيه شي قلت يمكن ناسيه عند الصيدليه وقال ماشفت شي المهم حسيت انه انسرق لكن وبعد مارجعت للبيت دقيت عليه واتاريه مقفل وتاكدت انه انسرق لكن استاهل انه ينسرق جوالي والحمدلله انها جت بالجوال مو بالسياره والحمدلله على كل حال |
انا ماانسرق جوالي للحين :D |
السلام عليكم ,, انا انسرق جوالي قبل اربع سنوات اول مانزل الرهيب 2000 للسوق كان بوقته من يحصله بـ1300 ريال مشتريه :mad: باقي على الأجازة الصيفية شهر جت الأجازة كالعادة رحت اتمشى مع الأهل بسوريا وانا افكر اشيل جوالي وهو جديد او اخليه بالبيت اذا اخذته يمكن ينسرق من هالشوام المهم جزمت وخليته بالبيت من زود الحرص!!!!! وسافرنا ولمدة شهر وجانا بلاغ ان بيتنا انسرق :eek: ورجعنا للسعودية وفتشنا البيت والحمد لله ماحصلنا شي انسرق كل شي موجود !!! ارتحنا ؟؟؟ لكن انا ماأرتحت رحت اببدل جوالي بالجوال الرهيب الجديد ادور يوم يومين خلاص مافيه فايده الجواااااااااال راح عليك يابو مها ولا تهنيت فيه الا شهر :sigh: وبالأخير العام الماضي وجدت جوالي الرهيب مع احد الشباب :eek: ماأدري هو سارقه او مشتريه من أحد سارقه لأني لي بصمة خاصة على جوالي اعرفه زين!!!!! |
<TABLE BORDER=1 WIDTH=100%;background-color:transparent;background-image:url(backgrounds Background="http://vb.alhilal.com/news/paarwe.jpg "><TR><TD ALIGN=CENTER><h1><font size="4" face="Arial" color="blue">[ALIGN=LEFT]http://vb.alhilal.com/news/princekalfee.jpg[/ALIGN] مال الحلال ما يضيع :bigrazz: الحمد لله ما عمره انسرق جوالي :embarrass <<< يربطه بحزام الأمان :sleep: بس اذكر السنه الماضيه انسرق جوال اخوي في مباراة الهلال ضد الجيش السوري في الملعب بعد هدف الصويلح الشهير وتأهل الهلال للتصفيات نقز اخوي من الفرحه وكانت هي النقزه :bigrazz: وعلى طول ابو الشباب اللي سرق الجوال طفى الجوال :mad: بس اللي هون علينا ان الهلال فاز :sleep: <br><br><br><font size="3" face="simplified arabic" color="#fef1bc"></marquee></TD></TR></TABLE></center> |
السلام عليكم :) الله يعطيكم العافية جميعاً ،،، طبعا هذه ثاني مره أشارك معكم هنا في المجلس العام...لانكم تعرفون [ إحنا ] الاوروبيين نتسدح في منتدى الرياضة العالمية :smilewink ،، المهم أعجبني الموضوع صراحة وقلت أخلع ثوب العالمية ( أستح على وجهك الدعوى وصلت للخلع :smilewink ) وأشارك معكم هنـــــــــــــــا : أنا ما أنسرق جوالي ( طيب ليش تشارك أجل :D ) ،، بس أذكر انه في مباراة الهلال والرياض تحت 23 سنة في أول موسم طبقوا هذا النظام وكنا في استاذ الملك فهد والجمهووور كان قليل وكان جوالي رهيب 2000 وأنوار زينون ووجه فضي وحركات عجيبة...المهم انا أذكر انه كان في في جيبي وكان في الكرسي اللي فوقنا 3 أشخاص مدري هم سعوديين أو أجانب بس الوكاد انه لابسين ثياب ... وكنا فرحانين بان الهلال متقدم إلى آخر الدقائق يوم سجل الحيائي هدف التعادل للرياض :cursing: ... وبعد كذا ويوم انتهت المباراة وأدوووور الجوال مالقيته!!! والتفت على اللي وراي على نياتي بسألهم ولالقيت أحد ابداً أختفووووا بشكل سريع,,, بعدها عرفت ان الجوال أنسرق .... وادووور والملعب مثل ماقلت فاضي والجمهور الحاضر قليل وأدق من جوال ولد خالتي إلا يرد واحد علي!!! ثم قفل الجوال،، والغريب انه وحنا ندوّر لقينا جوال رهيب 2000 وفيه الشريحة وراعيه طلع من الملعب وتركه!!! بس يختلف عن جوالي طبعاً ،،، طبعاً غلى يومكم هذا وانا مدري هل هو انسرق..؟؟ او طاح مني وأخذه اللي وراي..؟؟ المهم في كلا الحالتين فقدت الجوال.... وآسف على الاطالة والف شكر للجميع،، أخوكم......همــــــــاش |
مساء الخير لاحلى اعضاء قصتي مع الجوال كنت طالع الساعه 3قبل العصر للسوبر ماركت نزلت من السياره والجوال باليد اليسرى بالضبط اشتريت بعض الاغراض ولما انتهيت وجاء وقت الحساب طلعت المحفظه بااليد اليمنى والجوال كان باليد اليسرى من زود الثقه التامه وضعت الجوال على الطاوله وحاسبت العامل وطلعت وانا كنت مستعجل . طبعا السوبر كانت قريبه من البيت ولما وصلت وكنت بالسياره ادور على الجوال ماحصلته قلت اكيد بالسوبر رجعت خلال دقيقتين ممكن اقل ولما سئلت العامل طبعا يمني قال (( انا ماشفت اي حاقه قلت انا متأكد قال لاوالله ممكن زبون جاء واخذ الجوال )) طلعت للبيت ولما دقيت لقيته مقفل آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه الجوال الفيصليه وماراح عليه الا اسبوع وانا شاريه لكن الشكوى لله...................... |
انا مالها داعي اقول كيف انسرق جوالي :D انسرق مني مرتين الاولي نسيته بالسياره .. ولقيت القزاز مكسور والجوال موب فيه:( المره الثانيه كنت عزوبي بالبيت واهلي مسافرين .. يعني البيت مافيه الا انا لحالي وحزتها كنت نايم بالمجلس >> ماوده يروح غرفته صحيت من النوم لقيت جوالي موب فيه :bigeek: يعني انسرق وانا نايم والغريب .. ان مانسرق شي غير الجوال محفظتي فيها تقريبا 1000 ريال ولا سرقها هذا شكله حرامي متربي :laugh: وسلامتكم >> لاتعبت :) |
السلام عليكم :::: هذا واحد يقربلي حط جواله في جيب باب السيارة وكلن نازل من السيارة يصلي وفيه حرامية شافوه وهو يحط جوالة في الجيب يوم رجع من المسجد ما لقى الجوال |
السلام عليكم ورحمه الله وبركاته اشكر الجميع على التفاعل مع الموضوع وراح ارد على كل واحد انشاء الله وراح اجيب قصص سرقات للجوال بس انت اصبروا علي |
مرّه كنت بفندق..انا وأثنين من عيــال عمّي..!! رحنا لــ شامي :) نجيب غدى.. رجعنا للفندق..ياولد!! منّا ومنّا..مالقينا شي:(.. كان النورس على عـــزّه..:( |
| الوقت المعتمد في المنتدى بتوقيت جرينتش +3.
الوقت الان » 02:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd