الحين نقدر ننام ** اخيراً وقع الغنام - نادي الهلال السعودي - شبكة الزعيم

الهلالي- ابوسارة · #1 21/09/2004, 01:18 AM

السلام عليكم ورحمة الله..

ألف مبرووك توقيع المحور الشاب عبداللطيف الغنام وانضماامه للكتيبه الزرقااء..

وعقبال انشاء الله الصفقات الثلاث الباقيه التي سوف تحسم باذن الله خلال العشرة ايام القادمه ..

أولاً.. نشكر شبكتنا الغاليه على متابعة الخبر وتوقيع اللاعب وانقااذنا من موال الصحف والتلفيقاات

اللي بدت من ايام الصدااقه حتى الساعات القليله المااضيه..

واخيرا عبداللطيف هلالي وعقبال بقية العقد والشكر كل الشكر لعظو الشرف المثالي اللي اهدانا هالصفقه..

يا جماعة الخير.. والله ان الهلال مستهدف من اعلامنا المريض..

وكل حبه يخلونهاا قبه لأن الهلال طرف فيهاا ..

ومازال مسلسل الاهانات بحق الزعيم مستمر من قبل بعض الصحف الغبيه..

طالبوا الهلال بالتخلص من العوااجيز وصوروا ان الهلال قصة مجد انتهت..

ولما لعب الهلال بشبابه اخذوا يتهكموون عليهم ولا قالوا انهم شباب تنقصهم الخبره..

وطالبوا الهلال بالصفقات اللي تسد النقص ( ليس حباً في الهلال ولكن لتوظيح ان الهلال منتهي حالياً)

ولما فاوض الهلال الغنام خرجت صحافة السذاجه لتتهكم بالصفقه الناجحه وقال احدهم ان الغنام

لا يستحق ولا حتى 200 الف ( لأنه اتجه للهلال فقط)..

ياجماعة الخير هلال الموسم المااظي ناافس على ثلاث بطولات وهو يشتكي بعض النوااقص..

وكلنا نذكر تشكيله اديموس بغض النظر عن تكتيكه .. لكن كانت تشكيله جيده تحتاج للتحسينات..

وأتت الادارة الجديده.. واشترت كل ما نقص الهلال في الموسم المااظي ولكن للأسف شالوا الأساس..

واتظح بعد مباراة االأهلي ان الخبرة مطللوووبه ولا يمكن الاستغنااء عنها ..

كنا الموسم الماضي نشتكي من ابداعات سيفو ومسرحيات المفرج..

ونشتكي من ظعف الجهة اليسرى.. وسرحاان عزيز والغامدي في المحور.. ومزاجية تراوري في الهجوم..

الأن كل شي تحسن ونحن في بداية الموسم..

الغنام .. مظواح .. الهليل .. البرقاان .. الصويلح.. ( حلول ممتازه لتدعيم هلال الموسم الماظي) ..

والحمدلله ان الادارة استوعبت هالشيء من بدري.. وخيرة والله مباراة الأهلي اللي فكتنا من انصاف لعيبه..

المطلوب ياادارتنا مزج هلال هذا الموسم مع هلال المواسم السابقه والنتيجه صدقووني تشكيله رهيبه

تسترجع الهيبه الهلاليه بالاظافه لما سيحسم من صفقات مستقبليه الاسبوع القادم.. باذن الله..

واستثني من بين الصحف السابقه .. جريدة الجزيره(مع تحفظي على الجاسر)

وجريدة الرياض (مع تحفظي على سياستها تجاه سامي)..

اللي ابي اقوله ان.. الهلال لديه لاعبين الآن جيدين ينبغي صقلهم مع بعض وتكوين تشكيله مثاليه هي

مزيج بين تشكيلة العام الماظي .. وما اضيف لها من تحسينات هذا الموسم واللي ماله أول ماله تالي.

مدري انتم معي ولا لا ؟؟

وتقبلوا تحياتي والرجااء لا احد يدقق على الاملاء ترى الدعوى كيبورد مو كتابة معروض(هههاي) ..

اخوكم الهلالي ابو سارة